Уключы гук і глядзі да канца!

Вясна ляціць! У Беларусь вяртаюцца птушкі.

Жыццё кіпіць: на поўдні і захадзе Беларусі на палях і балотах танцуюць шэрыя жураўлі. У небе пралятаюць чароды шэрых і белалобых гусей, гусей-гуменніц. Прыляцелі і першыя палявыя жаўрукі, і кулікі – кнігаўкі (чибисы) і залацістыя сеўкі (золотистые ржанки).

Пачалася вясновая міграцыя птушак – адна з самых цікавых з’яў прыроды. ❤️

Выбірайся на прыроду, любуйся птушкамі і слухай іх песні і гоман. Побач са звычайнымі відамі ўвесну можна ўбачыць і сапраўдныя рэдкасці. 🐦

Падзяліся гэтым відэа з сябрамі! Няхай і яны адчуюць радасць і натхненне ад вясновага гімну птушак. ☺️

А ў каментарах падзяліся, хто ўжо прыляцеў у твае мясціны.

🎥 Дзякуем за відэа Яўгену Місіюку.

❓ Адгадай, што робіць на гэтым здымку Мікалай Чэркас?

Падказка: тут ён у экспедыцыі ў Казахстане. 😉

☝🏻 Нагадаем: ужо ў сераду 28 лютага Мікалай правядзе першую дзікую лекцыю ў гэтым сезоне. Лекцыя эксклюзіўная, толькі для ўдзельнікаў “Дзікага клуба”. Яны змогуць задаць яму пытанні і даведацца з першых рук цікавосткі пра нашы нацпаркі і запаведнікі.

🌿 Мікалай – паляшук з возера Князь (Чырвонае) асоба харызматычная і з гумарам. Сапраўдны лясны жыхар, ведае лес так, як мала хто. Нарадзіўся ён на лесапасадцы, дзе працавала яго матуля, і там правёў першыя месяцы жыцця.

У сярэдзіне 1980-х гадоў далучыўся да арніталагічнага таварыства і студэнцкай дружыны аховы прыроды.

Падаў з дрэваў, тануў у балоце, вяз у зыбучых пясках – але выбраўся з усіх нягод і нясе агмень асветы! Не прапусці лекцыю, далучайся да клуба!

А адгадку да фота пішы ў каментарах. 🙂

Адказы апублікуем заўтра ў сторыз у нашым Інстаграм. 🙌🏻

📷 Фота з архіву Мікалая Чэркаса.

🐦 Гэта будзе шыкоўная лекцыя – раскажы пра яе сябрам, падзяліся гэтым відэа!

👉🏻 А падрабязнасці пра лекцыю чытай тут!

💚У гэтую нядзелю 3 сакавіка – Сусветны дзень дзікай прыроды. Як яго адзначыць і дапамагчы дзікай прыродзе?

🌿Далучайся да "Дзікага клуба" і атрымаеш эксклюзіўную інфармацыю і знойдзеш сяброў апантаных прыродай.
🌿Набывай вызначальнік дзікіх птушак Беларусі і вясновыя значкі-піны з птушкамі і кветкамі https://birdingbelarus.by/products/
🌿Удзельнічай у лекцыі Святланы Грышкевіч пра птушак у беларускай міфалогіі 5 сакавіка (глядзі замацаваны пост)

Увесь прыбытак ад клуба, лекцыі і кніг ці значкоў ідзе на захаванне дзікай прыроды!

А яшчэ ты можаш:

🌿далучыцца да чату беларускіх птушкароў @ptushkachat
🌿схадзіць на прагулку паназіраць за дзікай прыродай і птушкамі, а назіранні занесці на observation.org
🌿падзяліцца гэтым допісам, каб больш людзей даведаліся, як падтрымаць прыроду

Беражы і цані дзікую прыроду не толькі 3 сакавіка, але і ўсё жыццё. 🕊❤️

Дзякуем за фота з ваўком Таццяне Алешка🙌

💙 Добрыя навіны з Белавежскай пушчы. Тут абваднілі асушаныя балоты – ўрочышча Зубрыца і Галева балота, што ў Камянецкім раёне. А гэта значыць, што цяпер гэтыя важныя ўчасткі змогуць накопліваць ваду і жывіць ёй лясныя экасістэмы.

Забалочаныя ўчасткі знаходзяцца на тэрыторыі Сусветнай спадчыны ЮНЕСКА, да таго ж іх значная частка месціцца ў запаведнай зоне. А вакол іх знаходзяцца высокаўзроставыя лясы, найбольш багатыя экасістэмы пушчы.🌲

Агульная плошча забалочвання – 540 гектар. Супрацоўнікі нацпарку пабудавалі на каналах каля 80 глухіх земляных перамычак-плацін.

На гэтым пушчанцы спыняцца не збіраюцца: у планах – знайсці грошы, каб аднавіць гідралагічны рэжым балот Глыбокае і Дзікое.👏

Наша павага!

Дзякуем за добрыя навіны навуковаму супрацоўніку Белавежскай пушчы Антону Кузьміцкаму.

🐦 У Беларусі вясновая міграцыя птушак набірае абароты.

Ужо вярнуліся шэрыя жураўлі, гусі, кнігаўкі, жаўрукі, шпакі. Ці не рызыкуюць гэтыя птушкі замерзнуць, калі вясной удараць маразы?

❓ Чаму самцам важна заняць тэрыторыю? Якія птушкі пачынаюць гнездавы сезон самымі першымі, і хто з птушак размнажаецца ў Беларусі круглы год? У інтэрв'ю Smartpress расказвае арнітолаг Аляксандр Вінчэўскі https://smartpress.by/idea/zoo/62559

📷 На фота шэрыя жураўлі, архіў ТАА "Дзікая прырода".

👋 Вітаем усіх новенькіх падпісчыкаў нашага канала!

Мы – кампанія “Дзікая прырода”. Мы ствараем цікавыя прадукты і ўвесь прыбытак ад іх накіроўваем на ахову прыроды Беларусі.

У нас на старонцы ты знойдзеш:

🌿 цікавыя факты пра дзікую прыроду Беларусі
🌿 анонсы нашых і партнёрскіх актыўнасцяў, звязаных з дзікай прыродай: лекцыі, конкурсы, выставы
🌿 прыгожых птушак і звяроў, тэставанкі і інтэрактыў у сторыз
🌿 важныя памяткі і парады ў вечных сторыз.

👉🏻 Як жа мы ахоўваем прыроду? Чытай матэрыялы па хэштэгу #ДзікіяЭкспедыцыі

Як ты можаш дапамагчы дзікай прыродзе Беларусі?

🌱 Далучыцца да "Дзікага клуба"
🌱 Набыць наш мерч з варонай
🌱 Набыць нашы значкі-піны з птушкамі
🌱 Набыць запіс анлайн-лекцыі "Топ-10 птушак-рэкардсменаў Беларусі" з арнітолагам Віталём Кашчэевым

Сёлета ў продажы з’явяцца іншыя цікавыя прадукты! Stay wild! 😉

Падзелішся, чым цябе прывабіла нашая старонка?🥰

Барсук Ясь, натхняльнік кампаніі

У Беларусі ўжо прачнуліся першыя суслікі! 😊

📆 Сёлета гэта здарылася 27 лютага – амаль на месяц раней, чым у мінулым годзе! Можа, беларусам трэба ўвесці свой Дзень сусліка накшталт Дня сурка? Паглядзім, наколькі дакладны прагноз надвор’я на вясну выдалі суслікі. 😁 Назіраннем падзяліўся Сяргей Шакала на сваёй старонцы ў Facebook.

Рабы суслік уключаны ў Чырвоную кнігу Беларусі. Апошнія калоніі суслікаў ахоўваюцца дзяржавай, зацікаўленымі арганізацыямі і мясцовымі энтузіястамі.

📷 Фота Дзмітрыя Іванова.

Калі ты таксама хочаш дзяліцца з намі сваімі фотаздымкамі птушак і звяроў або проста любіш разглядаць прыгожыя фота з імі, далучайся да чату @ptushkafota

Сезон вясновага палявання на вадаплаўных птушак адкрыецца ўжо ў гэтую суботу.

Сёлета паляванне дазволена з 9 сакавіка па 12 траўня.

Ёсць віды, паляванне на якія дазволена, але страляць іх не варта.

🐦 Качка-чырка (чирок-трескунок) – колькасць гэтага віду ў свеце імкліва скарачаецца. Адстрэл самцоў вясной толькі паскарае гэты працэс.

🐦 Шэрая гусь – была ўключана ў Чырвоную кнігу Беларусі ў 2004-2005 гадах. Яе колькасць у краіне была ўсяго 250 пар. Папуляцыі трэба даць час для аднаўлення.

🐦 Белалобая гусь – колькасць гэтага віду расце, але ёсць вялікая рызыка пераблытаць яго з глабальна ўразлівай гуссю-піскулькай, паляванне на якую ў нас забаронена. На жаль, амаль кожны год вясной гэты “чырванакніжны” від трапляе тут пад стрэлы.

🐦 Вясновае паляванне дазволена і на шызых галубоў. Аднак лепш не страляць увесну па іх, бо шызага голуба лёгка пераблытаць з голубам-клінтухам, які знаходзіцца ў Беларусі пад аховай.

Калі ласка, падзяліся гэтым допісам са знаёмымі паляўнічымі! 🙏

📷 На фота белалобая гусь, аўтар Сяргей Аднавал.

❓ А ты ведаў_ла, што самкі драпежных птушак і соў часцей за ўсё буйнейшыя за самцоў?

На фота пара шулякоў-галубятнікаў (ястреб-тетеревятник). У гэтых птушак самкі могуць важыць да 45% больш за самцоў.

🌺🐦 Віншуем з 8 сакавіка тых, хто святкуе! І няважна, хто ў вашай пары буйнейшы памерам, галоўнае, каб у ёй былі мір і згода!

📷 Фота з сайта o-prirode ru.

#дзікіфакт

Дапамажы даведацца болей аб шэрай вароне!

🐦 Шэрая варона – птушка 2024 года. Птушка ўсім знаёмая, але ці шмат мы пра яе ведаем?

Сёлета мы запланавалі шмат актыўнасцяў, якія дапамогуць многім людзям даведацца пра варону болей і паглядзець на гэтую цікавую разумную птушку па-новаму.

👉🏻 Чытай пра ўсе актыўнасці і выбірай найбольш цікавыя для сябе па спасылцы https://birdingbelarus.by/dikij-blog/znakomaya-neznakomka-pomogite-uznat-bolshe-o-pticze-goda-seroj-vorone

Усе анонсы варушнякоў будзем публікаваць у нашых сацсетках. Заставайся на сувязі! 🙌🏻

А цікавыя факты пра шэрую варону ты ўжо можаш пачытаць па хэштэгу #птушка2024года

📷 Фота Віталя Некрашэвіча, @ptushkafota.

Толькі паглядзі, якая мілата! 😍

Гэта мыш-малютка – адзін з самых дробных грызуноў у свеце. Яна сустракаецца па ўсёй Беларусі, але яе мала хто бачыў.

🐭 Мыш-малютка віе гнёзды, як птушка, спрытна караскаецца па тоненькіх травінках, нібы акрабатка, і нават атрымлівае падарункі ад чэмпіёнаў Уімбэлдана.

👉🏻 Аб мышах-малютках у рамках нашага са @smartpress праекта “Дзікая прырода Беларусі” расказвае Яўген Машкоў, навуковы супрацоўнік цэнтра па біярэсурсах НАН Беларусі https://smartpress.by/idea/zoo/62659

📷 Дзякуем за фота Іне Шкурко.

😍 У Беларусь вяртаюцца белыя буслы!

Ужо ў пачатку сакавіка першыя птушкі былі адзначаны ў Гродзенскім, Шчучынскім, Слуцкім, Кобрынскім і Бярозаўскім раёнах.

🪹 Першымі на гнездавы ўчастак прылятаюць самцы і займаюць старыя гнёзды. Праз 3-4 дні да самцоў падцягваюцца самкі.

👀 Сачы за небам! А можа ты ўжо бачыў_ла белых буслоў у сваёй мясцовасці? Напішы ў каментарах!

📷 Фота Віталя Некрашэвіча.

Калі ты не маеш з кім пагаманіць пра птушак, падзяліцца назіраннямі, або хочаш знайсці кампанію для птушкавання, далучайся да Тэлеграм-чату “Ціў-ціў” @ptushkachat

🤲 Ламаць, каб захаваць: зараз многія краіны актыўна вызваляюць рэкі ад плацін, бо ўжо даказаны іх негатыўны ўплыў на экасістэмы.

Так, ёсць у плацін і плюсы: яны накопліваюць ваду, якая неабходна і для піцця, і для арашэння палёў у сельскай гаспадарцы. Без плаціны не зробіш гідраэлектрастанцыю – а гэта крыніца аднаўляльнай энергіі. Плаціны ствараюць вадасховішчы, гэта развівае рыбалоўства ў рэгіёне.

Але ж плаціны – не толькі карысць, але і праблемы для экасістэм і жывых істот.

▪️ Плаціны прыводзяць да страты біяразнастайнасці - на ўчастках рэк з плацінамі няма такога відавога багацця, як там, дзе поймы рэк захаваліся ў натуральным стане.
▪️ Плаціны перашкаджаюць міграцыі рыб. Свабодныя рэкі крытычна важныя для рыб, якія мігруюць паміж морам і прэснымі вадаёмамі. У Беларусі гэта ласосі і вугор. У свеце 25% відаў рыб знаходзяцца пад пагрозай знікнення, і амаль на палову з гэтых відаў негатыўна ўздзейнічаюць плаціны.
▪️ Плаціны не даюць перамяшчацца ўніз па вадацёку донным адкладам. Усё скопліваецца на дне вадасховішча. Гэта кепска для рыбалоўства і сельскай гаспадаркі.
▪️ Вада ў вадасховішчы, утвораным з дапамогай плацін, застойваецца і змяшчае мала кіслароду. Раскладанне арганікі на дне прыводзіць да выкіду ў атмасферу метану - парніковага газу, як і вадзяная пара.
▪️ Плаціны ўздзейнічаюць на ўзровень вады ў рацэ, што ўплывае на падземныя воды. Пад'ём узроўню грунтавых вод зніжае рост дрэў. Паступова змяняецца раслінны і глебавы покрыў. Пагаршаецца аэрацыя глебы, зніжаецца хуткасць раскладання падсцілкі. Глеба забалочваецца.

💙 Сёння, 14 сакавіка, адзначаецца Міжнародны дзень дзеянняў супраць плацін і ў абарону рэк, вады і жыцця.
Па ацэнках даследчыкаў, толькі каля траціны ўсіх буйных рэк у свеце свабодна цякуць без якіх-небудзь перашкод.

Старыя плаціны, вялікія і малыя, ад якіх больш шкоды, чым карысці, актыўна і мэтанакіравана разбураюцца па ўсім свеце.

Працяг 👇🏻

💦 У рэках, якія аднавілі натуральную плынь, паляпшаецца якасць вады і аднаўляюцца гістарычныя папуляцыі рыб, бо рыбы могуць падняцца цяпер супраць плыні. Павышаецца рэкрэацыйны патэнцыял гэтых рэк уніз па цячэнні.

📷 Фота: South Karelia Recreation Area Foundation.

#InternationalDayofActionforRivers #дзікіярэкі #свабодныярэкі #freerivers #wildrivers

🐦 Новая дзікая лекцыя пройдзе анлайн 22 сакавіка! Даведаемся аб тым, як мігруюць нашы птушкі.

Наш лектар – Павел Пінчук, арнітолаг, кіраўнік Тураўскай станцыі кальцавання, супрацоўнік нацпарку “Прыпяцкі”.

Павел амаль усё жыццё прапрацаваў на Палессі. Але даводзілася яму лётаць за кулікамі і кальцаваць іх і на Чорным моры, і на Азоўскім, і нават на Чукотцы.

❓ Хто з нашых птушак лётае вышэй, чым Эверэст?
❓ Куды ляціць большасць нашых птушак? (Спойлер – не на поўдзень)
❓ Якія беларускія птушкі ляцяць зімаваць… на поўнач?
❓ Які час для нашых пералётных птушак самы цяжкі?

Гэта толькі некалькі пытанняў, на якія адкажа Павел. А свае пытанні ты зможаш задаць у канцы лекцыі.

Чакаем цябе на лекцыі, будзе цікава! Каб трапіць на лекцыю, далучайся да “Дзікага клуба”!

🤲 Далучыўшыся да клуба, ты падтрымліваеш дзікую прыроду Беларусі, бо ўвесь прыбытак мы накіроўваем на прыродаахоўныя мэты.

👉🏻 Падрабязней аб тым, як мы дапамагаем захоўваць прыроду Беларусі, чытай па хэштэгу #ДзікіяЭкспедыцыі

📷 Фота Алега Аляксевіча, @ptushkafota.