🌸 *الحلقه الاولي من أنتي غيرهم*🌸

لو حد مننا ماشي في طريق معين 🛣
وطول ماهو ماشي عمال يقابل ناس راجعه من اخر الطريق ده وبتقوله *ارجع الطريق مسدود*!!

🔹والكل عمال يحذره من الطريق ويحكيله علي التعب والعقبات والمشاكل اللي موجوده في الطريق دا
وبيحمدوا ربنا ومش مصدقين إنهم عرفوا يرجعوا تاني!!

◀ اصل الطريق كله مشقه
وناس كتير تاهت فيه وناس تعبت وناس حياتهم اتدمرت وناس كتير ماتوا في الطريق دا وملحقوش يرجعوا!!😱

◀ *ياتري* 🤔 :.فيه حد عاقل بعد ماسمع الكلام دا☝ ، ومش من واحد ولا أتنين لا دا ناس كتير جدا مشيوا في الطريق دا قبله
وجربوا بنفسهم

◀ *ياتري* 🤔 :.هيكمل مشي في الطريق ده ويصمم ويقول الناس دول كلهم بيضحكوا عليا⁉
ولازم اجرب واشوف‼

⏪ ولا المفروض يقول👈 *الحمد الله ان لقيت حد يحذرني من الطريق دا وينصحني ويرجع يدور علي طريق تاني*
الطريق الصحيح✅

🌸طبعا أي عاقل بلا شك هيقول *مستحيل أكمل في الطريق ده*

◀وخاصة لما يكون في نفس الوقت في ناس بينصحوه لطريق تاني وبيقولوله *ده طريق جميل ومريح وهتوصل لكل اللي انت عايزه*!!

🌸 *نفس الفكره بالظبط*
لما بنلاقي بفضل الله عز وجل كل يوم ناس بتوب وترجع لربنا سواء كان ناس عاديه او ناس مشهوره *زي الممثلين المطربين وغيرهم* والناس دي بتكون وصلت لقمة مايسعي إليه أهل الدنيا من الشهره والمال💰 والقصور 🏘وعربيات🚘 ولبس🎽 والرحلات🌇 وكل حاجه سعي إليها اهل الدنيا

◀ لما نلاقيهم *تائبيين وراجعين* بعد ما مشيوا في الطريق ده سنين طويله بعد ما وصلوا لقمة أهدافهم وبيقولوا بلسان الحال 👈 *أيه كل اللي احنا فيه*

*احنا وصلنا لنهاية الطريق ولقناه مسدود🚫‼*

*وصلنا وملقناش السعاده اللي كنا بندور عليها‼*

*إرجع وبلاش تضيع عمرك في طريق غلط*

🌸ومع ذلك بنلاقي ناس مصممين يمشوا في نفس الطريق وحاطين اقفال🔒 في عقولهم قبل أذانهم
ومش عايزين يسمعوا❌ نصيحه من اي حد
وناس مشيوا وسمعين التحذيرات الشديده⚠🚫 وشايفين طول الوقت الناس اللي مشيت فيه كانت نهايتهم ايه⁉

⏪ومع ذلك الشيطان يوسوسلهم إن الناس دي بتضحك عليكم
وان دا الطريق الصح وهو الغلط❌و يقنعهم ان حتي لو غلط مسيركم هترجعوا زي ما هم رجعوا !!

◀والمهم ان ناس كتير مشيوا في الطريق ده ومعرفوش يرجعوا 😰

◀وناس كتير ماتت وهي في الطريق دا وكانت النهايه *سوء خاتمه*😭

⏪ وفي المقابل ناس مشيوا في الطريق التاني وبيقولوا كله سهل وسعاده😍 وكل ما تمشي اكتر هتلاقي خير وسعاده بزياده 😊😍
حتي لو فيه بعض التعب😞 والمجهود *النهايه راحه أبدايه ونعيم محدش يقدر يتخيله*😊😍

⏪ والسؤال اللي بيطرح نفسه
*ليه ياجماعه مش بنصدق الامثلة الحيه الواقعيه اللي بنشوفها كل يوم قدام عنينا*⁉🤔

◀ *ليه يابنات مش عايزين نسمع النصيحه* 🤔⁉
◀ *ليه عايزه تشربي من نفس الكاس مع انك عارفه ومتأكده ان شكله حلو من بره ولكن مرارته شديده جداً*⁉🤔
◀ *ليه يااختي تخلي نفسك نسخه مكرره من ملايين البنات اللي ضحك عليهم الشيطان وغرتهم الدنيا ومشيوا في الطريق الغلط وعاشوا حياتهم وعملوا كل حاجه علشان يوصلوا للسعاده الحقيقه ومقدروش يوصلوا*❓🤔

ومستحيل كانوا هيوصلوا👈 *لانهم اصلا ماشين في طريق غلط❌❌ فمستحيل كانوا هيوصلوا مهما عملوا*

🌸 يارفيقتي *إنتي غيرهم* ..
ولو مكونتيش غيرهم 👈 *لازم تغيري الطريق وترجعي*
👈 *لازم تكوني غيرهم*💪

يالا يارفيقة نبدأ ونتغير يالا نمشي في الطريق الصح بقى ✅

نستكمل المرة القادمة بإذن الله ☺

💐 *فريق إلى الفردوس نسعى*💐

#كتاب_أنتي_غيرهم_لمصطفى_زايد

🍁 *الحلقه الثانيه من انتي غيرهم*🍁

🔹 ها يارفيقتي بعد كلامنا المرة اللي فاتت بدأتي التغيير وله لسة ⁉

♻ *هتقولي*
بس الزمن اللي احنا فيه زمن متعب اووووي والفتن كتيرر اوي وبتشد الانسان من كل الجهات علشان يمشي في طريق غلط 😔

🔆 *هقولك*
اه الفتن كتير جدااا وصعبه جدااا
بس اللي هيكون عنده استعانة بالله وإراده وعزيمه صادقه 💪
ربنا هيثبته ويعينه ويقويه وهيقاوم كل الفتن وهيجاهد نفسه وشهواته وشياطين الإنس والجن💪

✅اه الفتن كتيير جدا وصعبه جدا وعلشان كده كانت البشري بالأجر العظيم جداا اللي هيصبر وهيثبت في الزمن ده👇

↩قال رسول الله صلي الله عليه وسلم *( إن من ورائكم أيام الصبر، للمتمسك فيهن يومئذ بما أنتم عليه أجر خمسين منكم، قالوا: يا نبي الله أو منهم، قال: بل منكم.)*
(صححة الالباني)

★فهما كانت البيئة اللي حواليكي كلها معاصي وفتن 👈لازم تصبري وتسألي الله الثبات
🔹ومهما كانت البنات كلهم في غفلة وعايشين حياتهم في المعاصي بعيد عن ربنا لازم تكوني إنتي حاجه تانيه

⏪ *يعني*👇👇

◀البنات مصاحبين وعايشين قصص حب حراام وطول الليل شات وموبيلات لحد الفجر *بس انتي غيرهم*

◀البنات لابسين بديهات وبناطيل وفساتين ولفة طرحه آخر موضه وإكسسورات وزينه *بس انتي غيرهم*

◀البنات بينمصوا ويخرجوا وهما حاطين برفان ومسكره ومكياج *بس انتي غيرهم*

◀البنات بيروحوا سينما ويطلعوا رحلات مختلطة وافراح مختلطة ويرقصوا *بس انتي غيرهم*

◀البنات بيسمعوا تموره وعموره والعندليب وحافظين كلام الاغاني أكثر من كلام ربنا *بس انتي غيرهم*

◀البنات مقضينها في المسلسلات التركي والهندي والغيبه والنميمه والبهتان *بس انتي غيرهم*

◀البنات بيهجروا القرآن ويا دوب بيمسكوا المصحف ويقروا بالعافيه في رمضان *بس انتي غيرهم*

◀البنات بيفرطوا في الصلاه ويعقوا الولدين ويكذبوا ويتكبروا واخلاقهم سيئة *بس انتي غيرهم*

🔅انتي غيرهم يارفيقتي
🔅إنتي حاجه تانية بتمسكك بدينك وعفتك وحياءك👍🏻

🗣ومهما الناس قالوا عليكي *متشددة ومعقدة ومن العصر الحجري وعصر ليالي الحلمية

*مش يهمك ولا يحرك شعرة فيكي*
ميغركيش كثره الباطل وأهله

✔اثبتي يا مؤمنه يا غاليه...
لو عشتي في الدنيا مليون سنه فآخرتها بردوا الفناء ولكن الآخرة هي الباقيه..✅
✔والعاقل اللي يختار الباقي على الفاني

*يالا بقي مفيش وقت يالا إختاري الطريق الصح ✅*

💥وتعالي نشوف بعض القصص الواقعية قصص حصلت بالفعل مش خيال لبنات مشيوا في الطريق المسدود وبيحكولك عن تجربتهم وبينصحوكي علشان تفوقي من غفلتك وتكوني غيرهم ومش توقعي في نفس الخطأ اللي وقعوا فيه

بس هنحكي عنهم المرة الجاية بإذن الله 😊

💐 *فريق إلى الفردوس نسعى*💐

#كتاب_أنتي_غيرهم_لمصطفى_زايد

🌸 *الحلقه الثالثة من أنتي غيرهم*🌸

🔹 تعالى نكمل كلامنا وتشوفي بعض القصص الواقعية اللي حصلت علشان تفيدك وتستفادي من تجربتهم وتفوقي من غفلتك 😔


💥 *تعالي نبدأ بأذن الله* وأول قصة 👇👇👇👇

*ربح البيع يا حلا !!!!!*

🗣حلا شيحا…الفنانه المعروفه بفضل الله عزوجل اعتزلت التمثيل وتابت إلي الله عز وجل

💥 *وفي اتصال تليفوني مع احد الدعاه علي احدي القنوات بتحكي قصة توبتها وبتقول*

↩طبعا في البدايه زي ما الناس عارفه إني للأسف كنت ممثله بنت كان عندها كل شئ بتحبه وبتتمني تعمله في حياتها مشهوره … عندي فلوس … بسافر أي مكان وقت ما أحب المجد والكاميرات والحفلات والاضواء

*حياتي كان فيها كل اللي أي بنت بتتمني أنه يكون عندها*

★ ورغم كل دا مكنتش سعيدة في حياتي😔
*مكنتش سعيده وكنت خايفه كتير من المجهول!*
مش عارفه ايه اللي ممكن يحصلي بكره…
*من الآخر يعني مكنتش مرتاحه!!!!* كان فيه وجع في نفسي وكنت عايشه في خوف ووحشه!

↩كنت للأسف بعيده عن ربنا …ومكنتش عارفة حياتي هتوديني علي فين ⁉
آخرتها ايه بعد كل دا⁉ !!!

↩كنت دايما بقعد مع نفسي وبفكر وبسأل نفسي وأقول👇
*انا دلوقتي ممثلة ... طيب وبعدين... هبقي مشهورة طيب وايه اللي بعد الشهره ⁉هبقي مشهوره جدا ..طيب وبعدين ⁉هي دي آخرتها ونهايتي في الحياة كأنسانه ⁉! معقول⁉!*

◀كنت حاسة إن مش هي دي الحياه اللي ربنا خلقنا علشانها !! كنت حاسة إن في حاجات تانيه أجمل ولكن مكنتش عارفة هي ايه⁉

↩ *وصلت لمرحلة شديده جدا في البكاء*
كنت طول الوقت في كرب وضيق وخنقه !! 😰
لدرجة إن والدتي ووالدي كانوا بيلاقوني ببكي لوحدي وأنا في أوضتي يسألوني ليه بتبكي ⁉ *وساعتها مكنتش عرفه ايه السبب⁉*

↩كنت وقتها مشهوره جدا وكانت افلامي موجوده وناجحة
*لكن مكنتش سعيده بأي شيء من دا*😥
كنت حاسة إن في حاجه نقصاني ⁉

👈لحد ما في يوم صحيت من النوم وقعدت أفكر وأقول 👇
⏪ *ربنا مخلقنيش علشان أعيش الحياة بالشكل ده وأبقى على طول تعيسة ومخنوقة ومكتئبة كده 😰أكيد في حاجة تانية ربنا خلقنا علشانها*

⭕ وسبحان الله في الليلة دي نمت ورأيت رؤية ...

🔸 هتكمل المرة الجاية بإذن الله ونعرف إيه الرؤية اللي شافتها حلا شيحا

💐 *فريق👈 إلى الفردوس نسعى*💐

#كتاب_أنتي_غيرهم_لمصطفى_زايد

🌸 *الحلقه الرابعه من أنتي غيرهم*🌸

🔸 يالا بينا نكمل قصة حلا شيحا واتوقفنا المرة اللي فاتت عند أنها كانت حياتها مش عجبها ودايما مخنوقة وحزينة 😥
وفى يوم نامت ورأيت رؤية👇

💥 قالت ⏪رأيت وكأني في أرض المحشر يوم القيامة❗
وفي ملك نزل علشان يحاسب الناس كلها.... والناس واقفه في الصف والملك نزل وبدأ ينادي كل الناس بأسمائهم ... وأنا كنت واقفه في آخر الصف وكنت فرحانه ومبتسمه لأني كنت فاكره نفسي طيبة وكويسة ومش بعمل حاجه غلط ومش في بالي
↩ لحد ماجه الملك عندي ونادني وقال *فلانه بنت فلان*

*مش انتي الفنانه المشهورة اللي كل الناس بتحبها⁉*

وبدأ يسحبني للبحر ....وكان في بحر والناس واقفه فيه علي الرمل ... والبحر لونه وحش جدا 😰
وطول الوقت مكنش بيكلمني .... ولكن كنت خايفة وعندي شعور بالذنب وحاسة اني عملت ذنب كبيير جدا
وحياتي مكنتش صح😔

*بدأت ساعتها احس فعلا ان عندي ذنب كبيير جداااااا*😰

فاستيقظت من الحلم دا مفزوعه وقعدت ايااام بعدها مبعرفش انام

🔹 لدرجة بعد الرؤية دي كنت بنام واسيب باب الاوضه مفتوح
والنوم كله قلق ومفيش رااحه❗
كنت قلقانه وخايفة ومش عارفه ايه الحلم دا!!!
*مكنتش عارفة ان الحلم دا رساله من ربنا*

⏪ لكن بعدها رأيت رؤيه تانية
رأيت أني واقفه على باب أوضتي وماسكه المصحف في ايدي واتفتح علي سورة يس وقعدت اقرأ السورة بصوتي وكان صوتي جمييل جدا😊 ...وصحيت من الحلم

*في اليوم دا كل شئ في حياتي اتغير 180درجة*

⏪مكنتش بصلي ... وكنت بعيده ومكنتش اعرف ان الصلاة دي حاجة مهمه اساسا!!
يعني لما كنت بسمع الآذان عادي .....مكنش بيجي علي بالي ان اقوم اصلي قلت سبحان الله *هقوم اتوضي واصلي*
*وكانت اول صلاه في حياتي* ♥

◀ توضيت وصليت وكانت صلاة عشاء .... بدأت الصلاة وفي آخر سجده قعدت تقريبا نصف ساعة أبكي واتكلم مع ربنا سبحان وتعالي وحسيت ساعتها ان فيه فتح كبير من ربنا ♥
فدعيت دعاء مدعتش زيه قبل كدا في حياتي كلها ..

🔸ومن بعدها حسيت أني اتغيرت وبقيت إنسانة جديدة تماما
*اتولدت من جديد*😍

◀ *نمت وصحيت تاني يوم الصبح وأنا انسانه تانيه*😊
اللي كنت بشوفه قبل كدا .... والحياه اللي كانت عيشاها قبل كده والناس اللي كنت معاهم وكنت مقتنعه بآرائهم وأفكارهم ..... والظروف اللي كنت فيها..... *لما صحيت تاني يوم* بدأت احس أن كل اللي انا عايشاه دا مش صح!!!!
*مش دا اللي ربنا سبحانه وتعالي بيحبه*

★عرفت وقتها إن الحياة الطبيعية السعيده اللي ربنا يريد إني اعيشها ، *هي في طاعة الله عز وجل*♥

↩وبالنسبة للصلاة ...بعدما بدأت اصلي .... *حبيت الصلاة جدا*
لدرجه اني مكنتش بقدر انقطع عن الصلاة إطلااااااقا

⭕كأن الجسد كان بيأخد كل شئ ويتمتع بكل شئ
*ولكن الروح كانت مهمله وهي بعيدة جدا عن ربنا !!!*

🔸ولما الإنسان بيعرف ربنا بجد وبيشوف النور قدامه..روحه بتنظر وبتشتاق لله عز وجل

⏪ *روحي كانت عطشانه وعايزه تقرب من ربنا علشان تتروي* فحبيت الصلاه جدا ♥

↩وختمت كل القرآن قراءة في فترة قصيره جدا كنت بقرأ بتدبر ...
وحسيت إن ربنا بيفتح عليا في فهم معاني القرآن وتدبرها😊

🔹 *وده خلاني أكون قوية ومتمسكة بطاعة الله عز وجل في الفترة دي*❤

↩ وبعدها لبست الحجاب بس بعدها بفترة قصيرة حصل إني .......

نكمل المرة الجاية بإذن الله 😊

💐 *فريق 👈 إلي الفردوس نسعى* 💐

#كتاب_أنتي_غيرهم_لمصطفى_زايد

🍂 *الحلقة الخامسة من أنتي غيرهم* 🍂

ونكمل كلامنا عن حلا شيحا وقصة توبتها👇

🔸 عرفنا أنها عرفت طريق ربنا وأن السعادة في الطريق ده وحافظت على صلاتها وارتبطت بالقرآن وتدبره ولبست الحجاب

⚡ *تحكى وتقول* ⏪لبست الحجاب ولكن بعدها بفترة صغيرة قلعته تاني للأسف 😔ودي كانت اول مرحلة

⏪ للأسف قلعت الحجاب لأني حقيقي مكنش عندي صحبة صالحة ومكنتش اعرف حاجة عن الدين 😰

*يعني كنت بحب ربنا ولكن مكنش عندي علم ولا صحبة تعينني ... مكنش في حد ياخد بأيدي وقتها !!*

⏪وطبعا لما الانسان بيبدأ في السير إلي الطريق لربنا سبحانه وتعالي ... بيتعرض لعوائق وعقبات كتيرة جدا وكان منها الأهل والأصحاب ممكن يكون أقرب الناس ليك هو العائق في طريقك لربنا !!!!

*أعز صديقة تقف وتعترض علي اللي أنا بعمله !!*

🔹 للأسف الضغوط دي مع عدم وجود علم ومع وسوسة الشيطان ومع النفس اللي عايزة الدينا كل دا تسبب في اني خلعت الحجاب ورجعت للتمثيل !!! 😔

⏪ولكن كنت طول الفترة دي متمسكة بالصلاة ومسبتهاش ابدا !!!والله عز وجل لم يتركني مع اني كنت بدأت أبعد
*ولكن ربنا هو الكريم الودود* ♥
وأنا حبيت ربنا جداااااااااا في كل ما يفعله معي

⏪ *ومتخافوش يا جماعة من طريق ربنا*
🔹 والله أجمل طريق في الدنيا وهو دا الطريق الوحيد اللي هيوصلنا للسعاده في الدنيا ويجعلنا مع الفائزين بنعم الجنه ف الاخره بإذن الله
🔹هو دا الطريق اللي هيوصلنا لأعظم متعة ونعيم في الجنة إننا نري ربنا سبحانه وتعالي ♥

⏪ ربنا بيقول *(إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ ۚ)*

🍂 فاللي بيحب ربنا بيبع أي شئ لأجله
🍂اللي عايز ربنا بجد يضحي علشانه

💥 يا جماعة اقفوا وفكروا وشوفوا أنتو رايحين علي فين⁉
مش هو دا الطريق الصح....انتو كدا ماشيين عكس الاتجاه❌
انتو ريحين علي فين⁉
*تعالوا ... تعالوا لربنا سبحانه وتعالي تعالوا .... الطريق الجميل اللي مليان نور وسعاده ♥*

🔹الحمدالله رينا وفقني وبعدت عن الصحبة السيئة وعن الوسط اللي كنت فيه وبعدها قفلت الباب ورايا تمام
لان محدش يقدر يأمن علي قلبه من الفتنه

⏪وطبعا كان في مغريات كتير وناس كتير بتحاول انه ترجعني تاني لطريق المعصيه
*لكن ربنا مَن عليه وثبتني وأعطاني القوه إني اقفل الباب دا نهائيا*♥

⭕ثم جاءت المرحله التانيه ... *وهي مرحله النقاب*

⏪ اتحجبت في البدايه لمدة سنه وبعده جاتلي عمره منة من الله
وسافرت العمره مع والدي وقبلها كنت بميل جدا للنقاب كان قريب من قلبي ♥

⏪ولما ذهبت إلي العمره ... أخدت النيه إن أدعي ربنا أول ما أوصل المسجد النبوي وأسال ربنا

*يااارب دا يرضيك؟!!!!!!!!!!*
*لو النقاب يرضيك ... لو الحجاب ده يرضيك ياربي حببه لي واجعلني من اهله*

👆🏻دعيت بالدعاء دا كتير جدا. ... وسبحان الله وأنا في العمره كان معايه نقاب وجربته حبيته رغما عني وحسيت بالعزه وانا لبسه *وحسيت اني ملكه بجد ♥*

لكن كانت المشكلة إزي هرجع بيه مصر⁉

🔹 هنكمل المرة الجاية بإذن الله 😊

💐 *فريق إلى الفردوس نسعى* 💐

#كتاب_أنتي_غيرهم_لمصطفى_زايد

*🍂 الحلقة السادسة من انتى غيرهم🍂*

📌 ونكمل قصة توبة حلا شيحا ووقفنا عند أنها سافرت العمرة ولبست النقاب وكانت المشكلة ازاى هترجع بيه مصر ⁉

⚡بتكمل وبتقول 👇

⏪وبعد مارجعت من العمرة كان صعب أقول لأهلي اني انتقبت
ومكنتش عايزة ازعلهم !!
هما طبعا مش حاسين باللي انا حاسة بيه ولكن بردوا مش عايزة أزعلهم

⏪فقعدت فترة مقولتلهمش اني
انتقبت ... ولكن طبعا هما عرفوا وحصل موقف قوي بيني وبين والدي

↩لكن انا قبلت أيديه وقعدت تحت رجليه قولتله
*يا والدي أنا بحبك جدا جدا وانت عارف معزتك عندي قد ايه ولكن انا مش هقدر أغضب ربنا .... والنقاب حاجه بيحبها ربنا ... ومش هقدر اقلعه*

⏪كان في الاول في صعوبات كتير ... *ولكن كل شئ بفضل الله بقي تمام الحمد الله* 😊

🔹 بعد ما لبست النقاب بفترة قصيرة ... كنت راجعه للبيت *وحصلت لي حادثة بالسياره* ولكن الحمد الله ... السياره انقلبت اكتر من مره ومكنتش لابسه حزام الأمان.. ولكن الحمد الله محصليش حاجه!!

♥ سبحان الله كنت حاسه إن في حد بيمسكني في العربية ومكنتش بتحرك ... كنت حاسه إن ربنا حفظني في الحادثه دي .. *ده فضل من ربنا وحده*

⏪ كنت حاسه إن الإبتلاء ده تطهير من ربنا يعني اخترتي طريقي .... ولازم تتطهري نفسك من كل الذنوب آثار الحياة اللي كنتي عايشاها...!!

🔹 *وبعد المحنة تأتي المنحه*....وربنا أكرمني بزوج صالح ربنا يرضي عنه ...وكله فضل الله وحده ❤

🔊 وهنا عايزة أقول للبنات
متخافوش يابنات .... اوعوا تخافوا أبدا من الحجاب محدش يخاف ان الجواز هيتأخر ... لان ده رزق من ربنا والرزق هيجيلك في ميعاده ....سواء كنتي محجبة أو منتقبه متخافيش وخليكي فكره إن
✅( *ما عند الله لا ينال إلا بطاعته*)

⏪يعني ممكن تكون بنت بتعصي ربنا وبعيده عنه ويأتيها زوج ولكن هيكون بيعد عن ربنا هو كمان *فحياتهم عمرها ما هتكون سعيده*😔

✅ولكن لما تكون البنت قريبة من ربنا وملتزمة ربنا هيرزقها بالزوج الصالح وهي اصلا مش هترضي بأي حد إلا الزوج الصالح اللي يأخد بإيديها إلي الجنه ❤
*لان هي عارفه أن الحياة السعيده مش هتكون إلا مع زوج صالح في طاعة الله*✅

💜 *ربنا ياجماعه كريم ومنان…*
ولما الواحد فينا بيلتزم ويمشي في طريق ربنا وعنده يقين في الله وحسن ظن بالله... ربنا بيسر له كل خير بعد كدا...

💌 *ورساله اخيره بوجها لكل البنات*...
اول حاجه ... *اوعوا تعيشوا الدنيا كدا يابنات*

⭕يعني محدش يمشي في الحياه كدا بدون مايحاسب نفسه ويفكر....وفكروا قبل ما تعملوا اي حاجه👇

🔸 *انا ليه ربنا خلقني..*؟؟؟؟؟؟؟
🔸 *ليه جابني الدنيا دي...؟؟؟؟؟*
🔸 *انا عايشه ليه...؟!؟؟؟؟*
علشان أكل وأشرب وألبس واتفسح واتجوز وخلاص!⁉

*لازم توقفي وتتفكري وتتدبري كتاب ربنا.... لاننا سبحان الله أمور الدينا عرفنها كلنا كويس اوي،*
*لكن محدش فينا بيقف ويتدبر كتاب ربنا!!!*

⏪للأسف محدش فينا بيحاول يشوف ربنا بيقولنا ايه من خلال الكلام دا.⁉
والله لوفهمنا القرآن ، فمن خلال المعاني الجميله اللي في القرآن هنلاقي حياتنا اتغيرت تماما....تماما

📌 يعني لازم كل بنت تراجع حسابتها وتفكر ... تفكر في المصير والنهايه...

*ياتري نهايتي هتكون ايه..⁉*
ولو أنا بعيده عن ربنا هعيش كده وهموت كدا ، في الآخرة الله أعلم هيكون مصيري ايه..⁉

👈 *ليه أكون بين الجنه والنار..؟؟*
👈 *ليه مااجتهدش في الطاعة وأموت عليها وانا بأذن ربنا كلي يقين في الله إن ربنا يدخلني الجنة مع النبي صلي الله عليه وسلم*❤
👈 *ليه اقابل ربنا وأنا بعصيه وبعيدة عنه*..؟!
👈 *ليه مامتش وربي حبيبي رضي عني..؟؟*

⏮ تاني شئ.... *نفسي كل الناس تحب ربنا*❤
تحبه بجدا .. *الحب هو اللي هيغير كل شئ في حياتك*✅
نحب ربنا ونحاول نستشعر نعمه علينا ...ونعرف اسماؤه وصفاته من خلال القرآن والصلاه...وهكذا..

⏪وأخيرا .. *الصحبه يابنات.....الصحبه*
الصحبة الصالحة بتعين جدا علي طاعة الله ✅
↩لما تكون جنبك أخت وعندك نقص في شئ معين هتكلمك وتقولك لازم تصحصي كذا وكذا ...هتقولك تعالي نصلي سوا ...تعالي نتفق نقوم نصلي قيام الليل سوا.. تعالي نحفظ قرآن ونتدبره سوا.. هتعينك علي طاعة ربنا...😊

⭕ *ولكن الصحبة السوء لازم تبعدك عن ربنا وهتكون سبب في فتنتك وضلالك وانتكستك....!!!؟*
الصحبه بتفرق جدا ... *فاشوفي صحبتك احوالها ايه ؟؟؟*
وربنا يهدي بنات المسلمين اجمعين

ها يارفيقة هتبدأ يالا هترجعى لربنا وتوبي وله هتفضلي مستسلمة للشيطان 😔

ونكمل كلامنا المرة الجاية بإذن الله 😊

💐 *فريق إلى الفردوس نسعى* 💐

#كتاب_أنتي_غيرهم_لمصطفى_زايد

🍂 *الحلقة السابعة من أنتى غيرهم*🍂

أخبار رفيقتى اية ⁉
بعد ماعرفتي قصة توبة حلا شيحا قررتي تاخدي القرار وتتغيري زيها وتختارى طريق ربنا وله لسة زي ما أنتي الشيطان ضاحك عليكى😰

🗣 *تعليقا علي قصة أختنا حلا شيحا*..

🔸 لما سيدنا صهيب الرومي رضي الله عنه أراد أنه يهاجر إلي للنبي صلي الله عليه وسلم من مكه للمدينه ، استوقفه المشركين واعترضوا طريقه ،وقالوله مش هتهاجر غير لما تقولنا علي مكان فلوسك كلها اللي انت مخبيها في مكه

*تخيلوا لو اي حد فينا كان مكان سيدنا صهيب كان هيعمل ايه؟؟*

⏪ كان ممكن بسهولة جدا سيدنا صهيب رضي الله عنه يقول دي فلوسي وشقى عمري وتعب سنين.!!!!خلاص بقي مش لازم أهاجر دلوقتي

⏪كان ممكن بسهولة يبرر لنفسه ويقول دي ظروف خارجة عن ارادتى مش هقدر اغيرها خلاص!!!

🔹 *سيدنا صهيب رضي الله عنه عارف إن الجنة مش ببلاش.!!!!!!!! عارف إن ربنا عنده أغلي من كل شئ في حياته حتي لو كان أحب شئ إليه فى الدنيا حتي لو كان تجارته وفلوسه كلها عارف إنه لازم يضحي باللي بيحبه عشان يفوز بحبه ورضاه* ♥

↩ وعلشان كدا أخبر المشركين بمكان أمواله في مكه وتركوه يكمل طريقه في الهجره للمدينة
↩ ولما وصل للنبي صلي الله عليه وسلم كان سيدنا جبريل أخبر النبي صلي الله عليه وسلم بما حدث لصهيب في الطريق فاستقبله النبي ببشارة عظيمة وقال له
*✅ربح البيع ابا يحيي*

*♥وروي أنه نزل في موفقه هذا
قال تعالى: *{وَمِنَ النَّاسِ مَنْ يَشْرِي نَفْسَهُ ابْتِغَاءَ مَرْضَاتِ اللَّهِ وَاللَّهُ رَءُوفٌ بِالْعِبَادِ)*

⏪وهي دي الصفقة الرابحة بجد

🔹هي دي التجارة المستحيل إنها تخسر *إنك تضحي عشان ربنا وانك عندك يقين إن ربنا هيعوضك بالاحسن* ❤

📌و احنا بنقول لأختنا حلا شيحا اللي باعت الشهرة والمال والدنيا كلها اشترت رضي ربها عز وجل
✅ *ربح البيع ياحلا*
نسال الله ان يثبتك ويزيدك من فضله 😊

🗣وبقول لكل بنت بتحب اللبس الاستايل والموضة والمكياج والاغاني والأفلام والمسلسلات وبتحب تكلم أولاد وتصاحبهم و…و…
↩بقولها رفيقتي *(تعالي علي نفسك شويا وجاهدي شهوتك وضحي لله ♥
*لأن الفوز برضا ربنا والجنة مش ببلاش*

جاهدى يا رفيقتي يالا أية يستاهل تضحي علشانه بالجنة مفيش والله حاجة تستاهل 😰
*الجنة غالية اوي وتستاهل*♥
🔸حلا ضحت بحاجات كتير بس أشترت الأغلى يالا اعملى زيها واختاري رضا ربك ♥
يالا بقى كفاية تأخير 👊

🏷 ومع قصة واقعية جديدة لتوبة فتاة المرة الجاية بإذن الله 😊

💐 *فريق إلى الفردوس نسعى*💐

#كتاب_أنتي_غيرهم_لمصطفى_زايد

تلها حاسة إنى " *ملكة متوجه* ♥ وربنا يغفرلي ما أسرفت فيه من ذنب....

⏪ حضرت في اليوم ده درس للشيخ محمد حسان *لاول مره أحس اني اتولدت من جديد*....وانشرح قلبي وانا في مسجد التوحيد فى المنصوره
*وكنت بسال نفسي وقتها*
*إيه الجمال دا ؟!؟!!!!!*
*وازااي انا كنت بعيده عن ربنا*؟؟؟
*قد ايه انا كنت فعلا في غفلة؟؟؟؟*

📌وبدأت صاحبتي تعلمني الدعاء بأسماء الله الحسني وصفاته العلا 📌علمتني قيام الليل علمتني ان لا أشكو لأي حد إلا ربنا
📌علمتني أزاي ابقي مع ربنا طول الليل والنهار بالذكر والاستغفار .... فسبحانه الغني ، الحميد يقبل القليل ويجازي عليه بالكثير ♥

✅ *وفي الختام عايزه أقول إني*" *عرفت ربي حبيبي*"

♥عرفت ربي الرحمن الرحيم ....عرفت الغفور الشكور ...عرفت ربي الودود الكريم ....عرفت ربي الرقيب الشهيد ، الأقرب لي من حبل الوريد ...
🔸 *عرفت ربي بجد ...وبعترف إني كنت من الغافلين واسأل الله سبحانه وتعالي أن يقبل توبتي ويغفر لي*

📝دي يا رفيقتى رساله من بنت كتبتها وماتت بعدها لعلها تكون عظه لكل بنت بعيدة عن ربنا

↩اختنا صاحبة الرساله رحلت عن الدنيا ولكن ربنا قدر ان كلمات الرساله توصلك وتقرئيها عشان تفوقي وتقربي من ربنا وأنتي لسه عايشه فى الدنيا

🏷نسأل الله أن يرحم أختنا ويجعل قبرها روضة من رياض الجنه أن يتوب علينا جميعا

⚡ها يارفيقتى بعد ما قرأتى قصتها أية اللى جه فى دماغك حسيتي بأية ⁉ مجاش الوقت اللى تتغيري فيه فيه أنتى كمان وتقربي من ربنا ⁉

*يالا بقى مفيش وقت فوقي بقى 👊*

والمرة الجاية قصة واقعية تانية لتوبة فتاة بإذن الله 😊

💐 *فريق إلى الفردوس نسعى*💐

#كتاب_أنتي_غيرهم_لمصطفى_زايد

خافي...خافــــــــــي...خافي من عقاب ربنا اللي مطلع عليكي ولكنه بيمهلك ويستر عليكي

📌 *والله يا أختي ما أنتي قد غضب ربك الملك!!!!!*
والله ما تقدري علي نظرة غضب واحدة منه !!!😰

♥ *متزعليش من نصيحتي وكلامي!!!*
والله العظيم انا عايزة مصلحتك وسعادتك !!!!!
*ياريتني كنت لقيت حد يقف جنبي وينصحني!!*

⏪وأنا حبيت أقولك نهاية الغلط ايه *وأنا عارفه أكيد في بنات بتقرأ قصتي دلوقتي وبيغضبوا ربنا ومش عايزين يتوبوا*
🔹 بقول لكل بنت منهم *احذري عقاب ربنا!!!*
▪مش معنى إن ربنا أمهلك أنه مش مطلع عليكى ومش هيعقابك !!!

▪مش معني إن في بنات ماشين غلط وحياتهم متيسرة قدامك أنك مش هتتعاقبي

↩ *ده ربنا بيستدرجهم وبيمهلهم علشان يزيدوا معصيه ، وساعتها العقاب ، يكون أكبر*
⏪ربنا قال *﴿لَيْسَ بِأَمَانِيِّكُمْ وَلَا أَمَانِيِّ أَهْلِ الْكِتَابِ مَنْ يَعْمَلْ سُوءاً يُجْزَ بِهِ)*

⏪او يمكن علشان انتي كويسة ربنا بيعاقبك بسرعه *علشان تفوقي وترجعي وتتوبي*، ودا والله اللى حصل معايا..أنا محبوبة جدا جدا بشهادة الكل وعمري ماأذيت حد وعمري ماغلطت مع حد غير القرف دا 😔

✅ *وحذااااري.... وحذااااري* تقعدي مع خطيبك لوحدكم أووووووعي حتي لو دقيقه وحده ... *خليكي غاليه..وواووووعي ترخصي نفسك بأيدك*

✅ولو في ضرورة وعايزه تكلمي خطيبك ، *أوعي تكلميه في التليفون وأهلك نايمين او وأنتي لوحدك لأنكم هتضيعوا!!!*
كلميه في وسط أهلك واخواتك والأفضل بلاش كلام خالص خلى باباكي هو طريقة الوصل بينكم لو فى حاجة 👍🏻

✅أما بالنسبه للنت وقرفه خلي دايما برنامج يذكرك بالله يظهرلك كل فتره ذكر أو دعاء *ومتكلميش أي شاب وتعملي شات ، أوعي تقولي صداقه في حدود* والله مادام ما دخلتي الموضوع الشيطان هيفضل يسحب رجلك واحده واحده ومش هتقدري !!!

🗣وفي الآخر بقولك *حافظي علي نفسك ومتستعجليش كل شئ هيجي في ميعاده والوقت اللى ربنا كاتبه*

🔸 *هتفرق كتير والله* والله طول ما أنتي محافظه علي نفسك *هتحسي بسعاده ماتتوصفش وربنا يباركلك في حياتك كلها...وأوعي تبصي للبنات وتقولي هعمل زيهم ..*

❄ *خليكي غير كل البنات وغلي نفسك وصونيها*
🗣أنا مش بدي عظات ولا بقول كلام وخلاص ، *انا بقولكم من تجربتي والله ، وربنا يعلم اني بحبكم وخايفه عليكم وكلكم اخواتي ف الله...*
وانا توبت والله وربنا يعلم وعمري ماتخيلت إني ممكن اعمل كده في يوم من الأيام وبقرف اوي من نفسي لما بفتكر اللي كنت بعمله !!! 😰
*اقسم بالله لو رجع الزمن بيا ، عمري ما هعمل كدا تاني !!*

🔸 *وأنا حبيت أقول لكل بنت شوفي آخر المعصية ايه؟!*
👈 *والله ماهتقدري علي غضب ربنا*
وانا بحمد ربنا ان العقاب جه فى الدنيا... وربنا يغفرلي ويسماحني ويعفو عني ويرحمني....

🏷 ها يارفيقتي مش هتفوقى بقى يالا بقي ارجع لربك وتوبى♥

وقصة جديدة المرة الجاية بإذن الله لعلنا نفيق 😔

🍂 *فريق إلى الفردوس نسعى*🍂
#كتاب_أنتي_غيرهم_لمصطفى_زايد
(بتصرف يسير)

💐 *الحلقة العاشرة من أنتى غيرهم* 💐

📌 و تعالوا نسمع قصة جديدة النهاردة وياريت نقرأ بقلوبنا ♥

*كلمه هزتني!!!...*

📣 *بنت بتحكي قصة تغيرها وتقول..*

⏪انا كنت مش محجبه...وكان أجمل يوم في حياتي يوم...ما لبست الحجاب ... *كنت فرحانه وقلت لنفسي...*
*ياااااااه ...أخيرا ربنا هداني ورضي عني خلاااص انا بقيت محجبه مش معقووووول !!!!!*

⬅بصيت لنفسي في المرايه شكلي بالحجاب كان جميل جدااا
وماما قالتلي...
*مبروووك ياحببتي الطرحة هتأكل منك حته*

⏪وفي نفس اليوم وانا خارجه حطيت الميك اب بتاع كل يوم ولبست لبس عادي اللي انا متعوده عليه وخرجت وانا خلاص بقيت محجبه !!!

❎كنت بصراحه حاسة إن حجابي فيه حاجه غلط ،
*بس بقول كدا أحسن من مفيش وواحده واحده الموضوع هيبقي كويس!!*

⬅روحت الجامعه ...وكل شليتي باركتلي ولاود وبنات قالولي ان الحجاب مخليني زي القمر !!

⏪ومرت سنة وانا لبسه الطرحه ولكن حاسه اني متغيرتش!!!! *الحجاب مغيرش اي حاجه فيه*
*لبسي ضيق لسه زي ماهو !!مكياجي علي وشي زي ما هو !!علاقتي بصحابي مفيهاش اي تغير نفس الاسلوب ونفس الطريقه وولاد مع بنات مع بعضنا عادي !!مفيش اي تغير في حياتي*

⬅ لغاية ما جه اليوم اللي سمعت كلمه قالتها اول إنسانه صارحتني بحقيقتي المرة ...قالتهالي رغم ان هي شافتني كتير قبل كدا ...
🔹قالتلي كلمه هزتني وخلت دموعي تنزل علي خدي.قالت.. *(ياريتك عريتي شعرك وغطيتي جسمك!!!)*

⏪ *قالتلي الكلمه دي ، ومصادقتش ان هي بتكلمني انا*
ومشيت وسابتني علي طول!!!
وقفت شوايا وكانت الأرض بتهتز من حواليا ، ومشيت وانا مش حاسة بأي حد وأي حاجه من حواليا!!

⏪ *اول ما وصلت البيت دخلت الأوضه وبصيت فى المرايه لقيت نفسي بقول .... إيه ده...مين دي ....؟!*
🔸ولأول مره أكره اللبس والاستايل وكل الأولون اللي كانت علي وشي !! *إزاي انا كنت بخرج بالشكل ده؟!!!*
غسلت وشي وغسلت معاه كل ايااااام عددت كنت فاكره فيها اني كنت محجبه وكويسه واحسن من غيري

✅ *غيرت لبسي وحياتي ...وحسيت اني اتولدت من جديد .. حسيت بطعم الراحه والرضا بجد ...* ♥

📌وياريت كل البنات متضحكش علي نفسها وتقول انا محجبة
*لمجرد إنها حطت حتة قماش علي شعرها ولبسها كله زينة بناطيل وباديهات !!!الحجاب اللي يرضي ربنا لازم يكون واسع فضفاض لا يشف ولا يصف ويستر الزينه ...*

وياااريت تدعولي ربنا يثبتني ويهدي كل بنات المسلمين😊

🍂 ها يارفيقة انا عايزاكي دلوقتي تقومي تفتحي دولابك اللبس اللي فيه ده وبتنزلي بيه الشارع يرضي ربنا وله لا ⁉
🍂 مستعدة تموتي دلوقتي وله لا ⁉ مستعدة تقابلي ربنا باللبس ده وله لا ⁉
🍂 أنتى غالية اوي ليه تعملى كده ليه أي حد يشوفك جسمك لسه ترخصي نفسك 😔

🔹يالا قومي حالا عاهدي ربك يالا قوليله رجعالك يارب هطيعك هرضيك هلبس اللي يرضيك يارب ♥

🔸 أوعي الموضة والصحبة تضحك عليكي يارفيقة الجنة تستاهل ❤

وقصة جديدة بإذن الله المرة الجاية 😊

💐 *فريق 👈 إلي الفردوس نسعى* 💐

#كتاب_أنتي_غيرهم_لمصطفى_زايد
*(بتصرف يسير)*

💐 *الحلقة 11 من أنتى غيرهم* 💐

أخبار رفيقتي اليوم ⁉ ابتدت تقرب لربها وله لسة مستسلمة للشيطان😔 ⁉

🔹 تعالى نشوف قصة النهاره 👇👇

*مين يضمن؟؟!!!*

📣 *بنت بتحكي وبتقول*

⏪انا الحمدالله نشأت في بيت متوسط الحال بين أب وأم ربوا أولادهم علي الأدب والاخلاق ، وكان ليه واحدة صحبتي ، بصراحه كانت أختى لأن انا مكنش عندي أخوات بنات وكانت صاحبتي دي ساكنة قريب مني

⏪ودخلنا المدرسة مع بعض وكنا متفوقين و الحمدالله لحد ما دخلنا الجامعة مع بعض

🔹 *ولما دخلنا الجامعة كان لبسنا زي معظم البنات بناطيل وبديهات واللبس ضيق اللي أغلب البنات بتلبسه ومكنش في مانع أننا نغطي رأسنا باسبانش ..أهو كله طرحة وخلاص

*بس مضحكش عليكم ، ساعات كتير كنت بحس من جوايا إن حجابنا كدا فيه حاجه غلط !!!*

⬅ *كنت حاسة إن ان كدا غلط ، لكن كنت بكتم الشعور ده جوايا وأقول ما انا لبسه طرحة أهو وانا لبسي أحسن كتير من غيري*

⏪لغاية ما جه اليوم ...كنت مستنية صاحبتي علشان نروح الكلية مع بعض وأول ماشفتها بقيت مستغربه !!! *إيه اللي هي لابساه ده ؟!!*
*لقيتها لبسه لبس واااسع وطويل* وهي حست اني مستغربة ..فقالتلي هحكيللك واحنا ماشين

⬅وقعدت تكلمني طول السكة *وقالتلي انها عرفت شروط الحجاب الصح* ✅
وإن دا الشكل اللي مفروض يكون عليه حجابنا علشان نرضي ربنا ، وحاولت تقنعني أنى أعمل زيها

📌 *لكني رديت عليها قولتلها*
شوفي ياحبيبتي ،ربنا عايزني كده⁉
ولو ربنا عايزني زيك فأكيد هكون زيك⁉
لما ربنا يهديني هتلقيني لبست زيك علي طول⁉

📣 رديت عليا وقالتلي.
*يابنتي هو مين يضمن عمره؟؟؟!*

⏪ *مارديتش عليها ، او بالأصح معرفتش أرد عليها!!*
وغيرت الموضوع علي طول

⬅وبعدها بكام يوم ..كنت قاعدة بتفرج علي برنامج ديني كان بيتكلم عن حاجه اسمها *(الرسائل الربانية)*

🗣كان الشيخ بيقول..
*[الرسائل الربانية دي رسائل من ربنا ليكي .. الرسائل دي ممكن آية تسمعيها أو موقف يحصلك أو ممكن يكون موت واحده من أعز اصحابك ..وهكذا]*
🔹 كلامه أثر فيا جدا

⏪وبعد كااام يوم صحيت علي تليفوان !!
.......الو .....ازاااي دا حصل..⁉
مقدرتش أمسك نفسي وانا بسمع المكالمه!؟؟
الدم اتجمد في عروقي وكان خلاص هيغمي عليه !!!
*كااان خبر صعب اوووووي*😰

⏪فضلت منهارة ومش عارفة أجمع أعصابي وأنهمرت دموعي وانا مش مصدقه !!!😰
وحسيت إن ربنا بعتلي رسالة في موت صاحبتي مضمونها هي كلمتها اللي لسه بترن في ودني !!!

*هو مين يضمن عمره؟!!!*

⏪حسيت أني مقدرش أقابل ربنا وأنا بالصورة دي وكان لازم أغير لبسي وأغير حياتي !!

📌وكانت هي دي بدايتي مع الحجاب الصح أصل خلاص مينفعش أقعد أضحك علي نفسي وأقول ما أنا محجبة أهو وألبس طرجه وانا عارفة إن مش دا الحجاب اللي ربنا أمرني بيه...

❎ *مينفعش أستني لحد ما الموت يجيييلي فجأه وأقابل ربنا وأنا مصرة علي المعصيه!!!؟*😔

♥ *وأنا نفسي كل البنات اللي لبسه الحجاب الموضة يقربوا من ربنا ويحرصوا علي اللبس اللي يرضي ربنا مش اللي يرضي شهواتهم وبس....*

👆🏻 مش ممكن الرسالة دي تكون رسالة ليكي إنتي أنك تبدأي تتغيري أنك تفوقي وتلبسي اللبس إللي يرضى ربك

⏪ مش ممكن أنك بتقرأي البوست ده يكون رسالة ليكى أنك تقربي بقي لربك ان الأوان أنك تفوقى وتغيري من نفسك ولبسك وحياتك

🔸 ونكمل المرة الجاية بإذن الله وقصة جديدة لعلنا نفيق قبل فوات الآوان 😔

🍂 *فريق إلى الفردوس نسعى* 🍂

#كتاب_أنتي_غيرهم_لمصطفى_زايد
*(بتصرف يسير)*

💐 *الحلقة 12 من أنتي غيرهم* 💐

📌والنهاردة معانا قصة جديدة 👇👇👇

*ملكة جمال!!!!*

📣 *بنت بتحكي قصة صاحبتها وبتقول..*
⏪أنا ليا صديقة متوفية من كام شهر ....سبحان الله كانت عروسة لسة *22سنه*
لو هحكي علي جمالها فمفيش كلام يوصف !!!كانت نسخة من ممثله جمييله جدا ، بس بعيون زرقا كمان!
*جملها كان خيااااااالي بمعنى الكلمه!!!!!*
وكان عريسها طاير بيها وبجمالها ، ومش مصدق انه اتجوزها !!كان عقله ملحوس بيها

⏪البنت دي بعد كام شهر بدأ لونها يتغير ، وبدأ يحصل شحوب غربي في شكلها 😰
وبعد زيارات للدكتور وفحوصات وتحاليل
*⏪اكتشفوا فجأه انه عندها فشل كلوي*

⬅الدكتور قال إن فيه كليه مش شغاله ولازم تتشال والكليه التانية سليمه ، هتعيش بيها عادي ان شاءالله

🔸 *واتحدد معاد العملية واتحجزت في المستشفي*،
ولكن ماتتصوروش جوزها عمل معاها ايه⁉

⏪جوزها اللي كان بيقول إنه بيحبها وماشي بيكلم نفسه عشان جمالها ، سبها في المستشفي وقال لاهلها

*لما تبقي سليمه ترجعوهالي*😰

⏪البنت دي الله يرحمها ماتت قبل ما تدخل العملية لأنها عرفت الكلام اللي قالوا جوزها لأهلها ومكنش حتي بيزورها !!وحجته انه مسافر ، مع العلم انه كان موجود في البلد بس اهله كانوا بيكدبوا عليهم علشان متتصدمش😔

*فصدقيني ..مش بالجمال ، ولا بالسن الصغير ،الموت مش بيفرق بين كبير وصغير*😰
⏪دي بنت كانت ملكة جمال بتلبس كل اللي عايزاه وعايشة حياتها بالشكل اللي عايزاه
*ولكن ياريت كان في دماغها إن الموت ممكن ينهي كل ده في لحظه وتقابل ربنا فجأه كدا ؟؟؟!*😰

👈 *خليكي فكرة يا أختي إن ربك اللي وهبك الجمال قادر انه يحرمك منه في اي لحظه*

*🔊فتذكري كل ما تقفي قدام المرايا قبل ما تخرجي*
وانتي لابسه لبس استايل وآخر موضة وفرحانة بجمالك تذكري إنك بدل ما تشكري نعمة ربنا عليكي بتقابليها بالجحود والنكران والكفران وبتستخدميها في معاصي
فخافي يا اختي من قول الله عز وجل..
*(وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ)*

⏪بقول لكل بنت مفيش حد فى الدنيا يستاهل إنك تغضبي ربك علشانه!!!! واديكم شفتوا جوز البنت دي عمل معها ايه!!!فوالله ما حد هينفعك!!!

🍂واللي هيتجوزك عشان عجبه مكياچك ولبسك والاستايل هيبيعك لو جمالك حصلوا أي شئ أو شاف بنت أجمل منك
*فـ ارضي ربك واعملي لآخرتك*

↩ أرضي ربك والله الدنيا مش مستاهلة أرضى ربك وخاف أنك تموتى وأنتي بتعصيه خافي تموتي على سوء خاتمة
*أرضى ربك يا رفيقة* ♥

ونكمل كلامنا المرة الجاية بإذن الله 😊

💐 *فريق إلى الفردوس نسعى* 💐

#كتاب_أنتي_غيرهم_لمصطفى_زايد *(بتصرف يسير)*

💐 *الحلقة 13 من أنتى غيرهم* 💐

🔹 رفيقتي أخبار طريقنا للقرب من ربنا⁉

↩ المرة دي مش قصة لكن رسالة لبنت بتعبر عن كلام بيدور جواها وممكن يكون بيجي ساعات في دماغ كتير مننا 👇👇

قصص محفوظة

*📣بنت بتحكي وبتقول أنا عايزة أفضفض معاكم*
🗣أنا بقالي سنييييين محافظة علي نفسي ...ومبكلمش ولاد وقافلة علي قلبي بالضبه والمفتاح..
وبقول إن قلبي ليه مفتاح واحد بس موجود مع زوجي بإذن الله ... *وفي نفس الوقت* محافظة برده علي نفسي وبحاول التزم بالزي الشرعي ... وبتجاهل تعليقات قرايبي وصحباتي اللي ليل نهار بيقولولي إيه الخيمة دي اللي انتي لبساها دي؟؟!! وفكيها ياست الشيخه!!!
ويابنتي إلبسي عدل زي البنات وعيشي سنك!!!
وغيره وغيره من الكلام اللي يجيب الأرض!!!

⏪ *ولكن للأسف...* أوقات كتير بضعف ..والشيطان بيلعب في دماغي ويقولي : هما الولاد يعني هياكلوكي؟
فيها إيه لو اتكلمتي معاهم ؟؟دول زي اخواتك برده !!!
وطالما إنتي بتحطي حدود مفيهاش حاجه حرام!

*⬅مش الدين يسر برده وربنا غفور رحييم؟؟؟!!!*
*⬅ولا إنتي عايزه تعقدي نفسك؟؟؟!؛*

🔸وفيها إيه يعني لو خليتي هدومك تبقي متظبطه عليكي كده تقصري الخمار والطرحة شويتين وتحطي ميكاج خفيف كده مش هيبان أوي زي ما أنتي فكره؟!!!!

*⬅وبعدين يعني جت عليييكي؟!!!*
*⬅ما كل البنات عايشه حياتها !! إشمعني انتي ؟!؟!*
*⬅يعني الولاد هيسيبوا كل البنات ويبصولك أنتي؟؟!*

*👈خليكي كده فقرية طول عمرك!!!في الزمن ده مستحيل حد هيبصلك ولا هيفكر يتجوزك أبداااا!!*

⏪وأبدا أبص علي البنات في الشارع...
*ألاقيهم كلهم حاجه كده ماشاء الله متتوصفش!!!*

❎اللي لابسه بنطلون متعرفش دخل فيها ازاي؟؟؟!!
❎واللي لبسه چيبه وبدي أسود من البنطلون !!!!
❎واللي لبسه طرحه من فوق ونص رجليها باينه من تحت !!واللي لابسه چيبه قصيرة وتحتيها ليجن
شفاف وبرده لبسه طرحه!!واللي واللي!!!

*📢بصراحه كده يعني بيني وبينكم ..شكلهم بيبقي حلو ومقطقط كده..))وكل الشباب عيونهم رايحة عليهم وبيحاولوا يكلموهم

🚫 *بس ثـــوااني كده....!!!!*

⏪جبت كوبايه مية وكبتها في وشي علشان أفوق من الهلوسة اللي أنا بقولها دي!!!إيه ده يابنتي؟؟!!

*❎ماكـــــل البنات دول قصصهم معروفه ومحفوظه وبقوا إسطوانة بتتكرر كل لحظه!!*

↩البنت هتلبس ضيق واستايل ، والولاد هيجروا وراها ويكلموها وتبدأ الحكايه ..ويدخلوا مع بعض في قصة حب وهمية مدتها ساعتين إلاربع ...او يومين إلاربع ..اوشهرين إلاربع...اوسنتين إلاربع ....!!
⏪المهم نهايتها إن البنت بتخرج منها *متحطمه نفسيا*😰
وبتعض صوابهعا *من الندم* إنها إدت مشاعرها لإنسان ميستهلهاش!

والكلمه اللي كل البنات بتقولها ساعتها :

*⬅أنا اللي استاهل !!!أنا اللي رخصت نفسي!!*

▪ولكن ياتري البنت دي بتتعظ؟؟!
*⏮للأسف لا...!!!* وبتبدأ تدور علي قصة تانية تدخل فيها علشان تنسيها القصه الأولي... ودايرة بقي مبتخلصش!!تقعد تخرج من قصة لقصه تانيه ..
وقلبها بيبدأ يدبل شوية شوية زي الوردة!!!😔

*👈الورده لما بنقطفها خلاص بتبدأ تدبل!!
وبتبدا تتنقل من إيد لإيد ..وفي الآخر بيكون مصيرها الشارع تحت الرجلين ، او في أي صندوق زبـالـة تترمي فيه.!!!
القلب كدا برده..لما بيبعد عن ربنا بيبدأ يدبل!!
*ولو ملحقتوش بالتوبة خلاص هيضيع!!*
⚡ويطلع الولد يدور علي بنت تانية يتسلي معاها شويا والأكيد إنه عمره ما هيفكر يربط رسمي بأي بنت من دول... لأنه عاوز زوجته بنت خام.. قطه مغمضه لبسها محترم ومبتحطش مكياج وعمرها ما كلمت ولاد أعتقد القصة دي بقت معروفة ومحفوظة وبتتكرر في اليوم 100مرة..
*ولكن للأسف محدش بيتعظ*😔

🔹وأنا شايفه السبب الأساسي في تكرارها هو :
*الفرااااااغ والصحبه والبعد عن ربنا*😔

*✅ارجع بقي لنفسي وأقولها : إنتي غاليه اووووي*♥
وقلبك دا ربنا هيرزقه باللي يصونه ويستاهله ..لأن الطيبون للطيبات ..وزي ما إنتي هتكوني ، هيكون زوجك بالظبط
لو عايزه زوجك عفيف وقلبه ملك لربنا..خليكي عفيفه حيية قلبك خليه ملك لربنا ...
معلش لو تعبتي شويا ولسه ما أنش الآوان إن ربنا يجمعني بزوجي...لأن الزواج رزق وكله بأوانه ...😊

✅حتي لو مكنش مكتوبلي جواز ، فالمهم ان ربي حبيبي يكون راضي عني وحبيبي محمد صلي الله عليه وسلم يكون فرحان بيا

✅وكفايه اوووي إن اما حد يشوفني في الشارع بحجابي الصح يقولي ربنا يحفظك يابنتي ويبارك فيكي

✅وكفايه ان أهل صحباتي منهم اللي تقولي ربنا يكرمك حاولي تأخدي بإيد بنتي، وبيقولولهم ما أنتم لو كنتوا صحاب فلانه دي كان زمنكم زيها!!
وده كله بفضل من الله أنه هداني
فالحمد الله يارب ثبتني واهدي كل بنات المسلمين😍

⤴ فأوعى يارفيقتي تضعفى أوعى الشيطان يضحك عليكي ويرجعك عن طريق ربنا أوعى تستصعبي الطريق أوعى تستلمي للغلط واللى يغضب ربنا
أثبتي يارفيقة ستعوضين عن كل هذا
أثبتي يارفيقة فالجنة تستاهل♥

ونكمل كلامنا المرة الجاية بإذن الله 😊

💐 فريق إلى الفردوس نسعى 💐
#كتاب_أنتي_غيرهم_لمصطفى_زايد(بتصرف يسير)

💐 *الحلقة ال 14 من أنتى غيرهم* 💐

🔹 والله يا رفيقتي مفيش أحلى من القرب من الله ومفيش سعادة إلا فى طاعة ربنا ♥

↩ تعالى نشوف رسالة النهارده من بنوته 👇👇

*بحبك اوي يااارب*

*📣بنت بتحكي قصتها وبتقول:*
⏪انا كنت بنت عاديه جدا زي اي بنت ...ولكن الحمدلله بدأت أقرب من ربنا وأغير لبسي ولبست ملحفة وبقيت اسمع دروس واقرأ وأتعلم عن ديني والحمدالله😊

*بس للأسف الكل كان ضدي* الأهل والأصحاب وكله!
الكل بيسخر ويتريق ويجادل ويثبط من عزمتي !!!😔

⏪لحد ما في يوم اشتد عليه كلام صحابي وأهلى واتخنقت لدرجة *إني كنت خلاص مش قدره أتحمل*
وكنا وقتها في شهر رمضان ..وجيت في صلاة قيام الليل ..وكنت بحب أعمل لنفسي جو هدوء علشان يساعد علي الخشوع كنت بقفل النور وأشغل التلفزيون علي قناة الرحمه
وأكتم الصوت كان الغرض بس الضوء الهادي بتاع الشاشه عشان أشوف وانا بقرأ فى المصحف..

🔹 *سجدت فى آخر ركعة ودعيت وقلت 👇*
▪يارب هو أنا صح وله غلط ⁉
▪يارب هو أنا لما أبطل الأغاني وأسمع قرآن وأبطل تبرج وألبس واسع أبقى كده بتشدد وله كده صح⁉
▪ يارب أنا معدتش بحب أكلم حد لأنهم دايما يقولولى أنتي متشددة ومعقدة رغم أني ولا حاجه بالنسبة لناس ملتزمين كتير يارب أنا الصح وله أهلى وأصحابى ⁉
▪يارب الجنة لمين ؟ مش الجنة وصاحبة النبى صل الله عليه وسلم فيها للي هيطيعك ويلتزم بسنة النبي صلى الله عليه وسلم ⁉
▪يارب أنا عايزة أعرف أنا الصح وله أصحابى ⁉
▪يارب ساعدني يارب اهديني⁉

↩ *وانهرت بالبكاء بعدها لدرجة أني كنت بعيط زي الطفلة بصوت عالى ومش قادرة أمسك نفسي😰*

↩ وقعدت أدعى كتير وأول ما خلصت قعدت أستغفر ربنا وفتحت صوت التليفزيون

⚡والله والله والله والله على ما أقول شهيد لقيت برنامج شغال كان أسمه *خايف عليك*

والله العظيم لقيت الشيخ بيشاور على الكاميرا ويقول 👇
▪ *( أنتى يابنتي أنتى الصح ...أنتى الصح مش صحابك ... أثبتي ولكي الجنة ...ياأختي من ترك شيئا لله عوضه بأحسن منه .... ياأختي الله يبشرك بالجنة لو اتبعتي سنة رسوله)*

⭕ أنا وقفت مستغربة ومش مصدقة أيه ده ⁉الشيخ ده بيرد على دعايا وبكايا ⁉
*يااااه يارب أستجبتلى بالسرعة دي معقول ⁉* ياااه يارحمن يارحيم وقعدت أعيط وأقول أسماء الله الحسنى...الرحمن...الرحيم...الملك....المجيب...المجيب...يامن تجيب المضطر إذا دعاه ...ياالله..ياالله ...والشيخ مستمر و بيقول 👇
▪ *(يا أختي في بداية الطريق بيبقي في إختبار ليكى من الله أصحابك هيحاولوا يرجعوكي قولي لا ربى ورسولي أحب إلى )*

♥ سبحان الله ربنا جميل وأنا بحب ربنا أوي والحمد لله ربنا رزقني الصحبة الصالحة

⏪ وبعد رمضان هدأ الناس من حولى لكني قررت ألبس النقاب ودي كانت أحلى وأجمل خطوة في حياتي وطبعا أهلى مكنوش موافقين وبابا وافق بعدها بالعافية ولبسته غصب عنهم مع إحترامي للكل

⏪ وفي اليوم اللي لبسته فيه بعد ما صليت الفجر نمت وطول ما انا نايمة فى صوت بنت جميل اوي عمالة تقرأ قرآن فى أذني ..أول مرة اتخضيت وقلت ده أكيد حلم نمت تاني لقيت نفس الصوت عمال يكمل قراءة فى أذني. ..قلقت تاني ونمت ورابع مرة أتخضيت وقمت غسلت وشي علشان أفوق ورجعت نمت وفى كل مرة الصوت عمال يكمل قراءة فى أذني لحد ما صحيت قلت *الحمد لله الذي هداني* ♥

↩ ياريت كل البنات تعرف أن طريق ربنا هو أجمل طريق هتلاقي فيه السعادة والراحة اللي عمرك ما هتلاقيها فى طريق المعاصي

👆 ياااه يارفيقتى حسيتي بيها قلبك أتاثرتي صح عينك دمعت أشتقتي تحسي نفس أحساسها أشتقتي تقربي من ربك ... طيب مستنية إيه يالا قربي يالا كفاية بعد بقى 👊

ونكمل كلامنا المرة الجاية بإذن الله 😊

💐 *فريق إلى الفردوس نسعى* 💐
#كتاب_أنتي_غيرهم_لمصطفى_زايد ( بتصرف يسير )

💐 *الحلقة 15 والأخيرة من أنتي غيرهم* 💐

*إنتي غيرهم !!!!*

🗣وقبل الختام.... بعد ما قرئتي قصص البنات من لسان كل البنات دول نفسهم .. أتمني إن كلامهم يكون وصل من قلوبهم لقلبك بإذن الله ..

↩ وزي ما بيقول الحكماء /
*السعيد من وعظ بغيره ...*
*والشقي من انتظر حتى يوعظ في نفسه*

⏪فأتمني بعد ما شوفتي حال البنات و القصص اللي فاتت إنك تبدأي خطوه عملية وتغيري لبسك وحياتك وتقربي من ربنا حبيبك

✅ *أتمني* إنك تكوني بنت غير كل البنات اللي الشيطان ضحك عليهم وزينلهم طريق المعاصي ..

✅ *أتمني* إنك تكوني من البنات الصالحات اللي ثابتين بفضل الله رغم كل الفتن والشهوات والمغريات والبنات اللي بتبقى قلوبهم هتطير من الفرحة بثباتهم وبندعي ربنا إنه يبارك فيهم ويكثر من أمثالهم ...

*⏪ودي كلمات بسيطة إهداء لكل بنت عفيفة..*♥
❄لكل بنت لبسة الحجاب اللي يرضي ربنا مش اللي يرضي الناس
❄لكل بنت تشبهت بأمهات المؤمنين
❄لكل بنت صاينة نفسها وحافظة قلبها من كل علاقة حب حرام مع اي شاب
❄ لكل بنت قلبها رقيق بذكر الله مليان بحب الله
❄ لكل بنت رفعت عن السفاسف والتفاهات والأفلام و المسلسلات والأغاني
❄لكل بنت ثابتة وقابضة علي الجمر ومتمسكة بكتاب ربنا وسنة نبينا في زمن الغربه دا ...

✅بقولها إنتي غيرهم ياأختي ....اصبري واحتسبي ...وأبشري بحب الله ورضوانه .. أصبري وأبشري بجنة عرضها السموات والأرض أصبري ...وأبشري بأحلي حياة فى الدنيا والآخرة

*إنتي غيرهم*
من كل قلبي بقولهالك وهقولهالك.
*إنتي غيرهم*
والكون بحاله كتبهالك وشهدهالك..
*إنتي غيرهم*
إنتي غير كل البنات ومفيش كلام يوصف كدا
أخلاق ودين ثابتة ثبات مين شاف إيمان بالشكل دا
إنتي العفيفة الطيبة إنتي اللي منه قربيه
ربك حبيبك بتطعيه والناس عقولها مغيبة
*إنتي غيرهم*

يالؤلؤه ماشية بحجابك ...زانك حياءك بين صحابك
والناس يقولوا ليه كدا ..... وكأنك إنتي المذنبة
ده حجاب يصونك من العيون ....اوعي تسبيه لو إيه يكون
واسع ويرضي ربنا ...اصلك بجد مححبة
*إنتي غيرهم*
قلبك ده غير كل القلوب ..طاهر برئ من غير ذنوب
خالي من الحب الحرام ...وقلوب كتير متعذبة
يانجمه وسط ضلام وليل ....إنتي الأمل في طريق طويل
دول مهما حاولوا يعملوا ....عمرك ما كنتي مذبذبه
*إنتي غيرهم*
ياثابتة زي جبال رواسي ...سامعه كلام مؤلم وقاسي
صابرة وبتقابلي الكلام بطريقة هداية مؤدبة
ماشية في طريق مليان صعاب أبواب فتن ولا ألف باب
قابضة علي جمر الإيمان ..كل البنات مستغربة
*إنتي غيرهم*
إنتي غير كل البنات ، ومفيش كلام يوصف كدا
أخلاق ودين ثابتة ثبات ...مين شاف إيمان بالشكل دا
انتي العفيفة الطيبة ... إنتي اللي منه قريبة
ربك حبيبك بتطعيه ....والناس عقولها مغيبة
*إنتي غيرهم*

🔹 بالله عليكى يارفيقة لتفوقي بقى أنتي قلبك مليان خير وبتحبي أنا متأكدة من كده بس للأسف مستسلمة للشيطان وهوى النفس وصحبة السوء فوقى بقى وطيعى ربك
*يالا بقي مفيش وقت*
🔸 قومى حالا صلى لربك واسجدي وقوليلوا رجعالك يارب اغفرلى يارب أعني يارب أرضى عني يارب

⏪ يالا نرفع شعار *هتغير وأرضى ربي* *هتغير علشان الجنة تستاهل*♥

تم بحمد الله😊

💐 *فريق 👈 إلي الفردوس نسعى* 💐
#كتاب_أنتي_غيرهم_لمصطفى_زايد *(بتصرف يسير)*

السلام عليكم ورحمة الله وبركاته 😊

سلاسل القناة وتجدون كل دروس الخاصة في الهشتاج بتاعها

#معا_لإحياء_السنن_المهجورة

#عقيدتى_الصحيحه

#الوسواس_القهرى_وانواعه_واسبابه_وعلاجه

#كيف_تتعامل_مع_الله

#تعلم_الفقه_ببساطه وفى دروس على #تعلم_الفقه_ببساطة
#امراض القلوب
#سلسلة_آفات_اللسان

#اعرف_ربك (شرح اسماء الله )

#من_سيرتهم_نتعلم (سيرة صالحات وصحابيات)

#رقائق دعوية

#الخبيئة

#اذكارى حياتى (الاذكار الخاصة بالصلاة )

#تدبر_اية أو #تدبر_ايه

#اقوال_العلماء

#في_طريقي_للتدبر

#لنحيي_قلوبنا

#عقيدة_الهداية(دروس مبسطة في العقيدة)

#صفقات_رابحه_مع_الله

#سلسلة الذكروالدعاء

#تعلمت_من_القرآن

#اعرف_نبيك ( السيرة النبوية )

#سؤال_وجواب (فقرة مهمه لأسئلة مهمه)

#شخصية_المسلم

#رسالة_فرحة

#المرأة الإيجابية

#تحذير_الساجد_من_أخطاء_العبادات_والعقائد

#بطولات_العشر

#فتاوى

#رسائل_الفجر (رسايل هتمس قلبك لعلها رسالة ليكي)

#فوائد_تدبرية

#آية_وتفسير

#تغريداات_منقذة (رسايل قصيرة اليكي)

#برسول_الله_أقتدى (أذكار مهمة لازم نعرفها)

#تدبرات

#قصة_وعبرة (قصص موثرة هتفيدك ولعلها رسالة ليكي )

#لأنك_الله ( صور من كتاب لأنك الله )
#٦٠_سؤالا_تدبريا
#شرح_حديث
#مقتطفات_من_كتب
#والحل (مشاكل والحل بتاعها )
#حجابك_جنتك
#كيف_أحيا
#كل_يوم_حديث_صحيح
#أمهات_المؤمنين (زوجات الرسول صلى الله عليه وسلم)
#مكارم_الأخلاق


#كتاب_جنة_الدنيا_لمصطفى_زايد (عبارة عن حلقات ) عن الصلاة

#كتاب_للبنات_وبس_لمصطفى_زايد (عبارة عن حلقات ) عن تاخر الزواج والحجاب

#كتاب_جرب_تقرب_لمصطفى_زايد (عبارة عن حلقات) عن القرب من ربنا والتوبة والصلاة

#كتاب_new_fashion_لمصطفى_زايد (عبارة عن حلقات بيتكلم عن الحجاب)

#كتاب_لأنك_غالية_لمصطفى_زايد
(عبارة عن حلقات بيتكلم عن الحب الحرام )

#كتاب_اصحى_يانايم_لمصطفى_زايد (عبارة
عن.حلقات بيتكلم عن الاستعداد لرمضان)

#كتاب_أنتي_غيرهم_لمصطفى_زايد (عبارة عن حلقات بيتكلم عن التوبة وقصص واقعية لتوبة فتيات)

#كتاب_فكيها_شوية_لمصطفى_زايد *(عبارة عن حلقات بيتكلم عن كلام الناس وتاثيروا علينا)*

والسلاسل الصوتية

#فواصل_العشر
#ترجمة لمحمد الغليظ
#أيام_الحب لمحمد الغليظ وأيضا تفريغات
#تخيل لمحمد الغليظ
#مقاطع_دعوية (مقاطع_قصيرة)
#همة لد محمد الشيخ
#عرفت_الله للشبخ محمد سعد الشرقاوى
#قلب_يتعبد_بالمحبة لد شريف يونس
#مع_الله الشيخ على الشهري
#كوني_أنثى للشيخ عبد الرحمن منصور *(صوت وتفريغ)


#مقاطع_متفرقة للأخت أم فارس
#مقاطع_أم_فارس
#القلوب_أمراض_وعلاج للأخت أم فارس
#إعملي للأخت أم فارس
#عن_رب_العزة للأخت أم فارس
#أسعد_زوجة للأخت ام فارس
#كما_رأيتموني_أصلي للأخت أم فارس
#الهدف_المشترك للأخت أم فارس
#راجعة_لك_يارب_فاقبلنى للأخت أم أنس
☝☝ أنتبهوا لا يسمع صوتهم رجال


☘ وللاستعداد لرمضان

#سلسلة_سقيا_شعبان
#سلسلة_بذور_رجب

#100_يوم_على_رمضان
#أشحن_قلبك_رمضان_قرب ( مقاطع صوتية عن رمضان )
#رمضان_قرب_يالا_نقرب
#أحكام_الصيام
#خلاصات_الأجزاء لد عمر المقبل
#الطريق_إلى_القرآن


&ومواضيع أخرى مفيدة بإذن الله تنال اعجابكم

❄كل ماعليكم أن تضغطوا على الهشتاج وتضغطوا على السهم لأعلى لتجدوا كل ما يخص هذة السلسلة بإذن الله

وانشروا القناة الدال على الخير كفاعله 😊

https://t.me/WeToseekParadise

السلام عليكم ورحمة الله وبركاته 😊

سلاسل القناة وتجدون كل دروس الخاصة في الهشتاج بتاعها

#معا_لإحياء_السنن_المهجورة

#عقيدتى_الصحيحه

#الوسواس_القهرى_وانواعه_واسبابه_وعلاجه

#كيف_تتعامل_مع_الله

#تعلم_الفقه_ببساطه وفى دروس على #تعلم_الفقه_ببساطة
#امراض القلوب
#سلسلة_آفات_اللسان

#اعرف_ربك (شرح اسماء الله )

#من_سيرتهم_نتعلم (سيرة صالحات وصحابيات)

#رقائق دعوية

#الخبيئة

#اذكارى حياتى (الاذكار الخاصة بالصلاة )

#تدبر_اية أو #تدبر_ايه

#اقوال_العلماء

#في_طريقي_للتدبر

#لنحيي_قلوبنا

#عقيدة_الهداية(دروس مبسطة في العقيدة)

#صفقات_رابحه_مع_الله

#سلسلة الذكروالدعاء

#تعلمت_من_القرآن

#اعرف_نبيك ( السيرة النبوية )

#سؤال_وجواب (فقرة مهمه لأسئلة مهمه)

#شخصية_المسلم

#رسالة_فرحة

#المرأة الإيجابية

#تحذير_الساجد_من_أخطاء_العبادات_والعقائد

#بطولات_العشر

#فتاوى

#رسائل_الفجر (رسايل هتمس قلبك لعلها رسالة ليكي)

#آية_وتفسير

#تغريداات_منقذة (رسايل قصيرة اليكي)

#برسول_الله_أقتدي (أذكار مهمه لازم نعرفها ونتبع رسولنا زي اذكار الصلاة والاذكار اليومية )

#تدبرات

#قصة_وعبرة (قصص موثرة هتفيدك ولعلها رسالة ليكي )

#لأنك_الله ( صور من كتاب لأنك الله )
#٦٠_سؤالا_تدبريا
#شرح_حديث
#مقتطفات_من_كتب
#والحل (مشاكل والحل بتاعها )
#حجابك_جنتك
#كيف_أحيا
#كل_يوم_حديث_صحيح
#أمهات_المؤمنين (زوجات الرسول صلى الله عليه وسلم)
#مكارم_الأخلاق
#تعرف_إلى_الله
#تأملات_قرآنية

#كتاب_جنة_الدنيا_لمصطفى_زايد (عبارة عن حلقات ) عن الصلاة

#كتاب_للبنات_وبس_لمصطفى_زايد (عبارة عن حلقات ) عن تاخر الزواج والحجاب

#كتاب_جرب_تقرب_لمصطفى_زايد (عبارة عن حلقات) عن القرب من ربنا والتوبة والصلاة

#كتاب_new_fashion_لمصطفى_زايد (عبارة عن حلقات بيتكلم عن الحجاب)

#كتاب_لأنك_غالية_لمصطفى_زايد
(عبارة عن حلقات بيتكلم عن الحب الحرام )

#كتاب_اصحى_يانايم_لمصطفى_زايد (عبارة
عن.حلقات بيتكلم عن الاستعداد لرمضان)

#كتاب_أنتي_غيرهم_لمصطفى_زايد (عبارة عن حلقات بيتكلم عن التوبة وقصص واقعية لتوبة فتيات)

#كتاب_فكيها_شوية_لمصطفى_زايد *(عبارة عن حلقات بيتكلم عن كلام الناس وتاثيروا علينا)*

والسلاسل الصوتية

#فواصل_العشر
#ترجمة لمحمد الغليظ
#أيام_الحب لمحمد الغليظ وأيضا تفريغات
#تخيل لمحمد الغليظ
#مقاطع_دعوية (مقاطع_قصيرة)
#همة لد محمد الشيخ
#عرفت_الله للشبخ محمد سعد الشرقاوى
#قلب_يتعبد_بالمحبة لد شريف يونس
#مع_الله الشيخ على الشهري
#كوني_أنثى للشيخ عبد الرحمن منصور *(صوت وتفريغ)


#مقاطع_متفرقة للأخت أم فارس
#مقاطع_أم_فارس
#القلوب_أمراض_وعلاج للأخت أم فارس
#إعملي للأخت أم فارس
#عن_رب_العزة للأخت أم فارس
#أسعد_زوجة للأخت ام فارس
#كما_رأيتموني_أصلي للأخت أم فارس
#الهدف_المشترك للأخت أم فارس
#راجعة_لك_يارب_فاقبلنى للأخت أم أنس
☝☝ أنتبهوا لا يسمع صوتهم رجال


☘ وللاستعداد لرمضان

#سلسلة_سقيا_شعبان
#سلسلة_بذور_رجب

#100_يوم_على_رمضان
#أشحن_قلبك_رمضان_قرب ( مقاطع صوتية عن رمضان )
#رمضان_قرب_يالا_نقرب
#أحكام_الصيام
#خلاصات_الأجزاء لد عمر المقبل
#الطريق_إلى_القرآن
#سباق_المشتاقين
#زادي_لرمضان
#مفكرة_ديمة


&ومواضيع أخرى مفيدة بإذن الله تنال اعجابكم

❄كل ماعليكم أن تضغطوا على الهشتاج وتضغطوا على السهم لأعلى لتجدوا كل ما يخص هذة السلسلة بإذن الله

وانشروا القناة الدال على الخير كفاعله 😊

https://t.me/WeToseekParadise


لتلقي❤️استفساراتكم أو آراءكم يرجى التواصل على بوت القناة

💌تواصل فريق إلى الفردوس نسعى📮📮📬


@WeToseekParadise_bot

☝️تنبيه
#البوت للاستفسار فقط📮📩وليس لطلبات الإعلان عن قنوات ولاتبادل❌