اللي يعاند لازم يلين .. والقافل لابد يجي يوم ويفتح بابه .. والزعلان اخرته يرضى .. واذا كلهن ما صارًا معناها انتَ لا عزيز ولا الك خاطر يمه .. الظاهر ممكتوبلك مكتوب الغيرك .. الله يوفق فلان بفلان .. الله وياه والقلب داعيله...

اذا حسبت احسابه وطلع جذاب وما زعلت يعني الجان بيك اعجاب .. واذا صار مقدر تخلي وبقيت تحبه وتدعي ربك دوم الك يخيلي هذا حظ احباب .. اما اذا رايد تجبره وما گادر تعبرة ولازم يرضخ معناها هذا هوس .. والهوس مرض الله يبعدكم منه .. المكتوبلك ابد ما يصير الغيرك لتحزن او تفرض نفسك .. وخلي ابالك الحب هوه اللي يجيك وهوه اللي يدك على الباب .. لا تروحله تعلم على الصبر حباب...

الصوت العالي دليل على قله وعي وضعف حجة .. الصمت أفضل من فكرة كرامه هشة .. صحيح رحم الله امرئ اهداني عيوبي .. بس يا حبيبي اني ما انخلقت علمود انذل .. كرامتي فوق كلشي .. فوق جرحي فوق قوتك .. أنتَ منو حتى تتميز عن غيرك كلنا بشر .. واذا ما عاجبك توگف بصفي .. لا تتخيل بيوم من الأيام اخليك تصعد على جتافي .. كلشي بالدنيا تتخيله يميزك عن غيرك وعني .. على نفسك...

كشـوق الليالي لضوء القمـر
كعشق اليباب لقطر المطر
نجيء وفي راحتينا الضياء
نقاء وحبًا لكل البشر...

تعالو خلي اسولفلكم شي...

أبد أبد أبد ركزلي على كلمة أبد كلش زين .. أبد لا تتبع شخص وتتعلق بكلامة وأسلوبة .. ليش اني اكلك ليش .. لأن بسببه تكوم تكره اشخاص وبسببه تحب اشخاص .. انت بهاي المرحله قدست الشخص اللي جاي تتبعه .. وهذا شي غلط .. ليش غلط لان الانسان العادي مهما زاد فكره وعلمه يبقى عنده اغلاط لأن مو معصوم .. تمام فهمت .. عفيه .. انت كشخص واعي خليك من تعرف معلومه او شي روح ابحث عليه شوف منطقه صح لو غلط لا تخلي شخص واحد يحددلك لا ابحث واسأل اكثر من شخص .. واذا متريد تسأل عندك كوكل وبالبيت ابحث أي معلومه شرط تقتنع بأكثر من مصدر انها صحيحه .. وتحكمها بعقلك وتدرسها بعقلك مو بس ها بحثت .. كلمة وحده منك ما تعرف معناها او ممركز بيها مستعده تهدم حياة شخص لان سمعها منك .. فحاول تكون حباب وتتبع نفسك وعقلك ودينك مهما كانت ديانتك...

تدري شي .. لو تملخ روحك من البجي .. لو تشكي ليل ونهار .. لو تفر الدنيا كلها حتى احد يسمعك مراح تلكه .. لان ببساطه محد بحالك! .. اي محد بحالك صح يجوز تلاكي ناس بس يستعطفون عليك .. محد راح يرحمك غير رب العالمين .. خليك واثق بنفسك ولا تشكي .. شيل همك وحدك .. وحول هذا الهم والتعب اللي بيك هدف حتى تكسره .. لا تبقى تشكي لفلان وفلانه .. خلي شكواك لرب العالمين .. لان هوه وحده يسمعك ويسمع الانين اللي بداخلك .. صدكني لو الشكوى للناس تجيب نتيجه جان ما بقى هذا حالك .. حاول تهتم بنفسك تصلي هواي تدفع صدقات وما همك احد .. حالك كله يتغير بالتتدريج .. ادري انتَ اللي جاي تقرأ تعرف بهذا الشيء .. ومتيقن منه .. لكن ممصارح نفسك بي .. واني هسه كتبتلك هذا الكلام حتى ترجع تتذكر نفسك شكد تستاهل .. وشكد الك حق تعيش براحه ومو بهم .. ياريت تنتبه على نفسك وتهتم براحتك .. مهما كان الامر صعب عليك بذكر الله تصير ان شاء الله اسهل .. وخلي ابالك كل ضيق وراه فرج .. مهما زادت الايام وانت تحارب .. لابد يجي هذا اليوم وانتَ مؤمن برب العالمين...

تدرون شي .. مستعد اخسر الكل .. واضحي بلكشي بحياتي .. لخاطر راحه نفسي ..لان تعبت ارضي فلان واساعد فلان .. وبالنهاية محد يقدر .. انطي من وقتي لخاطر سعادتهم .. لخاطر صداقتهم .. لخاطر كل يوم عشناها .. بس للأسف محد يحس .. لهنا واكتفيت .. بعد راح اختفي من حياتكم وما تسمعون شي مني .. خلي التهي بحياتي واقدم شي يساعدني للمستقبل .. وما اريد غير شي بعد .. انتهى دوركم هل مره اجه دوري!...

من أغرب واصعب الرسائل اللي وصلتني..

السلام عليكم أستاذ محمد

زوجتي توفت قبل فترة قصيرة وموبايلها ايفون ما اريدة يتلف لان بي ذكريات
شلون اكدر احافظ علية لاطول فترة بدون ما يعطل
حاليا استخدم طريقة شحن لل٨٠ واقفل بس ورى فترة اشوفه مخلص شحن

يلا خلي اكتبلكم شي

مختصر على الاكتئاب