فجأة واكف بطريقي وانت مريت .. من شده الصفنه الي صفنتها عليك .. كلها حست اني عندي شي وياك .. وما گدرت اشيل عيني منك لحد ما اختفيت من انظاري...

العاقل يفتهم .. مو كل ظاهرة شفتها بالشارع كبل تلزم الجهاز وتصور .. شي ما يخصك ابتعد عنه .. عود تريد تصير ترند ومتابعين .. وبعدين! .. اذا همه المتابعين تلاگيهم كلهم من امثالك .. لا يحلون ولا يربطون .. اتعلم وربي نفسك .. مو كلشي يصير گدامك تدخل .. شفت شي غلط لا تصوره اتعلم منه وكمل طريقك .. محاجه تصور وعود شوفوني .. هواي اكو ناس عندها عقده من التصوير .. ليش تصير سبب لتجريحهم .. هواي ناس تأذت بهذا الشيء وادمرت نفسيتهم .. بس منو يحس منو يقدر محد .. كلمًا حاير بروحه .. لهذا السبب بدت الحرمة تقل....

وجماعه تعال اصورك واني انطيك فلوس بحجة صدقة .. حتى يكسب تعاطف العالم .. ذولي كل رحمه ما ألهم ولا اجر .. تريد تتباها اتباها گدام ربك اعظم من هل ناس...

الاكتفاء الذاتي بصديق يغنيك عن كل شيء .. يغنيك عن الحب ومشاكله .. عن الناس وافعالها .. عن البيت وخبصته .. تكتفي بي وحده .. ويكون هوه الأساس بكل شيء .. ومستحيل يمر يوم ومتتعاتبون لو تتعاركون على منو الما سأل اكثر .. هذا بحد ذاته شي جميل...

تدري شي...

اني كل يوم افز من نومي اشوف بلكي وصلني اشعار منك...

كم شخص نام وقلبه مكسور من اهله .. كم شخص نام وقلبه مكسور من اللي حبه .. كم شخص نام وقلبه يتوجع على اللي يصير بعائلته .. كم شخص يريد يغير واقع اهله بس ما يگدر .. كم شخص يوعد نفسه يغير حال اهله للاحسن بس بسبب المادة او المشاكل مايگدر .. وكم شخص فاقد واحد من اهله ويتمناه يرجع ويشكيله .. كم شخص مريض ويريد يطيب ويخلص ويكمل حياته مثل الناس .. وكم شخص حصره عليه الطلعه .. وكم شخص يتمنى يدرس ويكمل بس بسبب واقعه ما يگدر .. مهما يكون اللي متعبك بهل دنيا سلمه بيد الله .. الحياة صح صارت صعبه بس لازم نسهلها .. وكل اللي نتمناه راح يصير .. بس بالصلاة والدعاء مهما كان السبب وحتى لو يتأخر الفرج يم الله حقك ما يضيع .. حاول تباوع للجانب الثاني من حياتك انو عندك يقين بالله كلشي راح يتغير .. وما يبقى على حاله...

خطيه يبجي يريد اهله يتصافون .. خطيه تبجي تريد اهلها يتصافون .. يركضون بالبرد وبالمطر يرحون للمدرسة .. يوصلون متأخرين ماعدهم كروه .. يلزمهم المدير والمديره بالبرد وينضربون .. ودموعهم تصب ومحد داري عن حالهم .. أطفال ابرياء يردون حنان أب وأم بدون مشاكل .. لكن ما باليد حيله .. هٰذي نتائج عدم التفهام قبل وبعد الزواج...

زين كم واحد بالقناة بعده عايش

تدرون شي .. انسان طبيعي ما فد يوم تصنعت .. ولا أذيت شخص بقصد .. بس ما اعرف ليش هيج الكل ضدي .. وصرت ما اعرف المشكلة بيه لو بالناس...

تدري شي .. تگدر تحجي بهدوء بدون صوت عالي .. تگدر تفتهم الشخص المقابل بدون تسرع .. تره الموضوع طبيعي .. تكدر الاستهتار توخره من شخصيتك .. وتكدر ما تتصنع .. وتگدر ما تكون الشخص المثالي .. تكدر تكون شخص عادي .. تكدر تكون طبيعي وراضي نفسك .. وتكدر تكول (لا) لأي شخص .. لا تخاف محد يزعل منك .. بس انتَ تخلق زعل وهمي بخيالك .. وحتى ان زعل الشخص المقابل المهم انتَ مقتنع بشغله صح المهم مو غلط .. تدرون شي .. الحياة كلش عادية بس احنى ننطي للمواضيع اكبر من حجمها .. ونزيد ثقل الهم على انفسنا .. وخليك على يقين انو مدام راضي رب العالمين وممأذي احد .. راح تكون أحسن واحد بالكون مو بس بالدنيا...

ما اوعدك اني راح اكدر احل كل مشاكلك بالدنيا .. بس اوعدك ما راح تواجها منا وجاي الوحدك .. راح نواجها الوحدنا...