#በ_8ኛው ክፍለ ዘመን የኖሩት ኢማሙ ማሊክ ረህመቱላህ ዐለይህ እጅግ ድንቅ የሆነ ኪታባቸውን "ሙወጠእ"الموطأ አበርክተው ነበር። ይህ ኪታብ በኢስላሚክ ኢምፓየሩ ተሰራጭቶ  ደረሶች እየቀሩት ሙፍቲዎች እየጠቀሱት ዳኞች እየተመረኮዙበት በጣም ታዋቂነቱ ናኘ። ይህንን ያዩ የዛ ዘመን ሸይኾች ከእውቅናው ለመቋደስ አስበው ኪታብ እየጻፉ ርእሱን "ሙወጠእ" ይሉት ጀመር (plagiarism)። እናም በርካታ  ሙወጠኦች ታትመው ወጡ። ይህንን የታዘበው ልጃቸው አባቱ ጋር ሄዶ "የእርሶን ኪታብ እያስመሰሉ ብዙ ሰዎች እያሳተሙ ነው ምን ይሻላል? አላቸው። እሳቸውም አብሽር አታስብ ለአላህ ተብሎ የተሰራው ብቻ ምድር ላይ ይቀራል فقال ما كان لله يبقى  አሉት።
ታድያ ዛሬ ላይ በዚህ ስም የሚታወቅ ኪታብ የእርሳቸው ብቻ ሆኖ ቀሪው ሁሉ ጠፍቷል።
ስራንም ሆነ ንግግር፣ ፍቅርንም  ይሁን ወቀሳ ለአላህ ብለን ካደረግነው ግቡን ይመታል። ከዛ ውጭ ለእውቅና ለገጽታ ግንባታ ቀብድ ከሆነ በዱንያም በአኼራም ያዋርደናል።


اللهم صل وسلم وزد وبارك على سيدنا وحبيبنا ونبينا محمد صلى الله عليه وعلى آله وصحبه أجمعين
ስራችን ከይሉኝታ እና ከይስሙላ የፀዳ ኢኽላስ ላይ የፀና የሚሆንበትና ከንትርኮችና ከመጠላለፍ ወጥተን በጋራ ዲናችንን የምንረዳበት: ለአለማት እዝነት ሆነው በተላኩት የቃሲም አባት ላይ አብዝተን ሰለዋት ምናወርድበት በሱናቸው ምንበረታበት በሱራህ አልካህፍ በዱዓእ በተሳኩ ምኞቶች የታጀበ ምርጥየ ጁምዐን ተመኘሁ💚

™𝑎𝑏𝑑..