አሰላሙአለይኩም ወራህመቱላሂ ወበረካቱሁ።

ውድ የወልቂጤ ዩኒቨርሲቲ ሙስሊም ተማሪዎች! ይህ አዲስ የተከፈተ የጀመዐችን ቻናል ነው። የተከፈተበት አላማ ጀማዐው ላይ ያሉ የተለያዩ ፕሮግራሞችን ለመለጠፍ እና ጠቃሚ ነጥቦችን ለመተዋወስ ነው። ለምታውቋቸው የጀማዐችን ልጆች ሊንኩን forward በማድረግ ከቻናሉ እንዲጠቀሙ እንዲሁም ቻናሉንም እንድታጠናክሩ እንጠይቃለን።
بارك الله فيكم
https://t.me/Wku_ms_Official_Channel

ይድረስ!
~
1- ይድረስ ሚስትህን ለፈታኸው፡
ልጆችህን ለዒድ አስበሃቸዋል? ወይስ እነሱንም ከናታቸው ጋር ፈተሃቸዋል?

2- ይድረስ የየቲሞች አጎት ለሆንከው፡
የሟች ወንድምህን ልጆች ትጠይቃለህ? ወይስ ከቀበርከው ወንድምህ ጋር ረስተሃቸዋል?

3- ይድረስ ባሏ የሞተባት እህት ያለችህ :
እህትህን ትኑር ትሙት ጠይቀሀል? በልታለች ወይስ ተርባለች? ወይስ እህትነቷ ቁጥር ብቻ ነው?

ይድረስ ለሁላችን፡

እጃችንን የሚጠብቁ፣ ከኛ የቀረበ ሰው የሌላቸው ቤተሰቦቻችን በምን ላይ ናቸው? በዒድ በምን መልኩ እንዲያስታውሱን እንፈልጋለን? ያቅማችንን ያክል ከልባቸው ውስጥ ደስታ ማስገባት ያሳስበናል? ወይስ ሀዘን ትካዜያቸው ምንም አይመስለንም?!
-
ተነካክቶ ከዐረብኛ የተመለሰ

©ibn munewor

ታላቅ የ ም ስ ራ ች !!!
ለሰለፊያ ዳዕዋ ናፋቂዎች ለሆናችሁ ለወልቂጤ ዩኒቨርሲቲ ተማሪዎች እና የአካባቢው ማህበርሰብ!!

🎤  እንኳን ደስ አላችሁ! የወልቂጤ ዩኒቨርስቲ ተማሪዎች እና የአካባቢው ማህበረሰብ በናፍቆት ስንጠብቀውና ስንጓጓለት የነበረው ቀን ደረሰ!!!

📌  እነሆ የፊታችን እሁድ ቀን 13/08/2016 ከጠዋቱ 2:30 ጀምሮ ደማቅ የዳዕዋ ፕሮግራም በወልቂጤ ዩኒቨርስቲ  ዐባስ መስጂድ ተሰናድቶ ይጠብቆታል። ፕሮግራሙ ለየት የሚያደርገው ከአዲስ አበባ የሚመጡ እንቁ ኡስታዞቻችንን የሚያሳትፍ መሆኑ ነው።

እነርሱም፦
☞ ኡስታዝ ሙሐመድ አሕመድ (ኢብኑ ሙነወር)
☞ ኡስታዝ ናስር ሙሐመድ (አቡል ዐባስ)
☞ ኡስታዝ ሳዳት ከማል (አቡ መርየም)

እርሶም ለዚህ ፕሮግራም ከወዳጅ ዘመድዎ ጋር ደምቀው ይታደሙ ዘንድ ከወዲሁ ስናበስርዎ በታላቅ ደስታ ነው።

✈ ምን ይሄ ብቻ ኡስታዞቻችን ቅዳሜ ረፋድ ብቅ ስለሚሉ ከሰዐት ቡሗላ በነሱ የሚሰጥ የ ኮርስ (course) ፕሮግራም ተሰናድቶ ይጠብቆታል።

የሙሐዷራውም ይሁን የኮርሱን (courses) አርዕስቶች እንዲሁም ተያያዥ ዝርዝር መረጃዎች በቀጣይ ቀናት የምናሳውቃቹ ሲሆን ከናንተ የሚጠበቀው ፕሮግራማችሁን አስተካክላችሁ በጊዜ መገኘት ነው ።

✈ ታድያ በዚህ ፕሮግራም አይደለም መቅረት ማርፈድ ያስቆጫል።

አድራሻችን:- ከዩንቨርስቲው ግቢ በር አለፍ እንዳሉ ወደ ወልቂጤ የሚወስደውን ፒስታ መንገድ ይዘው ቀጥ ብለው ይምጡ ያገኙናል።

ማሳሰቢያ:-
«ጥሪን ማክበር ኢስላማዊ አደብ ነው!!»
https://t.me/Wku_ms_Official_Channel

በዚህ ታሪክ ውስጥ አላህ ምን ያህል ለባሮቹ ሩህሩህ፣ ያሻውን የሚያደርግ ኃያል ጌታ እንደሆነ እንረዳ ዘንድ እናስታውስ ላመኑት ይጠቅማልና ማስታወስ
Mahi Mahisho

ውልደታቸው በፓኪስታን ዋና ከተማ ነው። በዘመናችን አንቱታን ያተረፉ ከኒውሮሎጂ የህክምና ዘርፍ ጠበብቶች ውስጥ በግንባር ቀደምትነት የሚጠቀሱ  ስመ-ጥር ስፔሻሊስት ናቸው። ሕክምና ለመስጠት ከሀገር ወደ ሀገር ከከተማ ወደ ገጠር ስለሚዘዋወሩ በስራቸው ባህሪ ከባድነትና እረፍት አልባነት ጋር ተደማምሮ ህመምተኞች እሳቸውን በቀላሉ ለማግኘት ይቸግራቸዋል። ከስድስት ወራቶች እስከ ዓመት ቀጠሮ መጠበቅ ግድ ይላል።

እነሆ ዛሬ እዛው ፓኪስታን ውስጥ በሽተኞችን ለማከም ቀጠሮ ይዘዋል። ካሉበት ከተማ ወደ ሌላ ከተማ ለመሄድ በአውሮፕላን ጉዞ ጀምረዋል። ብዙም ሳይርቁ የተሳፈሩበት አውሮፕላን በገጠመው ጭጋጋማና መጥፎ የአየር ሁኔታ በአንድ ትንሽ ከተማ አየር ማረፊያ ለማረፍ ተገደዱ። ከአውሮፕላኑ ወርደው የአየር ሁኔታው እስኪሻሻል ቢጠብቁም እንዳሰቡት ሳይሆንላቸው ቢቀር የአውሮፕላኑን ፓይለት የጉዟቸው መዳረሻ ወደሆነችው ከተማ ለመድረስ ምን ያህል ጊዜ እንደሚፈጅ ጠየቁት። ፓይለቱም ሶስት ስዓት እና ከዛ በላይ እንደሚሆን ነገራቸው። ዶክተሩ አንድ የሚያስጨንቃቸው ነገር አለ።  ብዙ ህመምተኞች የእሳቸውን እርዳታ በመፈለግ በቀጠሯቸው መሰረት የሳቸውን መምጣት በመጠባበቅ ላይ መሆናቸው አሳስቧቸዋልና በዚህ ሁኔታ ለማደር አእሞሯቸው አልፈቀደም። መኪና ይዘው ጉዟቸውን ለመቀጠል ይወስናሉ። ግና ትንሽ ከተጓዙ በኋላ ከባድ ዝናብ መንገዳቸውን ገታው። መንገዱ ጭቃማ ስለሆነ  መኪናቸውን መንቀሳቀስ ባለመቻሏ አሁንም በድጋሚ ባሉበት ስፍራ ለመቆየት ተገደዱ። አሁን ያሉበት መንደር ደግሞ በጣም ሩቅ የሆነ ገጠራማ መንደር ሲሆን ዝናቡ እስኪያባራ ከመኪናቸው ወርደው ሰላት ለመስገድ አሰቡ። ውሃ እና መስገጃ ፍለጋ ወደ አንድ ቤት አቀኑ።

በሩን በዝግታ አንኳኩ። እድሜያቸው  ገፋ  ያለ አንዲት  አዛውንት በሩን ከፈቱ። ምን ልርዳችሁ በማለት ጠየቁ። ዶክተሩም ሰላምታ ካቀረቡ በኋላ ሰላት ለመስገድ ስለፈለኩኝ ጥቂት  ውሃ እና መስገጃ ፈልጌ ነው በማለት ጠየቁ። መርሃባ ግቡ በማለት ውሃ እና መስገጃ አቀረበችላቸው። ሰግደው እንደጨረሱ ሙስልሟን ሴት አመስግነው ሊወጡ በመራመድ ላይ ሳሉ አልጋ ላይ የተኛ ሰው ተመለከቱ “ምነው?.. ምን ገጥሞት ነው?” ብለው ጠየቁ።  ሴትዮዋም ታሪኩን ታወጋ ጀመር “እዚህ ቤት ውስጥ የምንኖረው እኔና ይህ የምትመለከቱት ልጄ ነው። ለረጅም ጊዜ በያዘው ህመም በመሰቃየት ላይ ነው። በተደጋጋሚ የተለያዩ ሐኪሞች ጋር በመሄድ ሕክምና እንዲያገኝ ብሞክርም ሳይሳካ ቀረ። ዶክተሮች ወደ ታዋቂ ስፔሻሊስት ዶክተር እንድሄድ በሰጡኝ ጥቆማ መሠረት ወደተባለው ዶክተር ዘንድ ሄጄ ነበር። ነገር ግን ዶክተሩ ብዙ በሽተኞች ስለሚያስተናግዱ እሳቸውን ማግኘት እንደማይቻልና ከ6 ወር በሃላ እንድንመለስ ቀጠሮ ተሰጥቶን ወደ ቤት ተመለስን” አሉ አዛውንቷ ትክዝ ብለው መሬት እንዳቀረቀሩ ንግግራቸውን ቀጠሉ “እኔ አቅመ ደካማ አዛውንት ነኝና ልጄን ይዤ ወደ ቤት ተመለስኩ። አላህን ቀንና ማታ እየለመንኩት ነው። አልሀምዱሊላህ እስካሁን ነብሱ አለች...” አሉ አዛውንቷ እምባ እየተናነቃቸው።

ዶክተሩ  የሴትዮዋን ንግግር በጥሞና አድምጠው ሲጨርሱ ”ማን የሚባል ዶክተር ጋር ነው ዶክተሮች እንድትሄዱ የነገሯችሁ?” አሉ። “አንድ ታዋቂ የሆነ ስሙ ዶ/ር ኢሻም የሚባል ሀኪም ዘንድ እንድሄድ ነበር የተነገረኝ” በማለት ለዶክተሩ ምላሽ ሰጡ። የሰሙትን ነገር ለማመን የከበዳቸው ዶክተር እራሳቸውን መቆጣጠር ተስኖዋቸው  እምባቸውን ማፍሰስ ጅመሩ። አስከተሉና "አላህ ዱአዎትን ሰምቶ ምላሽ ሰጥቷል” አሉና ንግግራቸውን አስከተሉ “ህመምተኞችን ለመርዳት ወደሌላ ከተማ ቀጠሮ ነበረኝ። በአውሮፕላን ጉዞዬን ጀመርኩ ግን በመጥፎ የአየር እክል ምክንያት ሳይሳካ ቀረ እንደገና በመኪና ጉዞዬን ለመቀጠል ሞከርኩ። በከባድ ዝናብ እና ጭቃ እዚህ መንደር ለመቆየት ተገደድኩ ...” በማለት ተናገሩ። ለመጀመሪያ ጊዜ ታሪኩን ስሰማ እንባዬን መቆጣጠር አልቻልኩም ነበር ይላሉ ታሪኩን የተረኩልን ሙፍቲ ሜንክ።

አላህ ይህን ውድ ዶክተር የዚህችን አቅም አልባ እና ልጇን ምታስታምም አዛውንት ቤት ድረስ አምጥቶ በራቸውን እንዲያንኳኩ ሲያስደርግ፣ ሩቅ እና ገጠራማውን መንደር አቆራርጦ አላህ በችሎታው ቤት ድረስ ሲያመጣው ከማየት በላይ ሚያስደንቅ ነገር አለመኖሩን እናስታውስ ላመኑት ይጠቅማልና ማስታወስ።

አላህን የያዘ ምን አጣ
አላህንስ ያጣ ምን አገኘ

እንኳን ተኝተህ ነቅተህም ትሔዳለህ

«أَلَيْسَ الصُّبْحُ بِقَرِيبٍ»
«ንጋቱ ቅርብ አይደለምን?» [ሁድ:81]

አንዲት በዕድሜዋ ጫፍ የደረሰች እንስት በሕይወቷ ያለፈችበትን በጸጸት ስሜት  በማስተወሻ ደብተሯ ላይ እንዲህ ስልት አስፍራለች፦
     «ልጅ እያለሁ 'እንደ ጓደኞቼ ትልቅ ሆኜ መች ይሆን የምገባው!' እያልኩ እጓጓ ነበር።  እንደተመኘሁትም ጊዜው ደርሶ ትምህርት ቤት ገብቼ የልጅነት ጊዜዬን አሳለፍኩ። ከዚያ ብዙ መቆየቴ ስላሰለቸኝ፣ 'መቼ ይሆን ዩኒቨርስቲ መግባት የምችለው!' ብዬ አስብ ነበር። እንደተመኘሁትም በተግባር ገባሁ።  ነገር ግን ከሱም ቢሆን በመሰላቸቴ ተመርቄ የምወጣበትን ዕለት በናፍቆት እጠብቅ ጀመርኩ።  ከጥቂት ጊዜያት በኋላ ተመርቄ ወጣሁ። ወደ ቤት ስገባ ነጠላነቴ ተሰማኝ።  ስለዚህም ማግባት እንዳለብኝ ወሰንኩ። ብዙም ሳልቆይ አገባሁ። ነገር ግን ቤቱ በጭርታ የተሞላ ሆነብኝ። አላህ ልጆች በሰጠኝ ብዬ ተመኘሁ። ብዙም ሳልቆይ የልጆች እናት ለመሆን በቃሁ። ነገር ግን በቤት ውስጥ መዋል በጣም አስጠላኝ። እናም በተማርኩት ዘርፍ ተቀጥሬ መስራት ጀመርኩ። ከዚያም የራሴ ቤት እንዲኖረኝ ተመኘሁ። ምኞቴም ተሳካ። ነገር ግን ልጆቼ ያደጉ በመሆኑ ሁሉም እያገቡ አንድ ባንድ እያገቡ ወጡ። ከጊዜ ቡሀላ በተቀጠርኩበት ስራ ተሰላቸሁና ጡረታ ወጣሁ። ከዚያም በቤት ውስጥ መዋል ስጀምር ከተመረኩ በኋላ እንደነበረው ህይወቴ ብቸኝነት ዳግም ያሳድደኝ ጀመር። ነገር ግን ያን ጊዜ ፊቴን ለሕይወት ያዞርኩ ወጣት ነበርኩ። አሁን ግን ዕድሜዬ ወደ አመሻሹ ላይ በመሆኑ ለሕይወት ጀርባ ሰጥቻለሁ። ያለፈው ሕይወቴን እንዴት በፍጥነት እንዳለፈ ከአንዱ የሕይወት እርከን ወደ ሌላው እየተሸጋገርኩበት ከመሆኑ በስተቀር ትርጉም ያለው ነገር አይሰማኝም። ይሁንና አሁንም ቢሆን ሙጣጭ ጊዜና ተስፋ አለኝ። እናም ቁርአንን በቃል ለማጥናት ተመኘሁ፤ ነገር ግን በዕድሜዬ ሳቢያ የማስታወስ ችሎታዬ ከድቶኝ አገኘሁት። ለአላህ መጾም ፈለግኩኝ፤ ሆኖም ግን ጤንነቴ እንደማይፈቅድልኝ ተረዳሁ። የሌሊት ሰላት መስገድ ፈለግኩ፤ ይሁንና እግሮቼ ሊሸከሙኝ አልቻሉም። ጊዜ ማለት ምን ማለት እንደሆነ የገባኝ በጣም ዘግይቴ ነበር!....»

(ቂሰቱን ወሒካያ/141/)

ታሪኩ የሚነግረን በጊዜ ውስጥ የምናልፈው አንድ ጊዜ ብቻ  መሆኑንና ዳግም እድል የማይሰጠን መሆኑን ነው።

አብዝሃኛዎቻችን "ማጣት" የሚለውን የምንገልፀው ገንዘብ (ሀብትን) ማጣት በሚል ነው ። ይህንንም ማጣት ከአላህ የተላከ ፈተና ወይ ደግሞ የአላህ ተወዳጅ ባለመሆኑ ያጣን የሚመስለን ብዙ ነን ። ይህ ፈፅሞ ስህተት ነው ። ነገሩ ይህ አይደለም ። አንድ ሰው በዱኒያ ሳለ ገንዘብ ሊያገኝም ሊያጣም ይችላል ። ይህ በአላህ ዘንድ የተወደደም የተጠላም ለመሆኑ ምስክር ሊሆን አይችልም ። የአላህ ወዳጆች ፣ ነብያቶች በድህነትም በሀብትም አልፈዋል ። ድሃ በነበሩ ሰዓት አላህ ጠላኝ  አላሉም ። በሀብታቸው ሰዓትም የአላህ ውዴታ ነው ብለው አልተኩራሩበትም ። ብዙ የአላህ ጠላቶች በሀብት ተንበሽብሸዋል ፣ የአላህ ወዳጅ ሆነውም በድህነት አረንቋ ውስጥ ያሉ ፣ የታረዙ ፣ የተቸገሩ ፣ የተራቡም እጅግ በጣም ብዙ ናቸው ። ለገንዘብና ለቁስ ያለን የተጋነነ ምልከታ ሚዛኖችን ሁሉ ወደ እርሱ እንድናስጠጋ አደረገን እንጂ ገናና ሀብታም ሆነው አላህ የሌላቸው ቁጥር ስፍር የላቸውም ። በገንዘባቸው አላህን አላገኙበትም ፣ ሂዳያን አልገዙበትም ፣ እስልምናን አልተቸሩበትም ። ከዚህ አንፃር ደግሞ ገንዘብ ያለ ኢስላም ምንም ነው ምንም!  ሁሉም ከኢስላም በኋላ ነው ። ኢስላም የተሰጠው ሰው የእስልምናን ኒዕማ ሊያውቅ ግድ ይለዋል ።ይህን  ያወቀ ደግሞ በሁሉ ነገር ቢፈተንም አላህ መርጦ ኢስላምን ስለሰጠው ያመሰግናል ። ይህ ነው ምስጋና ። ይህ ነው መቸር ። አላህን ያገኘ ምን አጣ  ? አላህን  ያጣስ ምን አገኘ ?!

አልሐምዱሊላሂ አላ ኒዕመቲል ኢስላም❤

©𝑎𝑏𝑑..

اللهم صل وسلم وزد وبارك على سيدنا وحبيبنا ونبينا محمد صلى الله عليه وعلى آله وصحبه
አብዝሃኛዎቻችን በምድር እና በሰማይ ተወዳጅነትን የምታገኙበት…መልካም ስራቸው ከሚበዛላቸው ፣ ለወንጀላቸው መሀርታን አግኘተው በጀነት ከሚበሰሩት ሰዎች መሀል የምንሆንበት ወዶ በላካቸው እና  እዝነቱን በእርሳቸው ባሳየን ወዱ ነብያችን የበዛ ሰለዋት ምናወርድበት በሱራህ አልካህፍ በዱዓእ በሰላት በቲላዋ በተሳኩ ምኞቶች በጀባሩ ራህመት የታጀበ የተዋበ ምርጥዬ ጁምዐን ተመኘሁ🤎

ጀሀነም የሚገባው ወደ ጀሀነም ጀነት የሚገባውም ወደ ጀነት ከገባ በኋላ አንድ ተጣሪ እንዲህ ሲል ይጣራል!

አንተ ሙሐመድ! ተደሰተክ ወይ?

እርሳቸው እንዲህ ይለሉ«ጌታዬ! ወላሂ አልተደሰትኩም። ከኡመቶቼ እሳት ውስጥ የቀረ አለ»

አላህም ለመላኢኮች «ቅንጣት ታክል ኢማን በቀልቡ ያለውን ሁሉ ከእሳት አውጡ» በማለት ያዛቸዋል። ከዚያም ጀሀነም በሯ ይከፈትና የተወሰነው የሙስሊሙ ክፍል ወጥቶ ወደ ጀነት ይተማል።

አላህ በድጋሚ «ሙሐመድ ሆይ! ተደሰትክ?» ይላቸዋል።

«ጌታዬ ባንተ እምላለሁ! አሁንም ከህዝቦቼ የቀሩ አሉ» ብለው ያለቅሳሉ!

አላህም ለመላእክቱ «አይኑ የትንኝ ራስ የምታክል እንባም ብትሆን እኔን ፈርታ ያነባችን ሁሉ አውጡ» በማለት ያዛል። ከዚያም «ያ ሙሐመድ! አሁንስ ተደሰትክ?» ይላቸዋል።

«ወላሂ አልተደሰትኩም። አሁንም ከኡመቴ የቀሩ ሰዎች አሉ። ይላሉ ረሱላችን ﷺ »
አላህ ለመላኢኮች «ላኢላሀ ኢለላህ፣ ሙሐመዱን ረሱሉላህ ያለውን በጠቅላላ ከጀሀነም አውጧቸው» በማለት ያዛል። ጀሀነም በሮቿ ተከፍተው ሁሉም ወደ መስካሪዎች ጎራ ይነጉዳሉ።

ከወርቅና ከሉል በተሰራ ግንብ ውስጥ ይነዳሉ። ባማረ መዓዛ ይታወዳሉ። ውስጥ የነበሩት የጀነት ሰዎች የተበለጡ እስኪመስላቸው ድረስ እነዚህ ሰዎች ውብ ይሆናሉ። ከዚያም ወደ ጀናህ እንዲገቡ ይደረጋል። ይሄኔ ለመጨረሻ ጊዜና ለዘልዓለም ጀሀነም ትዘጋለች!!

በዚህ ወቅት ነው እንግዲህ፦
« ﺭُّﺑَﻤَﺎ ﻳَﻮَﺩُّ ﺍﻟَّﺬِﻳﻦَ ﻛَﻔَﺮُﻭﺍ ﻟَﻮْ ﻛَﺎﻧُﻮﺍ ﻣُﺴْﻠِﻤِﻴﻦَ

እነዚያ የካዱት (በትንሣኤ ቀን) ሙስሊሞች በኾኑ ኖሩ በብዛት ይመኛሉ፡፡ (ሱረቱ አል-ሒጅር- 2)

አላህ የርሳቸውን ሸፈዓ የምናገኝ ያድርገን!!
ሰሉ ዐለል ሐቢብ!!

ለመላው ሙስሊም ወንድሞችና እህቶች እንኳን ለ1445ተኛው የኢድ አል-አድሀ በዓል በሰላም አደረሳችሁ፥ ዒድ ሙባረክ

تقبل الله منا ومنكم صالح الأعمال
وعيد مبارك
أعاده الله عليكم وأنتم في صحة وعافية وإيمان
✨🌓🌒🌘🌒🌘🌒🌘🌒🌘🌒🌘🌗✨

ዱንያ በሀዘን በሀሳብ እና በጨንቀት አቆራምዳን ሳለ ዒድ መጥቶ ደስታን አላብሶ ያቆራመደንን ሀዘን ሀሳብ እና ጭንቀት ገሸሽ ያደርገዋል። ልክ ፀሀይ ወጥታ አበባ እንደምትፈካው የዒድ ደስታም ልባችንን ያፈካል። አላህ ለባርያዎቹ ግዜያቸውን  በሀጅ በፆም በዱዐእ እና በዒባዳ… ካሳለፉ ኋላ ሽልማት ወ ስጦታ መስጠትን ይፈልጋል። ታድያ ይሄኔ ዒድ ደስታን ይዞ ባርያዎች ላይ ፆም ሀጅ እና የተለያዩ የዒባዳ አይነቶች… ያሳረፈባቸውን አካላዊ ጫና ሊያስረሳቸው አካሎ አካቦ ይመጣል።
አላህ ደስታን አመት ከአመት ያከናንባችሁ።
ዒዱኩም ሙባረክ ተቀበለላሁ ሚና ወሚንኩን ሷሊሀል አዕማል❤

ዒዳችሁ አላህን በማላቅ በማሞገስ እና በማመስገን የደመቀ በምስጋና የተዋበ ያድርግላችሁ

الله أكبر الله أكبر الله أكبر لا إله إلا الله  الله أكبر الله أكبر ولله الحمد …

🌙ለመላው የእስምና እምነት ተከታዮች እንኳን ለዒድ አል አድሃ (አረፋ) በዓል በሰላም አደረሳችሁ!

ዒድ ሙባረክ!!

Hordoftoota amantii Islaama hundaaf Baga Ayyaana ID Al Adahatiif Nagaan Isin Gahe

Ayyaana Gaarii

Happy Eid al-Adha to all Muslims!

Eid Mubarek