Лічбы года. Небывалыя рэпрэсіі супраць беларускіх журналістаў са жніўня 2020 года

🔻 497 затрыманняў журналістаў за год;

🔻 68 фактаў гвалту і раненняў журналістаў;

🔻 119 адміністрацыйных арыштаў журналістаў;

🔻 29 прадстаўнікоў медыя ў няволі;

🔻 Больш за 50 прадстаўнікоў медыя пад крымінальным пераследам;

🔻 135 ператрусаў і аглядаў ў журналістаў і ў рэдакцыях;

🔻 больш за 100 заблакаваных грамадска-палітычных сайтаў і медыя;

🔻 10 выданняў вымушаны спыніць выпуск.

Крыніца: @bajby

БХК звярнуўся ў Генпракуратуру і Палату прадстаўнікоў

Прайшоў амаль год, як у Беларусі была створана міжведамасная камісія па расследаванні актаў гвалту падчас пратэстаў пасля выбараў. Беларускі Хельсінкскі Камітэт звярнуўся ў Палату прадстаўнікоў і Генеральную пракуратуру з трыма пытаннямі:

1) Якія былі прыняты меры па вывучэнні абставінаў аб прымяненні фізічнай сілы і спецыяльных сродкаў з боку супрацоўнікаў праваахоўных органаў падчас масавых мерапрыемстваў 9-12 жніўня 2020 года, выкладзеных у заявах грамадзян, пададзеных у Следчы камітэт і яго тэрытарыяльныя падраздзяленні і ў органы пракуратуры ў жніўні 2020 года і наступныя месяцы?

2) Ці ўзбуджаныя крымінальныя справы па названых фактах? Калі так, то па якіх артыкулах? Колькі такіх спраў распачата?

3) Ці прыцягнутыя да адказнасці супрацоўнікі праваахоўных органаў у сувязі з непрапарцыйным ужываннем фізічнай сілы і спецыяльных сродкаў да ўдзельнікаў масавых мерапрыемстваў 9-12 жніўня 2020 года і ў наступныя месяцы?

Крыніца: @belhelcom

Палітзняволены Сяргей Ціханоўскі з-за кратаў: «Беларусы здабылі салідарнасць і ўпершыню адчулі сябе нацыяй»

Больш за год Сяргей Ціханоўскі знаходзіцца за кратамі. Амаль увесь гэты тэрмін ён быў у камеры-адзіночцы. Але не згубіў веру ў тое, што перамены ў Беларусі непазбежныя, піша @nashaniva.

«Праз нежаданне расстацца з уладай у Беларусі цалкам разгромлена свабода выказваць сваё меркаванне, свабода сходаў, свабода атрымліваць і распаўсюджваць інфармацыю, страчаны незалежныя СМІ, праваабарончыя арганізацыі, законнасць і давер да праваахоўчай і судовай сістэме, — кажа Ціханоўскі з-за кратаў. — Але беларусы здабылі салідарнасць і ўпершыню адчулі сябе нацыяй, убачылі велізарную падтрымку за мяжой. Па сутнасці, ідзе агульнапланетарная рэкламная кампанія Беларусі. Пасля перамогі дэмакратыі, якая непазбежная, мы зможам гэтую сусветную вядомасць выкарыстоўваць для дынамічнага развіцця дзяржавы, кажу гэта як рэкламшчык з 15-гадовым стажам. Ідзіце да перамогі!»

❗️У Вілейцы затрыманы актывіст Андрэй Кудзік

А ў Бабруйску з раніцы праходзяць ператрусы ў людзей, якія праходзілі па 23.34 (цяперашні 24.23 КаАП). Вымаюць тэхніку, шукаюць сцягі і іншую прадукцыю. Вядома як мінімум пра 10 ператрусаў. Сярод тых, да каго прыйшлі — Юлія Загрышава, Дзмітрый Косцін, Яўген Мамойка.

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

У гадавіну выбараў у Беларусі ПА АБСЕ па правах чалавека выказала шкадаванне ў сувязі з пагаршэннем сітуацыі ў краіне

Кіраўніцтва камітэта па правах чалавека Парламенцкай асамблеі АБСЕ выказала занепакоенасць у сувязі з пагаршэннем сітуацыі ў краіне і заклікала да неадкладных крокаў, якія павінны пакласці канец крызісу ў галіне правоў чалавека.

🔹Старшыня Камітэта Серэн Маборн:

«За апошнія месяцы ўлады ў Мінску яшчэ больш узмацнілі пераслед грамадзян за крытыку і пашырылі меры прыгнёту, якія пераходзяць усякія межы».

🔹Намеснік старшыні Міхаэль Георг Лінк:

«Трагічна, што мірныя намеры людзей, якія патрабуюць палітычных пераменаў, душацца гэтак беспрэцэдэнтна жорсткім спосабам».

🔹Ёхан Бюзер, які займае пасаду дакладчыка:

«Беларускія ўлады павінны неадкладна спыніць уціск СМІ і забяспечыць выкананне права на свабоду слова».

Падрабязнасці 👉 bit.ly/3lHYp3q

Выданне Zerkalo.io, якое зрабіла частка былой каманды TUT.ВY, хочуць прызнаць экстрэмісцкім.

«На інтэрнэт-рэсурсе Zerkalo.io журналістамі каманды TUT.ВY працягваецца інфармацыйны ціск, накіраваны на размяшчэнне інфармацыі з ухілам на дыскрэдытацыю органаў дзяржаўнай улады», — гаворыцца ў абгрунтаванні МУС, паведамляе @tutby_official.

⚡️Сябра Каардынацыйнай рады асудзілі да 5 гадоў «хатняй хіміі»

Суд Савецкага раёна г. Мінска 9 жніўня вынес прысуд сябру Каардынацыйнай Рады Віталю Крыўко. Суддзя Сяргей Шаціла прызнаў мужчыну вінаватым у здзяйсненні злачынства па ч. 2 арт. 243 Крымінальнага кодэкса — ухіленні ад выплаты падаткаў, што пацягнула прычыненне шкоды ў буйным памеры, і пакараў Віталя абмежаваннем волі без накіравання ў папраўчую ўстанову адкрытага тыпу тэрмінам на пяць гадоў. Таксама абвінавачанаму трэба сплаціць штраф у памеры 2000 базавых велічынь (58000 рублёў), ён не зможа займаць пасады, звязаныя з выкананнем арганізацыйна-распарадчых, адміністрацыйных, гаспадарчых абавязкаў на тэрмін пяць гадоў.

Нагадаем, Віталь Крыўко быў затрыманы 30 чэрвеня 2021 года, а да гэтага ўтрымліваўся пад вартай з 29 жніўня да 12 лістапада 2020 года. Падчас электаральнай кампаніі збіраў подпісы ў падтрымку Віктара Бабарыкі, а пазней арганізоўваў перадвыбарчыя паездкі па гарадах аб'яднанага штаба.

Падрабязнасці 👉 bit.ly/37wCunn

‼️Дзясяткі тысяч затрыманых, тысячы заяваў аб катаваннях і сотні параненых — год таму ў Беларусі адбыліся выбары прэзідэнта

9 жніўня 2020 года ў Беларусі адбыліся выбары прэзідэнта. «Вясна» прыводзіць несуцяшальныя дадзеныя пераследу з пачатку выбарчай кампаніі:

👮‍♂️Па апошніх дадзеных Следчага камітэта, у Беларусі заведзена больш за 4690 крымінальных спраў па фактах «праяваў, спалучаных з незаконнымі масавымі мерапрыемствамі, беспарадкамі, пратэстнымі акцыямі, замахам на дзяржаўны суверэнітэт і грамадскую бяспеку, наўмысным знішчэннем і пашкоджаннем маёмасці, гвалтам і пагрозамі ў дачыненні да службовых асоб і членаў іх сем'яў»;

📖Па стане на 9 жніўня 2021 года намі сабрана больш за 1450 імёнаў і прозвішчаў фігурантаў палітычных крымінальных спраў з розных гарадоў краіны (прозвішчы яшчэ часткі людзей мы не публікуем па іх просьбе);

⚖️Вядома ўжо больш за 800 вынікаў судоў па палітычна матываваных крымінальных справах;

🆘Палітычнымі зняволенымі прызнаныя 610 чалавек. У бліжэйшы час гэта лічба стане яшчэ больш;

🙅 За кратамі знаходзяцца 7 «вясноўцаў»;

❗️Колькасць затрыманых па ўсёй краіне за год (з 9 жніўня 2020 па сёння) — больш за 35 000 чалавек;

💵 З 28 ліпеня 2020 па 28 ліпеня 2021 3906 чалавек атрымалі штраф за ўдзел у «несанкцыянаваных мерапрыемствам» ці «непадпарадкаванне міліцыянтам». Агулам яны заплацілі не меней за 2 678 555 рублёў;

❌У выніку дзеянняў сілавікоў сотні людзей атрымалі раненні і цяжкія калецтвы, як мінімум двое
дэманстрантаў былі забітыя (Аляксандр Тарайкоўскі і Генадзь Шутаў), у выніку несвоечасовага аказання медыцынскай дапамогі ў Гомелі памёр Аляксандр Віхор. Смерці яшчэ некалькіх чалавек могуць быць звязаны з пратэстамі.

🥀21 траўня стала вядома пра смерць пры нявызначаных абставінах у шклоўскай калоніі палітвязня Вітольда Ашурка.

📄Паступіла 4 644 заявы аб ужыванні сілавікамі катаванняў. Не была ўзбуджаная ніводная крымінальная справа па факце катаванняў. Па больш чым 1050 заявах прыняты рашэнні аб адмове ва ўзбуджэнні крымінальных спраў.

📝Выключэнне ў плане ўзбуджэння крымінальных спраў — справа па смерці Рамана Бандарэнкі: «Генеральная пракуратура распачала крымінальную справу па ч.3 арт.147 КК Беларусі па факце наўмыснага прычынення цяжкага цялеснага пашкоджання, якое пацягнула па неасцярожнасці смерць Бандарэнкі Рамана Ігаравіча»

✍️ Нягледзячы на шакуючыя лічбы, затрыманні калегаў і шматлікія ператрусы, «Вясна» запэўнівае, што будзе і надалей дапамагаць беларусам адстойваць свае правы:

🔹Паведаміць пра выпадкі затрыманняў — @viasna_bot ці на @ViasnaSOS, @SOSViasna
🔹Распавесці сваю гісторыю журналістам «Вясны» — @spring96info
🔹Распавесці пра катаванні ці дрэнныя ўмовы ўтрымання — @ViasnaDOC ці viasnadoc@spring96.org

👉Кантакты праваабаронцаў у рэгіёнах
👉Дзе і як шукаць затрыманых у Мінску?

📨Звярнуцца па дапамогу па юрыдычных пытаннях, а таксама абскардзіць пастанову суда можна з дапамогай юрыдычнай службы «Вясны»:

Telegram: @zvarot96 | Email: zvarot@spring96.org

💐Вясна прыйдзе!

Заўзятара «Крумкачоў» асудзілі на 14 сутак за «дробнае хуліганства»

Як стала вядома, сёння прайшоў суд над Віктарам Панасенкам. Заўзятара «Крумкачоў» затрымалі проста на гульні за футболку з 25-м нумарам, пад якім гуляў палітвязень Аляксандр Івулін, піша @nashaniva

Панасенку прысудзілі 14 сутак арышту за «дробнае хуліганства».

​​Памёр савецкі дысідэнт і праваабаронца Сяргей Кавалёў

Сяргей Кавалёў нарадзіўся 2 сакавіка 1930 года. Грамадскай дзейнасцю стаў займацца з сярэдзіны 1950-х гадоў. З 1968 года стаў актыўным удзельнікам руху ў абарону правоў чалавека ў СССР. За антысавецкую прапаганду і агітацыю атрымаў 7 гадоў калоніі і 3 гады ссылкі.

У 1990 годзе быў абраны народным дэпутатам РСФСР. 12 снежня 1991 года, будучы членам Вярхоўнага Савета РСФСР, прагаласаваў за ратыфікацыю белавежскага пагаднення аб спыненні існавання СССР.

Упаўнаважаны па правах чалавека ў Расійскай Федэрацыі ў 1994-1995 гадах. Адзін з аўтараў Расійскай Дэкларацыі правоў чалавека і грамадзяніна (1991 год) і 2-й главы Канстытуцыі Расіі — «Правы і свабоды чалавека і грамадзяніна» (1993). Быў старшынёй Расійскага гісторыка-асветніцкага і праваабарончага таварыства «Мемарыял», прэзідэнтам арганізацыі «Інстытут правоў чалавека».

Падчас чачэнскай вайны ездзіў у Грозны, рэзка крытыкаваў спробы ўладаў Расіі ўзброеным шляхам урэгуляваць канфлікт у Чачні. Удзельнічаў у вызваленні закладнікаў у Будзёнаўску.

У 2006 годзе ён быў узнагароджаны ордэнам Ганаровага легіёна. Уручаючы вышэйшую ўзнагароду французскай дзяржавы, пасол Францыі «адзначыў ролю Кавалёва ў вызваленні 1,5 тысячы закладнікаў падчас нападу атрада тэрарыстаў у Будзёнаўску ў 1995 годзе, дзе праваабаронца прапанаваў сябе замест закладнікаў».

Amnesty International: «Сага жаху і адчаю». Што здарылася ў Беларусі за год з прэзідэнцкіх выбараў

Міжнародная праваабарончая арганізацыя Amnesty International у гадавіну выбараў выступіла з заявай, у якой адзначыла, што беларускія ўлады развязалі кампанію жорсткіх рэпрэсій супраць іншадумства і здзейснілі мноства парушэнняў правоў чалавека і злачынстваў у адпаведнасці з міжнародным правам.

«Злачынствы па міжнародным праве, здзейсненыя супраць народа Беларусі, не маюць тэрміна даўнасці. Астатні свет не павінен заставацца староннім назіральнікам. Гэты змрочны раздзел будзе закрыты толькі тады, калі апошняй ахвяры парушэнняў правоў чалавека ў Беларусі будзе прызначана кампенсацыя і ўсе вінаватыя ў парушэннях правоў чалавека будуць прыцягнуты да адказнасці»

Заява цалкам 👉 bit.ly/3fNy1RP

⚡️Артыста ансамбля арыштавалі на 15 сутак

Артыста беларускага ансамбля 33-гадовага Дзмітрыя Куксу затрымалі 6 жніўня. На момант пачатку судовага паседжання 9 жніўня ў Дзмітрыя ўжо скончыўся 72-гадзінны тэрмін з моманту затрымання, але суддзя не звярнула на гэта ўвагі.

Справу артыста разглядала суддзя Фрунзенскага РУУСа Юлія Чыж.

У Фрунзенскім РУУСе на мужчыну склалі пратакол па арт. 24.3 КаАП "за адмову адчыніць дзверы ў жылое памяшканне для правядзення ператрусу". Але Дзмітрый сцвярджае, што яго затрымалі на вуліцы каля метро Спартыўная, заламалі рукі, надзелі адразу кайданкі, а ўжо потым адвезлі для ператрусу. Там, па словах мужчыны, яны самастойна яго ключамі адчынілі дзверы, пакуль сам Кукса быў у кайданках.

У выніку, суддзя Чыж пакарала артыста 15-сутачным арыштам.

🌲Прадстаўнікі экалагічнай супольнасці постсавецкіх краін выступілі ў падтрымку беларускіх калегаў

Прадстаўнікі экасупольнасці Расіі і постсавецкіх краін выступілі з сумеснай заявай, у якой асудзілі ліквідацыю беларускіх НДА, у ліку якіх экалагічная некамерцыйная арганізацыя «Экадом» і некамерцыйная няўрадавая ўстанова «Цэнтр экалагічных рашэнняў».

«Гэтыя арганізацыі ўносілі вельмі важны ўнёсак у захаванне нашага агульнага асяроддзя пражывання і ва ўстойлівае развіццё нашых краін. Многія гады гэтыя экспертныя экалагічныя арганізацыі аказвалі падтрымку вялікай колькасці розных суб'ектаў у Беларусі, у тым ліку органам дзяржаўнай улады, установам адукацыі, бізнесу, рэлігійным арганізацыям і грамадскасці.

Мы падтрымліваем калег з Беларусі і падкрэсліваем бясспрэчную важнасць іх работы не толькі на нацыянальным, але і на міжнародным узроўнях. Лічым недапушчальным ліквідацыю экалагічных арганізацый Беларусі і зніжэнне патэнцыялу экспертнай экасупольнасці, што непазбежна прывядзе да значнай экалагічнай шкоды для прыроды і грамадства».

Цяпер афіцыйна: улады ліквідавалі Беларускі ПЭН-цэнтр

Арганізацыя займалася развіццём беларускай культуры, абаронай свабоды слова, правоў пісьменнікаў, журналістаў і іншых літаратараў.

​2 года колонии за оскорбления: сегодня оглашен приговор брестскому политзаключенному Зародею

В кобринском суде сегодня завершился суд над политзаключенным Виталием Зародеем. Гособвинение представлял Александр Шиковецкий, процесс вел судья Вадим Зданович.

Среди "униженных и оскорбленных" оказались несколько брестских судей и Александр Лукашенко. Сам факт "публичных" (с точки зрения обвинения) оскорблений происходил так: Виталий Зародей подавал в канцелярии судов исковые заявления, где допускал "негативную оценку" (с точки зрения экспертиз) в отношении судей и Лукашенко А.Г. Данных исков было несколько, их Виталий относил в брестский Дом правосудия 28 сентября 2020, 15 и 30 октября 2020, 7 и 17 декабря 2020, 14 января и 9 марта 2021.

Таким образом потерпевшими по делу стали судьи: Алексей Корогода, Петр Бобровский, Татьяна Прокопчук, Анастасия Бразинская, Андрей Грушко, Елена Ковальчук и Елена Карпова (никто из них на судебном процессе не присутствовал).

❗️Сами оскорбления на суде озвучены не были, эту часть заседания сделали закрытой.

Зародей, находящийся под стражей с 29 марта, свою вину не признал.

🤨 Из странного: прокурор в ходе судебных прений почему-то указал как отягчающее вину обстоятельство то, что Зародей якобы имеет непогашенную судимость. Однако политзаключенного судили впервые. И, похоже, за уже совершенное преступление прокурор Шиковецкий попросил признать... один из эпизодов "оскорбления", по которому как раз Зародея судили. Вот как это выглядело, процитируем гособвинителя:

«В качестве отягчающего ответственность обстоятельства в действиях обвиняемого предлагаю признать совершение преступления лицом, ранее совершившим какое-либо преступление, если не истекли сроки давности и не снята, не погашена судимость за предшествующее преступление. В данном случае, после первого поданного заявления, поданного 28 сентября 2020 года, в дальнейшем последовали ряд заявлений и жалоб, каждое из которых образует отдельный состав преступления. Поэтому полагаю, данное отягчающее обстоятельство в действиях обвиняемого усматривается».

Другая странность состояла в том, что прокурор просил максимальные наказания как по статье "Оскорбление Президента", так и по статье "Оскорбление судьи" (2 года лишения свободы и 3 года ограничения свободы соответственно). Возможно, именно для этого прокурор нашел у Зародея судимость, которой не было (см. абзац выше).

Важно: на момент совершения деяния, отмечала в прениях адвокатка, действовала иная редакция Уголовного Кодекса, по которой 2 года лишения свободы было максимальным наказанием по ст. 368 "Оскорбление Президента Республики Беларусь". Сегодня по такой статье наказание может быть вплоть до 4 лет лишения свободы, однако принимать во внимание нужно именно действовавшую на тот момент версию УК.

Итог: судья Зданович признал Зародея виновным, и назначил наказание в виде 1 года 6 месяцев лишения свободы по ч.1 ст.368 УК и 2 года ограничения свободы без направления в ИУОТ по ст.391 УК . Путем частичного сложения наказаний политзаключенный Виталий Зародей приговорен к 2 годам колонии общего режима.

На фото: гособвинитель Александр Шиковецкий (второй слева) в кругу коллег.

Суд Першамайскага раёна г. Мінска 9 жніўня 2021 года вынес рашэнне па крымінальнай справе ў дачыненні да Аляксандра Емельяновіча, якога вінавацілі паводле ч. 1 арт. 342 КК у актыўным удзеле ў групавых дзеяннях, што груба парушаюць грамадскі парадак за падзеі 1 лістапада 2020 года.

Мужчына сваю віну не прызнаў, але суддзя Анастасія Кулік палічыла яе даказанай і прызначыла Аляксандру тры гады "хіміі".

Падрабязнасці 👉 bit.ly/3lPI7po

Дзмітрый Шутаў — сын загінулага 11 жніўня мінулага года Генадзя Шутава — выйшаў на волю пасля 3 сутак арышту

Нагадаем, 24-гадовага хлопца затрымалі 7 жніўня. Перад гэтым у хаце, дзе Дзмітрый жыве з мамай, прайшоў ператрус, піша @vybory_smotri

⚡️Пракурор запрасіў для Аляксея Кудзіна 3,5 года калоніі

Сёння ў судзе Маладзечанскага раёна праходзяць спрэчкі бакоў па справе спартоўца Аляксея Кудзіна. Пракурор просіць пазбавіць яго волі на 3 гады і 6 месяцаў у калоніі агульнага рэжыму.

Нагадаем, Аляксея вінавацяць паводле ч. 2 арт. 363 КК (супраціў супрацоўніку органаў унутраных спраў або іншай асобе, якая ахоўвае грамадскі парадак, спалучаны з ужываннем гвалту або з пагрозай яго прымянення).

🔹Ударыў, але ненаўмысна. У Маладзечне пачалі судзіць адзінаборца Аляксея Кудзіна