😺«Кот на Валадарцы»: Падводзім вынікі конкурса ілюстрацыі

У адным са сваіх лістоў да жонкі Валянцін Стэфановіч распавёў, што намаляваў ёй прыгоды ката ў турме, але іх на волю не прапусціў цэнзар. Таму мы вырашылі падтрымаць Валянціна і заклікалі дасылаць нам малюнкі «Ката на Валадарцы» ці посціць іх у сацсетках з хэштэг #FreeViasna, а таксама пісаць пра гэта ў лістах праваабаронцу.

За месяц мы атрымалі 19 ілюстрацый ад людзей рознага ўзросту і з розных краінаў: малюнкі дасылалі і дзеці, і студэнты з Італіі і з Расіі, і нават палітзняволеныя.

😽Мы дзякуем усім удзельнікам конкурса за салідарнасць і падтрымку Валянціна Стэфановіча. Ён быў прыемна здзіўлены, калі пачаў атрымоўваць Катоў у лістах.

👩‍🎨Усе малюнкі (з Беларусі — праз VPN) 👉 bit.ly/3qA1l4L

Палітвязня Арцёма Карачуна асудзілі да трох гадоў «хіміі»

У судзе Фрунзенскага раёна Мінска вынесены прысуд па крымінальнай справе ў дачыненні да палітвязня Арцёма Карачуна, якога вінавацілі ў актыўным удзеле ў групавых дзеяннях, што груба парушалі грамадскі парадак (арт. 342 КК) за паслявыбарныя падзеі.

Суддзя Алёна Бушава палічыла віну хлопца даказанай і прысудзіла яму тры гады «хіміі». Палітвязня вызвалілі з-пад варты ў зале суда, узяўшы з яго падпіску аб нявыездзе да моманту ўступлення прысуду ў сілу.

Падрабязнасці 👉 bit.ly/3CUUupE

У судзе Заводскага раёна 9 лістапада вынеслі прысуд палітзняволенаму Яўгену Крачкоўскаму.

Мужчыну вінавацілі ў актыўным удзеле ў групавых дзеяннях, што груба парушаюць грамадскі парадак за падзеі 9 жніўня мінулага года.

Сёння суддзя Жанна Хвайніцкая пастанавіла прызнаць Яўгена вінаватым і паводле ч. 1 арт. 342 прызначыць яму пакаранне ў выглядзе абмежавання волі з накіраваннем у папраўчую ўстанову адкрытага тыпу тэрмінам на 3 гады.

Менавіта такі тэрмін для Крачкоўскага прасіла памочніца пракурора Кацярына Валадзько.

Яўгена Крачкоўскага вызвалілі з-пад варты ў залі суда на час абскарджання прысуду.

Нагадаем, Яўген быў затрыманы 8 верасня 2021 года пасля ператрусу ў яго доме. Прычынай для затрымання стаў фотаздымак ад 9 жніўня мінулага года, дзе ён і яшчэ некалькі чалавек падчас мітынгу на Стэле знаходзіцца на пешаходным пераходзе на дазваляльны сігнал святлафора.

Чарговы прысуд паводле жнівеньскіх падзей: мужчыну асудзілі да трох гадоў «хатняй хіміі»

У судзе Цэнтральнага раёна вынесены прысуд 28-гадоваму Яўгену Н. Яго прызналі вінаватым паводле арт.342 Крымінальнага кодэкса і асудзілі да трох гадоў «хатняй хіміі». Мужчыну вызвалілі ў залі суда.

Згодна з абвінавачаннем, мужчына з у ноч пасля выбараў «прыняў актыўны ўдзел у дзеяннях, якія груба парушылі грамадскі парадак, публічна выкрыкваў лозунгі, здзяйсняў гучныя воплескі рукамі, станавіўся ў счэпку і перашкаджаў руху транспартных сродкаў».

Падчас апошняга слова Яўген распавёў пра дні ў ЦІП і СІЗА ў жніўня 2020 года:

«У момант затрымання да мяне была прымененая грубая фізічная сіла. Былі пагрозы жыццю. На Акрэсціна ў мяне не было спальных рэчаў, прадметаў асабістай гігіены, у мяне не было прагулак.

<...> З моманта 9 жнііўня я не бачыў справядлівых і гуманных адносін да сябе, тым не менш сёння ў будынку суда я разлічваю на справядлівасць».

Падрабязнасці (з Беларусі — праз VPN) 👉 bit.ly/3EVXIKc

🌿«Мы марым жыць на сваёй сядзібе, гадаваць сына, займацца сваёй справай». Маналог жонкі палітвязня

Навуковага супрацоўніка Аляксандра Галкоўскага асудзілі на 1,5 гады «хіміі» за «абразу прэзідэнта». Зараз мужчына паехаў адбываць пакаранне ў ПУАТ №9, дома яго чакаюць жонка Наста і сын Альгерд. «Вясна» публікуе маналог жонкі палітвязня, у якім яна распавядае пра тое, як ён будаваў дом для сям’і, як умее зацікавіць экскурсіяй, а таксама пра страшны дзень затрымання.

«Наш сын амаль ад самага затрымання таты ведаў, што адбываецца. Спачатку я не ўяўляла, што яму сказаць, а потым на фоне размоваў і эмоцый дарослых ён задаў дзеду, майму бацьку, пытанне: “А тата там не памрэ з голаду?”, і бацька мне параіў сур’ёзна і праўдзіва з сынам пагутарыць, што я і зрабіла».

🗣Аповед жонкі (з Беларусі — праз VPN) 👉 bit.ly/305N04C

💌Падтрымаць палітвязня:
- Папраўчая ўстанова адкрытага тыпу №9. 210034, Віцебск, 3-я Чэпінская, 39, Аляксандр Аляксандравіч Галкоўскі

🔹Распавесці гісторыю журналістам «Вясны» — @spring96info

Жыхару Бабруйска замянілі «хімію» на калонію за абразу Лукашэнкі

25 жніўня суд Бабруйска і Бабруйскага раёна прызнаў 31-гадовага Рамана Стацэвіча вінаватым у «публічнай абразе прэзідэнта». Суддзя Антон Дудаль прысудзіў яму два гады «хіміі», нягледзячы на тое, што пракурорка Ірына Хадневіч прасіла пазбавіць яго волі на год.
⠀
Згодна з абвінавачаннем, мужчына ў размове ў відэарулетцы «наўмысна абразіў Лукашэнку з выкарыстаннем ненарматыўнай лексікі».

Размову ў відэачаце запісаў і выклаў былы міліцыянт Канюшык — ён лічыць, што «дапамагае АУС выкрываць асоб, якія пышыраюць ідэі падарваць аўтарытэт прадстаўнікоў ўлады і ідэю ўтварэння хаасу і хваляванняў у нашай Рэспубліцы Беларусь».

@MAYDAYhr стала вядома, што пракурорка Хадневіч была не згодная з рашэннем суддзі і настойвала на сваім пакаранні. У канцы верасня Раман атрымаў пракурорскі пратэст.
⠀
Сёння, 9 лістапада, у судзе Магілёўскай вобласці, судовай калегіяй у складзе суддзяў Мазурава, Гладкага і Кічыгіна, Стацэвічу ўзмацнілі жорсткасць пакарання — замест двух гадоў «хіміі», мужчыне давядзецца правесці год у калоніі.

💌«Лісты салідарнасці ідуць з розных куткоў Беларусі, а таксама з-за мяжы», – палітзняволены экс-настаўнік гісторыі з калоніі

Палітзняволены былы настаўнік гісторыі і грамадазнаўства са Смаргоні Андрэй Пятроўскі, асуджаны да 1,5 гадоў калоніі за паклёп на прэзідэнта, даслаў ліст з калоніі, у якім распавядае пра падтрымку з волі:

«Лісты салідарнасці ідуць з розных куткоў Беларусі, а таксама з-за мяжы: Германія, Аўстрыя, Кіпр, Швейцарыя, Расія, Польшча, Францыя. Пішуць беларусы, якія там жывуць. Як кажуць, беларус беларусу – беларус :)»

Але палітвязень адзначае, што часу на напісанне лістоў у яго не хапае:

«На напісанне лістоў выдзелены час з 8:30 да 20:20. Як бачыце, небагата :( Хочацца адказаць усім, хто мне піша, хоць разарвіся :)»

📩Падтрымаць настаўніка: ПК №2, 213800, г. Бабруйск, вул. Сікорскага, 1,
Андрэй Францавіч Пятроўскі

❗️Сяргей Ціханоўскі выйграў справу ў ААН: ад беларускіх уладаў патрабуюць неадкладнага яго вызвалення і выплаты кампенсацыі

Працоўная група ААН па адвольных затрыманнях разгледзела скаргу, пададзеную ў абарону Сяргея Ціханоўскага па факце яго затрымання на перадвыбарным пікеце 29 траўня 2020 года і яго папярэдняга зняволення па крымінальнай справе, якія суправаджаліся парушэннем шэрагу яго фундаментальных правоў.

Працоўная група прыйшла да наступных высноваў — пазбаўленне волі Сяргея Ціханоўскага з'яўляецца адвольным, беларускія ўлады павінны прыняць тэрміновыя меры для яго неадкладнага вызвалення, выплаты кампенсацыі за парушэнне яго правоў, і правесці расследаванне акалічнасцяў, якія суправаджалі яго адвольнае зняволенне.

Падрабязнасці (з Беларусі — праз VPN) 👉 bit.ly/3ofIf0D

❗️Абарона Дзядка: Прыналежнасць да анархічнага руху не можа выкарыстоўвацца як дыскрымінацыйная падстава пры вынясенні прысуду

Заўтра ў Мінскім гарадскім судзе палітзняволенаму блогеру і актывісту анархісцкага руху Мікалаю Дзядку вынясуць прысуд. Пракурор Антон Цюменцаў запрасіў для яго пакаранне ў выглядзе пазбаўлення волі тэрмінам на пяць гадоў.

Трэцяга лістапада абаронца палітвязня Святлана Гарбаток выступіла ў судовых спрэчках з прамовай.

«Прашу прыняць пад увагу, што мой падабаронны, хоць і з'яўляецца, як ён сам не адмаўляе і заяўляе, прыхільнікам анархічнага руху, разам з тым, дадзеная прыналежнасць да названай філасофіі ні ў якім разе не можа яго адмоўна характарызаваць, не можа выкарыстоўвацца як дыскрымінацыйную падставу пры пастанове прысуду».

🗣Публікуем прамову адвакаткі цалкам (з Беларусі — праз VPN) 👉 bit.ly/30ivV7U

❗️Як стала вядома праваабаронцам «Вясны», была затрыманая вядомая актывістка ў сферы жаночых правоў Вольга Гарбунова

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Суд прызнаў экстрэмісцкімі матэрыяламі сайт і сацсеткі «Гарадзенскай вясны»

5 лістапада суд Ленінскага раёна Гродна прызнаў экстрэмісцкімі матэрыяламі сайт і сацсеткі «Гарадзенскай вясны» («Haradzenskaja Viasna»), піша @mediazona_by. Гэта вынікае з рэспубліканскага спісу экстрэмісцкіх матэрыялаў.

«Гарадзенская вясна» — рэгіянальны сайт праваабарончага цэнтра «Вясна», які распавядае аб правах чалавека ў гарадзенскім рэгіёне

Хроніка палітычнага пераследу 👉 bit.ly/2Yy1jP9

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

⚡️Палітвязня Мікалая Дзядка асудзілі да пяці гадоў калоніі

У Мінскім гарадскім судзе 10 лістапада вынеслі прысуд 33-гадоваму палітзняволенаму блогеру і актывісту анархічнага руху Мікалаю Дзядку.

Суддзя Анастасія Папко прызнала яго вінаватым па трох артыкулах Крымінальнага кодэкса: арт. 342, арт. 361, арт. 295-3 і прызначыла пакаранне ў выглядзе пяці гадоў пазбаўлення волі тэрмінам на пяць гадоў ва ўмовах агульнага рэжыму.

Мікола не прызнаў віну ні па ніводным артыкуле. Год ён утрымліваецца пад вартай.

Падрабязнасці (з Беларусі — праз VPN) 👉 bit.ly/3F19Eu7

📄Актывісты заклікаюць арганізацыі грамадзянскай супольнасці падпісваць зварот для спрашчэння рэгістрацыі беларускіх НДА ва Украіне

Ініцыятыўная група праваабаронцаў і актывістаў звярнулася да Вярхоўнай Рады Украіны, Прэзідэнта і Кабінета міністраў Украіны з просьбай спрасціць на заканадаўчым узроўні працэдуру рэгістрацыі беларускіх НДА ва Украіне і дапамагчы з аказаннем прававой падтрымкі пры рэгістрацыі.

«Гэтыя дзеянні дапамогуць прадстаўнікам грамадзянскай супольнасці Беларусі паўнацэнна і легальна ажыццяўляць сваю дзейнасць, захаваць раней назапашаны прафесійны вопыт і каманду, аказваць падтрымку тым палітычным мігрантам, якія зараз знаходзяцца на тэрыторыі Украіны».

📍Па дадзеных «Вясны», у Беларусі ліквідавана ці ў стадыі ліквідацыі не менш за 275 арганізацый грамадзянскай супольнасці

✍️Даведацца падрабязнасці і падпісаць зварот

🔻10 лістапада ў Бабруйску быў ператрус у Аляксандра Шкрадзюка. Справа тычылася зняважальнага каментара ў тэлеграм-канале «Бобруйск Online».

🔻9 лістапада у Салігорску быў затрыманы 53-гадовы Уладзімір Далматовіч, у Мінску — Аксана Зыбіна (меркавана, з-за «Пагоні» на аўтамабіле).

🔻8 лістапада ў Мінску дома была затрыманая Таццяна Альшэўская. Таксама паведамляецца пра затрыманне Кірыла Гайдая.

Хроніка палітычнага пераследу 👉 bit.ly/2Yy1jP9 (з Беларусі — праз VPN)

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

⁉️Дыфамацыйныя артыкулы ў Крымінальным кодэксе Беларусі: адказваем на пытанні

Па дадзеных праваабаронцаў, самымі распаўсюджанымі крымінальнымі інструментамі рэпрэсій сёння з’яўляецца пераслед па дыфамацыйных артыкулах: абраза прадстаўнікоў улады, суддзяў, міліцыянтаў, прэзідэнта (арт. 368, 369, 391 КК).

Прапануем наш архіўны матэрыял, у якім мы падрабязна распавядаем пра дыфамацыю:

· Што такое «крымінальная дыфамацыя»?
· Якія міжнародныя стандарты існуюць?
· Што думаюць на гэты конт міжнародныя арганізацыі па правах чалавека?
· Ці ўжываюцца гэтыя артыкулы ў Беларусі?
· Якая пазіцыя ў беларускіх праваабаронцаў?

Чытаць тэкст (з Беларусі — праз VPN) 👉 bit.ly/3bYa347

⚡️⚡️Палітзняволеных мужа і жонку Анастасію Крупеніч-Кандрацьеву і Сяргея Крупеніча адпусцілі на волю. Яны пакінулі Беларусь

У пятніцу 5 лістапада іх пакаралі ў дзевяты раз на 15 сутак кожнага па арт. 19.11 КаАП за перасылы адзін адному ў прыватных паведамленнях навінаў з «экстрэмісцкіх» тэлеграм-каналаў. Такое рашэнне прыняла суддзя Ленінскага раёна Анастасія Ачалава. Агулам у мужа і жонкі налічвалася 126 і 127 сутак арышту па дзевяці пастановах суда.

Негледзячы на пастановы аб арышце, увечары 5 лістапада пасля суду Сяргея і Анастасію адпусцілі на волю з ІЧУ на Акрэсціна без тлумачэння прычынаў. Яны ў хуткім часе пакінулі Беларусь. Цяпер яны ў бяспецы.

Затрыманую ўчора актывістку ў сферы жаночых правоў і экс-кіраўніцу «Радзіславы» Вольгу Гарбунову падазраюць у кіраванні леташнімі жаночымі маршамі

Яе прызналі падазраванай паводле 342 артыкула КК.

Хроніка палітычнага пераследу 👉 bit.ly/2Yy1jP9 (з Беларусі — праз VPN)

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Жанчыну пакаралі двума гадамі «хатняй хіміі» за «абразу» Касьянчык у каментары

У судзе Мінскага раёна вынесены прысуд 42-гадовай жыхарцы Фаніпаля Анастасіі Баранавай. Суддзя Новікава прызнала яе вінаватай у абразе памочніцы пракурора Фрунзенскага раёна Мінска Аліны Касьянчык і вынесла пакаранне ў выглядзе двух гадоў «хатняй хіміі».

Каментар быў пакінуты пад пастом з матэрыялам пра тое, як Касьянчык падала ў суд на высяленне з кватэры: пазней жанчыну, якую абвінавацілі па той справе, асудзілі на тыя ж два гады «хатняй хіміі». Абвінавачаная напісала тэкст, які ўтрымліваў выраз «Як зямля носіць такую гніду?».

Лінвістычная экспертыза, каб пацвердзіць абразлівы характар каментара, не праводзілася.

Падрабязнасці (з Беларусі — праз VPN) 👉 bit.ly/308Lij9

❗️Супраць хворай на анкалогію пенсіянеркі, асуджанай месяц таму, распачалі новую крымінальную справу

Стала вядома, што супраць пенсіянеркі Людмілы Хлусевіч, якая ўжо асуджана на два гады «хатняй хіміі» за абразу міліцыянта ў «Аднакласніках», узбуджана новая крымінальная справа — зноў за абразлівы каментар.

Жанчыне пакуль не выставілі абвінавачанне, яна ў статусе падазраванай. Падчас папярэдняга следства па першай справе пенсіянерка з анкалагічнаю хваробаю (у яе лейкоз) перажыла ператрус, больш за 10 допытаў, праверку ў адной крымінальнай справе і абвінавачванне ў другой. У чаканні суда жанчына напісала перадсмяротную запіску.

Хроніка палітычнага пераследу 👉 bit.ly/2Yy1jP9 (з Беларусі — праз VPN)

За нанясенне трох надпісаў на прыпынках мужчыну асудзілі на 1,5 года «хатняй хіміі»

У судзе Драгічынскага раёна 10 лістапада вынеслі прысуд Яўгену Кажуху, якога вінавацілі ў апаганьванні збудаванняў і псаванні маёмасці (арт. 341 КК). Суддзя Юлія Кукса пагадзілася з пазіцыяй дзяржабвінавачвання і прысудзіла мужчыне 1,5 года «хатняй хіміі».

Паводле следства, увечары 16 жніўня 2021 года Яўген нанёс на сцены прыпынкаў надпісы і малюнкі: «Жыве Беларусь», «Не забудем. Не простим», «3% уходи», чым прычыніў шкоду на 82 рублі 98 капеек.

Мужчына віну прызнаў, добраахвотна ў дасудовым парадку пакрыў шкоду і сказаў, што «ўсвядоміў сваю памылку».

Падрабязнасці (з Беларусі — праз VPN) 👉 bit.ly/3bWEhEy