❗️Папраўчая калонія №1 арганізуе анлайн-спатканні вязняў з дзецьмі на базе наваполацкай бібліятэкі

Як паведамляецца на сайце горада, цэнтралізаваная бібліятэчная сістэма Наваполацка дамовілася з папраўчай калоніяй №1 аб стварэнні сацыяльнага праекта. Ён дапаможа падтрымліваць сувязь сем'яў з асуджанымі сваякамі. Па словах дырактаркі ЦБС Наваполацка Марыі Караваевай, у калоніі ўжо прайшло першае спатканне па відэасувязі і ў будучыні плануецца працягваць гэтую практыку.

📍У ПК-1 адбываюць пакаранне дзясяткі палітзняволеных, якія, дзякуючы гэтыму праэкту, могуць пабачыць сваіх дзетак. Але інструкцыі, як скарыстацца гэтай магчымасцю, на сайце няма. Верагодна, інфармацыю сваякі могуць атрымаць праз адміністрацыю калоніі.

🌿Палітвязень Мікалай Папека на «хіміі» выступіў на святочным канцэрце

Палітзняволены пчаляр-паэт Мікалай Папека, які адбывае пакаранне ў ПУАТ №21, распавёў у лісце пра свой удзел у культурных мерапрыемствах і пра мару напісаць басню.

«Быў святочны канцэрт, на якім мы самі выступалі з песнямі гуртоў ДДТ і Цоя (Кіно). Я дэклараваў верш Паўлюка Труса «Падаюць сняжынкі», якім уразіў як начальства, так і судзімых».

Акрамя гэтага, палітвязень распавёў, што яму прапанавалі напісаць артыкул для мясцовай газеты пра тое, як вязні з ПУАТ, пераапрануўшыся ў клоўнаў, ездзілі з падараункамі і тэтральнымі пастаноўкамі ў дзіцячыя прытулкі.

Папека хоча пісаць у зняволенні басні, але адзначае, што для гэтага трэба шмат вольнага часу. Таксама ён дадаў: «Да і Кандрата Крапіву я не пераўзыйду, бо ён пачатковец у Беларусі. Добра, каб я хаця б напісаў караценькую».

💌Падтрымайце Мікалая: Папраўчая ўстанова адкрытага тыпу №21, 247760, г. Мазыр, бульвар Юнасці, 24

‼️Крыніца: скончыў жыццё самагубствам зняволены Дзмітрый Дудойць

Дзмітрый — жыхар Смаргоні, асуджаны да двух гадоў «хіміі» за каментар пад пастом Вольгі Карач. Яго абвінавацілі ў знявазе прадстаўніка ўлады ў сувязі з выкананнем ім службовых абавязкаў, здзейсненай ў інфармацыі, якая размешчана ў сетцы Інтэрнэт (арт.369 КК РБ).

Згодна з матэрыяламі следства, Дзмітрый яшчэ да мінулагодніх выбараў, 21 чэрвеня 2020 года, у «Аднакласніках» на старонцы Вольгі Карач «з дапамогай ненарматыўнай лексікі ахарэктэрызаваў начальніка Ганцавіцкага РАУС Віталія Куляшова, падпісаўшы ягонае фота: "Скаціна лысая, хутка прыйдзе наш час…”».

З 29 снежня 2021 года Дзмітрый адбываў тэрмін ў ПУАТ N43 у Магілёве. Па інфармацыі @dissidentBY, мужчына скончыў жыццё самагубствам, калі вяртаўся з паліклінікі без суправаджэння.

У дадзены момант «Вясна» спрабуе атрымаць пацверджанне гэтай інфармацыі

❗️Інфармацыя пацверджана: 43-гадовы Дзмітрый Дудойць скончыў жыццё самагубствам — ён скокнуў з маста і разбіўся

Нагадаем, мужчына быў асуджаны да двух гадоў «хіміі» за каментар пра начальніка Ганцавіцкага РАУС Віталія Куляшова. Свой тэрмін ён адбываў у Магілёве. Ён правёў на «хіміі» адзін тыдзень.

🔹За каментар пад пастом Вольгі Карач жыхару Смаргоні прысудзілі два гады «хіміі»

Сваякі памерлага ў Рэчыцы Дзмітрыя Усхопава пакінулі Беларусь

«Улічваючы сітуацыю вакол гібелі Дзмітрыя Усхопава ў Рэчыцы, было прынята рашэнне эвакуяваць яго блізкіх. Аперацыя ўвянчалася поспехам. Працуем далей!» — паведаміў Андрэй Стрыжак.

Нагадаем, у навагодні вечар 27-гадовы жыхар Рэчыцы Дзмітрый Усхопаў памёр у прыёмным пакоі раённай лякарні. Як распавялі сваякі памерлага, у ноч з 31 снежня на 1 студзеня ён ехаў да маці на святочную вячэру. На аўтобусным прыпынку яго затрымаў міліцэйскі патруль. Праз нейкі час міліцыянты прывезлі яго ў прыймальны пакой раённай лякарні ў стане клінічнай смерці.

Перад пахаваннем хлопца міліцыянты затрымалі блізкіх сяброў Дзмітрыя.

🎉Марфа Рабкова сёння святкуе Дзень народзінаў. Павіншуйце яе са святам!

Марфа — каардынатарка Валанцёрскай службы «Вясны», якая ўжо больш за 470 дзён знаходзіцца за кратамі. 6 студзеня дзяўчыне споўнілася 27 гадоў. Гэта другі Дзень народзінаў, які праавабаронца сустракае ў зняволенні.

У лістападзе Марфа паведаміла сваякам, што ёй прад'яўленыя канчатковыя абвінавачванні па 11 артыкулах Крымінальнага кодэкса Рэспублікі Беларусь. Праваабаронцы пагражае да 20 гадоў пазбаўлення волі.

💌 Падтрымаць Марфу:
- СІЗА-1, 220030, Мінск, Валадарскага, 2, Марыі Аляксандраўне Рабковай
💻 Напісаць анлайн 👉 bit.ly/3jwJMLn

Яшчэ адзін прысуд за «счэпку» каля Стэлы, зыск «Мінсктранса» суд не задаволіў

Суд Ленінскага раёна Мінска вынес чарговы прысуд па падзеях 9 жніўня 2020 года. Крымінальная справа камплектоўшчыка аднаго з прадпрыемстваў сталіцы Аляксандра Дзям’янцава была разгледжаная 28 снежня. Мужчыну абвінавацілі ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле у іх па ч.1 артыкула 342 Крымінальнага кодэкса РБ.

Згодна з матэрыяламі абвінавачання, Аляксандр «станавіўся ў счэпку, не падпарадкоўваўся неаднаразовым патрабаванням супрацоўнікаў міліцыі, парушаў грамадскі пакой, перашкаджаў руху грамадскага транспарту».

Суддзя Таццяна Шоцік, улічваючы неадбытае раней пакаранне, канчаткова прызначыла хлопцу 3 гады «хіміі». Таксама яна адмовіла ў задавальненні зыску «Мінсктранса» аб прычыненні прадпрыемству матэрыяльнай шкоды ў памеры 3 621 рубель 21 капейка.

Падрабязнасці (з Беларусі — праз VPN) 👉 bit.ly/3ztlCuU

❗️Палітвязень Юрый Касцюк выйшаў на волю. Ён цалкам адбыў пакаранне

24-гадовага берасцейца Юрыя Касцюка абвінавацілі ў знявазе дзяржаўных сімвалаў па артыкуле 370 КК. Па матэрыялах следства, 4 верасня 2020 года Юрый ішоў з сябрамі каля гасцініцы “Маладзёжная” ў Брэсце і падчас размовы тузануў дзяржаўны сцяг на будынку, які адразу зваліўся. Адміністрацыя гатэлю вылучыла матэрыяльныя прэтэнзіі за зламанае дрэўка ў памеры 58 рублёў. 17 лістапада 2020 года Юрыю прысудзілі 1 год «хіміі».

23 лістапада 2021 года адбыўся суд па замене пакарання на больш строгае. У выніку Юрыю прысудзілі 1 месяц і 16 дзён калоніі агульнага рэжыму. З «хіміі» яго перавялі ў гродзенскую турму №1.

🔺6 студзеня ў палітвязня скончыўся тэрмін пакарання і ён выйшаў на волю.

❗️Палітвязня Уладзіміра Шурубейку з «хіміі» перавялі на «хатнюю хімію»

Жыхара Брэста Уладзіміра Шурубейку асудзілі да 2 гадоў «хіміі» па артыкуле аб абразе прадстаўніка ўлады (арт. 369 КК). Згодна з абвінавачваннем, 22 верасня 2020 года Уладзімір ў адкрытым viber-чаце "Вычулкі.Ямна" размясціў паведамленне ў дачыненні да супрацоўніка органаў дзяржбяспекі Сямёнава Дзяніса, якое змяшчае ў сабе негатыўную ацэнку асобы, а менавіта назваў яго "с*ыкло, чмо і ныцік". З 1 жніўня Шурубейка адбываў пакаранне ў папраўчай установе №46.

📍Праваабаронцам стала вядома, што 5 снежня Уладзіміра перавялі з «хіміі» на «хатнюю хімію». Цяпер берасцеец знаходзіцца дома.

Сёння ў ЦІП і ІЧУ на Акрэсціна прымаюць перадачы для зняволеных

Нагадаем, апошнія месяцы адміністрацыя Акрэсціна адмаўлялася прынімаць перадачы арыштаваным па «палітычных» артыкулах.

Крыніца: @spiski_okrestina

‼️Палітвязня Яраслава Збароўскага таксама перавялі з «хіміі» на «хатняюю хімію»

Праваабаронцам «Вясны» стала вядома, што некаторым палітвязням ў выніку памілавання змянілі пакаранне на больш мяккае. Акрамя палітвязня Уладзіміра Шурубейкі, з «хімі» на «хатнюю хімію» таксама перавялі палітзняволенага Яраслава Збароўскага.

5 красавіка палітвязня асудзілі па арт. 342 КК да трох гадоў «хіміі» за ўдзел у падзеях у ноч з 10 на 11 жніўня 2020 года каля ТЦ "Рыга». Яраслаў на судзе віну не прызнаў. Да гэтага сем месяцаў ён утрымліваўся пад вартай. У пружанскую папраўчую ўстанову адкрытага тыпу №7 яго накіравалі 20 жніўня.

Жыхара Гродзенскай вобласці абвінавачваюць па дзевяці артыкулах КК — сярод іх фінансаванне экстрэмісцкай дзейнасці і абраза Лукашэнкі

Пракуратура Гродзенскай вобласці накіравала ў суд крымінальную справу ў дачыненні да 40-гадовага мясцовага жыхара, якога абвінавачваюць паводле 9 артыкулаў крымінальнага кодэксу.

Згодна з матэрыяламі справы абвінавачаны:

🔹У жніўні 2021 года даслаў у Telegram паведамленні «аб вырабе гаручых рэчываў, запальных гранат, вызначэнні аб'ектаў для знішчэння і пашкоджання»;

🔹З верасня 2020 года па жнівень 2021 года ў Telegram-каналах і чатах размясціў матэрыялы з абразамі і паклёпам на адрас Лукашэнкі;

🔹У кастрычніку 2021 года ў адным з Telegram-каналаў размясціў каментары, накіраваныя на распальванне сацыяльнай варожасці і варожасці па прыкмеце сацыяльнай прыналежнасці да прадстаўнікоў праваахоўнага блока;

🔹У лістападзе 2020 года і чэрвені 2021 года перавёў «для забеспячэння экстрэмісцкай дзейнасці адміністратарам асобных Telegram-каналаў 0,28 і 0,004 біткойна, што па курсе Нацыянальнага банка Рэспублікі Беларусь склала 12,9 тыс. рублёў».

🔹У лістападзе 2021 года ў Telegram-чаце «размясціў паведамленні абразлівага характару ў адносінах да памочніка Прэзідэнта Рэспублікі Беларусь - інспектара па горадзе Мінску».

🔹Са снежня 2019 года па студзень 2020 года набыў асабліва небяспечныя псіхатропныя рэчывы, пісталет і не менш за 46 патронаў да яго.

✊«Вясноўцы 100% былі б у Грыфіндары», — Марфа Рабкова адказала ў лісце на цікавае пытанне ад беларускі

У лісце салідарнасці ў Марфы Рабковай запыталі пра пяць прычын, чаму б яна не трапіла ў Грыфіндар. Праваабаронца паразважала над гэтым пытаннем і адзначыла, што ўсе вясноўцы дакладна б апынуліся ў Грыфіндары.

«1. В детстве я отрывала ящерицам хвосты; 2. не люблю красный цвет, только в сочетании с другим цветом. У Гриффиндора же красный цвет? Я сомневаюсь в своей памяти; 3. с учётом количества козней судьбы, в моей жизни распределительная шляпа отправила бы меня в Слизерин; 4. в подростковом возрасте мне хотелось быть мизантропом (модно тогда это было, но у меня не получалось); 5. можно пошутить, что я бы не доехала до Англии, ибо меня упекли в местный Азкабан.

Тяжёлую ты передо мной поставила задачу, а вясноўцы 100% были бы в Гриффиндоре».

💌 Падтрымайце Марфу:
- СІЗА-1, 220030, Мінск, Валадарскага, 2, Марыі Аляксандраўне Рабковай
💻 Напісаць анлайн 👉 bit.ly/3jwJMLn

🌿Балерына, сыты кот і фемінітывы ў СІЗА. Незвычайныя факты пра Марфу Рабкову

Сёння, 6 студзеня, палітзняволенай праваабаронцы «Вясны» Марфе Рабковай cпаўняецца 27 гадоў. Свой дзень народзінаў яна ўжо другі раз запар сустракае ў СІЗА. І сёння «Вясна» распавядае незвычайныя гісторыі і факты пра Марфу.

🔹Як Марфа прывучыла да фемінітываў работнікаў СІЗА;

🔹Топ-3 кніг ад Марфы з-за кратаў;

🔹Чэлендж #сытыйкот і як Марфа аддала сваю ежу катам, што жывуць у двары СІЗА.

💎 Чытаць незвычайныя факты пра Марфу

💌Падтрымаць дзяўчыну:
- СІЗА-1, 220030, Мінск, Валадарскага, 2, Марыі Аляксандраўне Рабковай
💻 Напісаць анлайн 👉 bit.ly/3jwJMLn

Тры крымінальныя артыкулы і шэсць гадоў калоніі ўзмоцненага рэжыму за паведамленні ў тэлеграм-канале

Гродзенскі абласны суд разгледзеў крымінальную справу ў дачыненні да 33-гадовага Валянціна Панасіка. Мужчыну абвінавачвалі паводле ч. 1 арт. 293 («Масавыя беспарадкі»), ч. 1 арт. 130 («Распальванне расавай, нацыянальнай, рэлігійнай або іншай сацыяльнай варожасці ці варажнечы») і ч. 1 арт. 342 («Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх») — з-за каментароў, якія ў жніўні і верасні 2020 года ён напісаў у тэлеграм-канале «Гродно 97%».

Валянцін заявіў аб ужыванні да яго гвалту падчас затрымання, адмовіўся ад дачы паказанняў падчас пасяджэння, адвакат абвінавачанага заявіў, што, як мінімум, абвінавачванні паводле арт. 130, прад'яўленыя Панасіку, не вытрымліваюць ніякай крытыкі, а доказаў ягонай віны ў матэрыялах справы так і не было знойдзена. Але ніякія з гэтых акалічнасцяў і аргументаў суд не ўлічыў.

Падрабязнасці (з Беларусі — праз VPN) 👉 bit.ly/3G6IUcD