🌿Кампанія #FreeViasna запрашае на імпрэзу салідарнасці ў Вільні

Буйная хваля ціску на вясноўцаў пачалася 17 верасня 2020 года, калі была затрыманая каардынатарка Валанцёрскай службы Марфа Рабкова. Роўна праз год, 17 верасня 2021 года, стартавала кампанія салідарнасці з палітзняволенымі праваабаронцамі #FreeViasna. На той момант за кратамі знаходзілася сямёра нашых калег, у тым ліку вядомы гомельскі праваабаронца Леанід Судаленка, які быў асуджаны да трох гадоў калоніі і выйшаў на волю сёлета ў ліпені.

Падчас імпрэзы ў нядзелю, 17 верасня, можна будзе больш дазнацца пра кампанію #FreeViasna, паўдзельнічаць у публічнай размове з Леанідам Судаленкам і адправіць паштоўкі салідарнасці палітзняволеным праваабаронцам, якія былі асуджаныя на вялікія тэрміны за сваю мірную законную дзейнасць.

Запрашаем:
🗓17 верасня (нядзеля), 16:00
📍Беларускі дом у Вільні: Vilniaus g. 20
⁉️Падрабязнасці па спасылцы

🎧#FreeViasna. Як абараняць з надзеяй

У другую гадавіну кампаніі #FreeViasna распавядаем пра тое, як яна развівалася, хто ў ёй прымаў удзел, і самае галоўнае — як абараняць з надзеяй. Пра гэта новы выпуск падкаста «Вясна прыйдзе».

«Самае меншае, што мы можам зрабіць, гэта не забываць пра іх, кожны дзень думаць пра тое, што мы яшчэ можам зрабіць, і гэта самы прамы спосаб адплаціць ім за тое, што яны зрабілі для супольнасці, у тым ліку сусветнай».

👀Тэкставая версія 👉 https://spring96.org/be/news/112780

👂Soundcloud | YouTube | Google podcasts | Spotify | Apple podcasts | Castbox | Іншыя пляцоўкі

Леаніду Судаленку ўручылі праваабарончую прэмію Homo Homini

Гэта адбылося ў Вільні 17 верасня на сустрэчы салідарнасці кампаніі #FreeViasna.

Леаніду перадала прэмію праваабаронца Наталля Сацункевіч, якая атрымала прэмію за Леаніда ў 2021 годзе, калі той быў у зняволенні.

Homo Homini (Чалавек чалавеку) — прэмія ў галіне правоў чалавека, заснаваная ў 1994 годзе чэшскай няўрадавай арганізацыяй "Чалавек у бядзе". Прысуджаецца асобам, якія ўнеслі "значны ўклад у прасоўванне правоў чалавека, дэмакратыі і негвалтоўных метадаў вырашэння грамадска-палітычных канфліктаў".

🌿У Варшаве адбудзецца сустрэча, прысвечаная кампаніі #FreeViasna

У ёй прымуць удзел праваабаронцы і грамадскія дзеячы. На сустрэчы плануюць абмеракаваць агульную сітуацыю з правамі чалавека ў Беларусі і што магчыма зрабіць, каб палітзняволеныя хутчэй вышлі на волю.

Нагадаем, на сёння, 5 праваабаронцаў «Вясны» знаходзяцца за кратамі за свае погляды. Гэта старшыня ПЦ Алесь Бяляцкі, ягоны намеснік Валянцін Стэфановіч, юрыст Уладзімір Лабковіч, каардынатарка Валанцёрскай службы Марфа Рабкова і валанцёр Андрэй Чапюк.

📍19 верасня (аўторак), 18:00
🔹Plac Konstytucji 6, WITRYNA Domu Wschodniego (крайні правы бок будынка)

🎧#FreeViasna. Праваабаронца Наталля Сацункевіч пра тое, як абараняць з надзеяй

У новым выпуску падкаста «Вясна прыйдзе» распавядаем пра другую гадавіну кампаніі #FreeViasna: як яна развівалася, хто ў ёй прымаў удзел, і самае галоўнае — як абараняць з надзеяй.

«Замест таго, каб казаць пра страх, трэба казаць пра надзею, таму што надзея — гэта ключ да камунікацыі з людзьмі праз пазітыўныя эмоцыі, такія як радасць, гумар, спачуванне. І адна з задач тых, хто мяняе свет — напрыклад праваабаронцаў — гэта даваць людзям надзею, накіроўваць іх энергію, паказваць, як можна паляпшаць гэты свет.

І казаць, што мы робім нешта не СУПРАЦЬ чагосьці, а ДЛЯ чагосьці. І гэтая змена парадыгмы ў тым ліку на падсвядомым узроўні натхняе, дае больш сілаў і рэсурсаў».

Чытаць па спасылцы 👉 https://spring96.org/be/news/112780

👂Слухаць на Soundcloud | YouTube | Google podcasts | Spotify | Apple podcasts | Castbox | Іншыя пляцоўкі

🎧Праваабарончая праграма «Вясна». Падзеі мінулага тыдня:

1:36 Новы статус «былых палітвязняў». Размова з праваабаронцай «Вясны»

8:14 #FreeViasna і Леанід Судаленка, які нарэшце атрымаў сваю прэмію Homo homini

19:06 «Беларускі мартыралог» і Ксіша Анёлава

26:47 Гадавіна «карагоднай справы». Успаміны фігуранта

🌿Слухайце выпуск тут альбо праз SoundCloud

🔈#FreeViasna: Агляд навінаў пра зняволеных праваабаронцаў «Вясны»

🔹Поўную аўдыторыю сабрала прэзентацыя кнігі «Алесь Бяляцкі» ў Гарвардскім універсітэце — яе прывезла туды старшыня Беларускага ПЭНа Таццяна Нядбай;

🔹На міжнароднай канферэнцыі па дэмакратыі і правах чалавека REVOLUTIONALE узгадалі палітзняволеных вясноўцаў — на канферэнцыі быў і стэнд кампаніі FreeViasna;

🔹Валянцін Стэфановіч і Уладзімір Лабковіч сустрэлі свае Дні народзінаў за кратамі: Валянціну споўніўся 51 год, а Уладзіміру — 45 гадоў.

Чытаць па спасылцы 👉 https://spring96.org/be/news/113141

💳Падтрымаць «Вясну» на Patreon | Аднаразовым данатам

🔈#FreeViasna: Агляд навінаў пра зняволеных праваабаронцаў «Вясны»

🔹Алеся Бяляцкага ў калоніі змясцілі ў ПКТ — таксама да праваабаронцы працяглы час не пускаюць адваката;

🔹Выставы, прысвечаная Алесю Бяляцкаму, адкрыліся ў Брусэлі і Гановеры, а Беларускі ПЭН зладзіў размову пра Алеся, яго кнігу, Нобель для Беларусі;

🔹За апошні час не было ніякіх навінаў пра Валянціна Стэфановіча, Уладзіміра Лабковіча, Марфу Рабкову і Андрэя Чапюка.

Чытаць па спасылцы 👉 https://spring96.org/be/news/113316

💳Падтрымаць «Вясну» на Patreon | Аднаразовым данатам

🔈#FreeViasna: Агляд навінаў пра зняволеных праваабаронцаў «Вясны»

🔹Алесь Бяляцкі стаў лаўрэатам прэміі імя Аляхновіча — арганізатары прэміі адзначылі ягоныя «Успаміны пра музей Максіма Багдановіча»;

🔹Сетка Дамоў правоў чалавека Human Rights House Foundation падтрымала палітзняволеных беларускіх праваабаронцаў;

🔹Мінула 38 месяцаў, як за кратамі знаходзіцца Марфа Рабкова — каардынатарка Валанцёрскай службы «Вясны» адбывае свой тэрмін у гомельскай калоніі;

🔹На штогадовай Асамблеі Форуму грамадзянскай супольнасці Усходняга партнёрства з'явіліся партрэты палітзняволеных «вясноўцаў»;

🔹У Вільні адкрылася выстава партрэтаў беларускіх палітвязняў аўтарства Ксішы Анёлавай «Беларускі мартыралог». Сярод малюнкаў і партрэт Марфы Рабковай, а таксама паштоўка, зробленая па ім.

Чытаць па спасылцы 👉 https://spring96.org/be/news/113434

💳Падтрымаць «Вясну» на Patreon | Аднаразовым данатам