😔Палітвязень Віктар Лосік сёння адзначае 40-годдзе ў штрафным ізалятары.

Сёння палітзняволены актывіст Віктар Лосік сустрэў свае 40 год у ШІЗА віцебскай калоніі № 3. Пра гэта паведаміла ягоная сястра.

Лосіка затрымалі ў снежні 2020 года за тое, што павесіў на мосце пудзілы з фотаздымкамі міністра ўнуртраных справаў і старшыні выбарчай камісіі Хацежанскага ўчастка для галасавання, а таксама ў нанясенні выяваў з гербам “Пагоня” на збудаваннях і апорах маста. Віктар жанаты, у яго двое дзяцей.

Раней паведамлялася, што яму зменшылі атаварку да 2 базавых, бо ў калонію былі накіраваныя пазовы па яго справе, а заробак Віктара складае 27 капеек. Лісты да палітвязня даходзяць толькі ад сваякоў.

🔺Але вы можаце павіншаваць Віктара праз «Радыё Віцебск». Як гэта зрабіць.

💌Даслаць палітвязню віншаванні: ПК №3, 211322, Віцебская вобласць, г.п. Віцьба, Віктар Анатольевіч Лосік
💻 Напісаць анлайн 👉 bit.ly/3jwJMLn

📮 Падпішы паштоўку вязню анлайн і падтрымай «Майстэрню паштовак салідарнасці»

Валанцёры_кі з «Майстэрні паштовак салідарнасці» ўжо 2 гады падтрымліваюць вязняў паштоўкамі і лістамі салідарнасці, а сёння запускаюць новую анлайн-форму, праз якую салідарнасць з палітвязнямі робіцца яшчэ прасцей і дасяжней.

У анлайн-форме вы можаце пакінуць вашае пасланне вязню, а валанцёры_кі перапішуць яго ад рукі на нашы дызайнерскія паштоўкі і дашлюць за краты.

Фішкі новай формы:
- можна дасылаць ліст ці поштоўку, нават калі вы не маеце адваротнага адраса ў Беларусі. Валанцёры_кі дашлюць вам адсканаваны ліст, калі вязень накіруе адказ.
- ёсць англамоўная версія для вашых знаёмых з-за мяжы!

💌 Даслаць вестачку салідарнасці анлайн 👉 bit.ly/3PIOcjz

❤️ Валанцёрам і валанцёркам вельмі патрэбна ваша падтрымка. Нават невялікі данат падтрымае вялікую справу!

📍Палітзняволеная Паліна Шарэнда-Панасюк знайшлася ў жаночай калоніі № 24

Пра гэта паведаміў ейны муж Андрэй Шарэнда:

«Паліна нарэшце знайшлася у жаночай папраўчай калоніі № 24 (Зарэчча). Больш месяца лукашысты хавалі яе месцазнаходжанне.
ПК-24 гэта калонія для жанчын рэцыдывістак, якія паўторна здзейснілі цяжкае злачынства. Яна знаходзіцца ў лесе паміж Рэчыцай і Светлагорскам і вядома вельмі жорсткімі ўмовамі ўтрымання. Таксама ПК-24 вядома кепскімі санітарнымі ўмовамі для вязняў і цяжкай фізічнай працай для зняволеных».

📌Нагадаем, у гомельскай калоніі 7 красавіка Паліну асудзілі па ч. 2 арт. 411 КК (злоснае непадпарадкаванне патрабаванням адміністрацыі папраўчай установы). Суд прызначыў ёй у дадатак да двух гадоў зняволення яшчэ адзін год у калоніі.

💌Падтрымайце палітзняволеную: ПК № 24, 247526, вул. Вытворчая, 44, г. п. Зарэчча, Рэчыцкі раён, Гомельская вобласць, Паліне Сяргееўне Шарэндзе-Панасюк
💻Напісаць анлайн

Даслалі поштай турэмнае адзенне расстралянага сына, тым самым жорстка абыйшліся са сваякамі: КПЧ ААН прызнаў парушэнне правоў маці пакаранага смерцю Паўла Селюна

Камітэт па правах чалавека ААН вынес рашэнне на зварот Тамары Сялюн, маці асуджанага да смяротнага пакарання Паўла Селюна. Жанчына прасіла прызнаць, што яе права не зазнаваць жорсткае абыходжанне было парушанае Дэпартаментам выканання пакарання: пасля расстрэлу яе сына ведамства пасылкай даслала жанчыне турэмнае адзенне Паўла з надпісам «ИМН», якое ён насіў падчас знаходжання ў «калідоры смяротнікаў», пры гэтым ДВП не паведаміў час і месца пахавання.

Тамара Сялюн спрабавала дамагчыся справядлівасці праз беларускія суды і нацыянальныя органы, але безвынікова. Цяпер Камітэт ААН прызнаў парушэнне правоў маці пакаранага смерцю Паўла. КПЧ абавязаў беларускія ўлады забяспечыць жанчыне кампенсацыю за дапушчаныя парушэнні, апублікаваць інфармацыю пра месца пахавання яе сына і выдаць маці яго рэшткі.

Чытаць па спасылцы

❗️Палітвязня Алега Яфрэменку, якому раней ужо ўзмацнялі рэжым, будуць судзіць за «непадпарадкаванне» адміністрацыі турмы

Жыхара Віцебска Алега Яфрэменку асудзілі па артыкуле аб гвалце да супрацоўніка МУС (арт. 364 КК) падчас вулічнага шэсця 13 верасня 2020 года. Яго абвінавацілі ў тым, што падчас акцыі ён зрабіў падсечку міліцыянту.

9 снежня 2020 суд прызначыў Алегу 4,5 гадоў калоніі. Адбываць тэрмін яго накіравалі ў магілёўскую калонію № 15. Але праз некалькі месяцаў яму ўзмацнілі пакаранне і перавялі на турэмны рэжым.

Цяпер стала вядома, што ў магілёўскай турме супраць палітвязня ўзбудзілі крымінальную справу па ч. 2 арт. 411 КК (Злоснае непадпарадкаванне патрабаванням адміністрацыі папраўчай установы). Суд над Алегам адбудзецца 26 ліпеня ў судзе Ленінскага раёна Магілёва. Справу будзе разглядаць суддзя Вікторыя Палякова. Вядома, што ў турме Алега рэгулярна змяшчалі ў ШІЗА за «парушэнне парадку».

💌Падтрымайце палітвязня: Турма № 4, 212011, г. Магілёў, вул. Крупскай, 99А, Алег Віктаравіч Яфрэменка

Баранавіцкі лекар Аляксандр Трафімаў — на волі

Пра гэта ён паведаміў на сваей старонцы ў Instagram.

Нагадаем, Аляксандра затрымалі 19 ліпеня — яго выклікалі ў міліцыю, дзе і затрымалі на трое сутак.

Затрыманы магілёўскі хірург з 15-гадовым стажам працы

Праўладныя тэлеграм-каналы паведамілі пра затрыманне лекара Цімафея Ярошчыка. Сківічна-тварнага хірурга абвінавачваюць у нібыта «зліве» асабістых дадзеных супрацоўніка МУС.

Хроніка палітычнага пераследу 👉 bit.ly/3PNT2LK

У Беларусі заблакавалі сайт газеты «Беларусы і рынак»

У самім выданні пацвердзілі, што сайт быў заблакаваны паводле рашэння Міністэрства інфармацыі. Пры гэтым адзначылі, што афіцыйных папер наконт гэтага пакуль не атрымлівалі.

Крыніца: @zerkalo_io

❗️«Нягледзячы на поўную зняможанасць Мікалая, з карцара яго не перавялі». Трынаццаты дзень сухой галадоўкі Мікалая Аўтуховіча

З 11 ліпеня Мікалай Аўтуховіч трымае «сухую» галадоўку. Вязень такім чынам пратэстуе супраць абмежавання яго ў ліставанні, яму перасталі даходзіць лісты нават ад 83-гадовай маці. У чацвер, 21 ліпеня, стан Аўтуховіча рэзка пагоршыўся: узмацніліся болі ў жываце, пачалася рэзь, стаў надта часты пульс. У судзе абвясцілі перапынак да панядзелка.

Стала вядома, што нягледзячы на стан Мікалая, з карацара яго не перавялі:

«У судзе зрабілі перапынак да панядзелка, але, нягледзячы на поўную зняможанасць Мікалая, з карцара яго ўчора [21 ліпеня] не перавялі. Даведаліся пра гэта, калі сёння [22 ліпеня] раніцай не ўзялі перадачу для яго. Адвакату ў медчастцы адмовіліся паведамляць па тэлефоне, у якім стане цяпер Мікалай».

💌Падтрымаць Мікалая пасылкамі, грашовымі пераводамі і лістамі салідарнасці: Турма №1, 230023, Гродна, Кірава, 1, Аўтуховічу Мікалаю Мікалаевічу

Крыніца: Śviatłana Bohuš

📍Палітзняволены фігурант «справы карагодаў» выйшаў на волю

26-гадовы Аляксандр Жук цалкам адбыў тэрмін на «хіміі» і сёння выйшаў на волю. Яго затрымалі 24 сакавіка 2021 года ў межах крымінальнай справы, узбуджанай па падзеях акцыі пратэсту 13 верасня 2020 года ў Брэсце, калі пратэстоўцы былі разагнаныя вадамётам. 30 жніўня 2021 суд прызначыў Аляксандру пакаранне паводле ч. 1 арт. 342 Крымінальнага кодэкса — паўтара года «хіміі». Тэрмін палітвязень адбываў у ПУАТ № 39 у Крупках.

На суткі адправілі двух вернікаў адной з мінскіх цэркваў — падчас ператрусу ў іх канфіскавалі ўлёткі «Малітва за Беларусь»

Раніцай 22 ліпеня ў сябе дома былі затрыманы жыхары Мінска Яўген Барысік і Максім Стасілевіч, вернікі адной з мінскіх цэркваў Хрысціян веры евангельскай, паведамляе Польскае радыё.

Падчас затрымання ў іх былі канфіскаваны пакункі ўлётак «Малітва за Беларусь», якія ўтрымліваюць заклік маліцца за краіну і народ «у гэты няпросты час», цытаты з Евангелля і евангельскі гімн «Чакаем цябе, наш Ісус».

Як паведаміла жонка і сястра затрыманых, хлопцам прызначылі па 10 сутак арышту: Максіму за распаўсюд экстрэмісцкіх матэрыялаў (арт.19.11 КаАП), Яўгену — за дробнае хуліганства (арт. 19.1 КаАП). Судзіла іх суддзя Таццяна Мотыль.

❗️За перыяд знікнення Паліна Шарэнда-Панасюк 20 содняў правяла ў ШІЗА. Сваякам не даслалі апавяшчэнне аб прыбыцці Паліны ў калонію

Больш за месяц Паліну шукалі праз адваката. Яна знайшлася ў жаночай папраўчай калоніі №24 (Зарэчча), куды яе перавялі з СІЗА №3 Гомеля. Муж Паліны Андрэй Шарэнда паведаміў, што ў калоніі яна 20 содняў правяла ў ШІЗА.

💡Згодна з Крымінальна-выканаўчым кодэксам, на працягу трох сутак з дня прыбыцця асуджанага ва ўстанову адміністрацыя ўстановы накіроўвае яго блізкім сваякам паведамленне. Аднак сваякі Паліны яго не атрымлівалі.

Нагадаем, што 7 красавіка Паліне дадалі яшчэ год калоніі да асноўнага тэрміну ў два гады зняволення.

Пасля вяртання з Літвы сілавікі затрымалі супрацоўніцу EPAM

Праўладныя тэлеграм-каналы паведамляюць, што дзяўчына была актыўнай удзельніцай пратэстаў у 2020 годзе і ў канцы таго ж года пераехала ў Літву. Праз два гады яна вырашыла прыехаць у Беларусь да сяброўкі, дзе і была затрымана.

На «пакаяльным відэа» яна «прызнаецца» ва ўдзеле ў пратэстах і перакрыцці руху транспарту.

✍️Адкрыта рэгістрацыя на экспертную анлайн-сустрэчу «Прынцыпы ўзаемадзеяння дзяржавы і медыя: якімі яны павінны быць у новай Беларусі»

Арганізатары запрашаюць медыяменеджэраў незалежных медыя выказаць сваё бачанне ўзаемаадносін дзяржавы і медыя: «Якія правілы гульні павінны быць у дэмакратычнай Беларусі для захавання незалежнасці СМІ і абавязацельстваў дзяржавы».

У якасці экспертаў запрошаны:

📍Павел Быкоўскі — медыяэксперт;
📍Марына Загорская — медыятрэнерка;
📍Таццяна Каравянкова — журналістка;
📍Ірына Новік — журналістка.

Сустрэча адбудзецца 29 ліпеня 2022. Пачатак у 14:00 у Imaguru Startup Hub (Vytenio g. 18, Vilnius)

⁉️Падрабязнасці

Па інфармацыі MAYDAY TEAM, затрыманая супрацоўніца EPAM — Кацярына Глінская

Яна была затрымана разам з сястрой Юліяй Глінскай некалькі дзён таму ў Мінску. Затрыманне рабіў ГУБАЗіК, дзяўчат схапілі, калі яны ішлі да свайго аўтамабіля. Затым у кватэры зрабілі ператрус.

Вядома, што Кацярына праходзіць фігурантам па крымінальнай справе. Яе ж сястры Юліі суд у чацвер, паводле непацверджанай інфармацыі, прызначыў 15 сутак арышту — пакуль незразумела за што.

Крыніца: @MAYDAYMog

Напісалі каментар за мяжой — атрымалі ў Беларусі тэрмін за «абразу»

«Вясна» распавядае пра два дыфамацыйныя прысуды за «абразу прадстаўнікоў улады» (артыкул 369 Крымінальнага кодэкса) праз каментары у інтэрнэце. Асуджаныя іх пісалі, знаходзячыся за межамі Беларусі.

🔹Сярод доказаў віны — пашпарт са штампамі пра ўезд і выезд. 1,5 года «хіміі» і 3200 рублёў штрафу палітвязню за каментар пра начальніка УУС Магілёўскага аблвыканкама.

🔹Вінаватасць пацвярджаецца і звесткамі з «Пасажыропатоку». Два гады «хіміі» кіроўцу-міжнародніку за каментар пра гродзенскага амапаўца Лычагіна.

Чытаць па спасылцы

⁉️Чым важна рашэнне КПЧ ААН па справе Паўла Селюна для беларускага грамадства? Адказвае каардынатар кампаніі «Праваабаронцы супраць смяротнага пакарання» Андрэй Палуда.

Нагадаем, Камітэт ААН прызнаў парушэнне правоў маці пакаранага смерцю Паўла Селюна: КПЧ абавязаў беларускія ўлады забяспечыць жанчыне кампенсацыю за дапушчаныя парушэнні, апублікаваць інфармацыю пра месца пахавання яе сына і выдаць маці яго рэшткі.

«Шлях, які мы прайшлі разам з аўтаркай звароту Тамарай Мікалаеўнай Сялюн — ад першай скаргі на нацыянальным узроўні да рашэння Камітэта ААН па правах чалавека — заняў доўгія сем гадоў, але мы ні на хвіліну не сумняваліся, што гэты шлях таго варты.

Гэтае рашэнне прэцэдэнтнае, бо датычылася наступстваў прывядзення ў выкананне смяротных прысудаў. Рашэнне пацвярджае тое, што сістэма выканання пакаранняў у канкрэтна ўзятым сегменце, звязаным са смяротным пакараннем, вельмі моцна ўплывае на сваякоў асуджаных, а дзяржава нічога не робіць, каб гэтую сістэму змяніць. І больш за тое, складаецца ўражанне, што спрыяе гэтаму, узмацняючы іх эмацыйныя пакуты. Чаго толькі вартая адмова аддаць сваякам асабістыя рэчы расстраляных, фатаграфіі, дзённікі, кнігі — але рассыланне ім "казённага" адзення, абутку, шапкі.

Сваім рашэннем аб прызнанні парушэнняў 7 і 14 (1) артыкулаў Пакта Камітэт пацвердзіў, што сістэма смяротнага пакарання накіраваная менавіта на кару і на здзек, яна бесчалавечная і ўплывае на вельмі шырокае кола людзей, не толькі сваякоў прысуджаных і расстраляных. Гэтая сістэма ўплывае на ўсё наша грамадства, на кожнага з нас», — кажа Андрэй Палуда.

🔹Даслалі поштай турэмнае адзенне расстралянага сына, тым самым жорстка абыйшліся са сваякамі: КПЧ ААН прызнаў парушэнне правоў маці пакаранага смерцю Паўла Селюна

❗️Збівалі патэльняй, пакуль пілі каву з кавамашыны затрыманага: падрабязнасці "рэйда" ў Іванаве

Раніцай 13 ліпеня ў Іванаве прайшла хваля ператрусаў і затрыманняў. Збіццё, катаванні, разгром у дамах, стрэлы и пагрозы — тое, з чым сутыкнуліся восем затрыманых мясцовых жыхароў у той дзень. Вядома, што ў "рэйдзе" прымалі ўдзел дзве групы — з Брэста і Мінска. Сталічныя сілавікі былі больш жорсткія — менавіта адзін з іх стрэліў у сабаку мясцовай актывісткі. У выніку былі асуджаныя сем чалавек: траіх аштрафавалі, яшчэ чатырох адправілі на "суткі". Настаўніца Алена Пуцыковіч, якая адбывае "хатнюю хіміі" па палітычнай справе, пасля затрымання трапіла ў лякарню — абвастрылася хвароба.

Адзін з супрацоўнікаў ГУБАЗіКу пужаў маці непаўнагадовых дзяцей Марыну Кіявец, што яна будзе сядзець па 15 сутак паводле трох пратаколаў, а потым, маўляў, "забяруць у Брэст і пасадзяць на бутэльку".

Падрабязнасці (з Беларусі — праз VPN) 👉 bit.ly/3vaJsL8

📸На фота: Марына Кіявец

Затрыманы пасля вяртання з Польшчы

Праваабаронцам паведамілі пра затрыманне ў Лідзе сіраты Валерыя Тумілевіча. Вядома, што месяц назад ён з'ехаў у Польшчы, але цяпер вырашыў вярнуцца ў Беларусь. Валерыю ставяць у віну арт. 19.11 КаАП (распаўсюд экстрэмісцкіх матэрыялаў), а таксама інкрымінуюць арт. 368 Крымінальнага кодэкса (абраза Лукашэнкі).

Хроніка палітычнага пераследу 👉 bit.ly/3b72L0Z

Ксяндзу з Віцебска Андрэю Вашчуку прысудзілі яшчэ 15 сутак арышту

Па якім артыкуле асудзілі святара — пакуль невядома.

Раней Вашчука асудзілі на 15 сутак за «парушэнне парадку арганізацыі ці правядзення масавых мерапрыемстваў».

Крыніца: @christianvision

Хроніка палітычнага пераследу 👉 bit.ly/3b72L0Z

Наўпрост зараз праходзіць дыскусія «Феномен беларускай палітзняволенай літаратуры ў кантэксце часу і сусветнага мастацтва» з удзелам Алены Лапцёнак, Святланы Мацкевіч, Андрэя Хадановіча і Таццяны Нядбай.

Размова адбываецца ў межах акцыі «Палітзняволеных літаратура», якую беларусы Лодзі ладзяць у межах Дзён беларускай культуры пра падтрымцы @by_culture.

👀Глядзець анлайн