#Xalqaro_hamkorlik

⚡️ 25-may kuni O'zbekiston davlat san'at va madaniyat instituti rektori, professor Nodirbek Sayfullayev hamda Rossiyada xizmat ko'rsatgan artist, Moskva drama teatri badiiy rahbari Yevgeniy Pisarev o’rtasida hamkorlik uchrashuvi bo’lib o’tdi.

☑️ Uchrashuv davomida teatr san'ati sohasida malakali kadrlar tayyorlash bo‘yicha amalga oshirilayotgan ishlar hamda istiqbolli hamkorlik masalalari muhokama qilinib, so'nggi yillarda O'zbekiston va Rossiya munosabatlari barcha sohalar singari madaniyat va san'atda ham izchil rivojlanib borayotganligi ta’kidlandi.

☑️ Uchrashuvdan so’ng, Yevgeniy Pisarev oliygohda teatr san’ati fakulteti professor-o'qituvchilari va talabalari bilan uchrashdi. Ijodiy uchrashuv davomida talabalarning sohaga oid savollariga javob berdi.

☑️ Shuningdek, uchrashuvdan so’ng teatr san'ati fakulteti estrada aktyorligi va dramatik teatr aktyorligi ta'lim yo'nalishi talabalarining ijodiy ishlari namoyish etildi.

🗣 Ma’lumot uchun, O'zbekiston davlat san'at va madaniyat instituti hamda Rossiya teatr san'ati instituti, Qozon davlat madaniyat instituti, Sankt-Peterburg kino-televedeniye instituti o'rtasida ikki tomonlama hamkorlik aloqalari yo'lga qo'yilgan.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt