⚡️ Sirtqi ta’lim shaklida pedagogik staj faqat 5 ta ta’lim yo‘nalishi uchun talab etiladi

🔰 Ma’lumki, Prezidentning 2022-yil 22-iyundagi PQ-289-son qaroriga muvofiq pedagogika sohasidagi ta’lim yo‘nalishlariga sirtqi ta’lim shakli bo‘yicha o‘qishga ta’lim tizimida pedagogik faoliyatga oid kamida besh yillik ish stajiga ega bo‘lgan shaxslar qabul qilinadi.

📌 Davlat komissiyasining tegishli bayoni bilan sirtqi ta’lim shakliga pedagogik faoliyatga oid kamida 5 yil ish stajiga ega bo‘lgan abituriyentlar qabul qilinadigan bakalavriat ta’lim yo‘nalishlari ro‘yxati tasdiqlandi. Bular:

🔹 boshlang‘ich ta’lim;
🔹 tasviriy san’at va muhandislik grafikasi;
🔹 musiqa ta’limi;
🔹 jismoniy madaniyat;
🔹 texnologik ta’lim.

✅ Bunda ushbu ta’lim yo‘nalishlarining sirtqi ta’lim shakliga xalq ta’limi tizimida kamida 5 yil ish stajiga ega bo‘lib, hozirda ushbu tizimda faoliyat ko‘rsatib kelayotgan pedagog xodimlar abituriyent sifatida ro‘yxatdan o‘tishi belgilandi.

👨🏻‍💻 Boshqa ta’lim yo‘nalishlari uchun esa pedagogik faoliyatga oid kamida 5 yil ish staj talab etilmaydi va ularga istalgan abituriyent onlayn ro‘yxatdan o‘tishi mumkin.

✅Ta’lim nazorati rasmiy kanali

📹 magistr.edu.uz platformasi orqali ariza topshirish bo‘yicha videoyo‘riqnoma

Eslatma: hujjatlarni qabul qilish 30-iyulga qadar (shu kuni ham) davom etadi.

👉 Sertifikatlar roʻyxati

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

#qabul2023
#kvota

O‘qishga qabul qilish parametrlarining ta’lim yo‘nalishlari va o‘qitish tillari bo‘yicha taqsimoti

🔹BAKALAVR:

➖ KUNDUZGI — 127 259 nafar;

➖ SIRTQI — 49 078 nafar;

➖ KECHKI — 11 125 nafar.

➖ MASOFAVIY — 2 825 nafar.


❇️ MAQSADLI QABUL:

➖ Sog‘liqni saqlash (8 064 ta);

➖ Pedagogika (23 605 ta);

➖ Veterinariya (225 ta);

➖ Ijtimoiy ish (325 ta);

➖ Xorijiy va nodavlat OTMlar uchun (1 000 ta).

🔰IMTIYOZLI KVOTALAR:

➖ Harbiy tavsiyanomalilar uchun (9 506 ta);

➖ Ehtiyojmand xotin-qizlar uchun (2 000 ta);

➖ 5 yil stajga ega xotin-qizlar uchun (500 ta);

➖Nogironligi bo‘lgan shaxslar uchun (3 803 ta);

➖Mehribonlik uyi tarbiyalanuvchilari uchun (1 903 ta).

Izoh: ushbu kvotalar umumiy kvotalardan tashqari ajratilgan.

🔸MAGISTRATURA:

➖Kvota — 17 128 nafar.
➖Magistratura turdosh yo‘nalishlar ro‘yxati.

✅Ta’lim nazorati rasmiy kanali

So‘nggi 6 yillik baholar OTMlarga joriy yilgi qabulda inobatga olinmaydi

🔰 2023-yil 3-iyul kuni Prezidentning “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF–107-son farmoni qabul qilindi.

📋 Mazkur farmon bilan Prezidentning 2020-yil 6-noyabrdagi “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora tadbirlari to‘g‘risida”gi PF-6108-son farmoniga o‘zgartirish kiritildi.

📆 Unga ko‘ra majburiy 11 yillik ta’limning so‘nggi 6 yillik baholari o‘rtacha ko‘rsatkichini oliy ta’lim tashkilotiga kirish imtihonlarida inobatga olish 2 yilga kechiktirildi.

📌 Demak, joriy yilda majburiy 11 yillik ta’limning so‘nggi 6 yillik baholari oliy ta’lim tashkilotlariga kirish imtihonlarida inobatga olinmaydi.

✅Ta’lim nazorati rasmiy kanali

❓ Pedagogik faoliyatga oid ish staji qanday aniqlanadi?

📌 Sirtqi ta’lim shaklidagi quyidagi ta’lim yo‘nalishlariga o‘qishga kirish uchun pedagogik faoliyatga oid kamida 5 yillik ish staji talab etiladi:

🔹 boshlang‘ich ta’lim;
🔹 tasviriy san’at va muhandislik grafikasi;
🔹 musiqa ta’limi;
🔹 jismoniy madaniyat;
🔹 texnologik ta’lim.

👨🏻‍💻 Ushbu ta’lim yo‘nalishlariga xalq ta’limi tizimida kamida 5 yil ish stajiga ega bo‘lib, hozirda ushbu tizimda faoliyat ko‘rsatib kelayotgan pedagog xodimlar abituriyent sifatida ro‘yxatdan o‘tishi mumkin.

🖥 Abituriyentlarning mazkur toifaga kirish yoki kirmasligi Maktabgacha va maktab ta’limi vazirligining tegishli axborot tizimi orqali aniqlanadi.

✅ Abituriyent ro‘yxatdan o‘tgan vaqtda vazirlikning axborot tizimiga real vaqt rejimida so‘rov yuborilib, 5 yillik pedagogik stajga ega ekanligi tasdiqlangan abituriyentlarga ushbu yo‘nalishlarni tanlashga ruxsat beriladi.

❗️ Agar abituriyent 5 yillik pedagogik stajga ega bo‘lsa-yu, lekin tizimda bu tasdiqlanmasa o‘zi faoliyat yuritayotgan ta’lim muassasasiga (maktabga) murojaat qilishi lozim.

❇️ Boshqa ta’lim yo‘nalishlari uchun esa pedagogik faoliyatga oid staj talab etilmaydi va ularga istalgan abituriyent onlayn ro‘yxatdan o‘tishi mumkin.

✅Ta’lim nazorati rasmiy kanali

Ona tili va adabiyot fanidan tavsiya etiladigan adabiyotlar ro‘yxati

📆 Ona (o‘zbek, rus, qoraqalpoq) tili va adabiyot fanidan milliy sertifikat uchun navbatdagi navbatdagi test sinovlarini 2023-yilning 4-choragida o‘tkazish rejalashtirilgan.

📋 Talabgorlar ona (o‘zbek) tili va adabiyot fanidan test sinovlariga puxta tayyorgarlik ko‘rishlari uchun o‘qish tavsiya etiladigan badiiy adabiyotlar ro‘yxati shakllantirildi.

✅ Tavsiya etiladigan adabiyotlar ro‘yxati:

1️⃣ “Tushda kechgan umrlar” romani (O‘tkir Hoshimov).
2️⃣ “Sarvqomat dilbarim” qissasi (Chingiz Aytmatov).
3️⃣ “Oltin Zanglamas” romani (Shuhrat).
4️⃣ “Jayhun ustida bulutlar” qissasi (Mirkarim Osim).
5️⃣ “Asror bobo” hikoyasi (Abdulla Qahhor).

👨🏻‍💻 Rus tili va adabiyot hamda qoraqalpoq tili va adabiyot fanlaridan tavsiya etiladigan adabiyotlar ro‘yxati o‘zgarmaydi. Ular bilan test spetsifikatsiyada tanishishingiz mumkin.

✅Ta’lim nazorati rasmiy kanali

❓ Magistraturaga rus tili sertifikatlari o‘tmaydimi?

Magistratura uchun chet tili sertifikati bo‘lishi majburiy. Biroq rus tili bo‘yicha olingan sertifikatlar hatto filologiya yo‘nalishlariga ham qabul qilinmaydi.

Talabgor faqatgina talab etiladigan 25 ta turdagi sertifikatdan birini topshirishi talab etiladi.

📋 Sertifikatlar ro‘yxati
➖Kvota
➖Magistratura turdosh yo‘nalishlar ro‘yxati.

❗️Eslatib o‘tamiz, magistraturaga qabul 30-iyulgacha davom etadi.

✅Ta’lim nazorati rasmiy kanali

⚡️ Bakalavr pedagog kadrlar tayyorlash toʻliq davlat grantiga oʻtkaziladi

Shavkat Mirziyoyev sirdaryolik saylovchilar bilan uchrashuvda:

➖ bakalavr pedagog kadrlar tayyorlash toʻliq davlat grantiga oʻtkaziladi. Magistraturada esa, kvotalar 2 karra oshirilib, toʻliq davlat hisobidan boʻladi;

➖ kadrlar yetishmaydigan, taʼlim sifati ogʻir maktablar oldindan tanlanib, ular uchun maqsadli davlat buyurtmasi joriy qilinadi;

➖ kelgusi yildan abituriyentlar 3 ta asosiy va 2 ta qoʻshimcha fanni tanlab, test sinovlaridan oʻtadi va uning natijalariga qarab oliygoh, taʼlim yoʻnalishi va taʼlim shaklini tanlash imkoniyatiga ega boʻladi;

➖ korxonalarning oʻziga zarur kadrlarni tayyorlash uchun ajratgan grant mablagʻlari soliq bazasiga kiritilmaydi.

✅Ta’lim nazorati rasmiy kanali

⚡️Professor-oʻqituvchilarning oʻquv yuklamasi 25 foizga qisqartiriladi, lekin ish haqi kamaytirilmaydi — Shavkat Mirziyoyev

“Professor-oʻqituvchilar sharoitlarini yanada yaxshilash boʻyicha islohotlarni davom ettiramiz.

Masalan, bugungi kunda oddiy assistent oʻqituvchining yillik oʻrtacha oʻquv yuklamasi 1 ming soatdan oshadi. Bunday koʻp yuklama bilan oʻqituvchi qachon ilm qiladi, qachon oʻz ustida ishlaydi?

Shu bois, professor-oʻqituvchilarning oʻquv yuklamasi 25 foizga qisqartiriladi va ularning ilmiy faoliyat bilan shugʻullanishi uchun qoʻshimcha sharoitlar yaratiladi. Eng muhimi, bunda ularning ish haqi kamaytirilmaydi.

Oʻz yoʻnalishi boʻyicha xalqaro tan olingan kasbiy sertifikatlarga ega boʻlgan oʻqituvchilarga qoʻshimcha ustamalar belgilanadi.

Shuningdek, bunday sertifikati bor amaliyotchilarga dars berish uchun magistrlik diplomi talab etilmaydi”, – dedi nomzod.

✅Ta’lim nazorati rasmiy kanali

Pedagogik yo‘nalishda sirtqi o'qish uchun staj kerakmi?

📌 Pedagogika yo‘nalishidagi sirtqi ta’limga oid yangilikni 3 ga bo‘lish mumkin.

1️⃣ Sitrqiga qabul butunlay to‘xtatilgan 14 ta yo‘nalish;
2️⃣ 5 yil staj talab qilinadigan 5 ta yo‘nalish;
3️⃣ Istalgan abituriyent hujjat topshira oladigan qolgan yo‘nalishlar.

◼️ Prezident qaroriga muvofiq, 2023/2024-o‘quv yili qabulidan boshlab pedagogik kadrlar tayyorlovchi OTMlarning 14 ta ta’lim yo‘nalishlari bo‘yicha sirtqi ta’lim shakliga qabul amalga oshirilmaydi.

📌 Davlat komissiyasining tegishli bayoni bilan sirtqi ta’lim shakliga kamida 5 yil staj bilan hujjat topshirish mumkin bo‘lgan yo‘nalishlar tasdiqlandi. Bular:

🔹 boshlang‘ich ta’lim;
🔹 tasviriy san’at va muhandislik grafikasi;
🔹 musiqa ta’limi;
🔹 jismoniy madaniyat;
🔹 texnologik ta’lim.

❗️Ya’ni mana shu 5 ta yo‘nalishga 5 yil pedstajga ega bo‘lgan abituriyentlar hujjat topshira oladi, jadvaldagi 14 ta ta’lim shakliga esa stajidan qat’i nazar sirtqi qabul butunlay to‘xtatilgan.

📌 Boshqa ta’lim yo‘nalishlari uchun esa 5 yil ish staj talab etilmaydi va ularga istalgan abituriyent onlayn ro‘yxatdan o‘ta oladi. Pedagogik yo'nalishlarni to'liqligicha sirtqi ta'lim kvotasidan ko'rish mumkin.

✅Ta’lim nazorati rasmiy kanali

Prezident maktablarining kirish imtihonlari birinchi bosqichi 15-iyul kuni boshlanadi!

📩 Imtihon vaqti va manzili haqidagi ma’lumot talabgor tomonidan ariza.piima.uz saytiga kiritilgan telefon raqamlariga sms-xabarnoma orqali ma’lum qilinadi.

🔰 Prezident maktablariga kirish imtihonlari ikki bosqichda quyidagi fanlardan o‘tkaziladi:

1️⃣-bosqich: Matematika fanidan 30 ta topshiriq  (test shaklida)
2️⃣-bosqich: Tanqidiy fikrlash va muammoni yechish bo'yicha 40 ta topshiriq hamda ingliz tili fanidan 40 ta savol (test shaklida)

✅ Imtihon natijalari agentlikning rasmiy veb-saytida e’lon qilinadi.

✅Ta’lim nazorati rasmiy kanali

⚡️Chet tilidan ijodiy imtihon o‘tkaziladigan ta’lim yo‘nalishlari

📌 Joriy yilda 8 ta oliy ta’lim muassasasining chet tili birinchi mutaxassislik fani bo‘lgan ta’lim yo‘nalishlariga kirish uchun chet tilidan ijodiy imtihon o‘tkaziladi.

▶️ Chet tilidan ijodiy imtihon tinglab tushunish, o‘qish, yozish hamda gapirish ko‘nikmalarini baholashga qaratilgan bo‘lib, B1 darajasi formati asosida bo‘lib o‘tadi.

👨🏻‍💻 Ro‘yxatdan o‘tishda chet tilidan ijodiy imtihon o‘tkaziladigan ta’lim yo‘nalishini tanlagan abituriyent shu toifadagi 5 tagacha ta’lim yo‘nalishini tanlashi mumkin.

✅ Chet tilidan ijodiy imtihon topshirgan abituriyentlarga OTMlarga kirish test sinovlarida chet tili fanidan belgilangan maksimal ballga nisbatan proporsional ball beriladi.

❗️ Diqqat! Ushbu yo‘nalishlarga abituriyentlarni ro‘yxatga olish 10-iyul kuni yakunlanadi.

✅Ta’lim nazorati rasmiy kanali

Toshkent davlat yuridik universiteti litseyi bitiruvchilari universitetga imtihonsiz qabul qilinadi

◼️ TDYU qoshidagi litsey bitiruvchilari universitetga imtihonsiz, suhbat asosida qabul qilinadi. Ularga to‘lov-kontrakt asosida, kvotadan tashqari universitet belgilaydigan o‘rinlar ajratiladi. Buning uchun talabgorlar suhbatdan o‘tib, tavsiyanomaga ega bo‘lishlari kerak.

❓ Tartib qanday ishlaydi?

Suhbatga talabgor bitiruvchilar uchun maxsus komissiya tuziladi. Bitiruvchilar tavsiyanoma olish uchun har yili 20-iyungacha ariza bilan murojaat qilishlari kerak. Buning uchun abituriyent kamida 4 bahoga o‘qishi, B2 darajadagi chet tili sertifikatiga ega bo‘lishi, litsey hayotida faol bo‘lishi kerak.

Komissiya talabgorlarning hujjatlari ko‘rib chiqib, suhbat belgilaydi. Suhbat natijasiga qarab tavsiyanoma berish-berilmasligi masalasi ko‘rib chiqiladi.

Tavsiyanomaga ega abituriyentlar bilan bilan yana bir marta Toshkent davlat yuridik universitetida tashkil etilgan komissiya yakka tartibda suhbat tashkillashtiradi. Abituriyentlar suhbatda to‘plagan balliga qarab ketma-ketlikda o‘qishga qabul qilinadi.

✅Ta’lim nazorati rasmiy kanali

Talabalarga diplom ishi yozish o‘rniga startap qilish imkoni berildi. Bu nima degani?

◼️ Prezident qarori bilan shu yilgi o'quv yilidan boshlab talabaning ta’lim yo‘nalishiga mos startap loyihasi hamda ratsionalizatorlik g‘oyasini bitiruv malakaviy ishi va magistrlik dissertasiyasi sifatida himoya qilish amaliyoti joriy etiladi.

Ya’ni agar talabada biror startap yoki ratsionalizatorlik g‘oyasi bo‘lsa, unga yana qayta diplom ishi yozish talabi qo‘yilmaydi.

❓ Startap o‘zi nima?

Startap — endigina boshlanayotgan, ishga tushirilayotgan innovatsion loyiha demakdir.

Ratsionalizatorlik g'oyasi — texnika vositalari, ishlab chiqarish texnologiyasi, mashina detallari, tayyor mahsulot va boshqalarni takomillashtirishga doir yangi texnik yechim va taklif.

✅Ta’lim nazorati rasmiy kanali

Maktabgacha va maktab taʼlimi vazirining 27.06.2023-yildagi 190-sonli buyrugʻi bilan umumiy oʻrta taʼlim muassasasi direktorining maʼnaviy-maʼrifiy ishlar boʻyicha oʻrinbosari va sinf rahbarlarining lavozim yoʻriqnomalari tasdiqlandi.

Unga ko‘ra direktor o'rinbosari ta'lim muassasasi direktori tomonidan tuman Maktabgacha va maktab ta’limi bo‘limi bilan kelishgan holda lavozimga tayinlanadi va lavozimidan ozod etiladi.

Sinf rahbari quyidagi mezonlarga asosan tanlab olinadi:

— kamida 3 yillik pedagogik ish stajiga ega bo'lgan;
— maktabda asosiy ishchi sifatida faoliyat olib borayotgan (umumta'lim muassasalarida mehnatini soatbay (shu jumladan o‘ rindoshlik) asosda faoliyat olib boruvchi o 'qituvchilarning sinfga rahbarlik qilishiga yo‘l qo‘yilmaydi);
— boshqaruvchanlik qobiliyatiga ega bo‘lgan;
— o‘quvchilar bilan ishlash jarayonida mas’uliyat bilan yondasha oladigan;
— boshlang‘ich sinflarda sinf rahbarligi boshlang‘ich sinfga biriktirilgan o'qituvchilarga yuklatiladi.

✅Ta’lim nazorati rasmiy kanali

⚡️Alohida iqtidor talab etiladigan ta’lim yo‘nalishlari

📌 Mazkur ta’lim yo‘nalishlariga o‘qishga kirish uchun oliy ta’lim muassasalari tomonidan kasbiy (ijodiy) imtihon, Bilimni baholash agentligi tomonidan 3 ta majburiy fan bo‘yicha test sinovi o‘tkaziladi.

✅ Bunda majburiy fanlardan test sinovi abituriyent ro‘yxatdan o‘tishda tanlagan hududda, kasbiy (ijodiy) imtihonlar esa oliy ta’lim muassasasi joylashgan hududda bo‘lib o‘tadi.

❗️ Ro‘yxatdan o‘tishda alohida iqtidor talab etiladigan ta’lim yo‘nalishini yoki fanlar majmuasida kasbiy (ijodiy) imtihon mavjud ta’lim yo‘nalishini tanlagan abituriyentlar qo‘shimcha yo‘nalish tanlay olmaydi. Ular faqat bitta ta’lim yo‘nalishini tanlashlari mumkin.

✅Ta’lim nazorati rasmiy kanali

⚡️Kechki yoki sirtqi ta’limda tahsil olayotgan xodimlarga sessiya topshirish uchun oylik saqlangan ta’til beriladi

Oliy ta’lim muassasalari, texnikum yoki kollejlarda kechki yoki sirtqi ta’limda o‘qiyotgan xodimlarga laboratoriya-imtihon sessiyalarida qatnashish uchun o‘rtacha ish haqi saqlangan holda quyidagi muddatlarda o‘quv ta’tillari beriladi:

◽️OTMda kechki ta’limda o‘qiyotgan 1-2-kurs talabalariga – kamida 20 kun, texnikum yoki kollejlarda – kamida 10 kun, OTM va texnikum yoki kollejlarda sirtqi ta’limda o‘qiyotganlarga esa – kamida 30 kun;

◽️OTMda kechki ta’limda 3-4-kurslarda yoki undan yuqori kurslarda o‘qiyotganlarga – kamida 30 kun, texnikum yoki kollejlarda – kamida 20 kun, OTM va texnikum yoki kollejlarda sirtqi ta’limda o‘qiyotganlarga esa kamida 40 kalendar kun.

✅Ta’lim nazorati rasmiy kanali

⚖️ Yuridik universitetda imtihon bilan bog‘liq qanday o‘zgarishlar bor?

◼️ Bu yilgi qabuldan ilk marta huquqshunoslik yo‘nalishlari uchun kirish imtihonida huquq fanidan imtihon olinadi. Bu respublikadaga barcha yuridik yo‘nalishlar uchun tegishli.

Bunda abituriyentlarga yangi tahrirda qabul qilingan Konstitutsiya va Mehnat kodeksidan savollar tuziladi.

IELTS talabi o‘zgardi
Toshkent davlat yuridik universitetiga kirish imtihonida ingliz tilidan maksimal ball olish uchun Writing balli kamida 5,5 bo‘lishi shart edi. Bu talab olib tashlandi.

Endi 5,5 va undan yuqori darajadagi IELTS sertifikatiga ega abituriyentlarga yozish ko‘nikmasi ballidan qat’i nazar, ingliz tili fanidan maksimal ball beriladi.

Eslatib o'tamiz, TDYU qoshidagi litsey bitiruvchilari universitetga imtihonsiz, suhbat asosida qabul qilinadi.

✅Ta’lim nazorati rasmiy kanali