#тайинлов

Ўзбекистон Республикаси Савдо-саноат палатаси раисининг тегишли буйруғи кўра, Сафаров Ҳалимжон Салимович республика Савдо-саноат палатасининг маслаҳатчиси лавозимига тайинланди.

Маълумот ўрнида: Сафаров Ҳалимжон Салимович 1973 йил 2 майда Бухоро шаҳрида туғилган. 1995 йилда Бухоро давлат университети, 2008 йилда Бухоро озиқ-овқат ва енгил саноат технологияси институти, 2023 йилда Казан федерал университети (магистратура)ни тугатган.

Ҳалимжон Сафаров нефть ва газ соҳасида ва тадбиркорлик тизимида фаолият кўрсатган. Охирги йилларда “Евроснар” МЧЖ ва “Бухоро Агро Экспорт ташқи савдо” МЧЖ да раҳбарлик қилиб келган.

Шунингдек, бир муддат Бухоро тумани ҳокими сифатида фаолият кўрсатиб, соғлиги ёмонлашганлиги зиммасига юклатилган вазифаларни самарали бажариш имкониятини чеклаб қўйганлиги сабабли лавозимидан озод этилган эди.

Buxoro.uz | Facebook | Instagram | YouTube

#uzlidep #ishbilarmon_ayol2024

“Ишбилармон аёл-2024” кўрик танловининг Бухоро тумани босқичи ўтказилди

🇺🇿“Бир бўлсак-ягона халқмиз, бирлашсак-Ватанмиз!” шиори остида “Ишбилармон аёл-2024” кўрик-танловининг Бухоро туман босқичи бўлиб ўтди.

📌Маълумки мамлакатимизда хотин-қизларни ҳар томонлама қўллаб-қувватлаш, уларнинг бандлигини таъминлаш ҳамда касб-ҳунарга йўналтириш, тадбиркор аёллар сафини кенгайтириш борасида салмоқли ишлар амалга оширилмоқда.

✅Айни шу мақсадда ўтказиб келинаётган мазкур кўрик-танловнинг Бухоро туман босқичида тадбиркор ва ишбилармон аёллар низомда келтирилган шартлар бўйича ўз иқтидорларини намойиш этдилар.

🔹Ҳакамлар ҳайъатининг якуний хулосаларига кўра :

➖“Йилнинг мурувватли ишбилармон аёли” номинацияси бўйича ғолиблик хусусий тадбиркор– Нозима Исмоиловага;

➖ “Энг ёш, фаол аёл тадбиркор” номинацияси бўйича ғолиблик хусусий тадбиркор – Феруза Рахимовага;

➖ “Замонавий ташаббускор аёл” номинацияси бўйича ғолиблик хусусий тадбиркор – Матлаб Пўлатовага;

➖ “Қишлоқни ижтимоий ривожлантиришда фаоллик кўрсатган фермер аёл” номинацияси бўйича ғолиблик – Лобар Атоевага;

➖“Инвестицияларни жалб қилишда ташаббус кўрсатган ишбилармон аёл” номинацияси бўйича ғолиблик – Умрия Ҳамроевага насиб этди.

🏆Кўрик-танлов якунида барча иштирокчиларга партия ва ҳамкор ташкилотларнинг диплом ҳамда эсдалик совғалари топширилди.

ЎзЛиДеП Сайловолди дастури: маҳалла тизими янада такомиллаштирилади

✅ЎзЛиДеПнинг Бухоро тумани маданият марказида ўтказилган навбатдаги сайловолди тарғибот тадбири иштирокчилари – МФЙлар “еттилиги” масъуллари, нуронийлар ва ёшлар диққат-эътиборига ушбу муҳим ҳужжатнинг мазмун-моҳияти, жумладан, 5 мақсад ва 500 вазифадан иборат асосий йўналишлари ҳавола этилди.

🔰Тарғибот тадбирида сўз олган Олий Мажлис Қонунчилик палатаси ва маҳаллий Кенгаш депутатлигига номзодлар партия сайловолди дастурида халқимиз турмуш фаровонлигини ошириш, хусусан маҳалла тизимини янада такомиллаштиришга алоҳида эътибор қаратилганлигини, бу борада бир қатор муҳим ва долзарб вазифалар белгиланганлигини таъкидладилар.

📌Дарҳақиқат, маҳалла Кенгашларининг чинакамига “халқ овози” га айланиши аҳоли истиқомат жойларидаги кўплаб муаммоларга ечим излашда ҳал қилувчи аҳамият касб этиши ўз-ўзидан аён. Маҳаллани жамоатчилик ва давлат органлари ўртасидаги “кўприк”ка айлантиришга алоҳида эътибор берилиши партиянинг ва маҳалла тизимининг барча фаоллари кўнглидаги айни муддао бўлди.

🔹-Маҳаллаларни “бир қадам” тамойили асосида фуқароларнинг аксарият муаммоларини ҳал этадиган масканга айлантириш бўйича ЎзЛиДеП сайловолди дастурида илгари сурилган ғоя ва мақсадларни ҳам ушбу дастурда энг муҳим йўналиш сифатида кўрсатилганлиги бежиз эмас, - дейди Маҳаллалар уюшмаси туман бўлими раиси С.Самадов.

🔰Тарғибот тадбирида қайд этилганидек, партия сайловолди дастурида ёши улуғ инсонлар ҳамда ёш авлод вакилларини ижтимоий-иқтисодий, ҳуқуқий муҳофазалаш ишларини ҳар томонлама кучайтиришга, уларнинг турмуш фаровонлигини оширишга айниқса, аёллар ва ёшлар бандлигини таъминлаш, хусусан уларни тадбиркорликнинг турли йўналишларига жалб этишга алоҳида урғу берилган.

✅Тадбир сўнгида иштирокчиларини қизиқтирган саволларга ташкилотчилар томонидан батафсил жавоблар берилиб, 27 октябрь сайловлар кунида улар ЎзЛиДеП ва унинг номзодлари учун ҳамжиҳатликда овоз беришга даъват этилдилар!

Сайловолди дастури: Хусусий тиббиётнинг соҳадаги ўрни янада мустаҳкамланади

🔰Олий Мажлис Қонунчилик палатаси депутатлигига номзод Нуриддин Жабборовнинг Бухоро тумани тиббиёт бирлашмасида сайловчилар билан ўтказган учрашуви чоғида унинг Сайловолди дастуридан ўрин олган халқимизни малакали тиббий хизмат билан таъминлаш борасидаги энг муҳим вазифалар хусусида сўз борди.

📌Таъкидланганидек, малакали тиббиётни таъминлашга қаратилган бир қатор устувор вазифалар ЎзЛиДеПнинг сайловолди дастурида ўз ифодасини топган бўлиб, “тиббий суғурта” тўғрисидаги қонун лойиҳасини ишлаб чиқишни тезлаштириш, давлат тиббий суғуртаси билан бирга нодавлат тиббий суғурта тизимини жорий этишдек муҳим ташаббуснинг илгари сурилганлиги ва шу тариқа тиббиётда хусусий сектор улушини 25 фоизга етказиш чораларини кўриш вазифаларининг белгиланганлиги, айниқса, замонавий фармацевтика кластерлари ҳамда зоналари ташкил этилиши бўйича билдирилган фикрлар ҳам партиянинг дастурий мақсад ва вазифаларига тўла мос келиши билан мамлакатимизда тиббиёт соҳасини ривожлантириш имконини кенгайтиради. Хусусий тиббиётнинг соҳадаги ўрнини янада мустаҳкамлашда муҳим аҳамият касб этади.

📌Тадбирда аҳоли ўртасида касалликларни кескин камайтириш, соғлом турмуш тарзини фаол жорий этиш, ўртача умр давомийлигини 78 ёшга етказиш, соғлиқни сақлаш тизими тўлиқ рақамлаштириш каби муҳим вазифалар ҳам сайловолди дастурдан ўрин олганлиги соҳа ходимлари томонидан алоҳида эътироф этилди.

✅Учрашув давомида мавзуга оид бошқа бир қатор масалалар ҳам муҳокама этилиб, тиббиёт ходимларини қизиқтирган саволларга жавоблар берилди. Тадбир иштирокчилари бўлажак сайловларда фаол иштирок этиб, ЎзЛиДеП ва унинг номзодларига овоз беришга чақирилдилар.

Асосий эътибор касалликлар профилактикаси га қаратилади.

✅Халқ депутатлари вилоят Кенгашига 16-Қавола сайлов округидан кўрсатилган номзод Жасурбек Жонибековнинг Бухоро тумани “Суфикоргар” МФЙ ҳудудидаги оилавий шифокорлик пунктида ҳамда “Жалил” фермер хўжалигидаги пахта йигим- теримида фаолик кўрсатаётган теримчилар билан сайловолди учрашувибўлиб ўтди.

🔰Учрашувда номзод Ж. Жонибеков ўз сайловолди дастуридан ўрин олган халқимизни малакали тиббий хизмат билан таъминлаш борасидаги энг муҳим вазифалар хусусида батафсил маълумот берди.

📌Жумладан,номзод сайловолди дастурда ўз аксини топган асосий эътиборни касалликлар профилактикасига қаратиш, келгуси йилларда оналар ва болалар ўлими, болалар ўртасидаги ирсий касалликларни камида 2 баробарга қисқартириш, онкологик, юрак-қон томир, қандли диабет бўйича эрта ўлимни эса 2,5 баробарга камайтириш, хотин-қизлар ўртасида онкологик касалликларни камайтириш мақсадида 40 ёшдан ошган аёллар учун тегишли даврийликда тиббий кўрикдан ўтишнинг жорий қилиниши, кафолатланган бепул тиббий ёрдам, унинг аниқ ҳажмининг ҳуқуқий асосларини ишлаб чиқиши каби долзарб вазифалар соҳа ходимлари томонидан мамнуният билан кутиб олинди.

✅Учрашув давомида мавзуга оид бошқа бир қатор масалалар ҳам муҳокама этилиб,тадбир иштирокчилари бўлажак сайловларда фаол иштирок этишга ҳамда 27 октябрда ЎзЛиДеП ва унинг номзодларига овоз беришга даъват этилди.