Chigit ekish muddatlarini bilasizmi?

🌲 Mamlakatimizning turli hududlarida iqlim turlicha ekanligini inobatga olgan holda tuproq haroratini inobatga olish muhim.

Chigit ekishga tuproqning 0-10 sm chuqurlikdagi oʻrtacha haroratini inobatga olib
✍️ tukli chigitlarni ekishda oʻrtacha harorat 12-14°S
✍️ tuksizlantirilgan chigit ekishda oʻrtacha harorat 14-16°S daraja boʻlgani maqsadga muvofiq.

🗓 Koʻp yillik maʼlumotlarga asoslangan holda chigit ekish mavsumi

Qoraqalpogʻiston Respublikasi janubiy tumanlarida 10-25-aprel, shimoliy tumanlarda 15-30-aprel

Xorazm viloyatida 10-25-aprel

Toshkent va Fargʻona viloyatlarida 5-15-aprel

Sirdaryo va Jizzax viloyatlarida 1-15-aprel

Namangan va Andijon viloyatlarida 1-15-aprel (plyonka ostiga 20-mart-1-aprel)

Samarqand viloyatida 5-20-aprel

Buxoro va Navoiy viloyatlarida 1-15-aprel

Qashqadaryo viloyatining janubiy tumanlarida 25-martdan-15-aprelgacha, shimoliy tumanlarida 1-15-aprel

Surxondaryo viloyati janubiy tumanlarida 25-mart-10-aprel, shimoliy tumanlarida 1-15-aprel kunlariga toʻgʻri keladi.

🌱 Chigit ekishni birinchi navbatda tez yetilib qiziydigan yengil, oʻrtacha qumoq maydonlarda, keyin esa ogʻir tuproqlarda oʻtkazish maqsadga muvofiqdir.

❕ Tuproq harorati past boʻlganda ekilgan chigitning bir qismi chirib ketadi va nihollar siyrak oʻsib chiqadi, buni ham inobatga olish zarur.

✔️ Chigit mexanik tarkibi ogʻir, sekin qiziydigan tuproqlarda 3-4 sm, boshqa barcha tuproqlarda 4-5 sm chuqurlikda ekiladi.

👍 Chigit ekishda uning meʼyoriga alohida ahamiyat berish darkor. Tukli chigit gektariga 45-55 kg ekilsa, tuksiz chigitlar 25-30 kg miqdorda ekiladi. Chigit qoʻshqator usulida ekilganda yakka qatorlarga nisbatan 20-25 kg koʻproq urugʻlik sarflanadi. Shu meʼyorlarda ekilgan chigitlar dalada maqbul koʻchat qalinligi hosil qilishni taʼminlaydi.

👉 Paxta va gʻalla haqida koʻproq maʼlumotlarni ferer xoʻjaliklari vakillari uchun Agentlikning maxsus tashkil etilgan “Paxta va gʻalla tavsiya” telegram guruhidan bilib olishingiz, o'zingizni qiziqtirgan savollarga ilmiy asoslangan javob olishingiz mumkin!

#tavsiya #chigit #ekish_mavsumi

🔰 karantin.uz 📱Facebook 📱Instagram📺Youtube ✖️Twitter