Pomidor mevalarining yorilish sabablari va oldini olish choralari

🍅 Meva yorilishining asosiy sababi sug‘orish rejimining buzilishidir. Pomidor suvga talabchan ekin bo‘lib, muntazam va o‘lchovli sug‘orishni talab qiladi. Sug‘orish tartibi o‘zgarishi yoki kutilmagan miqdorda suv berilishi mevaning ichki bosimini oshiradi va bu yorilishga olib keladi. Shuningdek, agar pishib qolgan mevalar vaqtida terib olinmasa, ular suvni ko‘p yutib, yorilish ehtimoli ortadi.

💧Suv harorati ham pomidor mevalariga ta’sir qiladi. Haddan tashqari issiq yoki sovuq suv quyilishi o‘simlik stressini oshiradi va bu ham yorilish xavfini kuchaytiradi. Ayniqsa, yozning issiq kunlarida sovuq suv ishlatishdan saqlanish lozim, bu o‘simlikka zarar yetkazishi mumkin. Umumiy sabablar natijasida pomidor mevalari dum qismida yoriqlar hosil bo‘ladi, bu esa mahsulot sifatiga ta’sir qiladi va uni tez buzilishiga olib keladi.

Oldini olish choralari va tavsiyalar

🍅Pomidorlarni har doim bir xil miqdorda va muntazam sug‘orish muhim. Sug‘orish rejimini meva o‘sishi bosqichlariga moslashtirish kerak, chunki pishish davrida suvga bo‘lgan talab oshadi. Shunday vaziyatda sifatli va tajribaga asoslangan uslublarni qo’llab, doimiy kuzatuvni amalga oshirish lozim bo’ladi.

🔘 Sug‘orish uchun ishlatiladigan suv tuproq harorati bilan mos bo‘lishi lozim. Saharda sug‘orish tavsiya etiladi, bu o‘simlikka qulay sharoit yaratadi va stressni kamaytiradi. Pishgan mevalarni imkon qadar tez yig‘ib olish lozim. Bu nafaqat yorilishdan saqlaydi, balki hosilning sifatini saqlashga yordam beradi.

😖Kaltsiy va kaliy kabi mineral moddalarning etarli darajada berilishi pomidor qobig‘ining mustahkamligini oshiradi va yorilish xavfini kamaytiradi. Ushbu tavsiyalar pomidor mevalarining yorilishining oldini olishga va hosilning sifati va saqlanish muddatini yaxshilashga yordam beradi.

#repost

🔰 karantin.uz 📱Facebook 📱Instagram📺Youtube ✖️Twitter

📢 CIIE-2024: 252 kvadrat metrda O'zbekiston mahsulotlari namoyish etilmoqda

🇨🇳 Xitoyning Shanxay shahridagi eng yirik Pechjou ko'rgazmalar zalida Import mahsulotlari Xitoy xalqaro ko'rgazmasi (CIIE) boshlandi. 1 million kvadrat metrdan ortiq ko'rgazma maydonida 150 ming turga yaqin mahsulotlar tashrif buyuruvchilar e'tiboriga havola etiladi.

🇺🇿O'zbekiston joriy yilda faxriy mehmon sifatida taklif etilib, 11 ta muhim tarmoq bo'yicha o'z salohiyatini namoyish etmoqda.

🔰 Nufuzli tadbirda Agentlikning Markaziy eksport shtabi mutaxassislari ishtirok etib, O'zbekiston stendiga tashrif buyuruvchilarni mamlakatimizning eksport salohiyati bilan tanishtirmoqda. Shuningdek, mahalliy mahsulot yetishtiruvchilar bilan hamkorlik aloqalarini o'rnatilishiga yordam ko'rsatilmoqda.

🖋 Ishtirokchilarni koʻrgazma mavzulari boʻyicha 5 blokga taqsimlangan:

🍉 1-blok - Oʻzbekiston oziq-ovqat sanoatini aks ettirib, har xil turdagi eksportbop mahsulotlar, jumladan yangi uzilgan sabzavot va mevalar, poliz ekinlari, sharbatlar, ichimliklar va konservalar, oʻsimlik yogʻi, asal va boshqalar namoyish etiladi.

🧱2 -blok. Elektronika va qurilish sanoatiga bag'ishlangan bo'lib, unda elektrotexnika va qurilish mahsuloti naʼmunalari taqdim etiladi.

🧪3 -blok. Kimyo va farmatsevtika sanoati zonasi bo'lib, bu yerda kimyo va farmatsevtika mahsulotlarini ishlab chiqarish jarayoniga oid foto va videomateriallar hamda mineral oʻgʻitlar, kimyo tolalar, oʻsimliklarni himoya qilish vositalari, keng turdagi dori mahsulotlari, maxsus tibbiy buyumlar, dorivor oʻsimliklar namoyish etiladi.

🗺 4 -blok. Turizm va IT. Bu yo'nalishda Oʻzbekistonning turistik salohiyatini keng targʻib qiluvchi materiallar joylashtirilgan.

👕 5-blok. Yengil sanoat bloki bo'lib, bu yerda matolar, choyshablar, tayyor kiyimlar, sport va harbiy kiyimlar, toʻqimachilik mahsulotlari, sport anjomlari namoyish etiladi.

🤝 Umid qilamizki, mazkur ko'rgazma ham tadbirkorlarimiz uchun manfaatli shartnomalarga asos bo'ladi.

🔰 karantin.uz 📱Facebook 📱Instagram📺Youtube ✖️Twitter

Oʻzbekiston Respublikasi Prezidenti Shavkat Mirziyoyev Bishkek shahrida Turkiy davlatlar tashkiloti Davlat rahbarlari kengashining navbatdagi majlisida ishtirok etdi.

🔰 karantin.uz 📱Facebook 📱Instagram📺Youtube ✖️Twitter