#repost

Yashil haftalik — 2024: Qishloq xo'jaligi vaziri Ibrohim Abdurahmonov Barqaror ishlab chiqarishni rag‘batlantirish mavzusidagi sessiyada nutq so‘zladi

🇩🇪 Germaniyada bo‘lib o‘tayotgan "Yashil haftalik — 2024" xalqaro ko‘rgazmasi doirasida "Breakout sessions" — Barqaror ishlab chiqarishni rag‘batlantirish mavzusida sessiya bo‘lib o‘tdi. Unda bir qator davlatlar Qishloq xo‘jaligi vazirlari hamda tashkilotlar vakillari ishtirok etdi.

🗣 O‘zbekiston Respublikasi Qishloq xo‘jaligi vaziri Ibrohim Abdurahmonov sessiya davomida nutq so‘zladi.

✅ Vazir oziq-ovqat ta’minoti zanjirini yaxshilash maqsadida agrologistika tizimlarini tubdan isloh qilish, qishloq xo‘jaligi mahsulotlarini saqlash va yetkazib berishni yaxshilash zarurligini, shuningdek, qishloq xo‘jaligini raqamlashtirish va ilm-fanni chuqur o‘rganishni yo‘lga qo‘yish kerakligini, avvalo, bu orqali ilm-fan nazariyasini amaliyot bilan integratsiya qilish zarur ekanligini ta’kidlab o‘tdi.

🎓 So‘zini davom ettirar ekan, Ibrohim Abdurahmonov qishloq xo‘jaligi sohasida faoliyat yuritayotgan yoshlarni qo‘llab-quvvatlash hozirgi kundagi eng muhim masala ekanligini qayd etdi.

#repost

✅ Texnik jihatdan tartibga solish sohasidagi muammolar muhokama qilindi

✍️ Joriy yilning 18-yanvarida O‘zbekiston Respublikasi Prezidenti raisligida eksport, investitsiya va mahalliy sanoatda 2024-yilda turgan vazifalar bo‘yicha o‘tkazilgan yig‘ilishda adliya vaziriga bergan topshiriqlar ijrosini ta'minlash maqsadida Adliya vazirligida tadbirkorlar bilan ochiq muloqoti bo‘lib o‘tdi. O'simliklar karantini va himoyasi agentligi mutasaddilari ham ishtirok etishdi.

💬 Muloqot davomida standartlashtirish hamda texnik jihatdan tartibga solish sohasida yuzaga kelayotgan muammolarni aniqlash va ularni huquqiy jihatdan bartaraf qilish masalalari muhokama qilindi.

👥 Ushbu ochiq muloqotda 60 nafardan ortiq tadbirkorlar hamda ushbu sohaga mas'ul bo‘lgan tashkilot vakillarining o‘z faoliyati davomida duch kelayotgan turli xil muammolari va byurokratik to‘siqlar yuzasidan fikrlari va takliflari tinglandi.

🔄 Jumladan, tadbirkorlar tovarlarni eksport va import qilishda hamda ishlab chiqarilgan mahsulotlarni standartlarshtirishda, sifat menejmenti tizimi bo‘yicha xalqaro standartlarni qo‘llash, xorijiy sertifikatlarni tan olish, xalqaro standartlarni joriy qilish maslalari muhokama qilinib, ularning yechimi yuzasidan 50 ga yaqin takliflar bildirildi.

☑️ Tadbir yakunida adliya vaziri tomonidan bildirilgan fikr va takliflar o‘rganib chiqilib, ulardan sohani takomillashtirish bo‘yicha ishlab chiqilayotgan normativ-huquqiy hujjat loyihasida inobatga olinishi ta'kidlandi.

Qishloq xo‘jaligi ekinlarini sovuqdan asrash

❄️ Yurtimizga sovuq havo oqimlari kirib kelishi va shu munosabat bilan qishloq xo‘jaligi sohasida yetishtirilayotgan ekin hamda o‘simliklarni qisqa muddatli qattiq sovuqdan asrash va betalafot o’tish bo‘yicha maslahat va tavsiyalar:

1. O‘rab qo‘yish: Iloji bo‘lsa, daraxtlar va o‘simliklarni sovuq urishi va qordan himoya qilish uchun maxsus materiallar (mato, plyonka, kraft-qog‘oz, spanbond) bilan yopish tavsiya etiladi. Bu gullaydigan kurtaklarni qisqa muddatli qattiq sovuqdan saqlab qolishga yordam beradi;

2. Ozuqa moddalari bilan sug‘orish: Sovuq havo massasi kirib kelishidan oldin daraxtlar yetarli darajada namlik va ozuqa olgan bo‘lishiga ishonch hosil qilish. Odatda suvga va foydali moddalarga to‘yingan daraxtlar past haroratlarga ko‘proq chidamliroq;

3. Mulchalash: Ekinlar ildiz zonasini maxsus ozuqa moddalar bilan qoplash tuproqdagi issiqlik va namlikni saqlab qolishga yordam beradi, bu esa ildizlarni sovuqdan himoya qiladi;

4. Shikastlangan shoxlarni kesib tashlash: Qor og‘irligi ostida ba'zi shoxlarni sinishi yoki sovuq urishi xavfini kamaytirish uchun qurib qolgan yoki shikastlangan novdalarni kesib tashlash mumkin. So‘ng, kesilgan joyni mis sulfatning suvli eritmasi (1 litr suv uchun 1 choy qoshiq modda) bilan ishlov berish mumkin;

5. Shamoldan himoya qilish: Imkoniyat bo‘lsa, daraxtlar va o‘simliklar atrofida vaqtinchalik shamol to‘siqlarini yaratish. Bu to‘siqlar ekinlarni yelvizaklardan asrashga yordam beradi.

#repost #tavsiya