O‘ZBEKISTONDA “YASHIL MOLIYALASHTIRISH” QO‘LLAB-QUVVATLANMOQDA

👥Bugun dunyo ahlini, hamjamiyatini bir fikr birlashtirmoqda: Tabiatni sof holicha asrash va xavfsiz, sifatli oziq-ovqat tizimini yaratish. Buning amaliyoti bevosita insonlarning sog‘lom turmush tarzi bilan bog‘liq bo‘lgani bois, uning dolzarbligi kun sayin ortib bormoqda.

Toshkentda o‘tkazilgan “Iqlimga maqbullashtirilgan qishloq xo‘jaligi uchun yashil moliyalashtirish mexanizmlarini ishlab chiqish va qo‘llab-quvvatlash” mavzusidagi seminar ham aynan ushbu maqsad yo‘lida yana bir dadil qadam bo‘ldi.

Seminarda Qishloq xo‘jaligi vazirligi, Iqtisodiyot va Moliya vazirligi, Markaziy bank va respublikamizdagi tijorat banklari mutasaddilari hamda Birlashgan Millatlar Tashkilotining Oziq-ovqat va qishloq xo‘jaligi tashkiloti (FAOning ) vakillari ishtirok etishdi.

Tadbirda mavzuga oid “Yashil moliyalashtirish mexanizmlarini rivojlantirish va rag‘batlantirishga ko‘maklashish, xususan, iqlim aqlli qishloq xo‘jaligini rag‘batlantirish” loyihasining taqdimoti ham bo‘lib o‘tdi. Ushbu loyihaga ko‘ra:
🟢qishloq xo‘jaligi korxonalarining iqlim o‘zgarishiga chidamli bo‘lishiga yordam berish;
🟢qishloq xo‘jaligida ishlab chiqarish va daromadlarni barqaror oshirishga imkon berish;
🟢issiqxona gazlari chiqindilarini kamaytirish
kabi vazifalar bajarilishi lozim.

#seminar #oziq_ovqat #yashil_moliyalashtirish_mexanizmlari #FAO

🌐Website💬Telegram💬Facebook📺YouTube📷Instagram