ITALIYA MUTAXASSISLARI VA O‘ZBEKISTON OLIMLARI - TASHRIF NATIJALARI

🤝Joriy haftada Oʻzbekiston Respublikasi Qishloq xoʻjaligi vazirligi va Birlashgan Millatlar Tashkiloti Taraqqiyot Dasturi (BMTTD) koʻmagida Italiyaning yetakchi milliy tadqiqot instituti – Qishloq xo‘jaligi, agrosanoat, baliqchilik, o‘rmon xo‘jaligi va iqtisodiyot sohalarida tajribaga ega bo‘lgan Qishloq xo‘jaligi tadqiqotlari va iqtisodiyoti kengashi (CREA) ekspertlarining Oʻzbekistonga tashrifi boʻlib oʻtdi.

#hamkorlik #Ozbekiston #Italiya #tashrif
*****
ЭКСПЕРТЫ ИЗ ИТАЛИИ И УЧЕНЫЕ УЗБЕКИСТАНА – ИТОГИ ВИЗИТА

🤝На этой неделе при поддержке Министерства сельского хозяйства Республики Узбекистан и Программы развития ООН (ПРООН) в Узбекистане прошел визит экспертов Совета по сельскохозяйственным исследованиям и экономике (CREA) – итальянского национального научно-исследовательского учреждения с компетенцией в области сельского хозяйства, агропромышленности, рыбоводства, лесоводства и экономики.

#сотрудничество #Узбекистан #Италия #визит

WWW • TELEGRAM • FACEBOOK • YOUTUBE • INSTAGRAM

🇺🇿🤝🇮🇹
O‘zbekiston Respublikasi Prezidenti Shavkat Mirziyoevning Italiyaga rasmiy tashrifi arafasida Italiyaning Rim shahrida O‘zbekiston-Italiya ishbilarmon doiralari ishtirokidagi biznes-forum tashkil etilgani haqida xabar bergan edik.

Unda Italiyaning qishloq xo’jaligi hamda oziq-ovqat sohasidagi 30 dan ortiq kompaniyalar vakillari ham ishtirok etib, sohada O‘zbekiston bilan hamkorlik imkoniyatlarini yuqori baholashdi.

#xalqaro_hamkorlik #biznes_forum #qishloq_xojaligi #oziq_ovqat #Ozbekiston #Italiya

Vebsayt • Telegram • Facebook • YouTube • Instagram

“CERMAC” KOMPANIYASI DIREKTORINING QISHLOQ XO’JALIGI SOHASI HAQIDAGI QARASHLARI
🇺🇿🤝🇮🇹
Italiyaning Boloniya shahrida joylashgan “Cermac” kompaniyasi direktori Enrico Turoni ham ushbu biznes-forumda o’z g’oya va takliflari bilan qatnashmoqda.

Ushbu kompaniya Italiyada qishloq xo'jaligi, chorvachilik sohasi va agrosanoat uchun texnologiyalar, uskuna va asboblar ishlab chiqaradi.

Hozirgi vaqtda “Cermac” kompaniyasining mahsulot assortimenti juda keng bo'lib, qishloq xo'jaligi texnikasi (ekishdan tortib, meva hosiligacha), qishloq xo'jaligi mashinalari uchun uskunalar va ehtiyot qismlar, sug'orish tizimlari (bog'dorchilik, issiqxonalar), o'lchash asboblari, nazorat va himoya vositalari, chorvachilik uskunalari, ekinlarni qayta ishlash texnologiyalari (meva tanlash mashinalari, sovutish va qadoqlash uskunalari) va boshqalarni o'z ichiga oladi.

#xalqaro_hamkorlik #uchrashuv #qishloq_xojaligi #oziq_ovqat #eksport #Ozbekiston #Italiya

Vebsayt • Telegram • Facebook • YouTube • Instagram

ITALIYALIKLAR O‘ZBEKISTONDAGI BIZNESINI KENGAYTIRISH NIYATIDA
🇺🇿🤝🇮🇹
O‘zbekiston Respublikasi Prezidenti Shavkat Mirziyoyevning Italiyaga rasmiy tashrifi arafasida o‘tkazilgan O‘zbekiston-Italiya biznes-forumi doirasida ikki mamlakat qishloq xo‘jaligi sohasi vakillari o‘rtasida samarali uchrashuvlar o‘tkazildi.

Mana shunday kompaniyalardan biri Italiyaning agrosanoat uchun texnologik jihozlar ishlab chiqaruvchi “SINT Technologie” kompaniyasidir.  Mazkur kompaniya O‘zbekiston bozorida bir necha yillardan buyon faoliyat yuritadi, jumladan o‘zbekistonlik hamkorlar bilan birgalikda Toshkent viloyatida tovuq go‘shti ishlab chiqarish bo‘yicha kompleks tashkil etgan.

Rimda o‘tkazilgan biznes-forumda qatnashgan “Sint Tecnologie” kompaniyasi bosh direktori Tarchizio Sensaakua bu boradagi hamkorlik istiqbollarini yuqori baholab, yangi loyihalar bo‘yicha takliflar berdi.

Unga ko‘ra, O‘zbekiston agrooziq-ovqat mahsulotlarini qayta ishlash sohasida modul ko‘chma liniyalar yaratish bo‘yicha Italiya texnologiyalari keltiriladi. Buning uchun Italiyaning “Exetra” eksport va savdo kompaniyasining moliyaviy ko‘magidan foydalanish rejalashtirilgan. O‘zbekiston tomonidan O‘zbekiston Qishloq xo‘jaligi vazirligi huzuridagi Qishloq xo‘jaligi sohasida xizmatlar ko‘rsatish agentligi loyihaga kerakli ko‘maklarni ko‘rsatadi.

#xalqaro_hamkorlik #qishloq_xojaligi #oziq_ovqat #Ozbekiston #Italiya

Vebsayt • Telegram • Facebook • YouTube • Instagram

ITALIYA AGROBIZNESI O‘ZBEKISTON CHORVACHILIGIGA 90 MLN YEVRO INVESTITSIYA KIRITADI
🇺🇿🤝🇮🇹
Italiya chorvadorlar uyushmasi, o‘zbekistonlik hamkorlar bilan birgalikda, Mirzaobod va Quyi Chirchiq tumanlarida jami 90 mln yevroga teng ikkita loyihani joriy qiladi.

O‘zbekiston Respublikasi Prezidenti Shavkat Mirziyoyevning Italiyaga rasmiy tashrifi doirasida O‘zbekiston Qishloq xo‘jaligi vazirligi va Italiya chorvadorlari uyushmasi o‘rtasida Anglashuv memorandumi imzolandi.

Aytish kerakki, Italiya chorvadorlari uyushmasi o‘z sohasida Yevropadagi eng yirik tashkilot bo‘lib, 40 000 a’zoga ega. Tashkilotning 14 ta shaxsiy veterinariya va genetik laboratoriyalari mavjud. Uyushma O‘zbekiston bilan bir qancha loyihalarni amalga oshirishda hamkorlik tajribasiga ega. Jumladan Toshkent viloyatida dunyodagi eng yirik quyonchilik fermalaridan birini tashkil etish loyihasini amalga oshirgan. Fermer xo‘jaligi negizida har yili 2 million boshgacha quyon boqish, shuningdek, chorva ozuqasi, tabiiy o‘g‘it va go‘sht mahsulotlari yetishtirish rejalashtirilgan.

#xalqaro_hamkorlik #biznes_forum #qishloq_xojaligi #memorandum #chorvachilik #Ozbekiston #Italiya

Vebsayt • Telegram • Facebook • YouTube • Instagram