QISHLOQ XO‘JALIGI MASHINASOZLIGIDAGI INNOVATSION YECHIMLAR – MUTAXASSISLAR MUHOKAMASIDA 📈

Toshkent shahrida “Yuqori samarali qishloq xo‘jalik mashinalarini yaratish va texnika vositalaridan foydalanish darajasini oshirishning innovatsion yechimlari” mavzusida xalqaro ilmiy-amaliy konferensiya bo‘lib o‘tdi.

✅ Tadbir Qishloq xo‘jaligida bilim va innovatsiyalar milliy markazi tizimidagi Qishloq xo‘jaligini mexanizatsiyalash ilmiy-tadqiqot instituti tomonidan tashkil etildi.

Anjumanda onlayn-rejimda Xitoy, Rossiya, Germaniya, Turkiya, Qozog‘iston va Tojikistondan olimlar, ilmiy muassasalar vakillari ishtirok etdi. Anjuman ishtirokchilari o‘z ma'ruzalarida aqlli mexanizatsiya, zamonaviy, resurstejamkor ixcham texnikalarni yaratish ustida olib borilgan tadqiqotlar natijalari bo‘yicha ma'lumotlar berdi.

Konferensiya ishtirokchilari sohada yechimini kutayotgan muammolarni bartaraf qilish yuzasidan o‘zlarining ilmiy asoslangan takliflarini o‘rtaga tashladi.

#mashinasozlik #texnika #konferensiya

🌐Website💬Telegram💬Facebook📺YouTube📷Instagram

🌿QISHLOQ XO‘JALIGI TEXNIKASIDAN FOYDALANISHNI OPTIMALLASHTIRISH YO‘LLARI MUHOKAMA QILINDI

Yaqinda Italiyaning Rim shahrida Birlashgan Millatlar Tashkilotining Oziq-ovqat va qishloq xoʻjaligi tashkiloti (FAO)ning “Samaralilik, inklyuzivlik va chidamlilik” mavzusidagi Qishloq xoʻjaligini barqaror mexanizatsiyalash boʻyicha global konferensiyasi (QXMGK) boʻlib oʻtdi. ✅

✅ Unda Qishloq xoʻjaligi texnikasi va texnologiyalarini sertifikatlash va sinash markazi vakillari ham ishtirok etdi.

Shuningdek, konferensiya ishtirokchilariga yurtimizda xoʻjalik yuritishning yangi mexanizmi – klaster va kooperatsiyalar faoliyati qoʻllab-quvvatlanib, texnika parkini yangilash darajasining oshishi hamda amalga oshirilgan tizimli islohotlar natijasida, chigit ekish mavsumi 15 kundan 10 kunga, gʻalla oʻrish mavsumi 30 kundan 20 kunga qisqarib, shudgorlash ishlarini 25-30 kunda yakunlash imkoniyati yaratilganligi, mexanizatsiya xizmatlarini yaxshilash maqsadida agrar sohada lizing xizmatlarini takomillashtirish boʻyicha bir qator loyihalar ishlab chiqilganligi hamda mexanizatsiya darajasini oshirishda berilayotgan imtiyozlar haqida maʼlumotlar berildi.

Ushbu anjuman yettita tematik sessiyani oʻz ichiga olib, unda ishtirokchilar global qishloq xoʻjaligi hosildorligini oshirish uchun barqaror qishloq xoʻjaligini mexanizatsiyalashning texnologik imkoniyatlariga tegishli masalalar muhokama qilishdi.

#Fao #konferensiya

🌐Website💬Telegram💬Facebook📺YouTube📷Instagram