OZIQ-OVQAT MAHSULOTLARI XAVFSIZLIGI AGRAR SOHA VAKILLARI EʼTIBORIDA

🔰Joriy yilning 10-11-avgust kunlari Toshkent davlat agrar universitetida Buyuk Britaniyalik professor, xalqaro ekspert Richard Woody tomonidan "Oziq ovqat mahsulotlari xavfsizligi" mavzusida seminar-trening o‘tkazildi. Unda Qishloq xo‘jaligi vazirligi xodimlari, universitetning professor-o‘qituvchilari, doktorant hamda magistrlari, soha mutaxassislari ishtirok etishdi.

Maʼlumki, butun dunyoda, jumladan respublikamizda ham Oziq-ovqat mahsulotlari xavfsizligini taʼminlash eng muhim va dolzarb masala hisoblanadi. Bizda “Oziq-ovqat xavfsizligini taʼminlash” deganda “daladan dasturxongacha” tamoyili tushuniladi. Aslida, oziq-ovqat mahsulotlarining xavfsizligini taʼminlash bu o‘sha mahsulotni yerini, o‘g‘itlarini tayyorlashdan tortib, toki isteʼmolchi tanovvul qilib, uning salomatligiga ziyon yetmaganiga ishonch hosil qilingungacha jarayonni o‘z ichiga olishi lozim.

#seminar_trening #oziq_ovqat #Yevropa_Ittifoqi #xalqaro_ekspert #TDAU

🌐Website💬Telegram💬Facebook📺YouTube📷Instagram

XITOY VA O‘ZBEKISTON OLIYGOHLARI O‘RTASIDA HAMKORLIK MUNOSABATLARI RIVOJLANMOQDA

🤝Bugun oliy taʼlim tizimida ham izchil islohotlar amalga oshirilmoqda. Ularning ijrosida esa, nafaqat mamlakatimizdagi, balki xorijlik hamkorlarning tajribalaridan keng foydalanish bo‘yicha aniq tizim ishlab chiqilgan.

Toshkent davlat agrar universitetida Xitoy–O‘zbekiston ta’lim ko‘rgazmasi bo‘lib o‘tdi va unda respublikamizning 20 dan ortiq oliy o‘quv yurti vakillari, talabalar ishtirok etishdi.

Jumladan, Toshkent davlat agrar universiteti va Xitoy Xalq Respublikasining Shimoli-g‘arbiy qishloq xo‘jaligi va o‘rmonchilik universiteti (NWAFU) hamda  O‘rmon xo‘jaligi universiteti bilan shartnoma imzolandi. Unga ko‘ra, Toshkent davlat agrar universitetining bitiruvchi talabalari Xitoydagi oliygohlarda o‘qishini davom ettirishi, ikki tomonlama diplom olishi, olim va o‘qituvchilar esa malaka oshirishi, ilmiy-tadqiqot institutlari bilan hamkorlikni yo‘lga qo‘yishi rejalashtirilmoqda.

Tadbir davomida Xitoy delegatsiyasi mamlakatimizda faoliyat olib borayotgan bir qancha universitet, ilmiy-tadqiqot institutlari rahbarlari bilan ham kelishuv Memorandumlarini imzolashdi.

#xalqaro_hamkorlik #delegatsiya #memorandum #oliy_talim_tizimi #TDAU

🌐Website💬Telegram💬Facebook📺YouTube📷Instagram

TDAU: BARCHA IMKONIYATLAR BARKAMOL YOSHLAR UCHUN

🟢Toshkent davlat agrar universitetida barcha sharoitlar yoshlarning kelajakdagi hayotida mukammal va yetuk inson bo‘lishlari uchun yaratilgan.

✅ Universitetda talaba yoshlar uchun 13 ta sport klubi, 5 ta badiiy jamoalar tashkil etilgan. Shuningdek, yoshlarning vaqtini qiziqarli va mazmunli o‘tkazish uchun kerakli chora-tadbirlar ishlab chiqilgan. Jumladan, 5 ta ma'naviyat xonasi, Axborot resurs markazi, "Insight" sport klublari, "Universiada" da faoliyat yuritayotgan "Munozara" klubi mavjud.

🌍 Xorijiy oliy ta’lim muassasalari bilan 50 ga yaqin shartnoma va memorandumlar imzolangan. Hamkorlik shartnomalariga asosan universitetning 150 dan ortiq talabasi Germaniyaning Bavariya fermerlar uyushmasiga, 300 nafardan ortiq talaba Rossiya Federatsiyasining Janubiy Ural davlat agrar universitetiga ishlab chiqarish amaliyotlarini o‘tash uchun borib kelishdi. 200 dan ortiq professor-o‘qituvchilar tuzilgan hamkorlik shartnomlariga asosan dunyoning turli davlatlarida xalqaro loyihalar doirasida o‘quv kurslari va seminarlarda ishtirok etib kelishdi.

🔸 Shuningdek talabalar turar joylarida ham talabalar bo'sh vaqtini mazmunli o'tkazish uchun barcha shart-sharoitlar mavjud.

#tdau #barkamol_yoshlar

🌐Website 💬Telegram 💬Facebook 📺YouTube 📷Instagram