#Xalqaro_hamkorlik #Investitsiya

🤝O‘zbekiston Respublikasi Qishloq xo‘jaligi vazirligiga “Caspian Energy Club”ga aʼzo kompaniyalar rahbarlaridan iborat Telman Aliyev boshchiligidagi delegatsiya vakillari tashrif buyurishdi. Ular vazirlikning Oziq-ovqat sanoatini rivojlantirish, Marketing, Investitsiyalar va xalqaro hamkorlik, To‘g‘ridan-to‘g‘ri investitsiyalar hamda Xalqaro moliya institutlari loyihalari va grantlarni muvofiqlashtirish boshqarmalari xodimlari bilan uchrashuv o‘tkazishdi.

Taʼkidlash joiz, “Caspian Energy Club” dunyoning 5 mamlakatidan 50 mungdan ortiq kompaniyalarni burlashtiruvchi jadal rivojlanayotgan yirik mintaqaviy tashkilot hisoblanadi. Kompaniya 2002-yil iyun oyida “Caspian Energy Club” va yirik neft-gaz kompaniyalari ko‘magida tashkil etilgan.

Uchrashuv chog‘ida “Caspian Energy Club”ga aʼzo kompaniyalar tomonidan O‘zbekistonning agrar sohasiga investitsiya kiritish masalalari muhokama etildi. Jumladan, sovutkichli omborxonalar qurish va quritilgan mevalarni tayyorlash yo‘nalishlariga qiziqish bildirishdi. Shuningdek, mamlakatimizdagi yirik go‘sht va sut mahsulotlarini ishlab chiqaruvchi korxonalar bilan hamkorlik qilish tashabbusi bilan chiqishdi. Bundan tashqari, respublikamizda yer ajratish tizimi, bu borada belgilangan tartib mehmonlarning eʼtiborida bo‘ldi.

WWW • TELEGRAM • FACEBOOK • YOUTUBE • INSTAGRAM

✅O‘zbekiston Respublikasi Prezidenti tomonidan o‘tkazilgan yig‘ilishda qishloq xo‘jaligidagi dolzarb masalalar muhokama qilindi.

Bugungi kungacha paxta-to‘qimachilik klasterlari tomonidan sohaga 5 milliard 300 million dollar investitsiya kiritilgan, ularga 3 milliard dollar imtiyozli kreditlar ajratilgan. Klasterlar tomonidan 4 milliard dollarlik 265 ta loyiha ishga tushirilib, 300 mingta yangi ish o‘rni yaratilgan. Natijada, paxta hosildorligi 30 foizga oshib, 26 sentnerdan 34 sentnerga yetdi.

Joriy yida qishloq xo‘jaligida, jumladan, 400 million dollarlik 600 ta loyiha ishga tushirilishi, qo‘shimcha 185 ming tonna saqlash va qayta ishlash quvvatlari hamda 33 ta tumanda agroxizmat markazlari tashkil etilishi aytildi.

Mutasaddilarga klaster va fermerlar o‘rtasidagi shartnomalarni tartibga solish hamda hisob-kitoblarni joyiga qo‘yish, paxta va g‘alla yetishtirishni muvofiqlashtirib borish bo‘yicha ko‘rsatmalar berildi. Qo‘shilgan qiymat solig‘ini o‘z vaqtida to‘lamaganlik uchun fermer xo‘jaliklariga hisoblangan penyalar, istisno tariqasida, hisobdan chiqarilishi belgilandi.

Shuningdek, yurtimizda oziq-ovqat sanoatida oliy va o‘rta bo‘g‘in mutaxassislariga ehtiyoj katta. Shuning uchun xorijiy davlatlar tajribasi asosida bu sohada yangi institut tashkil etish taklifi ma’qullandi.

👉Batafsil

#Prezident #yigilish #qishloq_xojaligi #klaster #investitsiya #fermer #paxta #galla #oziq_ovqat

WWW • TELEGRAM • FACEBOOK • YOUTUBE • INSTAGRAM