YERDAN UNUMLI FOYDALANISH UCHUN POLIZ EKINLARI EKILMOQDA

🍈Navoiy viloyatining Nurota tumanida qishloq xo‘jaligining asosiy yetakchi tarmoqlaridan biri bo‘lgan bog‘dorchilik, sabzavot va poliz mahsulotlarini yetishtirishda agrotexnik tadbirlarni o‘z vaqtida bajarilishi hamda mahsulotni qayta ishlash va eksportga yo‘naltirish bo‘yicha zamonaviy texnologiyalarni jorish etish borasida zaruriy tavsiyalar berilmoqda.

Tumanda joriy mavsumda asosiy maydonlarga 192 gektar hamda bog‘-tok qator oralariga 93 gektar qovun, tarvuz va qovoq mahsulotlari ekish belgilangan. Oziq-ovqat mahsulotlarini yetishtirayotgan dehqonlarimiz 3 gektar maydonga kartoshkaning “Gala” navini ekib, gektaridan 35-40 tonna hosil olib, bozordagi narxlar barqarorligiga o‘z hissalarini qo‘shmoqda.

Jumladan, tumanda faoliyat olib borayotgan “Sayfiddin To‘xtayev” fermer xo‘jaligi rahbari Sayfiddin aka ham mana besh yildirki, dehqonchilikning hadisini olib, daromad topayotganlardan. Bir qarich yerni ham qarovsiz qoldirmasdan, undan oqilona foydalanish maqsadida fermer xo‘jaligida asosiy ekin maydonlaridan tashqari 1 gektarga yaqin yerda yeryong‘oq, 3 gektarda esa tarvuz, qovun, 4 gektarda makkajo‘xori, 2 gektargan ziyod yer maydonida esa kungaboqar ekildi.

#dehqonchilik #oziq_ovqat #yeryongoq #tarvuz #qovun #kungaboqar #Navoiy

🌐Website💬Telegram💬Facebook📺YouTube📷Instagram

🌻 Kungaboqar haqida yettita fakt

1. Kungaboqarning aslida 70 ta atrofida turi mavjud. Kungaboqar – bu faqat o‘rtasi qoramtir bo‘lgan sariq “quyosh”lar emas. Uning qizil, pushti va jigarrang turlari ham mavjud.

2. Kungaboqar boshchalari quyosh nurlar yo‘nalishi bo‘ylab buriladi. Ushbu ajoyib xislati tufayli ham u “kungaboqar” deb nomlangan. Ilmiy tilda esa, bu xususiyat “geliotropizma” deb ataladi.

3. Ayrim turlarning balandligi 7 m.ga yetadi, ildizi esa yer qa'riga 3 m.gacha kirib borishi mumkin.

4. Kungaboqar – ajoyib antidot. Agar tuproq kimyoviy moddalar bilan zaharlangan bo‘lsa, uni tozalash uchun kungaboqar ekiladi. Gul ildizlari tuproqni barcha xavfli moddalar va bakteriyalardan xalos etadi.

5. Aslida kungaboqar – bitta emas, minglab gullar to‘plami. Har bir to‘pgulda ko‘plab gulchalar bo‘lib, har biri mazali urug‘ beradi.

6. Kungaboqar 5000 yildan buyon ekiladi. Bu ekin bug‘doydan ham oldin madaniylashtirilgan. Uning vatani Janubiy va Shimoliy Amerika sanaladi.

7. Dastlab kungaboqar faqat dekorativ gul sifatida ekilgan. Faqat XIX asrga kelibgina uning urug‘idan yog‘ ola boshlangan va gullar qishloq xo‘jaligi ekiniga aylangan.
#bu_qiziq #kungaboqar

🌐Website💬Telegram💬Facebook📺YouTube📷Instagram