Oziq-ovqat mahsulotlari sifati qat’iy nazorat qilinmoqda

🏪 Ushbu haftada poytaxtimizning "Qo‘yliq" dehqon bozoriga sotish uchun keltirilgan 117 tana 23,3 tonna yirik shoxli mol, 69 tana 2,1 tonna mayda shoxli mol go‘shti, 51,9 tonna parranda go‘shti, 119 260 dona tuxum, 53,4 tonna sut va sut mahsulotlari hamda 181,4 tonna o‘simlikka mansub mahsulotlar veterinariya sanitariya ekspertizasidan o‘tkazilib, iste’molga yaroqliligi aniqlandi.

✅Shuningdek, tekshiruvlar davomida 48 holatda 277 kg go‘sht va go‘sht mahsulotlari, 118 holatda 2 285 dona tuxum mahsulotlari, 69 holatda 600 kg sut va sut mahsulotlari, 32 holatda 387 kg o‘simlik mahsulotlari iste’molga yaroqsiz deb topilib, belgilangan tartibda zararsizlantirildi.

🌐Website 💬Telegram 💬Facebook 📺YouTube 📷Instagram

🅰️👍👍👍👍👍👍👍👍👍👍

Xandon pista yetishtirish va tuproqqa talabi

🌳Pistaning vatani Markaziy Osiyodir. Mamlakatimizda ham barcha tog‘ tizmalarida, ayniqsa, Surxon tog‘larida o‘sadi. Pista daraxti 1000 yoshgacha hosil beradi.

ℹ️Xandon pista kuchli diyetik mahsulot bo‘lib, mag‘zida 49% dan 60% gacha moy, 15-20% oqsil, 3-8% qand va boshqa mikroelementlar mavjud.

🌲 Uni ekish uchun sho‘rlanmagan, yer osti suvlari kamida 3 metr pastda joylashgan yerni tanlash lozim.

☀️Uni yorug‘ tushadigan, issiq joyda o‘stirish kerak.

ℹ️Pista ikki uyli, yaʼni uning erkak va ona navlari bo‘ladi. Tomorqaga ham erkak, ham ona navli pistani ekish mumkin.

🌐Website 💬Telegram 💬Facebook 📺YouTube 📷Instagram

👍👍👍👍👍👍👍

Zaytun daraxtini ekish va parvarishlashda nimalarga e’tibor berish lozim?

🫒 Zaytun – zaytundoshlar oilasiga kiruvchi o‘simliklar sirasiga kiradi. U O‘rta yer dengizi havzasidagi eng muhim mevali daraxtlardan biri hisoblanadi.

🌳 Zaytun daraxti 4-12 metr balandlikkacha o‘sadi. Uning mag‘zida 30% gacha moy, oqsil, vitamin S va karotin mavjud. Shuningdek, u suvsizlikka chidamli, 13-18°C sovuqqa bardosh bera oladi. E’tiborlisi, zaytun 300-400 yil, ba’zi turlari 1000 yilgacha yashaydi. Unumdor, qumoq va qumloq, ohakli tuproqlarda esa yaxshi o‘sadi va rivojlanadi.

ℹ️Bu o‘simlik urug‘laridan, qalamchalaridan, bachkilari va payvandlash yo‘li bilan ko‘paytiriladi. Urug‘lari tuproqqa ekilganda juda kech unib chiqishini hisobga olib, dastavval namli qumlarga ko‘mgan holda ko‘kartirib, keyin ekish lozim. Shunda rivojlanishi tezlashadi.

❄️Zaytunga -10°C dan past bo‘lgan sovuq havo salbiy ta’sir qilishi mumkin. Natijada barglari va po‘stlog‘iga zarar yetadi va to‘kilishni boshlaydi. Haddan tashqari nam harorat daraxt ildizini chiritib yuborib, daraxtni turli kasalliklarga duchor qiladi.

🌲 Shunday ekan, daromad va shifo keltiruvchi bu daraxtni ehtiyotkorlik bilan parvarishlash zarur. Uni tabiiy organik moddalar, mulch va kompost bilan to‘yintirib borish tavsiya etiladi.

🌐Website 💬Telegram 💬Facebook 📺YouTube 📷Instagram

Toshkent viloyati: aholi bandligini ta’minlash va tadbirkorlikni rivojlantirish yo‘lida

🇺🇿 Joylarda qishloq xo‘jaligi sohasida amalga oshirilayotgan islohotlar va ularning natijadorligi bilan yaqindan tanishayotgan Qishloq xo‘jaligi vaziri Ibrohim Abdurahmonov Toshkent viloyati O‘rtachirchiq tumanidagi “Do‘stlik” MFYda aholi tomonidan qulupnay yetishtirilayotgan maydonda bo‘ldi.

🏠 Mahalla aholisi xonadonlarining aksariyatida issiqxona mavjud bo‘lib, asosan qulupnay yetishtiriladi. Hozirda mazkur mahallada 21 nafar yoshlarning har biriga 30 sotixdan yer ajratilgan.

❗️Albatta, bugun yurtimizda yoshlar uchun munosib sharoit yaratish, ularni har tomonlama qo‘llab-quvvatlash, kasbga yo‘naltirish va bandligini ta’minlash ayni vaqtda hayotiy zaruratdir.

ℹ️Vazir o‘z navbatida, yoshlarning tadbirkorning faoliyati bilan tanishar ekan, ekin yetishtirish texnologiyasi, hosildorlikni oshirish borasida o‘z takliflarini berib o‘tdi.

🍄 Shundan so‘ng vazir navbatdagi lokatsiya bo‘yicha, mazkur mahallada yangi texnologiya asosida qo‘ziqorin yetishtirayotgan aholi xonadonida bo‘ldi. 3 sotix maydonda tashkil etilgan mazkur issiqxonada qo‘ziqorinning “veshenka” navi yetishtirilmoqda.

📈 Tadbirkorning so‘zlariga ko‘ra, qo‘ziqorindan yil davomida mo‘may daromad topish mumkin, bitta qopga joylangan urug‘lar 10-12 kilogrammgacha hosil beradi. Harorat mo‘tadil ushlab turilsa, mavsumga qarab, 10-15 milliongacha daromad qilish mumkin.

🗣Vazir o‘z navbatida tadbirkorning faoliyati bilan tanishar ekan, davlatimiz rahbari boshchiligida Xitoy Xalq Respublikasiga amalga oshirilgan davlat tashrifi davomida qo‘ziqorin yetishtirish texnologiyasi bilan tanishilganligi va buni mamlakatimizda ham joriy etish masalasini ilgari surilganini qayd etdi.

🌐Website 💬Telegram 💬Facebook 📺YouTube 📷Instagram

Kasbiga fidoiy bir qator hodimlar rag'batlantirildi

🇺🇿 Joriy yilning 7-may aloqachilar kuni munosabati bilan Raqamli texnologiyalar vazirligida sohaning rivojiga o‘z xissasini qo‘shgan xodimlarni taqdirlash marosimi bo‘lib o‘tdi.

📄Tadbirda AKT sohasining yuksalishi hamda ravnaqi yo‘lida xizmat qilayotgan, sohaning rivojlanishiga o‘zlarining salmoqli hissalarini qo‘shib kelayotgan, Raqamli texnologiyalar vazirligi tizimida faoliyat yuritayotgan kompaniya va jamiyatlar, korxona va tashkilotlar, shuningdek, sohadagi xorijiy va xususiy korxonalar rahbar-xodimlari va mutaxassislari “Faxriy yorliq”, “Mohir aloqachi” faxriy unvoni, “O‘z kasbining ustasi” belgisi bilan taqdirlandilar.

✔️Taqdirlanganlar orasida Agrar sohaga AKTni joriy qilish va raqamlashtirish departamenti boshlig‘i I.Ikramov va Elektron hukumat loyihalari va axborot xavfsizligi bo‘limi bosh mutaxassisi Sh.Kadirshayevlar ham bor.

🗣Taqdirlash marosimida Raqamli texnologiyalar vaziriligi rahbariyati faoliyat olib borayotgan xodimlarni ushbu sana bilan qutlab, ularning keyingi ishlarida muvaffaqiyatlar tiladi.

🌐Website 💬Telegram 💬Facebook 📺YouTube 📷Instagram