🌱 Moyli ekinlar urug‘chiligini rivojlantirish va mahsulot
ishlab chiqarish hajmlarini oshirish bo‘yicha amalga
oshirilayotgan ishlar to‘g‘risida

Hozirgi kunda respublikamizda haydaladigan lalmikor ekin maydonlari qariyb 800 ming gektarni tashkil etadi. Bunday maydonlarda moyli, dukkakli va ozuqabop ekinlar yetishtirish va ulardan hosil olish aholining turmush darajasini oshirish bilan birga hududdagi fermer xo‘jaliklarining iqtisodiy ahvolini yaxshilaydi.

Kuni kecha, Jizzax viloyatida moyli ekinlar urug‘chiligini rivojlantirish hamda ishlab chiqarishni kengaytirish masalalariga bag‘ishlangan respublika ko‘rgazmali seminari bo‘lib o‘tdi.

Moyli ekinlar urug‘chiligini rivojlantirish va ishlab chiqarish hajmlarini oshirish bo‘yicha respublika ko‘rgazmali seminari qishloq xo‘jaligi sohasi rahbariyati va mutasaddilarini, butun respublikadan moyli ekinlar ekishga ixtisoslashgan xo‘jaliklar vakillarini, shu sohada ilmiy izlanishlar olib borayotgan olimlar hamda mutaxassislarni jamladi.

🔰 Tadbirda qatnashgan Qishloq xo‘jaligi vaziri Aziz Voitov mamlakatda oziq-ovqat xavfsizligini ta’minlashda moyli ekinlar ekish va ishlab chiqarishni kengaytirishning ahamiyati xususida to‘xtaldi. Bu borada moyli ekinlar urug‘chiligini rivojlantirish birlamchi ustuvorlikka ega ekanligini ta’kidladi.

🌻 Seminarda kungaboqar, soya, maxsar kabi moyli ekinlarning qishloq xo‘jaligi ekini sifatida ekilishi mamlakat oziq-ovqat xavfsizligini ta’minlashga xizmat qilibgina qolmay, fermerning o‘ziga yaxshigina foyda keltirishi ham isbotlab berildi.

#moyli_ekinlar #Jizzax #Seminar

🌐Website💬Telegram💬Facebook📺YouTube📷Instagram

🐑 CHORVACHILIK AMALIYOTINI TAKOMILLASHTIRISH
 
🔰 Qishloq xoʻjaligi klasterlari va mahalliy fermerlarning qishloq xoʻjaligi salohiyatini oshirish maqsadida 5-oktyabr kuni Xalqaro qishloq xoʻjaligi universiteti qoshidagi “Malaka oshirish markazi” tomonidan “Chorva xo‘jaliklarida yozgi va qishki tadbirlar” mavzusida ilmiy-amaliy seminar tashkil etildi.

Tadbir soha ishtirokchilarining katta doirasini birlashtirdi: ular orasida chorvadorlar, veterinariya mutaxassislari, tadqiqotchilar, shuningdek, nemis mutaxassislari va mahalliy mutaxassislardan bilim olishni istagan ishtiyoqli talabalar ham bor edi.

📈 Xalqaro qishloq xo‘jaligi universiteti salohiyatini oshirish markazi va Germaniya mutaxassislari o‘rtasidagi hamkorlik Samarqand chorvachilik tarmog‘ida yanada barqaror va farovon kelajakka yo‘l ochdi.

Mazkur seminarda olingan saboqlarni amaliyotga tatbiq etish samarqandlik fermer xo‘jaliklarining farovonligiga, hududda iqtisodiy barqarorlik va oziq-ovqat xavfsizligini ta’minlashga xizmat qilishi shubhasiz

#chorvachilik #seminar
 
🌐Website💬Telegram💬Facebook📺YouTube📷Instagram

KIGIZNING SANOAT VA QISHLOQ XO‘JALIGIDAGI AHAMIYATI OSHMOQDA

🔰 Joriy yilning 14-15 oktyabr kunlari mazkur hududda “Qishloq xo‘jaligi mahsulotlarini yetishtirishga ixtisoslashgan issiqxonalarda muqobil energiya resurslari va anʼanaviy issiqni saqlovchi materiallardan foydalanish” mavzusida ikki kunlik o‘quv-seminari tashkil etildi.

Seminarda, Qoraqalpog‘iston Respublikasi va viloyat qishloq xo‘jaligi mutasaddilari, tadbirkor va xo‘jalik rahbarlari ishtirok etdi.

✅ Seminarni vazir A.Voitov kirish so‘zi bilan ochib berar ekan, bugun yurtimizda, ayniqsa, qish va bahor oylarida aholini sifatli oziq-ovqat mahsulotlari bilan taʼminlash, bozorlar va savdo do‘konlarida bu mahsulotlarning maqbul narxlarda barqaror sotilishiga erishishda issiqxona xo‘jaliklarining faoliyati muhim ahamiyatga ega ekanini, ayniqsa, issiqxonalarda yetishtirilayotgan qishloq xo‘jaligi mahsulotlari tannarxini minimal darajada ushlab turish uchun muqobil energiya resurslari hamda bir maromda issiqlikni saqlovchi mahsulotlar foydalanish masalasiga alohida eʼtibor qaratdi.

Seminar davomida ham mutaxassislar tomonidan kigiz global muammoga aylangan mintaqaviy iqlim o‘zgarishlari sharoitida issiqxonalarning salbiy taʼsirini kamaytirishda va undan himoyalanishda munosib yechim bo‘la olishi borasida maʼlumot berildi.

Aytish kerakki, bugun "Varzak" MFYdagi 120 ta xonadon anʼanaviy usulda kigiz bosish bilan shug‘ullanadi, bu yerda tayyorlanadigan kigizning boshqa hududlarda tayyorlanadigan kigizdan farqi shundaki, uning yopishqoqlik darajasi, o‘z navbatida issiqlikni ushlab turish xususiyati va boshqa ko‘plab jihatlarda o‘ziga xos bo‘lib, o‘tda yonmaydi degan talabga to‘laqonli javob beradi.

Ma’lumot o‘rnida, kigiz o‘rtacha 15 darajagacha issiqlikni ushlab turishi mumkin. Kigiz bilan o‘ralgan kichik hajmdagi issiqxonalarda gaz va ko‘mir sarfi ancha kamayadi, qishning iliq kunlarida esa bu kabi yoqilg‘ilarga ehtiyoj sezilmaydi.

#kigiz #seminar

🌐Website💬Telegram💬Facebook📺YouTube📷Instagram

XALQARO STANDARTNI AMALIYOTGA JORIY ETISH IMKONIYATLARI MUHOKAMA ETILDI

Qishloq xo‘jaligi vazirligi Germaniya xalqaro hamkorlik tashkiloti “GIZ” va Global G.A.P. hamda boshqa tegishli tashkilotlar bilan hamkorlikda O‘zbekistonda Global G.A.P. standartlarini joriy etishni qo‘llab-quvvatlash va bu bo‘yicha mahalliy mutaxassislarning malakalarini oshirishga qaratilgan loyiha natijalariga bag‘ishlangan davra suhbati o‘tkazildi.

Unda GIZning “Barqaror iqtisodiy rivojlanish” dasturi rahbari Beate Schoreit, hamda Global G.A.P. mutaxassislari Ian Lucey hamda Edite Strazdinalar ishtirok etishdi. Tadbir davomida “Sertifikat olgan mutaxassislar bilan kelajakda qanday hamkorlik o‘rnatish va ularni qo‘llab-quvvatlash” mavzusida ochiq muloqot o‘tkazildi.

Mazkur tadbir o‘tkazilishidan ko‘zlangan asosiy maqsad respublikada Maqbul qishloq xo‘jaligi amaliyoti (Global G.A.P.) xalqaro standarti talablari asosida meva-sabzavot mahsulotlari ishlab chiqaruvchilarga har tomonlama ko‘maklashishdan iborat.

Shuni alohida ta’kidlash kerakki, Qishloq xo‘jaligi vazirligi Germaniya xalqaro hamkorlik tashkiloti “GIZ” bilan hamkorlikda Maqbul qishloq xo‘jaligi amaliyoti (Global G.A.P.) bo‘yicha 3 ta bosqichda seminar treninglar tashkil etgan. Seminar-treninglarning birinchi bosqichida maslahatchilarning bilim va malakalari oshirilgan bo‘lsa, ikkinchi va uchinchi bosqichlarda inspektorlar va auditorlar tayyorlash masalalariga alohida e’tibor qaratildi.

#seminar #trening

🌐Website💬Telegram💬Facebook📺YouTube📷Instagram

🇹🇷 Istanbulda Markaziy Osiyo mamlakatlarida qurg‘oqchilikka qarshi kompleks kurash choralari muhokama qilindi

O‘zbekistondagi CACILM-2 loyihasi jamoasi mintaqaning boshqa mamlakatlari vakillari bilan birgalikda Markaziy Osiyoda qurg‘oqchilikka qarshi kompleks kurashishni rejalashtirish bo‘yicha seminarda ishtirok etdi. Tadbir Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) tomonidan Global Ekologik Jamg‘arma (GEF)ning moliyaviy ko‘magi bilan amalga oshirilayotgan CACILM-2 – “Markaziy Osiyo va Turkiyaning qurg‘oqchil va sho‘rlangan qishloq xo‘jaligi ishlab chiqarish landshaftlarida tabiiy resurslarni kompleks boshqarish” mintaqaviy loyihasi doirasida tashkil etildi.

👥 Seminarda FAO, Yevropa komissiyasining Birlashgan tadqiqot markazi va boshqa xalqaro tashkilotlarning ekspertlari, shuningdek, Markaziy Osiyo davlatlaridan kelgan mutaxassislar ishtirok etdi. 3 kun davom etgan tadbirda 6 ta sessiya davomida qurg‘oqchilik xavfini baholashning yangi konsepsiyasi va usullari, suv monitoringi tizimlari va ularning qurg‘oqchilikka qarshi kurashdagi o‘rni, zaiflik va ta’sirni baholash sohasida jahon amaliyotidan foydalanish, qurg‘oqchilikni kompleks boshqarish uchun rejalashtirish jarayonida gender masalalarini hisobga olish kabi muhim masalalar bo‘yicha taqdimotlar o‘tkazildi.

#Fao #seminar #qurgoqchilikga_qarshi_kompleks

🌐Website💬Telegram💬Facebook📺YouTube📷Instagram

Butunjahon tuproq kuni munosabati bilan respublika ilmiy-amaliy seminari bo‘lib o‘tmoqda

Har yili 5-dekabrda tuproq salomatligi va tuproq resurslarini barqaror boshqarishning muhimligiga e’tiborni jalb qilish maqsadida Butunjahon tuproq kuni nishonlanadi.

Shu munosabat bilan poytaxtimizdagi Frankfurt mehmonxonasida Butunjahon tuproq kuni munosabati bilan “Tuproq degradatsiyasining oldini olishning innovatsion texnologiyalari” mavzusida respublika ilmiy-amaliy seminari bo‘lib o‘tmoqda. Tadbir O‘zbekiston Respublikasi Qishloq xo‘jaligi vazirligi, FAOning O‘zbekistondagi vakolatxonasi va Tuproqshunoslik va agrokimyoviy tadqiqotlar instituti hamkorligida tashkil etilgan.

Respublika ilmiy-amaliy seminarini O‘zbekiston Respublikasi Qishloq xo‘jaligi vazirining birinchi o‘rinbosari Azimjon Nazarov kirish so‘zi bilan ochib berdi.

U o‘z so‘zida mamlakatimizda qishloq xo‘jaligi sohasida olib borilayotgan keng ko‘lamli ishlar, xususan, tuproqlar muhofazasi, yerlar degradatsiyasi, sho‘rlanish, cho‘llanish kabi masalalar haqida o‘z fikr mulohazalarini bildirish bilan bir qatorda tadbir ishtirokchilarini ushbu sana bilan samimiy qutladi.

Tadbirda O‘zbekiston Respublikasi Oliy Majlisining Senati va Qonunchilik palatasi, tegishli vazirlik va idoralar vakillari, shuningdek, olimlar, tadqiqotchilar, milliy va xorijiy tuproqshunos mutaxassislar tuproq va suv resurslarini barqaror boshqarish, eroziya hamda tuproq degradatsiyasiga qarshi kurashning zamonaviy usullari, neytral muvozanatni saqlash, yer degradatsiyasi, shuningdek, boshqa dolzarb masalalar bo‘yicha ma’ruzalar qilmoqdalar.

#tuproq_kuni #seminar

🌐Website 💬Telegram 💬Facebook 📺YouTube 📷Instagram