QISHLOQ XO‘JALIGI VAZIRLIGIDA YANGI TAYINLANGAN O‘RINBOSARLAR TANISHTIRUVI BO‘LIB O‘TDI

👥Bugun Qishloq xo‘jaligi vaziri Aziz Voitov boshchiligida bo‘lib o‘tgan yig‘ilishda vazirlik tizimidagi agentlik va qo‘mitalar, tizim tashkilotlari rahbarlari va boshqarma boshliqlari ishtirok etdi. Unda agrar sohaning barcha tarmoqlarini birdek rivojlantirish borasida olib borilayotgan ishlar tahlil qilinib, amalga oshirilishi lozim bo‘lgan galdagi vazifalar belgilab olindi.

Tadbirda O‘zbekiston Respublikasi Prezidentining tegishli qarori bilan Qishloq xo‘jaligi vaziriga yangi tayinlangan o‘rinbosarlar – vazirning birinchi o‘rinbosari Botir Normahmadovich Tog‘aev va vazir o‘rinbosari Alisher Nematullaevich Shukurov jamoaga tanishtirildi.

Shuningdek, Qishloq xo‘jaligi vaziri Aziz Voitovning buyrug‘i bilan vazirlik kotibiyat rahbarining birinchi o‘rinbosari lavozimida ish boshlagan Asliddin Rashidovich Bozorov ham tanishtirildi.
*****
СОСТОЯЛОСЬ ПРЕДСТАВЛЕНИЕ НОВЫХ НАЗНАЧЕННЫХ ЗАМЕСТИТЕЛЕЙ МИНИСТРА СЕЛЬСКОГО ХОЗЯЙСТВА

👥Сегодня в совещании под председательством министра сельского хозяйства Азиза Воитова приняли участие руководители агентств и комитетов в системе министерства, руководство структурных подразделений и начальники управлений Минсельхоза. В ходе которого была проанализирована работа, проводимая по целостному развитию всех отраслей аграрного сектора, и определены основные задачи, требующие реализации.

В ходе мероприятия были представлены новые заместители министра сельского хозяйства – первый заместитель министра Ботир Нормахмадович Тогаев и заместитель министра Алишер Нематуллаевич Шукуров, назначенные соответствующим постановлением Президента Республики Узбекистан.

Также был представлен Аслиддин Рашидович Бозоров, начавший работать первым заместителем руководителя секретариата министерства согласно приказу министра сельского хозяйства Азиза Воитова.

#vazir #Qishloq_xojaligi_vazirligi #tayinlov #tanishtiruv #министр #Министерство_сельского_хозяйства #назначение

🌐Vebsayt💬Telegram💬Facebook📺YouTube📷Instagram

AGRAR SOHADA “O‘ZBEKKOSMOS” AGENTLIGI BILAN HAMKORLIK ISTIQBOLLARI

🤝Qishloq xo‘jaligi vaziri Aziz Voitov O‘zbekiston Respublikasi Raqamli texnologiyalar vazirligi huzuridagi Kosmik tadqiqotlar va texnologiyalar agentligi direktori Shuxrat Kadirov boshchiligidagi agentlik vakillari bilan uchrashdi.

Yig‘ilishda “O‘zbekkosmos” agentligi tomonidan suv resurslarini boshqarishni raqamlashtirish borasidagi tajriba, katta hajmdagi maydonlarga ilg‘or texnologiyalar yordamida ishlov berish bo‘yicha platformani joriy etish istiqbollari muhokama qilindi.

Bunda, Qishloq xo‘jaligi vazirligi tashabbusi bilan amalga oshirilayotgan suv manbasidan ekin joylashgan konturgacha bo‘lgan sug‘orish ishlarini monitoring qilish, ekinlarning suvga bo‘lgan ehtiyojini va sug‘orish samaradorligini baholash bo‘yicha loyihaning joriy holati ko‘rib chiqildi.

#uchrashuv #hamkorlik #Qishloq_xojaligi_vazirligi #Ozbekkosmos #geoaxborot_texnologiyalari #raqamlashtirish

🌐Vebsayt💬Telegram💬Facebook📺YouTube📷Instagram

QISHLOQ XO‘JALIGI TEXNIKALARINI SINASH VA SERTIFIKATLASHDA JANUBIY KOREYA TAJRIBASI O‘RGANILDI

🤝O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligi texnikasi va texnologiyalarini sertifikatlash va sinash markazi hamda  Koreya Respublikasi Qishloq xo‘jaligi texnologiyalarini ilgari surish agentligi (KOAT), Koreya sanoat tehnologiyalar instituti (KITECH) hamda Tong Yang Moolsan Co., LTD (TYM) kompaniyasi mutaxassislari o‘rtasida uchrashuv bo‘lib o‘tdi.

Ushbu uchrashuv Qishloq xo‘jaligi texnikasi va texnologiyalarini sertifikatlash va sinash markazining moddiy-texnik bazasini takomillashtirish uchun Jahon banki tomonidan moliyalashtirilayotgan loyiha bo‘yicha zamonaviy asbob uskunalarni xarid qilish, xalqaro standartlar, metrologiya va standartlashtirish sohalari talablarini o‘rganish hamda me’yoriy hujjatlarni ishlab chiqish va joriy qilish maqsadida o‘tkazildi.
*****
ОПЫТ ЮЖНОЙ КОРЕИ ПО ИСПЫТАНИЮ И СЕРТИФИКАЦИИ СЕЛЬСКОХОЗЯЙСТВЕННОЙ ТЕХНИКИ

🤝Состоялась встреча специалистов Центра сертификации и испытаний сельскохозяйственной техники и технологий при Министерстве сельского хозяйства Республики Узбекистан, Агентства по продвижению сельскохозяйственных технологий Республики Корея (КОАТ), Корейского института промышленных технологий (KITECH) и компании Tong Yang Moolsan Co LTD (TYM).

Диалог был организован с целью совершенствования материально-технической базы Центра сертификации и испытаний сельскохозяйственной техники и технологий, приобретения современного оборудования в рамках проекта, финансируемого Всемирным банком, изучения требований международных стандартов, метрологии и стандартизации, а также разработки и внедрения соответствующих нормативных документов.

#xalqaro_hamkorlik #qishloq_xojaligi_texnikalari #zamonaviy_texnikalar

🌐Website💬Telegram💬Facebook📺YouTube📷Instagram

Soha oldidagi dolzarb masalalar muhokama etildi

🔰Qishloq xo‘jaligi vaziri Ibrohim Abdurahmonov Samarqand viloyatiga tashrifi davomida viloyatdagi 16 ta tuman fermer xo‘jaligi va klasterlari rahbarlari, viloyat karantin inspeksiyasi va Toyloq tuman hokimi qishloq xo‘jaligi bo‘yicha o‘rinbosari va masʼul rahbarlar ishtirokida ishchi yig‘ilish o‘tkazdi.

📌Vazir o‘z navbatida, fermer xo‘jaliklarining fikr va mulohazalarini tinglab, qishloq xo‘jaligi mahsulotlarini quritish uchun zamonaviy qishloq xo‘jaligi texnologiyalarini keng tatbiq etish, agrar sohada hosildorlik va mehnat unumdorligini yana-da oshirish, paxta unumdorligi, ishlab chiqarishni diversifikatsiya qilish, qulay agrobiznes muhitini va yuqori qo‘shilgan qiymat zanjirini yaratish, sohada ilg‘or texnologiyalarni qo‘llash masalalariga alohida to‘xtalib o‘tdi.

🖋Aytish kerak, sifatli paxta xom-ashyosini yetishtirish – mashaqqatli ish. Buni ayniqsa, yillar davomida dehqonchilik qilib kelayotgan fermerlar juda yaxshi biladi. Yerga chigit qadalgandan toki uning o‘sib chiqishidan tortib yetilguniga qadar tinimsiz mehnat, kunni tunga, tunni kunga ulash talab etiladi. Ob-havoning injiqligi, tabiatning kutilmagan hodisalari esa bu masʼuliyatini yana-da oshiradi.

✅O‘z vaqtida olib borilgan sifatli agrotexnik tadbirlar esa paxta xom-ashyosini o‘z vaqtida yetishtirish, pirovardida iqtisodiyotimiz rivojiga munosib ulush qo‘shishga xizmat qilishi bilan ahamiyatli.

#qishloq_xojaligi #vazir #yigilish #videokonferens_aloqa

🌐Vebsayt💬Telegram💬Facebook📺YouTube📷Instagram

Qo‘shimcha qiymat zanjirini yaratish agrotarmoqning muhim vazifalaridan biri

Qishloq xo‘jaligi O‘zbekiston iqtisodiyotining muhim tarmoqlaridan biridir. Meva-sabzavot va poliz ekinlarini yetishtirish va ularni qayta ishlash jarayonlarini texnik va texnologik yangilash hamda modernizatsiya qilish, tarmoqning xalqaro savdo tizimiga integratsiyalashuvi uchun turtki bermoqda. O‘z-o‘zidan meva va sabzavotlarni qayta ishlash, qadoqlashga bo‘lgan talab ham oshib bormoqda.

Ana shunday imkoniyatlarni o‘zida jamlagan yana bir tashabbus Samarqand tumani “Gulobod” qo‘rg‘onida joylashgan «Agromir» MCHJ meva va sabzavotlarni qayta ishlash korxonasidir.

Qishloq xo‘jaligi vaziri Ibrohim Abdurahmonovning Samarqand viloyatidagi navbatdagi tashrif obyekti aynan mana shu korxona bo‘ldi. Bu manzilda zaminimiz bog‘larida yetishtiriladigan meva va sabzavotlar qayta ishlanib, turli xildagi sharbatlar ko‘rinishda qadoqlanadi. Natijada 680 ta doimiy ish o‘rni yaratilgan.

Mahsulot ishlab chiqarishni keng ko‘lamda tashkil etish maqsadida, quvvat zamonaviy texnologik liniya bilan jihozlangan. Bu yerda nafaqat meva sharbatlari, balki barcha soklarning asosi bo‘lgan meva pyurelari ham tayyorlanadi. Xorijga ham ayni mahsulot eksportga chiqariladi. Jahonning mashhur brendlari korxonaning asosiy xaridorlaridir.

I.Abdrurahmonov o‘z navbatida bugungi kunda korxona oldida turgan masalalar yechimi hamda ishlab chiqarish jarayonini optimallashtirish bo‘yicha atroflicha fikr almashdi. Mevalar tarkibini saqlanishi, ulardagi vitamin, suvlilik darajasini meʼyorida bo‘lishi uchun lozim ishlar ko‘lami belgilanishini bildirdi. Zero, bu ishlar mamlakatimiz tadbirkorlarining ishini yengillashtirib, savdo peshtaxtalariga sifatli mahsulot yetkazilishiga zamin yaratadi.

#qishloq_xojaligi #vazir #meva #qayta_ishlash

🌐Vebsayt💬Telegram💬Facebook📺YouTube📷Instagram

Zamin sayqalining sara mevalari qayta ishlanmoqda

🔰O‘zbekiston meva-sabzavotlarni yetishtirish va qayta ishlashda ulkan imkoniyatlarga ega. Aholi farovonligini doimo oshirib borishda xalqimiz turmush tarziga eng yaqin va tez natija beradigan yo‘nalish qishloq xo‘jaligida yuqori daromadli intensiv ishlab chiqarishni tashkil etish har qachongidan ham muhim o‘rin tutadi.

🖋Qishloq xo‘jaligi mahsulotlari va meva va sabzavotlarni qayta ishlashni o‘z oldiga maqsad qilgan Samarqand tumanida joylashgan “Samfruit” MChJ HK ham ana shunday korxonalardan biri.

🏫O‘zbekiston Respublikasi Qishloq xo‘jaligi vaziri Ibrohim Abdurahmonov Samarqanddagi navbatdagi tashrif obyekti ayni shu korxona bo‘ldi.

✅Aytish joizki, 5,7 gektarda qad rostlagan ushbu majmuada bugungi kunda bozorgir bo‘lgan mahsulot ishlab chiqarish yo‘lga qo‘yilmoqda.

📝 “Mahsulot yetishtirish – xarid qilish – saqlash va qayta ishlash – eksport” zanjirini tashkil etishni o‘z oldiga maqsad qilib qo‘ygan mazkur korxonada ishlab chiqarishni keng ko‘lamda tashkil etish maqsadida, Yevropa Ittifoqi davlatlari, Rossiya va Xitoy Xalq Respublikasidan texnologiyalar keltirilib o‘rnatilmoqda. Yillik qiymati 2 milliard so‘m bo‘lgan, 30-35 ming tonna qishloq xo‘jaligi mahsulotlari qayta ishlash va to‘liq eksport qilish ko‘zda tutilgan. Korxona yil so‘ngiga qadar ishga tushirilishi rejalashtirilgan. Bu orqali esa, 100 ta ish o‘rni yaratiladi.

📌Vazir o‘z navbatida korxona mutasaddilarining fikr va mulohazalarini tinglab, qishloq xo‘jaligi mahsulotlarini quritish uchun zamonaviy qishloq xo‘jaligi texnologiyalarini keng tatbiq etish masalalariga alohida to‘xtalib o‘tdi. Suhbat asosini konstruktiv muloqot tashkil etdi. Bunda eng asosiysi hozirgi holatni buzmagan holda galdagi vazifalar va mahsulotning tannarxini tushirish yuzasidan qilinadigan ishlarning ko‘lami belgilab olindi.

#qishloq_xojaligi #vazir #meva #qayta_ishlash

🌐Vebsayt💬Telegram💬Facebook📺YouTube📷Instagram

Har sohada ilg‘or Samarqand

Samarqand viloyatida bo‘lib turgan Qishloq xo‘jaligi vaziri Ibrohim Abdurahmonov “Navobod Naslli Parranda” fermer xo‘jaligi faoliyati bilan ham tanishdi.

Aytish kerakki, O‘zbekistonda uzumning ho‘l meva va quritilgan ko‘rinishda (mayiz) hamda uzum vinosini eksport qilish imkoniyatlari juda keng. Respublika hududida uzumchilik sanoatini rivojlantirish uchun Buxoro, Samarqand, Toshkent va Farg‘ona viloyatlari iqlimi juda qulay hisoblanadi.

Bugungi kunda har sohada ilg‘orlik qilib kelayotgan 119,9 gektar maydonga ega “Navobod Naslli Parranda” fermer xo‘jaligi o‘z navbatida uzum yetishtirish, uzumni quritish, qadoqlash va eksport qilish bilan bir qatorda naslli parrandachilik, parranda ozuqasini ishlab chiqarishni ham yo‘lga qo‘ygan.

Korxona o‘z mahsulotlarini Rossiya, Qirg‘iz Respublikasi, Qozog‘iston, Tojikiston va Saudiya Arabistoni kabi xorijiy davlatlarga eksport qilish bilan bir qatorda va ichki bozorga ham chiqaradi. Xususan, korxona joriy yilning iyul oyi holatiga ko‘ra 5 mln. 164 ming 685 AQSH dollari miqdorida xorijga mahsulot eksport qilgan. Bugungi kunda fermer xo‘jaligida 200 nafardan ortiqdan ishchi va xodimlar faoliyat olib bormoqda.

Vazir korxona rahbarlari bilan o‘tkazgan muloqotida sohani yana-da rivojlantirish, kelgusida qilinajak ishlar va uning yechimlari borasida ham o‘z fikrlarini bildirib o‘tdi. Ayniqsa, parrandachilik sanoat usulida keng rivoj topayotgani, uning ozuqa bazasini mustahkamlash yo‘lida keng ko‘lamli izlanishlar olib borilayotganligi qayd etildi.

Respublikada parranda go‘shti yetishtirish va tuxum ishlab chiqarish hajmlari muttasil oshib borayotgani buning yaqqol dalilidir. Bu borada tashabbus va takliflar, konstruktiv muloqot ruhi ustuvor bo‘lishi lozimligi bildirildi. Bu esa, O‘zbekistonni mazkur yo‘nalishda eksport salohiyatini yuksaltirishga zamin yaratadi.

#qishloq_xojaligi #vazir #parranda

🌐Vebsayt💬Telegram💬Facebook📺YouTube📷Instagram

✅ ZARARKUNANDALARGA QARSHI KURASHDA XORIJ TAJRIBASI

Qishloq xo‘jaligi vazirligida Qishloq xo‘jaligini qo‘llab-quvvatlash va soha bo‘yicha bilimlarni oshirish dasturi (ASK) eksperti Mark Devis bilan Barqaror qishloq xo‘jaligi sharoitida zararkunandalarga qarshi kurash mavzusida davra suhbati bo‘lib o‘tdi.

Unda Qishloq xo‘jaligi vazirligi, O‘simliklar karantini va himoyasi agentligi, Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi (ISCAD), Yevropa Ittifoqining ASK Facility dasturi vakillari ishtirok etdi.

🔰 Tadbirda qishloq xo‘jaligi bo‘yicha 20 yildan ortiq ilmiy tajribaga ega xorijlik mutaxassis tomonidan jahon tajribasida zararkunandalarga qarshi kurashda amalga oshirilayotgan ilmiy yondashuvlar haqida batafsil ma’lumot berildi. Shuningdek, xalqaro ekspert qishloq xo‘jaligi mahsulotlarini yetishtirishda pestitsidlarni qo‘llash bo‘yicha yangi usul va texnologiyalarni joriy etish hamda zararkunandalarga qarshi kurashning iqlim o‘zgarishiga ta’siri borasida o‘z bilim va ko‘nikmalari bilan o‘rtoqlashdi.

ASK Facility dasturi doirasida tashkil etilgan davra suhbati davomida ishtirokchilar pestitsidlarning respublika hududiga olib kirilishi, saqlanishi va ularni qo‘llash bo‘yicha fikr almashishdi.

#qishloq_xojaligi #pestitsidlar #xorij_tajribasi

🌐Website💬Telegram💬Facebook📺YouTube📷Instagram

SAMARQANDDA XVI VERONA YEVROOSIYO IQTISODIY FORUMIGA START BERILDI

Bugun “Silk Road Samarkand” sayyohlik markazida Italiyaning “Yevroosiyoni anglaymiz” notijorat uyushmasi va O‘zbekiston Respublikasi Investitsiyalar, sanoat va savdo vazirligi tashabbusi bilan XVI Verona Yevroosiyo iqtisodiy forumiga start berildi.

Forum sessiyalarida o‘nlab mamlakatlardan mingga yaqin ishtirokchi, xususan, O‘zbekiston bilan biznes aloqalarini olib borish va o‘zbekistonlik ishbilarmonlar bilan aloqa o‘rnatishdan manfaatdor italiyalik yirik tadbirkorlar, Yevropa va Osiyoning yirik kompaniyalari va moliya institutlari rahbarlari, siyosat va jamoat arboblari, mutaxassislar, diplomatlar, xalqaro va hududiy tashkilotlar vakillari ishtirok etmoqda.

Forumning V sessiyasi aynan qishloq xo‘jaligini rivojlantirish va jahon oziq-ovqat xavfsizligini ta'minlash, ekologik qishloq xo‘jaligi masalalariga qaratilgan bo‘lib, unda Qishloq xo‘jaligi vaziri Ibrohim Abdurahmonov qishloq xo‘jaligida resurstejamkor texnologiyalardan foydalanish, savdo investitsiya va hamkorlik, oziq-ovqat xavfsizligi masalalari yuzasidan ma'ruza qildi, shuningdek, O‘zbekiston agrosalohiyati namoyish etildi.

Qishloq xo‘jaligi iqtisodiyotning asosiy “o‘sish nuqtasi” va drayveri bo‘lishi uchun sohani 2030-yilgacha rivojlantirish strategiyasi qabul qilingani esa minglab yangi ish o‘rinlari yaratish, aholining real daromadini oshirishda yuqori samara beryapti.

Mazkur forum ham biznesni rivojlantirishga yo‘naltirilgan bo‘lib, tadbirkorlar o‘rtasida erkin muloqot, biznes aloqalar va muzokaralar uchun keng imkoniyatlar yaratadi.

#forum #qishloq_xojaligi #silk_road_samarkand

🌐Website💬Telegram💬Facebook📺YouTube📷Instagram

Baliqchilik tarmog‘ini rivojlantirishdagi istiqbolli vazifalar belgilab olindi

Baliq va baliq mahsulotlariga bo‘lgan talab yildan yilga ortmoqda. Shu bois, mamlakatimizda baliqchilikni yanada rivojlantirishga alohida e’tibor qaratilmoqda. Baliq yetishtiruvchi tadbirkorlarga bir qator imkoniyat va imtiyozlar berilmoqda.

Baliqchilikning rivojlanishi oziq-ovqat xavfsizligini mustahkamlash barobarida, aholini baliq tarkibidagi yuqori sifatli oqsillar bilan ta’minlash imkonini beradi.

Xususan, Samarqand shahrida bo‘lib o‘tayogan XVI-Verona Yevroosiyo iqtisodiy forumi doirasida Qishloq xo‘jaligi vaziri Ibrohim Abduraxmonovning Rossiya Federatsiyasi Federal baliqchilik agentligi rahbari Ilya Shestakov bilan baliqchilikni rivojlantirishga qaratilgan hamkorlik uchrashuvi bo‘lib o‘tdi.

Uchrashuv davomida ikki davlat o‘rtasida baliqchilik sohasidagi hamkorlikni rivojlantirish masalalari ko‘rib chiqildi.

Jumladan, muloqot asosini intensiv usulda baliq yetishtirishni bosqichma-bosqich yo‘lga qo‘yish va rag‘batlantirish, mavjud suv resurslaridan samarali foydalanish, sohaga innovatsion g‘oyalar, ilmiy ishlanmalar, zamonaviy texnologiyalar va ilm-fan yutuqlarini keng joriy qilish, baliqchilik tarmog‘ini yanada qo‘llab-quvvatlashga qaratilgan qator taklif tashkil etdi. Tomonlar baliqchilikka ixtisoslashtirilgan klasterlar tashkil etish istiqboli haqida muloqot qildilar.

Bundan tashqari, Baliqchilik sohasini yanada rivojlantirish, baliq mahsulotlari turlarini ko‘paytirish, eksport salohiyatini oshirish, mavjud havzalar imkoniyatlaridan samarali foydalanish, intensiv texnologiyalar asosida baliq yetishtirish hajmlarini ko‘paytirish hamda baliqchilik xo‘jaliklarining ozuqa bazasini mustahkamlash masalalariga ham to‘xtalib o‘tildi.

#qishloq_xojaligi #hamkorlik #baliqchilik

🌐Website💬Telegram💬Facebook📺YouTube📷Instagram

Xalqaro maydondagi eksport salohiyati namoyish qilinmoqda

✅Joriy yilning 5-noyabr kuni Xitoy Xalq Respublikasining Shanxay shahrida “China international import Expo-2023” VI xalqaro ko‘rgazmasiga start berildi.

🖋O‘zbekiston delegatsiyasi ham mazkur ko‘rgazmaga juda puxta tayyorgarlik ko‘rgan. Mamlakatimiz iqtisodiy quvvatini namoyish etuvchi stenddan qishloq xo‘jaligi sohasi yutuqlari ham joy oldi.

🏠Pavilonimiz boshqalarnikidan ajralib turishi tabiiy. Ochilish marosimi va ilk kun tafsilotlari buni yaqqol tasdiqlamoqda.

📌Tashrif buyuruvchi mutaxassis va xaridorlar diqqatiga mikroko‘katdan tortib, turli iqlim sharoitlariga chidamli o‘simliklar, sabzavot va ekinlar, Respublikamizda ishlab chiqarilayotgan qishloq xo‘jaligi va oziq-ovqat mahsulotlarini taqdim etilgan.

🌍Dunyo bozorlariga eksport hajmini yana-da oshirish maqsadida ko‘rgazmada “O‘zbek brendi” nomi ostidagi zaminimiz neʼmatlari namoyish etilmoqda.

🔊Ilk natija yomon emas: 2024-2025 yillarda 30 mln. dollarlik eksportni amalga oshirish bo‘yicha ilk kelishuvlarga erishildi.

#xalqaro_korgazma #qishloq_xojaligi #Xitoy

🌐Website💬Telegram💬Facebook📺YouTube📷Instagram

QISHLOQ XO‘JALIGI ENSIKLOPEDIYASI YARATILADI

📆Joriy yil 7-iyulda davlatimiz rahbarining “Agrar sohada ilm-fan, ta’lim va ishlab chiqarishni integratsiya qilish orqali sifat va samaradorlikni oshirishning qo‘shimcha chora-tadbirlari to‘g‘risida”gi qarorida 2023-2024-yillar mobaynida “Qishloq xo‘jaligi terminlarining izohli lug‘ati”ni va “Qishloq xo‘jaligi ensiklopediyasi”ni Xalqaro moliya institutlari mablag‘lari hisobidan nashr qilish va ularning elektron variantlarini tayyorlash vazifasi belgilangan edi.

Mazkur qaror ijrosini ta’minlash maqsadida Qishloq xo‘jaligi vazirligining 2023-yil 7-noyabrdagi “Qishloq xo‘jaligi terminlarining izohli lug‘ati”ni nashr qilish hamda “Qishloq xo‘jaligi ensiklopediyasi” loyihasini tayyorlash bilan bog‘liq chora-tadbirlari to‘g‘risida”gi 233-son buyrug‘i qabul qilindi. Mazkur sohaviy qomus loyihasini ishlab chiqish bo‘yicha vazirlik tizimidagi oliy ta’lim va ilmiy-tadqiqot muassasalari tomonidan 154 nafar ilmiy va ilmiy-pedagog, olim va mutaxassis xodimlardan iborat Ishchi guruh ro‘yxati shakllantirildi.

✅Shu munosabat bilan Qishloq xo‘jaligi vazirining maʼnaviy-maʼrifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini taʼminlash masalalari bo‘yisha maslahatchisi Eshmirza Abdualimov rahbarligida “Qishloq xo‘jaligi ensiklopediyasi” loyihasini ishlab chiqish bo‘yicha Ishchi guruh a’zolari ishtirokida videoselektor yig‘ilishi o‘tkazildi.

Yig‘ilishda O‘zbekiston qishloq xo‘jaligi ensiklopediyasiga kiritiluvchi ma’lumotlar, so‘z (atama)lar haqidagi matnlarga qo‘yiladigan talablar, unga kiritiladigan maqolalarni tayyorlashda tizimdagi oliy ta’lim va ilmiy-tadqiqot muassasalarining o‘zaro uzviy va muvofiqlashgan faoliyatini tashkil etish, belgilangan reja asosida bajariladigan
ish hajmlari va ularning ijro muddatlari batafsil ko‘rib chiqildi.

#ensiklopediya #izohli_lugat #qishloq_xojaligi

🌐Website💬Telegram💬Facebook📺YouTube📷Instagram