XIVADA “QOVUN SAYLI” FESTIVALI OʻTKAZILMOQDA

🍈Xorazm viloyati Xiva shahrining “Ichan qal’a” davlat muzey-qo‘riqxonasi bugun yurtimizning barcha hududlaridan kelgan mirishkor dehqonlar bilan gavjum. Ayni paytda bu yerda “Qovun sayli” festivali oʻtkazilmoqda. Unda respublikamizning barcha hududlaridan kelgan mirishkor dehqonlar o‘zlari yetishtirgan qishloq xo‘jaligi mahsulotlari bilan ishtirok etishmoqda.

Mazkur festivalda ishtirok etayotgan yurtdoshlarimiz va xorijlik mehmonlar barcha viloyatlarning ko‘rgazma pavilyonlari bilan tanishib, viloyatlar milliy folklor guruhlarining chiqishlarini tomosha qilishlari hamda hududlarda yetishtirilgan qishloq xo‘jaligi mahsulotlaridan ta’tib ko‘rishlari mumkin.

Bundan tashqari, festival mehmonlari gastro-turizm pavilyonlari bilan tanishish, karving mahorat darslarida ishtirok etish, “Make photo&Selfie” hududida suratlarga tushish, milliy liboslar ko‘rgazmalari, teatrlashtirilgan sahna ko‘rinishlari, milliy o‘yinlar, jumladan, kurash, dor o‘yini va boshqa musobaqalarni tomosha qilishlari ham mumkin.

Birozdan so‘ng “Polvon” darvoza oldi, “Alleya” maydoni markazida “Qovun sayli” festivalining rasmiy ochilish marosimi bo‘lib o‘tishi kutilmoqda.

#qovun_sayli #festival #Xorazm

🌐Website💬Telegram💬Facebook📺YouTube📷Instagram

XIVADA TILIMI TILNI YORADIGAN QOVUNLAR NAMOYISH ETILMOQDA

Avval xabar berganimizdek qadimiy Xiva shahrida an’anaviy “Qovun sayli” festivali o‘tkazilmoqda.

🍈Tadbirning rasmiy ochilish marosimi hozirgina tugadi. Unda so‘zga chiqqan O‘zbekiston Respublikasi Qishloq xo‘jaligi vaziri Aziz Voitov sohada so‘nggi yillarda erishilayotgan yutuqlar, o‘tkazilayotgan bunday festivallarniing nafaqat agrar soha balki turizm sohasi rivojidagi ahamiyati, poliz ekinlari, xususan qovun navlarini ko‘paytirish borasida olib borilayotgan ishlar haqida so‘z yuritdi.

“Qovun sayli” festivalida mezbon Xorazm viloyati bobodehqonlari 1000 tonnaga yaqin  mahalliy Gurvak navli qovun turlari, 400 tonnadan ortiq tarvuz, 200 tonna oshqovoq va 100 tonnadan ortiq meva-sabzavotlari bilan ishtirok etishmoqda.

“Qovun sayli-2023” xalqaro festivali yakunida  ishtirokchilar orasidan  quyidagi nominatsiyalar boyicha g‘oliblar aniqlanadi:

🟠Qovunchilikda yangi innnovatsion texnologiyalarni joriy qilish;
🟠Qovunchilikda yangi navlarni mahalliylashtirish;
🟠Qovunchilikda eng yuqori hosildorlikka erishish;
🟠Qadimiy an’anaviy Xorazm qovunlari navlarini tiklash;
🟠Eng yaxshi yosh qovunchi fermer.

Festival g‘oliblariga Gentra, Nexia-3, Spark, Damas avtomobillari hamda qimmatbaho sovg‘alar va tashakkurnomalar topshiriladi.

#qovun_sayli #festival #Xorazm

🌐Website💬Telegram💬Facebook📺YouTube📷Instagram