YURTIMIZ YOSHLARI SURXONDARYODA JAM BO‘LISHDI

👥Boysun. Temir yo‘l vokzali. Bir tomonda karnay surnay sadosi, bir tomonda chanqovuzning kishini bepoyon kengliklar sari chorlovchi mayin ovozi yangramoqda. Milliy kiyinib olgan jajji bolajonlar tomonidan ijro etilayotgan raqs kishi ko‘zini quvnatadi. Qishloq xo‘jaligi vazirligi tomonidan 30 iyun – Yoshlar kuni munosabati bilan 15-16-17-iyun kunlari o‘tkazilayotgan “III Yoshlar forumi” ishtirokchilari hozirgina kelib to‘xtagan poezddan tushib kelmoqda.

Viqorli tog‘lar, daraga tarovati taralgan gullar, pishqirib oqayotgan daryo. Forum ishtirokchilari Darband darasi tomon avtobuslarda borarkan yurtimizning betakror go‘zalligi o‘z nashidasini kuylayotgandek bo‘ladi. Forum ishtirokchilarining navbatdagi manzili so‘lim maskan “Xo‘jaimayxon ota” bo‘ldi.

Ushbu ziyoratgoh o‘zining bulog‘i bilan mashhur. Buloqdan bir soniyada bir necha kub metr suv yer ostidan qaynab chiqadi. Muzdek, tanga rohat beruvchi suv Boysun hamda Sherobod tumanlarini chuchuk suv bilan ta’minlaydi.

#Yoshlar_forumi #Yoshlar_kuni #forum #Surxondaryo

Vebsayt • Telegram • Facebook • YouTube • Instagram

O‘LKAMIZDA BU MAVSUMDAGI ILK PAXTA OCHILDI

Surxondaryoda xizmat safarida bo‘lib turgan ijodiy guruhimiz mana shunday sevinchli voqeaning guvohi bo‘ldi.

Ijodiy guruh Jarqo‘rg‘on tumanidagi “Abdumo‘min Jo‘raev” fermer xo‘jaligiga kelganda, fermer ularni xushxabar bilan kutib oldi – ayni shu kunlarda xo‘jalikda ilk paxta ochilibdi. Dalani aylanar ekansiz, g‘o‘zalarning qaddi tikligi, har birida 15-20 tadan ko‘sak mavjudligi yuqori hosildan darak berayotganligini anglaysiz.

“2023-yil mavsumida paxtaning “Sulton” elita navini ekkanmiz. Ekish ishlarini 19-mart kuni boshladik, o‘z vaqtida sug‘orib, agrotexnik tadbirlarini amalga oshirdik. Mana, natijasini ko‘rib turibsiz. Paxtaning barvaqt pishishi yig‘im-terim ishlarini erta boshlash va sifatli hamda mo‘l hosil olish imkonini beradi”, - deydi fermer Abdumo‘min Jo‘raev.

Ha, Surxon oftobining tafti va voha mirishkorlarining oqilona mehnati samarasi o‘laroq pishib yetilgan paxtalarni ko‘rar ekansiz, asta “yetkazganiga shukr”, deb qo‘yasiz.

#paxta #fermer_xojaligi #Surxondaryo

🌐Vebsayt💬Telegram💬Facebook📺YouTube📷Instagram

SHEROBODDAGI ZAMONAVIY ISSIQXONA BARCHA TALABLARGA JAVOB BERADI

🌱Bugun 20-iyul kuni Qishloq xo‘jaligi vaziri Aziz Voitov Qashqadaryoga amalga oshirgan xizmat safaridan so‘ng unga qo‘shni viloyat Surxondaryodagi qishloq xo‘jaligi maskanlariga yo‘l oldi.

Dastlabki tashrif manzili “Sherobod Anor Impeks” MChJ ga qarashli zamonaviy issiqxona bo‘ldi. Ushbu maskanda anor soki, meva-sabzavot mahsulotlarini tashish, qayta ishlash, saralash, qadoqlash va saqlash bo‘yicha agrologistika markazining faoliyatini yo‘lga qo‘yish, mevalarni quritish, kalibrovka qilishni tashkil etish ishlari amalga oshiriladi. Loyihaning umumiy qiymati qariyb 50 mlrd so‘m. Yillik ishlab chiqarish quvvati 3 mlrd so‘m etib belgilangan korxonada yiliga 17000 tonna anor mevasi va 5000 tonna anor soki ishlab chiqarish ko‘zlanmoqda. Korxonaning eksport salohiyatiga eʼtibor qaratsak, 200 mln dollarni tashkil etadi.
*****
СОВРЕМЕННАЯ ТЕПЛИЦА В ШЕРАБАДЕ ПОЛНОСТЬЮ СООТВЕТСТВУЕТ ТРЕБОВАНИЯМ ВРЕМЕНИ

🌱Сегодня, 20 июля, министр сельского хозяйства Азиз Воитов после рабочего визита в Кашкадарью приехал в Сурхандарьинскую область.

Первым объектом посещения стала современная теплица ООО «Шерабад Анор Импекс». Здесь создан агрологистический центр по переработке фруктов и овощей, в том числе включающий производство гранатового сока, транспортировку, сортировку, упаковку и хранение сельскохозяйственной продукции. Также на предприятии осуществляется сушка и калибровка фруктов.

Общая стоимость проекта — около 50 миллиардов сумов. Производственные мощности комплекса позволяют перерабатывать 17 тысяч тонн граната и выпускать 5 тысяч тонн гранатового сока. Предприятие планирует экспортировать продукцию на 200 миллионов долларов США.

#tashrif #issiqxona #anor_soki #meva_sabzavot #qayta_ishlash #agrologistika_markazi #eksport #kochatchilik #pomidor #Surxondaryo #визит #теплицы #гранатовый_сок #переработка #экспорт #Сурхандарья

🌐Vebsayt💬Telegram💬Facebook📺YouTube📷Instagram

MUZRABOTDA EKSPORTBOP SHOLI YETISHTIRILADI

🔰Qishloq xo‘jaligi vaziri boshchiligidagi ishchi guruhning navbatdagi tashrifi Muzrabot tumanidagi "SCT CLUSTER SHOLI" korxonasi bo‘ldi.

Maʼlumki, har bir hudud aholisini sifatli va xavfsiz oziq-ovqat mahsulotlari bilan taʼminlashni hamda hudud eksport salohiyatini oshirishni ko‘zlab, barcha qishloq xo‘jaligi mahsulotlarini yetishtirishni o‘zlashtirmoqda. Jumladan, mana shu maqsad yo‘lida viloyatning Muzrabot tumanida ham sifatli guruch yetishtirish borasida yirik salohiyatga ega klaster faoliyati yo‘lga qo‘yildi.

Ulkan maqsadlarni ko‘zlab ish boshlayotgan klasterga 20 ming gektar yer maydoni ajratilgan. Hozirda klasterning 7 ming gektar maydoni sholi ekishga tayyor holatga keltirilgan bo‘lib, shundan 5 ming gektariga ekin ekib bo‘lindi. Nafaqat mahalliy bozorlarimizni taʼminlashni, balki sifatli mahsulotini xorijiy davlatlarga eksportga yo‘naltirishni ham rejalashtirgan klaster yiliga 60 ming tonna mahsulot yetishtirish va qayta ishlash quvvatiga ega. Albatta, bunday natijaga erishish uchun ko‘p mehnat va vaqt talab qilinadi. Joriy yilda klaster tomonidan 9000 tonna guruch ishlab chiqarish rejalashtirilgan bo‘lib, 2024-yilda ushbu ko‘rsatkich 25 410 tonnaga yetkaziladi. Shuningdek, klasterda 1800 tonna birinchi navli un ishlab chiqarish ham ko‘zda tutilgan. Korxonada 1500 nafar doimiy va mavsumiy ishchilar faoliyat yuritadi.

#tashrif #oziq_ovqat #sholi #eksport #klaster #Surxondaryo

🌐Vebsayt💬Telegram💬Facebook📺YouTube📷Instagram

MAQSAD – SURXON AHLINI SIFATLI GO‘SHT VA BALIQ BILAN TAʼMINLASH

Qishloq xo‘jaligi vazirining Surxondaryodagi xizmat tashrifi davom etmoqda.

🐄Galdagi manzil Muzrabot tumanidagi “Mehnat Rohat” xususiy korxonasiga qarashli chorvachilik majmuasi hamda baliqchilik yo‘nalishi bo‘ldi. Korxona asosan sut va go‘sht ishlab chiqarishga ixtisoslashgan. Ushbu majmuada 647 bosh “Simmental” zotli qoramol parvarishlanmoqda. Yillik ishlab chiqarish hajmi 810 tonna sut va 105 tonna go‘shtni tashkil etadi.

🐟Korxonaga tegishli 2 gektar maydon baliqchilik uchun ajratilgan. Hozirda bu yerda “Oq amur” baliqlari yetishtirilmoqda. Eʼtiborlisi, xo‘jalik bir yilda 15 tonna baliq mahsulotlarini yetishtirib, mahalliy bozorga sotuvga chiqarmoqda. Maqsad surxonliklarni sifatli oziq-ovqat, xususan, sut, go‘sht va baliq mahsulotlari bilan taʼminlashdir. Ayni paytda korxonada 170 nafar doimiy va 150 nafar mavsumiy ishchilar faoliyati yo‘lga qo‘yilgan.

#tashrif #chorvachilik #qoramol #baliqchilik #oziq_ovqat #klaster #Surxondaryo

🌐Vebsayt💬Telegram💬Facebook📺YouTube📷Instagram

TUMANLARARO HAMKORLIK SAMARASI

Surxondaryoga tashrifi davomida Qishloq xo‘jaligi vaziri Aziz Voitov lalmi yerlarda zamonaviy eksportbop uzum yetishtiriladigan uzumzorlarni ko‘zdan kechirish maqsadida Oltinsoy tumanidagi “Oltinsoy cotton claster” MCHJga tashrif buyurdi.

🍇Korxonaga 400 gektar yer maydoni ajratilgan bo‘lib, 40 foiziga uzum ekilgan. “Kishmish”, “Kelin barmoq”, “Rizamat ota” hamda “So‘g‘diyona” navlari mazkur bog‘da ekilar ekan, “So‘g‘diyona” navining kuzda ekilishi hamda eksportbop ekanligi kishini e'tiborini o‘ziga jalb qiladi. E’tiborlisi, korxona rahbari o‘z mablag‘i hisobidan 60 gektar yer maydoniga uzum ko‘chatlari ekkan, buning zamirida esa daromad ko‘rishga bo‘lgan to‘liq ishonch yotadi.

Tashrif davomida bog‘bonlarning fikr-mulohazalari tinglandi. E'tiborlisi, Oltiariq hamda Oltinsoy tumanlari o‘rtasida mustahkam aloqalar va tajriba almashish yo‘lga qo‘yilgani alohida ta'kidlandi. Bog‘bonlarning eksportga mo‘ljallangan uzumlarni, yoinki ularning mayizlarini ham Yevropa talabiga muvofiq yetishtirishni yo‘lga qo‘yish masalalari muhokama qilindi.

Yana bir masala – yangi uzum qalamchalarini ekish, ularni yetkazib berish hamda zamonaviy laboratoriyada yetishtirish va amaliyotda, ya'ni bog‘ barpo etish borasida asosli fikrlar o‘rtaga tashlandi. Kasallikka chidamli, har tomonlama maqbul va jahon bozoriga to‘g‘ri keladigan navlarni ekish bo‘yicha ham alohida to‘xtalib o‘tildi. O‘z navbatida, bog‘bonlar suv masalasi , uning yechimlari borasida, undan tashqari qilinajak ishlar to‘g‘risida ham o‘zlarining fikrlarini aytib o‘tdilar. Konstruktiv ruhda kechgan ushbu samimiy uchrashuv tomonlar uchun manfaatli kechdi.

#tashrif #uzumzor #eksport #Kishmish #Rizamat_ota #Sogdiyona #Surxondaryo

🌐Vebsayt💬Telegram💬Facebook📺YouTube📷Instagram

DENOVDA PAXTA YIG‘IM-TERIMI AVJIDA

Ayni kunlarda yurtimizda paxta yig‘im-terim ishlari boshlangan. Hududarda zaminimizda yetishtirilgan “Oq oltin”ni o‘z vaqtida nes-nobud qilmasdan, qo‘l mehnati va terim mashinalari yordamida terib olish choralari ko‘rilmoqda.

Jumladan, Denov tumani hokimligi axborot xizmatining ma’lum qilishicha, tumandagi “Baxromov Farxod” fermer xo‘jaligining paxta dalalarida, ayni paytda, paxta terimchilarning ishi qizg‘in. Misol uchun, tumanda yashovchi Momogul Mamatqulova 60 yoshda bo‘lishiga qaramasdan, joriy mavsumda kuniga 200 kilogramm paxta termoqda.
*****
В ДЕНАУСКОМ РАЙОНЕ ПОЛНЫМ ХОДОМ ИДЕТ СБОР ХЛОПКА

В эти дни в Узбекистане повсеместно началась уборка хлопка. Принимаются все необходимые меры по своевременному сбору «Белого золота» без каких-либо потерь, используя ручной труд и хлопко уборочные комбайны.

Полным ходом идет сбор хлопка-сырца в районах Сурхандарьинской области, которая по праву считается южными воротами нашей страны. В частности, как сообщили в информационной службе администрации Денауского района, сборщики заняты работой на хлопковых плантациях фермерского хозяйства «Бахромов Фарход». Интересный факт-проживающая в районе Момогуль Маматкулова, несмотря на свой 60-летний возраст, ежедневно собирает по 200 килограммов хлопка.
#paxta #yigim_terim #qoshimcha_daromad #Surxondaryo

🌐Website💬Telegram💬Facebook📺YouTube📷Instagram

Surxondaryo viloyati paxta terimida birinchi bo‘lib marra chizig‘ini bosib o‘tdi

Davlatimiz rahbari Shavkat Mirziyoyev tashabbuslari bilan Surxondaryo paxtachiligida tub islohotlar amalga oshirilmoqda.

Viloyatning fermer va dehqonlari zamonaviy va resurs tejamkor texnologiyalar bilan paxtachilikda mehnat qilayotgani yuksak hurmat va e’tirofga loyiqdir.

Joriy yil viloyatda 1 846 fermer va paxta-to‘qimachilik klasterlari 74 078 gektar maydonga chigit ekib, bir tekis undirib olingan g‘o‘zani agrotexnik tadbirlar asosida parvarish qildi. Terimchilar bu yil 234 500 tonna paxta xomashyosini yig‘ib olib, qabul punktlariga topshirishni mo‘ljallagan edilar. Terim ohiriga kelib,  268 ming tonna paxta xomashyosi yig’ib olishdi va rejani ortigʻi bilan bajardilar

O‘tgan yilga nisbatan 13 ming tonna ko‘p paxta xomashyosi yetishtirilib, hosildorlik o‘rtacha 2-3 sentnerga oshgani, yaʼni, gektariga 37,1 sentnerni tashkil etgani katta e’tiborga loyiqdir.

Viloyatning azamat dehqonlari barcha tarmoqlarda barakali hosil yetishtirib, yuqori natijalarga erishganliklari tahsinga loyiq. Surxondaryo dalalarida esa hali hosil mo‘l, yig‘im-terim ishlari davom etmoqda.

#paxta #Surxondaryo

🌐Website💬Telegram💬Facebook📺YouTube📷Instagram

Yangilikka intiluvchan Surxon vohasi

📝Ilm-fan barcha yerda bo‘lgani kabi qishloq xo‘jaligi tarmog‘ining eng asosiy tayanchi hisoblanadi. Shuning uchun sohaga kadrlar tayyorlash, zamonaviy fikrlaydigan yoshlarning intilishini rag‘batlantirish har qachongidan muhim. Dunyoda rivoj topgan davlat borki, bilimga suyanadi. Sinash va tajriba o‘tkazishdan charchash yo‘q. Bizda ham mana shu tamoyil ustivor bo‘lmog‘i darkor.

🌍Hududlarda amalga oshirilayotgan islohotlar bilan tanishish maqsadida Surxondaryoga kelgan Qishloq xo‘jaligi vaziri Ibrohim Abdurahmonov ham dastlabki uchrashuvni ayni Termiz agrotexnologiyalar va innovatsiyalar institutidan boshlagani bejiz emas.

🌳Agrotarmoq bugungi kunda yangilikka intiluvchan, dunyoda bo‘layotgan o‘zgarishlarga doim tayyor hamda o‘zi ham yangilik yarata oladigan mutaxassislarga ehtiyoji har qachongidan yuqori. Ko‘pgina mamlakatlarda hosil yetishtirishdagi munosabat o‘zgargani rost. An'anaviy usullar chetga chiqib, bir yerdan bir nechta hosil ola bilgan mirishkor izzatda bugun. Sentnerndan karrasiga hirmon uyayotgan dehqonning mehnati qadr topmoqda.

✅I.Abdurahmonov ayni jihatlarga to‘xtalar ekan, dastavval institut professor-o‘qituvchilari bilan muloqot o‘tkazdi. Shundan so‘ng Surxondaryo viloyat qishloq xo’jaligi boshqarmasida 16 nafar paxta-to‘qimachilik va g‘allachilik klasterlari bilan ochiq muloqot o‘tkazildi.

📌Vazir Ibrohim Abdurahmonov klasterlar faoliyatiga muammoli masalalarni hal etishda, yuqori hosil olishda vazirlik, tizimdagi barcha tashkilotlar, hududiy boshqarmalar va tuman bo‘limlari ko‘makchi ekanligi va ular bilan uzviy hamkorlikda ish tashkil etishi zarur ekanligini ta’kidladi.

#agrar #surxondaryo #uchrashuv #institut

🌐Website💬Telegram💬Facebook📺YouTube📷Instagram

Aholini sifatli sut va go‘sht mahsulotlari bilan ta’minlash muhim vazifa

🐄Chorvachilik tarmog‘ini jadal rivojlantirish xalqimizni arzon va sifatli go‘sht hamda boshqa oziq-ovqat mahsulotlari bilan ta’minlash, ayniqsa, qishloq joylarida istiqomat qilayotgan fuqarolarning bandligini oshirish va daromadlarini ko‘paytirishda muhim o‘rin tutadi.

🏫Surxondaryo viloyati, Muzrabot tumanidagi “Mexnat Roxat” X/K ga qarashli chorvachilik hamda baliqchilikka ixtisoslashgan kompleks ham ayni shu maqsadlarni olg‘a surayotgan korxonalardan biri.

✅Qishloq xo‘jaligi vaziri Ibrohim Abdurahmonovning navbatdagi tashrifi ham aynan shu lokatsiyada bo‘lgani ham bejiz emas.

🥛Korxona asosan sut va go‘sht ishlab chiqarishga ixtisoslashgan. Ushbu majmuada 647 bosh “Simmental” zotli qoramol parvarishlanmoqda. Yillik ishlab chiqarish hajmi 810 tonna sut va 105 tonna go‘shtni tashkil etadi. Korxonaga tegishli 2 gektar maydon baliqchilik uchun ajratilgan.

🐟Ulkan maqsadlarni ko‘zlagan mazkur korxonada asosan “Oq amur” baliqlari yetishtirilmoqda. E’tiborlisi, xo‘jalik bir yilda 15 tonna baliq mahsulotlarini yetishtirib, mahalliy bozorga sotuvga chiqarmoqda.

⏩Vazir korxonani ko‘zdan kechirar ekan, o‘z navbatida fermer xo‘jaliklarining fikr va mulohazalarini tinglab, xalqimizning chorvachilikni rivojlantirish borasidagi tadbirkorlik tashabbuslarini har tomonlama qo‘llab-quvvatlash, import o‘rnini bosuvchi va eksportbop chorva mahsulotlarini ishlab chiqarish va qayta ishlashni yanada rag‘batlantirish, pirovardida aholi farovonligini yuksaltirish va daromadlarini ko‘paytirish va aholini sifatli go‘sht va sut mahsulotlari bilan ta’minlashda zamonaviy qishloq xo‘jaligi texnologiyalarini keng tatbiq etish, masalalariga alohida to‘xtalib o‘tdi.

#agrar #vazir #ibaliqchilik #chorvachilik #surxondaryo

🌐Website💬Telegram💬Facebook📺YouTube📷Instagram

Ko‘ptarmoqli tadbirkorlik rivoj topmoqda

🐓Tovuq – yetti xazinaning biri, deb bejizga aytishmaydi. Tovuq nafaqat tuxumi, balki go‘shti bilan ham oilalarga baraka olib kiradi. Shu bois ham hozirda davlatimizda parrandachilikka ixtisoslashtirilgan korxonalarning sonini yana-da ko‘paytirish, ularning rivojlanishi uchun imkoniyat va sharoitlar yaratib berishga harakat qilinmoqda.

🌍Xususan, Surxondaryo viloyatining Qumqo‘rg‘on tumanidagi “Niyozov Abulqosim” x/k ham mana shunday imkoniyat va imtiyozlardan foydalanib rivojlanayotgan korxonalardan biri. Ushbu korxonada 45 ming bosh parranda mavjud bo‘lib, yiliga 6 mln dona tuxum yetishtirilmoqda.

📍Vazirning navbatdagi ushbu tashrif obyekti aynan shu manzilga belgilandi.

📌Bugun mamlakatimizdagi qishloq xo‘jaligi sohasida faoliyat olib borayotgan korxona, tashkilotlar yanada ko‘proq mahsulot ishlab chiqarish va yuqori samaradorlikka erishish uchun xorijning eng so‘nggi texnologiyalarini olib kelib, ulardan foydalanishmoqda. Ushbu texnologiyalarning afzalligi shundaki, ular avtomatlashtirilgan bo‘lib, tovuqlarga beriladigan ozuqadan tortib, tuxumlar sifatli va foydalilik xususiyatini saqlagan holda yetishtirilgungacha barchasi kompyuter nazorati ostida amalga oshiriladi.

⏩Navbatdagi lokatsiya mazkur korxonaga yondosh hududda joylashgan “Qumtex invest” Q/K MChJ bo‘ldi.

✅12 gektar yer maydonida barpo etilayotgan korxona tez fursatlarda ishga tushishi belgilangan. Tadbirkorning o‘z mablag‘lari hisobidan qurilayotgan majmua ishga tushgach 1150 nafar surxonlik yigit-qizlarni ish ta’minlaydi.

⏺Bu yerda vohaning ingichka tolali paxta navidan tayyorlangan eng sifatli kiyim-kechak mahsulotlari nafaqat milliy bozorni, balki Yevropaning eng nufuzli supermarketlar tarmog‘ini to‘ldirishi shubhasiz.

#agrar #vazir #qurilish #surxondaryo

🌐Website💬Telegram💬Facebook📺YouTube📷Instagram