KARTOSHKA HAQIDA QIZIQARLI FAKTLAR:

🟢Kartoshkaning vatani Janubiy va Markaziy Amerika mamlakatlari hisoblanadi, uni birinchi marta 1536-1537-yillarda ispan dengizchilari kashf etgan.
🟢XVI asr oxiri va XVII asr davomida kartoshka butun Yevropa qit‘asiga tarqaldi.
🟢O‘zbekistonda kartoshka ilk bor 1855-1856-yillarda paydo bo‘lgan. Uni Toshkent yaqinidagi Noʻgʻay-Qoʻrgʻon va Burch-mulla qishloqlariga Gʻarbiy Sibirdan qochoq tatarlar olib kelishgan.
🟢1995-yilda kartoshka kosmosda yetishtirilgan birinchi sabzavotga aylandi.
🟢Kartoshkada ko‘p miqdorda C vitamini, PP vitamini, B vitamin guruhlari hamda temir, fosfor, kaliy, magniy, marganes, rux, ftor, mis minerallari mavjud.
🟢Kartoshkadagi barcha mineral moddalarning 70% ni kaliy tuzlari tashkil etadi. Kaliy tanadan suv va osh tuzini ketkazishga yordam beradi.
🟢Uning kaloriyaviy miqdori ancha yuqori: 100 gr. - 83 kkal. Bu boshqa sabzavotlarga qaraganda 2-3 barobar ko‘p.
🟢Diyetologlarning fikricha, yoshi kattalar uchun kartoshkaning kunlik normasi 250 gr.dan oshmaydi.

Infografikada ushbu ekinni yetishtirish bo‘yicha ulushi eng ko‘p bo‘lgan respublikamizning hududlarini taqdim etamiz.

#infografika #kartoshka #foydali #fakt

WWW • TELEGRAM • FACEBOOK • YOUTUBE • INSTAGRAM

YERDAN BARAKA TOPAYOTGAN FERMER

🌱Qashqadaryo viloyati Qamashi tumanidagi “Nurmonova Xurshida” fermer xo‘jaligi a’zolari ezgu maqsadni diliga tugib, yerga urug‘ qadaganlardan. Tashkil etilganiga unchalik ko‘p bo‘lmagan bo‘lsa-da, fermer xo‘jaligi hozirda yetishtirgan mahsuloti bilan nafaqat qishloq xo‘jaligining rivojiga, balki mahalliy bozorlarning to‘kinligiga ham o‘z hissasini qo‘shmoqda.

“Nurmonova Xurshida” fermer xo‘jaligi 2019-yilda o‘z faoliyatini boshlagan. Hozirda fermer xo‘jaligining 18 gektar yer maydonida turli sabzavot ekinlari ekilmoqda. Xususan, 3 gektar yer maydoniga ertapishar piyoz ekildi. Shuningdek, 3 gektar maydonga ekilgan sarimsoqdan mo‘l hosil olinib, eksportga yuborish arafasida.

Ishning ko‘zini bilgan fermerning bir qarich yeri ham bo‘sh qolmayapdi. 5 gektarlik maydon “Lajain” navli pomidorga ajratildi. Ushbu nav suvsizlikka chidamli, yuqori hosildorligi bilan ajralib turadi. Shuningdek, fermer xo‘jaligi Gollandiyaning “Evolyushn”, “Arizona” navli kartoshkalarini ham sinov tariqasida ekdi. Ushbu kartoshka navi mamlakatimizning tuproq iqlim sharoitiga mosligi va yuqori hosildorligi bilan ajralib turadi.

#fermer #dehqon #sabzavot_ekinlari #ertapishar_piyoz #pomidor #kartoshka #eksport

Vebsayt • Telegram • Facebook • YouTube • Instagram

📈 TAKRORIY EKIN — QO‘SHIMCHA DAROMAD MANBAI

So‘nggi yillarda hukumatimiz tomonidan qishloq xo‘jaligi sohasini rivojlantirishda yaratilayotgan imkoniyatlardan unumli foydalangan fermer va dehqonlar sohaga innovatsion, samarali usullarni joriy etish orqali yiliga 2-3 martagacha yuqori mahsuldorlikka erishish yo‘lida izlanmoqdalar.

🥔 Jumladan,  Jizzax viloyati Baxmal tumanidagi “Gulbuloq sabzavotlar makoni ” fermer xo‘jaligi rahbari O‘g‘iloy Uralova ham ana shunday ilg‘or sohaning izlanuvchan fidoiylaridan desak mubolag‘a bo‘lmaydi. U fermer xo‘jaligi balansidagi 8 gektar yer maydonidan unumli foydalanib yiliga ikki martadan hosil olmoqda. Fermer xo‘jaligi faoliyat turi sabzavotchilik yo‘nalishiga ixtisoslashgan bo‘lib, asosan turli xil qishloq xo‘jaligi mahsulotlarini yetishtiradi. Ma’lumki, mirishkorlar uchun yilning 4 faslida ham ish qizg‘in kechadi. Ayni kunlarda O‘g‘iloy opa fermer xo‘jaligida ham ikkinchi ekin hosilini yig‘ishtirish arafasida. Fermer xo‘jaligining g‘alladan bo‘shagan yer maydonlarida ikkinchi ekin sifatida 2 gektarida loviya, 6 gektarida kartoshka parvarishlagan. Ma’lum qilinishicha, poliz maydonida Pokiston davlatining “Savella” kartoshka navi ekilgan bo‘lib, ushbu kartoshka bahorgi birinchi mavsumda ekilganda gektariga 30-35 tonna hosil bersa, kuzgi mavsumda takroriy ekin sifatida ekilsa, gektariga 20 tonna hosil olish mumkin. Dehqon opamizning ta’kidlashicha, hozirda ob-havoning noqulay sharoiti sabab loviya hosilini yig‘ishtirmay turibdi.

🔸 Agarda loviya hozir yig‘ib olinsa, hosilga nam tegishi natijasida unga sifatiga zarar yetishi mumkin. Shu boisdan, hosilni joyida saqlab 4-5 kundan keyin ob-havo issiq bo‘lishi bilan yig‘ib olishni rejalashtirilmoqda. Xo‘jalik yerlarida yetishtirilgan kartoshka va sabzavot ekinlari aholi dasturxonlariga yetkazish uchun mahalliy bozorlar rastalariga sotishga peshma-pesh yetkazib beriladi.

#kartoshka #daromad_manbai

🌐Website💬Telegram💬Facebook📺YouTube📷Instagram