ITALIYA AGROBIZNESI O‘ZBEKISTON CHORVACHILIGIGA 90 MLN YEVRO INVESTITSIYA KIRITADI
🇺🇿🤝🇮🇹
Italiya chorvadorlar uyushmasi, o‘zbekistonlik hamkorlar bilan birgalikda, Mirzaobod va Quyi Chirchiq tumanlarida jami 90 mln yevroga teng ikkita loyihani joriy qiladi.

O‘zbekiston Respublikasi Prezidenti Shavkat Mirziyoyevning Italiyaga rasmiy tashrifi doirasida O‘zbekiston Qishloq xo‘jaligi vazirligi va Italiya chorvadorlari uyushmasi o‘rtasida Anglashuv memorandumi imzolandi.

Aytish kerakki, Italiya chorvadorlari uyushmasi o‘z sohasida Yevropadagi eng yirik tashkilot bo‘lib, 40 000 a’zoga ega. Tashkilotning 14 ta shaxsiy veterinariya va genetik laboratoriyalari mavjud. Uyushma O‘zbekiston bilan bir qancha loyihalarni amalga oshirishda hamkorlik tajribasiga ega. Jumladan Toshkent viloyatida dunyodagi eng yirik quyonchilik fermalaridan birini tashkil etish loyihasini amalga oshirgan. Fermer xo‘jaligi negizida har yili 2 million boshgacha quyon boqish, shuningdek, chorva ozuqasi, tabiiy o‘g‘it va go‘sht mahsulotlari yetishtirish rejalashtirilgan.

#xalqaro_hamkorlik #biznes_forum #qishloq_xojaligi #memorandum #chorvachilik #Ozbekiston #Italiya

Vebsayt • Telegram • Facebook • YouTube • Instagram

O‘ZBEKISTON–VENGRIYA: AGROTA'LIM SOHASIDAGI HAMKORLIK RIVOJLANMOQDA

🤝Shu kunlarda O‘zbekiston Qishloq xo‘jaligi vazirligi delegatsiyasi Vengriyada amaliy tashrif bilan bo‘lib turibdi.
Ushbu mamlakat poytaxti – Budapesht shahrida Qishloq xo‘jaligi vazirining o‘rinbosari Umid Mamadaminov Vengriyaning Niredxaza universiteti rektori Gyorgi Szabo bilan uchrashdi.

Muzokaralarda qishloq xo‘jaligi sohasida oliy ma'lumotli kadrlar tayyorlash yo‘nalishida ikki mamlakat ilm dargohlarining hamkorligini yo‘lga qo‘yish masalasi muhokama etildi. Aytish kerakki, Niredxaza universiteti Vengriyaning yetakchi oliy ta'lim muassasalaridan biri bo‘lib, ilmiy izlanishlar, yuqori sifatli ta'lim va talabalar uchun yuksak e'tibor uyg‘unlashgani bilan xalqaro miqyosda obro‘ qozongan.

Uchrashuvda universitet rektori Gyorgi Szabo o‘zbekistonlik talabalarni grant asosida o‘qitish imkoniyati mavjudligini bildirdi. O‘zbekiston tomoni Vengriya ta'lim tizimiga ishonch bildirib, o‘zbek yoshlarini ushbu mamlakatga tahsil olish uchun yo‘llashga tayyorligini e'lon qildi.
O‘zaro muzokaralar natijasi o‘laroq, ikki tomon o‘rtasida mazkur universitetda yurtimiz yoshlarini grant asosida ta'limga jalb qilish bo‘yicha o‘zaro Anglashuv Memorandumi imzolandi.

Memorandumga ko‘ra, yiliga 8-10 nafar o‘zbekistonlik yoshlar Niredxaza universitetida qishloq xo‘jaligining turli yo‘nalishlari bo‘yicha grant asosida tahsil olish imkoniyatiga ega bo‘ladi.

#xalqaro_hamkorlik #memorandum

🌐Vebsayt💬Telegram💬Facebook📺YouTube📷Instagram

XITOY VA O‘ZBEKISTON OLIYGOHLARI O‘RTASIDA HAMKORLIK MUNOSABATLARI RIVOJLANMOQDA

🤝Bugun oliy taʼlim tizimida ham izchil islohotlar amalga oshirilmoqda. Ularning ijrosida esa, nafaqat mamlakatimizdagi, balki xorijlik hamkorlarning tajribalaridan keng foydalanish bo‘yicha aniq tizim ishlab chiqilgan.

Toshkent davlat agrar universitetida Xitoy–O‘zbekiston ta’lim ko‘rgazmasi bo‘lib o‘tdi va unda respublikamizning 20 dan ortiq oliy o‘quv yurti vakillari, talabalar ishtirok etishdi.

Jumladan, Toshkent davlat agrar universiteti va Xitoy Xalq Respublikasining Shimoli-g‘arbiy qishloq xo‘jaligi va o‘rmonchilik universiteti (NWAFU) hamda  O‘rmon xo‘jaligi universiteti bilan shartnoma imzolandi. Unga ko‘ra, Toshkent davlat agrar universitetining bitiruvchi talabalari Xitoydagi oliygohlarda o‘qishini davom ettirishi, ikki tomonlama diplom olishi, olim va o‘qituvchilar esa malaka oshirishi, ilmiy-tadqiqot institutlari bilan hamkorlikni yo‘lga qo‘yishi rejalashtirilmoqda.

Tadbir davomida Xitoy delegatsiyasi mamlakatimizda faoliyat olib borayotgan bir qancha universitet, ilmiy-tadqiqot institutlari rahbarlari bilan ham kelishuv Memorandumlarini imzolashdi.

#xalqaro_hamkorlik #delegatsiya #memorandum #oliy_talim_tizimi #TDAU

🌐Website💬Telegram💬Facebook📺YouTube📷Instagram

🇺🇿O‘ZBEKISTON - 🇨🇿CHEXIYA BIZNES-FORUMI BO'LIB O'TDI

Joriy yilning 11-oktabr kuni Toshkentda O'zbekiston va Chexiya Qishloq xo‘jaligi vazirliklari hamda O‘zbekiston Savdo-sanoat palatasi hamda Chexiya Respublikasi Sanoat va transport ittifoqi ko‘magida tashkil etilgan birinchi O‘zbekiston-Chexiya biznes-forumi bo‘lib o‘tdi.

✅ Unda O‘zbekiston Respublikasi Qishloq xo‘jaligi vaziri Aziz Voitov, Chexiya Respublikasi Qishloq xo‘jaligi vaziri Marek Vyborniy, O‘zbekiston Savdo-sanoat palatasi raisining birinchi o‘rinbosari Islom Jasimov, shuningdek, ikki mamlakat qishloq xo‘jaligi birlashmalari, korxona va tashkilotlari vakillari ishtirok etdi.

Forumdan ko‘zlangan asosiy maqsad esa, muloqot o‘rnatish va o‘zaro manfaat keltirishi mumkin bo‘lgan qo‘shma istiqbolli loyihalarni aniqlash uchun platforma yaratish va rivojlantirishdan iborat.

Bugungi kunda O‘zbekiston va Chexiya o‘rtasidagi qishloq xo‘jaligi sohasidagi savdo aloqalari ijobiy o‘sish dinamikasini ko‘rsatmoqda.

Bu ishlarning davomi o‘laroq, O‘zbekiston Qishloq xo‘jaligi vazir hamda Chexiya Respublikasi Qishloq xo‘jaligi vaziri Marek Vyborniy o‘rtasida anglashuv memorandum imzolandi. Bu esa ikki davlat savdo salohiyatini yanada oshirish uchun asos bo‘lib xizmat qiladi.

#biznes_forum #memorandum

🌐Website💬Telegram💬Facebook📺YouTube📷Instagram