AGROJURNALISTIKANING MAQSAD-VAZIFALARIGA BAG‘ISHLANGAN SEMINAR O‘TKAZILDI
🟩🟩🟩🟩
Xalqaro qishloq xo‘jaligi universitetida o‘tkazilgan “Hayot fanlari festivali” doirasida qishloq xo‘jaligi sohasini yorituvchi jurnalistlar uchun seminar tashkil etildi.

Ommaviy axborot vositalari va Qishloq xo‘jaligi vazirligi qoshidagi Media-markaz vakillari ishtirok etgan tadbirda Toshkent Xalqaro qishloq xo‘jaligi universiteti prorektori Slavomir Vroblevski qishloq xo‘jaligi jurnalistikasida jahon tajribasi haqida o‘z fikrlari bilan o‘rtoqlashdi. Xususan, davlat idoralari, agrobiznes, ilmiy-o‘quv muassasalari va aholi o‘rtasida ishonchli munosabatlar o‘rnatilishida medianing o‘rnini yuqori baholadi.

Shuningdek, tadbirda Qishloq xo‘jaligi vazirligi aholi va mutaxassislarning qishloq xo‘jaligi sohasidagi tendensiyalardan xabardorligini oshirish va sohani ommalashtirish maqsadlarida, agrar sohaga oid eng yaxshi ijodiy ishlar uchun tanlov e’lon qilganligi ta’kidlab o‘tildi.

#OAV #Qishloq_xojaligi_vazirligi #media_markaz #IAU #seminar

Vebsayt • Telegram • Facebook • YouTube • Instagram

QISHLOQ XO‘JALIGI SOHASIDA RO‘YXATDAN O‘TKAZISH BO‘YICHA POLSHA TAJRIBASI O‘RGANILDI

🤝Qishloq xo‘jaligi vazirligi, O‘zbekiston Respublikasi Prezidenti huzuridagi Statistika agentligi hamda Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazining (ISCAD) mutaxassislaridan iborat guruh Yevropa Ittifoqining ASK (Qishloq xo‘jaligini qo‘llab-quvvatlash va soha bilimlarini oshirish) dasturi doirasida Polsha Markaziy statistika ofisi va Qishloq xo‘jaligi va qishloq joylarini rivojlantirish vazirligiga tashrif buyurdi.

Polsha Markaziy statistika ofisi tomonidan milliy qishloq xo‘jaligi sohasida ro‘yxatdan o‘tkazish jarayoni amalga oshirib kelinmoqda. 2010-yildan milliy qishloq xo‘jaligini ro‘yxatdan o‘tkazishdan boshlab yangi so‘rov metodologiyasi qo‘llanila boshlandi. Unga ko‘ra, ro‘yxatga olinishi kerak bo‘lganlar o‘zini onlayn ro‘yxatlashtirishi, intervyu oluvchi tomonidan telefon orqali suhbat yoki ro‘yxatlashtirayotgan agent tomonidan o‘tkaziladigan yuzma-yuz muloqot orqali maʼlumot berishi yo‘lga qo‘yildi.

#xalqaro_hamkorlik #tashrif #Qishloq_xojaligi_vazirligi #ISCAD #ASK #royxatdan_otkazish_jarayoni #Polsha

🌐Vebsayt💬Telegram💬Facebook📺YouTube📷Instagram

YANGI O‘ZBEKISTON QISHLOQ XO‘JALIGI: IMKONIYATLAR VA ISTIQBOLLAR

🔰Shu lahzalarda, Toshkentda “Barqaror rivojlanish maqsadlari: oziq ovqat xavfsizligi va suv ta’minoti” xalqaro konferensiyasi bo‘lib o‘tmoqda. Eslatib o‘tamiz, tadbir 3-iyulda boshlangan “Yangi O‘zbekiston: taraqqiyot, innovatsiya va ma'rifat” mavzusidagi xalqaro sheriklik tashabbuslari haftaligi doirasida tashkil etildi.

Xalqaro konferensiyada Qishloq xo‘jaligi vazirligi, tizim tashkilotlari rahbariyati va mutaxassislari bilan bir qatorda, ko‘zga ko‘ringan xalqaro ekspertlar, xorijiy mehmonlar – jami yuzga yaqin ishtirokchilar qatnashmoqda.

Konferensiya moderatorlari – to‘g‘ridan-to‘g‘ri investitsiya masalalari bo‘yicha yetakchi mutaxassis, “FDI Magazine” va “Investment monitor” jurnali nashrlarining sobiq bosh muharriri Kortni Finger hamda O‘zbekiston Qishloq xo‘jaligi vazirining maslahatchisi Alisher Shukurov.

Anjuman ikki seksiyadan iborat: “Yangi O‘zbekistonda 2030-yilgacha qishloq xo‘jaligining rivojlanish strategiyasi: imkoniyatlar va istiqbollar” va “Suv resurslarini tejash zarurati – zamon talabi”. Konferensiyani qishloq xo‘jaligi vaziri Aziz Voitov kirish so‘zi bilan ochib berdi.

Tadbirda, shuningdek, Turkiya qishloq va o‘rmon xo‘jaligi vazirining maslahatchisi Vedat Mirmahmudogullari, Vengriya Kartoshkachilik ilmiy markazi direktori Szolt Polgar, “Swiss NeWater Holding” kompaniyasi (Shveysariya) asoschisi Klod Begl va boshqa martabali mehmonlar va ko‘zga ko‘ringan xalqaro ekspertlarning chiqishlari ko‘zda tutilgan.

#xalqaro_konferensiya #Yangi_Ozbekiston #Qishloq_xojaligi_vazirligi

🌐Vebsayt💬Telegram💬Facebook📺YouTube📷Instagram

OZIQ-OVQAT SEKTORIDA STRATEGIK REJALASHTIRISH MASALALARI MUHOKAMA ETILDI

👥Toshkentda “Qishloq xo‘jaligi va oziq-ovqat sektorini strategik rejalashtirish” mavzusiga bag‘ishlangan davra suhbati o‘tkazildi.

Tadbirda Qishloq xo‘jaligi vazirligi rahbariyati, maslahatchilar hamda Yevropa Ittifoqi ASK dasturi xalqaro ekspertlari ishtirok etdilar. Norasmiy tarzda, do‘stona muhitda o‘tgan tadbirda Qishloq xo‘jaligi va oziq-ovqat sektorini isloh qilishni strategik boshqarish, ustuvor yo‘nalishlarni belgilash, taraqqiyotni monitoring qilish va hisobot berishning samarali tizimini yaratish masalalari muhokama etildi.

Shuningdek, yevropa Ittifoqi ASK dasturi xalqaro ekspertlari qishloq xo‘jaligi va oziq-ovqat sektorini isloh qilishning konsolidatsiyalashgan va ustuvor rejasini ishlab chiqish yuzasidan o‘z fikr-mulohazalarini bildirdilar.

2023-2024-yillar uchun rejalashtirish va ustuvorliklarni belgilash jarayonini joriy va istiqboldagi mavjud byudjet resurslari bilan bog‘lash mexanizmi va jarayonini yaratish ham davra suhbati ishtirokchilarining diqqat markazida bo‘ldi.

Tadbir davomida mavjud tizimning SWOT tahlili va taklif qilinayotgan muqobil variantlar o‘rganildi, Konsolidatsiyalangan amalga oshirish yo‘l xaritasi ko‘rib chiqildi, ustuvorliklar belgilandi hamda bu yo‘nalishdagi keyingi harakatlar kelishib olindi.

#davra_suhbati #Qishloq_xojaligi_vazirligi #Yevropa_Ittifoqi

🌐Vebsayt💬Telegram💬Facebook📺YouTube📷Instagram

“CROPAGRO” TIZIMIDAN FOYDALANISH KO‘NIKMALARI RIVOJLANTIRILMOQDA

👥Joriy haftada Qoraqalpog‘iston Respublikasi va barcha viloyatlarda Qishloq xo‘jaligi vazirligining “CropAgro” axborot tizimidan foydalanish masalalariga doir seminar-treninglar davom etmoqda.

Tizim ekinlarni yer konturlari kesimida rejalashtirish, bunda yerning tuproq tavsifi, suv bilan ta'minlanganligi va hududning ixtisoslashuvlarini hisobga olish, tegishli axborot tizimlariga mahsulot yetishtiruvchilarning manfaatli elektron ma'lumotlarni taqdim etishni kengaytirish maqsadida ishlab chiqilgan.

Qishloq xo‘jaligi vazirligi, Suv xo‘jaligi vazirligi, O‘zbekiston fermer, dehqon xo‘jaliklari va tomorqa yer egalari kengashlari tuman bo‘limlari hamda "O‘zdaverloyiha" DILI hududiy bo‘linmalari uchun tashkil etilayotgan tadbirlarda vazirlik va "Agrosanoatni raqamlashtirish markazi" DM mutaxassislari axborot tizimida ishlash, yerlar va ekinlarga oid bo‘lgan ma'lumotlar va hisobotlarni shakllantirish, tizimning imkoniyatlari va afzalliklari to‘g‘risida batafsil ma'lumot berilmoqda.

Shu bilan birga, mutaxassislarga “CropAgro” axborot tizimidan foydalanish ko‘nikmalarini shakllantirishga ko‘maklashilmoqda.

#Agrosanoatni_raqamlashtirish_markazi #Qishloq_xojaligi_vazirligi #Suv_xojaligi_vazirligi #Ozdaverloyiha #CropAgro_axborot_tizimi

🌐Vebsayt💬Telegram💬Facebook📺YouTube📷Instagram

AGROTARMOQ STRATEGIK RIVOJI: QISHLOQ XO‘JALIGINI REJALASHTIRISHDAGI USTUVORLIK

👥So‘nggi yillarda faqat qishloq xo‘jaligi transformatsiyasiga qaratilgan bir necha qonuniy hujjatlar qabul qilinib, amaliyotga joriy etilgani ham qishloq xo‘jaligi sohasidagi islohotlar qanday ahamiyatga ega ekanini ko‘rsatib turibdi. Bu to‘g‘ri. Lekin soha vakillari, turli yo‘nalishlarda agrotarmoqni taqdim etayotgan mutaxassislar mana shu o‘zgarishlarga tayyormi? Haqli savol. Chunki barcha o‘zgarish va yangilanish, avvalambor, eng quyi bo‘g‘indan boshlab natija bersagina yuqoridagi savollarga javob berilgan bo‘ladi.

Shu va boshqa muhim masalalar Qishloq xo‘jaligi vaziri Aziz Voitov hamda Yevropa Ittifoqining agroyo‘nalishdagi yetuk eksperti Adrian Nil hamkorligida tashkil etilgan davra suhbatida muhokama markazidan o‘rin oldi. O‘zbekiston mintaqada agrosalohiyati yetuk mamlakat. Buni ko‘z-ko‘z qilib emas, soha ertasi, yurt rivoji, aholi ma’murligi uchun foydalanish manbasiga aylantirish lozim. Organik qishloq xo‘jaligi, dunyoga O‘zbekiston mahsuloti brendi targ‘ibotini tarqatish va eng asosiysi, 2030-yilga qadar sohani strategik rivojlantirish masalalari ishtirokchilar tomonidan tahlil qilindi.

#davra_suhbati #vazir #aqlli_qishloq_xojaligi #transformatsiya #Qishloq_xojaligi_vazirligi #Yevropa_Ittifoqi

🌐Vebsayt💬Telegram💬Facebook📺YouTube📷Instagram

QISHLOQ XO‘JALIGI VAZIRLIGIDA YANGI TAYINLANGAN O‘RINBOSARLAR TANISHTIRUVI BO‘LIB O‘TDI

👥Bugun Qishloq xo‘jaligi vaziri Aziz Voitov boshchiligida bo‘lib o‘tgan yig‘ilishda vazirlik tizimidagi agentlik va qo‘mitalar, tizim tashkilotlari rahbarlari va boshqarma boshliqlari ishtirok etdi. Unda agrar sohaning barcha tarmoqlarini birdek rivojlantirish borasida olib borilayotgan ishlar tahlil qilinib, amalga oshirilishi lozim bo‘lgan galdagi vazifalar belgilab olindi.

Tadbirda O‘zbekiston Respublikasi Prezidentining tegishli qarori bilan Qishloq xo‘jaligi vaziriga yangi tayinlangan o‘rinbosarlar – vazirning birinchi o‘rinbosari Botir Normahmadovich Tog‘aev va vazir o‘rinbosari Alisher Nematullaevich Shukurov jamoaga tanishtirildi.

Shuningdek, Qishloq xo‘jaligi vaziri Aziz Voitovning buyrug‘i bilan vazirlik kotibiyat rahbarining birinchi o‘rinbosari lavozimida ish boshlagan Asliddin Rashidovich Bozorov ham tanishtirildi.
*****
СОСТОЯЛОСЬ ПРЕДСТАВЛЕНИЕ НОВЫХ НАЗНАЧЕННЫХ ЗАМЕСТИТЕЛЕЙ МИНИСТРА СЕЛЬСКОГО ХОЗЯЙСТВА

👥Сегодня в совещании под председательством министра сельского хозяйства Азиза Воитова приняли участие руководители агентств и комитетов в системе министерства, руководство структурных подразделений и начальники управлений Минсельхоза. В ходе которого была проанализирована работа, проводимая по целостному развитию всех отраслей аграрного сектора, и определены основные задачи, требующие реализации.

В ходе мероприятия были представлены новые заместители министра сельского хозяйства – первый заместитель министра Ботир Нормахмадович Тогаев и заместитель министра Алишер Нематуллаевич Шукуров, назначенные соответствующим постановлением Президента Республики Узбекистан.

Также был представлен Аслиддин Рашидович Бозоров, начавший работать первым заместителем руководителя секретариата министерства согласно приказу министра сельского хозяйства Азиза Воитова.

#vazir #Qishloq_xojaligi_vazirligi #tayinlov #tanishtiruv #министр #Министерство_сельского_хозяйства #назначение

🌐Vebsayt💬Telegram💬Facebook📺YouTube📷Instagram

AGRAR SOHADA “O‘ZBEKKOSMOS” AGENTLIGI BILAN HAMKORLIK ISTIQBOLLARI

🤝Qishloq xo‘jaligi vaziri Aziz Voitov O‘zbekiston Respublikasi Raqamli texnologiyalar vazirligi huzuridagi Kosmik tadqiqotlar va texnologiyalar agentligi direktori Shuxrat Kadirov boshchiligidagi agentlik vakillari bilan uchrashdi.

Yig‘ilishda “O‘zbekkosmos” agentligi tomonidan suv resurslarini boshqarishni raqamlashtirish borasidagi tajriba, katta hajmdagi maydonlarga ilg‘or texnologiyalar yordamida ishlov berish bo‘yicha platformani joriy etish istiqbollari muhokama qilindi.

Bunda, Qishloq xo‘jaligi vazirligi tashabbusi bilan amalga oshirilayotgan suv manbasidan ekin joylashgan konturgacha bo‘lgan sug‘orish ishlarini monitoring qilish, ekinlarning suvga bo‘lgan ehtiyojini va sug‘orish samaradorligini baholash bo‘yicha loyihaning joriy holati ko‘rib chiqildi.

#uchrashuv #hamkorlik #Qishloq_xojaligi_vazirligi #Ozbekkosmos #geoaxborot_texnologiyalari #raqamlashtirish

🌐Vebsayt💬Telegram💬Facebook📺YouTube📷Instagram