YERLAR DEGRADATSIYASI MASALASI MUHOKAMA QILINDI

💧Bugun respublikamizda yerlar degradatsiyasi va unga qarshi kurashish borasida ko‘pgina ishlar amalga oshirilmoqda.

2023-yil 31-mayda O‘zbekiston Respublikasi Qishloq xo‘jaligi vazirligida bo‘lib o‘tgan tadbirda ham aynan yerlar degradatsiyasiga qarshi kurashish tadbirlarini amalga oshirish, yagona makonda shakllantirish va foydalanish masalalari muhokama qilindi.

Maʼlumki, respublikamizda mavjud yerlar degradatsiya tadbirlari monitoringini yuritish, baholash va zarur chora-tadbirlarni belgilash maqsadida Qishloq xo‘jaligi vazirligida “Yer degradatsiyasi” geoportalining dastlabki tahriri ishlab chiqildi va ishga tushirildi.

Ushbu yo‘nalishda faoliyat olib borayotgan ma‘sul vazirlik va idoralar mutaxassislari ishtirokidagi tadbirda esa “Yer degradatsiyasi” geoportalini takomillashtirishda fazoviiy ma‘lumotlarni shakllantirish, uning tuzilmasi, idoralararo ma‘lumot uzatish, hisobot shakllari va boshqa masalalarga e‘tibor qaratildi.

Shuningdek, tegishli texnik yo‘riqnomalarni ishlab chiqish va idoralarda shakllanayotgan ma‘lumotlar almashinuvini kengaytirish bo‘yicha ham o‘zaro kelishib olindi.

#Yer_degradatsiyasi #geoportal #qishloq_xojaligi

Vebsayt • Telegram • Facebook • YouTube • Instagram