XORIJIY TAJRIBA, ZAMONAVIY TEXNOLOGIYA VA YANGI NAVLAR – KATTA HOSIL GAROVI

🔰Seminar ishtirokchilari viloyatdagi “Agro Eko Technology” MChJga qarashli 67 gektar maydonda Xitoy tajribasi asosida parvarishlanayotgan g‘o‘za maydoniga tashrif buyurishdi.

Ushbu maydonlarda chigitning "Sulton" navi plyonka ostiga qator orasi 76 sm qilib ekilgan bo‘lib, bu yerda 100% tomchilatib sug‘orish joriy etilgan.

Hozirgi kunda maydonda asosan g‘o‘zani bargidan oziqlantirish ishlari olib borilmoqda. 3 marta o‘sishni sozlovchi biostimulyatorlar bilan suspenziya sepildi.

Maʼlumot o‘rnida. Sirdaryo viloyatida joriy 2023-yil hosili uchun jami 77,5 ming gektar maydonda g‘o‘za parvarishlanmoqda. Viloyatda tuproq-iqlim sharoitiga mos va turli stress omillarga bardoshli 3 ta yangi g‘o‘za navlari (Ravnaq-1, Yuksalish, SSB-Klaster-1) ekilgan maydon 4,0 ming gektarga kengaytirildi va ertapishar navlar maydoni 67 foizga yetdi.

Shuningdek, 2019-2023 yillar davomida 13 ming (17 %) ga paxta maydonlarida tomchilatib sug‘orish tizimi joriy qilindi.

Natijada yiliga 26 mln kubometrga yaqin suv tejalib, hosildorlik gektariga 26,2 sentnerdan 32,1 sentnerga yetkazildi, ya'ni o‘rtacha paxta hosildorligi 6,0 sentnerga (123 %) oshirildi.

#seminar #paxta #tomchilatib_sugorish #hosildorlik #Sirdaryo

🌐Vebsayt💬Telegram💬Facebook📺YouTube📷Instagram

Turli iqlim sharoitiga mos ko‘chat navlari ko‘zdan kechirildi

🔰 O‘zbekiston Respublikasi Qishloq xo‘jaligi vaziri Ibrohim Abdurahmonov sohada amalga oshirilayotgan islohotlar va ularning natijadorligi bilan yaqindan tanishish maqsadida amaliy tashrif bilan Samarqand viloyatida bo‘lib turibdi.

🖋 Vazir dastlab, Jomboy tumanidagi “SAG AGRO” MChJ “Bog‘bon” agrokompleksiga qarashli “In vitro” laboratoriyasi faoliyati va suv tejovchi texnologiyalarni ishlab chiqarish jarayoni bilan tanishdi.

🏠 Laboratoriyada yong‘oq, bodom, shaftoli, gilos, o‘rik, nok va uzum, olma kabi mevali daraxtlarning turli kasallik va zararkunandalardan xoli bo‘lgan hamda qurg‘oqchilikka chidamli, mahalliy turli iqlim sharoitiga mos navlarining klon payvandtaglari va payvandlangan ko‘chatlarni yetishtirilmoqda. Muassasa jami 24 gektar yer maydoniga ega bo‘lib, u yerda mamlakatimizda uchramaydigan 65 xil mevali daraxtlar ko‘chatlari parvarish qilinmoqda.

📌 Vazir o‘z navbatida laboratoriya imkoniyatlari bilan tanishar ekan, bugungi kunda agrar soha taraqqiyoti bu kabi zamonaviy majmualarda yetishtirilgan mahsulotlarga chambarchas bog‘liq ekanini ta’kidladi.

📝 Aytish o‘rinliki, Laboratoriya chet elning eng zamonaviy asbob-uskunalari bilan ta’minlangan bo‘lib, hozirda 140 nafar ishchi mehnat qilmoqda. 2024-yilda to‘liq quvvat bilan ishlay boshlaydigan mazkur majmua yillik quvvati 20 mln. dona o‘simlik ko‘chatlari ishlab chiqarishni o‘z ichiga oladi.

#inVitro #hosildorlik #payvandtag

🌐Website💬Telegram💬Facebook📺YouTube📷Instagram

Uzumni qayta ishlash sanoati: ilg‘or tajriba va imkoniyatlar

📌 Avval xabar berganimizdek, Qishloq xo‘jaligi vaziri Ibrohim Abdurahmonov amaliy tashrif bilan Samarqand viloyatida bo‘lib turibdi. Tashrif doirasida vazir Toyloq tumanida joylashgan “Bog‘izag‘on” MChJ ishlab chiqarish korxonasi faoliyati bilan tanishdi.

🖋Bugunga kelib O‘zbekiston Markaziy Osiyoda uzumchilik va uni chuqur qayta ishlash bo‘yicha asosiy davlatlardan biri hisoblanadi. Bu soha uchun qulay bo‘lgan iqlimiy shart-sharoitlar qish faslida yaxshi saqlanadigan, uzoq masofaga tashishga moslashgan, shuningdek, har turli vino, sharbat, konsentrat, konyaklar va shampan vinolarini ishlab chiqarishda xomashyo bo‘ladigan hamda, iste’mol yo‘nalishidagi ko‘plab yuqori sifatli navlarni yetishtirishga imkon beradi.

🏫Mazkur uzumchilik klasteri ham uzumni qayta ishlash bilan bir qatorda, turli markali vino va konyak ishlab chiqarishga ixtisoslashgan. Bu yerda vino mahsulotlari ishlab chiqarish 2 yo‘nalishga bo‘lingan, ya’ni ishlash va qayta ishlash. Bundan tashqari bu yerda xorijga eksport qilish imkoniyati ham yo‘lga qo‘yilgan. Korxonada maxsus omborxona tashkil qilingan bo‘lib, bir necha yillik mahsulot namunalari saqlanmoqda. Muxtasar aytganda, bir mahsulotdan ikki xil xom-ashyo ishlab chiqarilmoqda.

📌 Vazir o‘z navbatida fermer xo‘jaliklarining fikr va mulohazalarini tinglab, qishloq xoʻjaligi mahsulotlarini quritish uchun zamonaviy qishloq xo‘jaligi texnologiyalarini keng tatbiq etish masalalariga alohida to‘xtalib o‘tdi.

#uzumchilik #klaster #hosildorlik

🌐Website💬Telegram💬Facebook📺YouTube📷Instagram

🔤🔠 🟢🔠🔠🔠🟢❗️

🍎Mazkur olma O‘zbekiston Respublikasining barcha viloyatlari hududlarida ekiladi. O‘sish davri 220-250 kun, bo‘yi 3-4 metrgacha yetadi.
🌳Bir tupdagi hosil vazni 80-90 kg, bir dona meva vazni esa 100-130 gramni tashkil etadi.
Mevalari yumaloq-yassi shaklda, yashilsimon-sariq rangli, biroz pushti rangdagi xoli bor. 3-4 yilda hosilga kiradi.
📅Avgust oyining oxiri, sentabr oyining boshlarida mevasi to‘liq pishib yetiladi. Nordon-shirin taʼmli bo‘lib, mevasi 30-40 kun davomida saqlanishi mumkin va transportda tashishga chidamli. Intensiv bog‘lar uchun juda maqbul navdir.
⏺⏺⏺
🍎Этот сорт выращивается во всех регионах Узбекистана.
Вегетационный период составляет 220-250 дней, высота куста достигает 3-4 метров.
🌳Масса урожая с одного куста составляет 80-90 кг, масса плода – 100-130 грамм. Вступают в урожай через 3-4 года.
Плоды округло-плоской формы, зеленовато-желтые с розовым оттенком.
📅Созревают плоды в конце августа – начале сентября. Вкус кисло-сладкий, плоды могут храниться 30-40 дней, устойчивы к транспортировке.Сорт также подходит для интенсивных садов.

#agro #mantet #olma #bu_qiziq #hosildorlik

🌐Website💬Telegram💬Facebook📺YouTube📷Instagram