🇰🇬 QIRGʼIZ RESPUBLIKASI BILAN AGROTARMOQDA OʼZARO HAMKORLIK KUCHAYTIRILADI

Joriy yil 23-oktyabr kuni Qishloq xo‘jaligi vazirligida Qishloq xo‘jaligi vaziri o‘rinbosari Alisher Shukurovning Qirg‘iz Respublikasi Qishloq xo‘jaligi vazirining birinchi o‘rinbosari Murat Ramatov bilan uchrashuvi bo‘lib o‘tdi.

📝 Uchrashuv davomida agrosanoat sohasidagi hamkorlikning kun tartibidagi keng ko‘lamli masalalari muhokama qilindi.

Xususan, joriy yil yanvar oyidagi oliy darajadagi tashrif davomida ikki davlat Qishloq xo‘jaligi vazirliklari o‘rtasida imzolangan 2022-2025-yillarda O‘zbekiston va Qirg‘iz Respublikalari o‘rtasida agrosanoat sohasida investitsiya loyihalarini amalga oshirish va savdo aylanmasini oshirishga qaratilgan “Yo‘l xaritasi”ning ijro holati ko‘rib chiqildi.

🌱 Jumladan, intensiv bog‘dorchilik va issiqxona xo‘jaligi, chorvachilik, baliqchilik va akvamadaniyat, naslchilik, o‘simliklar karantini va biohimoyasi yo‘nalishlarida amalga oshirilayotgan loyihalar muhokama qilindi.

#Yol_xaritasi #uchrashuv #investitsiya_loyihalari

🌐Website💬Telegram💬Facebook📺YouTube📷Instagram