YOSH OLIMLAR O‘RTASIDA “ZAKOVAT” INTELLEKTUAL O‘YINI BO‘LIB O‘TDI

📚Qishloq xo‘jaligini mexanizatsiyalash ilmiy-tadqiqot institutida Yoshlar kuniga bag‘ishlab “Zakovat” intellektual o‘yini bo‘lib o‘tdi.

O‘yinda iqtidorli yosh doktorantlardan tashkil topgan 5 ta guruh o‘zaro bellashdi. Ishtirokchilar hakamlar tomonidan taqdim etilgan savollarga belgilangan vaqt ichida aniq javoblar berishga harakat qildilar.

Bellashuv yakuni bo‘yicha Abdurahmon Rasuljonov sardorligidagi 1-guruh jamoasi 1-o’rinni egallab, tashkilotchilar tomonidan sertifikat va sovrinlar bilan taqdirlandi.

#ilmiy_tadqiqot_instituti #zakovat #yoshlar_kuni #agrar_soha_yoshlari
*****
СРЕДИ ЮНЫХ УЧЁНЫХ ПРОШЛА ИНТЕЛЛЕКТУАЛЬНАЯ ИГРА «ЗАКОВАТ»

📚В научно-исследовательском институте механизации сельского хозяйства прошла интеллектуальная игра «Заковат».

В находчивости и интеллектуальном развитии соревновались пять групп талантливых молодых докторантов. Участники старались давать точные ответы на поставленные жюри вопросы в отведенное время.

По итогам соревнований команда 1-й группы под руководством Абдурахмана Расулджанова заняла 1-е место и была награждена грамотой и призами от организаторов.

#НИИ #заковат #день_молодёжи #молодежь_аграрной_сферы

Vebsayt • Telegram • Facebook • YouTube • Instagram

AGRAR SOHANI RAQAMLASHTIRISH BORASIDA YANGI IMKONIYATLAR BERILMOQDA

👥Joriy yilning 3-avgust kuni Toshkent davlat agrar universitetida O‘zbekiston Respublikasi Prezidentining 2023-yil 2-avgustda qabul qilingan “Qishloq xo‘jaligi sohasiga raqamli texnologiyalarni joriy qilish chora-tadbirlari to‘g‘risida”gi 257-son qarorining mazmun-mohiyatiga bag‘ishlangan seminar-trening bo‘lib o‘tdi.

Qishloq xo‘jaligi vazirligi va uning huzuridagi ilmiy-tadqiqot institutlari, markazlar, agrar soha vakillari ishtirokidagi seminarni Qishloq xo‘jaligi vaziri o‘rinbosari Qahramon Yuldashev kirish so‘zi bilan ochib berdi va qarorning agrar sohadagi ahamiyati, undan kelib chiqqan holda soha vakillari oldiga qo‘yiladigan vazifalarga to‘xtalib o‘tdi.

Shuni alohida taʼkidlash joizki, qarorga binoan, Qishloq xo‘jaligi vazirligi huzuridagi “Agrosanoatni raqamlashtirish markazi” davlat muassasasining tashkiliy-huquqiy shakli Masʼuliyati cheklangan jamiyatga o‘zgartirilib, agrar sohani raqamlashtirish yo‘nalishida faoliyat ko‘rsatuvchi yagona integrator sifatida faoliyat yuritishi belgilangan.

#Agrosanoatni_raqamlashtirish_markazi #seminar_trening #agrar_sohani_raqamlashtirish #raqamli_qishloq_xojaligi #agroplatforma

🌐Vebsayt💬Telegram💬Facebook📺YouTube📷Instagram

HUDUDLARDA “AGROPLATFORMA” TIZIMINING TARG‘IBOTI

💻Avvalroq, O‘zbekiston Respublikasi Prezidentining “Qishloq xo‘jaligi sohasiga ilg‘or raqamli texnologiyalarni joriy qilish chora-tadbirlari to‘g‘risida”gi PQ-257 va PQ-113-sonli qarori qabul qilingani hamda uning mazmun-mohiyatini soha vakillariga yetkazish va bu borada qilinadigan ishlarni rejalashtirish maqsadida Qishloq xo‘jaligi vazirligi tashabbusi bilan seminar-trening tashkil etilgani haqida xabar bergan edik.

Bu kabi seminarlar hududlarda ham davom etmoqda. Jumladan, joriy yilning 7-avgust kuni Qoraqalpog‘iston Respublikasi hamda Xorazm viloyatlarida ham qarorning mazmun-mohiyatini soha vakillariga yetkazishga bag‘ishlangan seminar-trening bo‘lib o‘tdi.

Unda mazkur qaror asosida qishloq xo‘jaligi sohasiga ilg‘or raqamli texnologiyalarni keng joriy qilish orqali yer va suv resurslaridan samarali foydalanish, ekinlar holatini monitoring qilishning idoralararo axborot tizimlarini joriy etish belgilanganligi hamda “Agroplatforma” axborot tizimining imkoniyat va afzalliklari haqida to‘liq tushuntirishlar berildi.

#seminar_trening #agrar_sohani_raqamlashtirish #raqamli_qishloq_xojaligi #agroplatforma

🌐Vebsayt💬Telegram💬Facebook📺YouTube📷Instagram

“Yashil makon” umummilliy loyihasi: qadriyatlar bilan qadr topayotgan tashabbus

✅Yurt obod bo‘lishida agrar tarmoq xodimlarining ham hissasi borligi qo‘lga belkurak olib, shijoat bilan mehnat qilishga undashi bor gap. Birgina, 28 gektar maydonni o‘z ichiga olgan Toshkent davlat agrar universitetining turli hududlari “Yashil makon” umummilliy loyihasi doirasida alohida maydonlar ajratilganligi fikrimiz dalilidir.

🖋Qishloq xo‘jaligi vaziri Ibrohim Abdurahmonov boshchiligida shunday maydonlardan birida “Qishloq xo‘jaligi vazirligi bog‘i”ga asos solindi. Vazirlik markaziy apparati, departament va boshqarma boshliqlaridan iborat jamoa o‘zlarining umid nihollarini yerga qadadilar.

🌳Bugun bu bog‘ga 60 tup mevali daraxt ekildi. Olma, nok, behi mevaga kirishi uchun endilikda hamma birdek mehnat qiladi. Shugina emas. Vazir tashabbusiga ko‘ra bu yerda “Voish” usulida uzum ko‘chatlari ekish ilgari surildi.

📌Daraxt ko‘chatlari universitet hududining iqlim sharoitidan kelib chiqib, bog‘lar hosil qilish va ko‘kalamzorlashtirishni nazarda tutgan holda tanlab olinmoqda.

🔊Vazir o‘z navbatida, universitet hududida tok ekish, sug‘orish tizimini takomillashtirish, terak qalamchalarini yetishtirish, har bir talabaning o‘z nomidan guruh asosida ko‘chat ekish va parvarishlash hamda ota-onalar bog‘ini yaratish taklifini berdi.

#yashil_makon #agrar #mevali_daraxt #tok

🌐Website💬Telegram💬Facebook📺YouTube📷Instagram

Zamon bilan hamnafas: talabalarning qiziqishi, intilish va ehtiyojlari o‘rganilmoqda

🇺🇿O‘zbekiston Respublikasi Qishloq xo‘jaligi vaziri Ibrohim Abdurahmonov Toshkent davlat agrar universiteti faoliyati va turar joy binolarida talaba yoshlar uchun yaratilgan sharoit bilan yaqindan tanishish maqsadida universitetga tashrif buyurdi.

⏺Aytish kerak, bugun, Toshkent davlat agrar universiteti bakalavriat yo‘nalishlari kunduzgi ta’lim shaklida 7180 nafar talaba-yoshlar tahsil olmoqda.

📌Qishloq xo‘jaligi vaziri I.Abdurahmonov universitet hududidagi 13-son talabalar turar joyi bilan yaqindan tanishar ekan, u yerda talabalarga yaratilgan sharoit, muammo va takliflar bilan qiziqdi. Vazir o‘z navbatida talabalar tomonidan amalga oshiriladigan har bir loyihani qo‘llab-quvvatlashini bildirdi. Talabalar faqat auditoriyalarda saboq olish bilan chegaralanmasdan, o‘z bilimlarini amaliyot bilan mustahkamlab borishlarini ta’kidladi.

✅Maqsad yagona: talaba ilm olish bilan birgalikda o‘zidagi iste’dod va qobiliyatni shakllantirsin. Zamonaviy fikrlaydigan hamda yangilik yarata oladigan shaxs bo‘lsin. Tillarni bilishi, to‘garaklardagi ishtiroklari uning kelgusi faoliyati hamda oila muhitida aks etishi joiz. Shunda agrotarmoqning zamonaviy menejerlari zamonaviy qishloq xo‘jaligini aqlli yo‘nalishlarini vujudga kelishiga zamin yarata oladilar.

#vazir #agrar #turar_joy #talaba

🌐Website💬Telegram💬Facebook📺YouTube📷Instagram

Qishloq xo‘jaligini raqamlashtirish ertangi taraqqiyot demak

✅Bugungi kunda raqamli iqtisodiyot mamlakatimizning turli tarmoq va sohalariga jadallik bilan tatbiq etilayotgani rost. Qishloq xo‘jaligi ham bundan istisno emas. Ayniqsa, tarmoqni rivojlantirishda, mahsulotlarni yetishtirishdan tortib, isteʼmolchiga yetkazib berishgacha bo‘lgan jarayonda raqamlashtirishning o‘rni katta.

🌳Jumladan, Qishloq xo‘jaligi vaziri Ibrohim Abdurahmonov boshchiligida o‘tkazilgan yig‘ilishda ham ayni shu masala xususida so‘z bordi.

🖥Zamonaviy jamiyat uchun raqamli iqtisodiyot nisbatan yangi jarayondir. Davlatimiz tomonidan ham bu borada qaror amaliy ishlar olib borilmoqda.

🔊Tashkil etilgan yig‘ilishda yer maydonlaridan oqilona foydalanish, suv resurslarini boshqarishni avtomatlashtirish, sohada foydalanuvchilarning malakalarni shakllantirish, elektron tijorat va elektron bozorni rivojlantirish, qishloq xo‘jaligi texnikalarini sinovdan o‘tkazish, subsidiyalarni ajratish kabi yo‘nalishlarga ham to‘xtalib o‘tildi.

#vazir #agrar #raqamlashtirish #yigilish

🌐Website💬Telegram💬Facebook📺YouTube📷Instagram

10-noyabr — Butunjahon ilm-fan kuni

📍Toshkent davlat agrar universitetida “Butunjahon ilm-fan kuni” munosabati bilan o‘tkaziladigan “Agrar ilm-fani taraqqiyot va barqarorlik uchun” mavzusida ilmiy-amaliy anjumani bo‘lib o‘tdi.

✅Unda O‘zbekiston Respublikasi Bosh vazir o‘rinbosari Zulayho Mahkamova, O‘zbekiston Respublikasi Qishloq xo‘jaligi vaziri Ibrohim Abdurahmonov hamda Vazirlik tizim tashkilotlari, Toshkent davlat agrar universiteti professor o‘qituvchilari, ilmiy-tadqiqot institutlari vakillari va fermerlar ishtirok etishdi.

🌍Ushbu sana 2001-yilda UNESCO tashkiloti tomonidan ma’qullanib, 10-noyabr sanasini “Butunjahon ilm-fan kuni” deb rasman tasdiqlangan.

#ilm_fan #UNESCO #agrar

🌐Website💬Telegram💬Facebook📺YouTube📷Instagram

Agrar sohadagi hamkorlikning yangi bosqichlari

Bugun Qishloq xo‘jaligi vaziri Ibrohim Abdurahmonov hamda Xitoyning “BGI group” kompaniyasi vitse-prezidenti Ning Li o‘rtasida qishloq xo‘jaligi sohasidagi hamkorlik masalalariga bag‘ishlangan uchrashuv bo‘lib o‘tdi.

Unda, “BGI group” kompaniyasining genetika va genomika sohasidagi tajribasini O‘zbekistonda tatbiq etish va mazkur sohada ikki tomonlama hamkorlikni o‘rnatish va kelgusida ilmiy tadqiqot institutlari olimlarining malaka oshirishi bo‘yicha dasturlar ishlab chiqish hamda cho‘l muammolari muhokama qilindi.

Aytish kerakki, “BGI group” kompaniyasi 1999-yilda tashkil etilgan bo‘lib, hayot fanlari va genomika sohasida faoliyat yuritadigan dunyodagi yetakchi kompaniyalardan biri hisoblanadi.

Maʼlumot o‘rnida, “BGI group” kompaniyasining dunyoning 100 dan ortiq mamlakatlarida vakolatxonalari mavjud bo‘lib, sog‘liqni saqlash, resurslarni tejash va huquqiy xizmatlarini bo‘yicha turli tashkilotlar bilan hamkorlik aloqalarini o‘rnatgan.

Muzokaralar natijasida tomonlar samarali va konstruktiv hamkorlikning amaliy jihatlarini kelishib olishdi. Bu esa, respublikamizda genetika va genomika sohasining rivojlanishida tub burilish yasalishiga turtki bo‘ladi, albatta.

#agrar #hamkorlik #BGI #vazirlik

🌐Website💬Telegram💬Facebook📺YouTube📷Instagram

Koʻchat ekish — azaliy qadriyat

🌳Koʻchat ekib, bogʻ yaratish — xalqimizning azaliy qadriyatlaridan biri boʼlib, shu kunlarda hududlarda “Yashil makon” umummilliy loyihasi doirasida mevali va manzarali daraxt koʻchatlari, butalar ekish ishlari jadallik bilan olib borilmoqda.

✍️Taʼkidlash joizki, mamlakatda ekologik xavfsizlikni taʼminlash, yuzaga kelayotgan ekologik muammolarni izchillik bilan hal etishga qaratilgan bu kabi ezgu niyat barcha vazirlik va idora xodimlarini birdek ruhlantirib, ish joyilari hamda yashash xonadonlarini obodonlashtirish va koʼkalamzorlashtirish ishlariga befarq boʼlmaslikka undayotgani bor gap.

✅Xususan, Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi, Sabzavot, poliz ekinlari va kartoshkachilik ilmiy-tadqiqot institutida ham “Yashil makon” umummilliy loyihasida jonbozlik koʻrsatmoqda.

🌳Mazkur tadbirda qariyb, 80 dan ziyod olimlari va xodimlari ishtirok etgan mazkur tadbirda 2000 ga yaqin mevali, tok, manzarali daraxt va buta koʻchatlari ekildi.

📌Aytish kerakki, yurtboshimizning ana shu tashabbusidan ruh olib, atrof-muhit sofligi va barqarorligini saqlashga intilib keladigan koʻp millatli xalqimizni, butun el-yurtimizni “Yangi Oʻzbekiston – yashil makonda birga yashaylik!” degan olijanob gʻoya ostida birlashishga chaqirmoqda. Zero, atrof-muhitni muhofaza qilish, kelajak avlodga tabiiy boyliklarni bus-butun yetkazish, ekologik muammolarni birgalikda bartaraf etish oldimizda turgan muhim vazifalardan sanaladi.

#yashil_makon #agrar #institut

🌐Website💬Telegram💬Facebook📺YouTube📷Instagram

Yangilikka intiluvchan Surxon vohasi

📝Ilm-fan barcha yerda bo‘lgani kabi qishloq xo‘jaligi tarmog‘ining eng asosiy tayanchi hisoblanadi. Shuning uchun sohaga kadrlar tayyorlash, zamonaviy fikrlaydigan yoshlarning intilishini rag‘batlantirish har qachongidan muhim. Dunyoda rivoj topgan davlat borki, bilimga suyanadi. Sinash va tajriba o‘tkazishdan charchash yo‘q. Bizda ham mana shu tamoyil ustivor bo‘lmog‘i darkor.

🌍Hududlarda amalga oshirilayotgan islohotlar bilan tanishish maqsadida Surxondaryoga kelgan Qishloq xo‘jaligi vaziri Ibrohim Abdurahmonov ham dastlabki uchrashuvni ayni Termiz agrotexnologiyalar va innovatsiyalar institutidan boshlagani bejiz emas.

🌳Agrotarmoq bugungi kunda yangilikka intiluvchan, dunyoda bo‘layotgan o‘zgarishlarga doim tayyor hamda o‘zi ham yangilik yarata oladigan mutaxassislarga ehtiyoji har qachongidan yuqori. Ko‘pgina mamlakatlarda hosil yetishtirishdagi munosabat o‘zgargani rost. An'anaviy usullar chetga chiqib, bir yerdan bir nechta hosil ola bilgan mirishkor izzatda bugun. Sentnerndan karrasiga hirmon uyayotgan dehqonning mehnati qadr topmoqda.

✅I.Abdurahmonov ayni jihatlarga to‘xtalar ekan, dastavval institut professor-o‘qituvchilari bilan muloqot o‘tkazdi. Shundan so‘ng Surxondaryo viloyat qishloq xo’jaligi boshqarmasida 16 nafar paxta-to‘qimachilik va g‘allachilik klasterlari bilan ochiq muloqot o‘tkazildi.

📌Vazir Ibrohim Abdurahmonov klasterlar faoliyatiga muammoli masalalarni hal etishda, yuqori hosil olishda vazirlik, tizimdagi barcha tashkilotlar, hududiy boshqarmalar va tuman bo‘limlari ko‘makchi ekanligi va ular bilan uzviy hamkorlikda ish tashkil etishi zarur ekanligini ta’kidladi.

#agrar #surxondaryo #uchrashuv #institut

🌐Website💬Telegram💬Facebook📺YouTube📷Instagram