QISHLOQ XO‘JALIGI UCHUN YANGI AGROINDUSTRIAL PARK TASHKIL ETILADI
🇺🇿🤝🇨🇳
Har tomonlama konstruktiv va manfaatli hamkorlik aloqalarini yanada kengaytirish bo‘yicha bo‘lib o‘tgan navbatdagi uchrashuv «CITIC Construction» kompaniyasi prezidenti Yao Tang bilan kechdi.

Aytish joiz, ushbu kompaniya O‘zbekistonda bir necha yillardan beri samarali faoliyat ko‘rsatib kelmoqda. Asosiy faoliyati qurilish, bunyodkorlik va loyihalash hisoblanadi. Bu uning mamlakatimizdagi olib borayotgan yo‘nalishi. Ayni damda ushbu kompaniya qishloq xo‘jaligi sektoriga ham katta qiziqish bildirmoqda. Qishloq xo‘jaligi vaziri Aziz Voitov bilan bo‘lib o‘tgan uchrashuv chog‘ida kompaniya prezidenti Yao Tang “CITIC Construction” Sirdaryo viloyati Xovos tumanida umumiy qiymati 500 mln. dollarlik O‘zbekiston-Xitoy agroindustrial parkini (agrologistika, qayta ishlash, sug‘orish texnologiyalarini ishlab chiqarish va boshqalar) tashkil etish loyihasini amalga oshirish tashabbusini ilgari surdi.

#xalqaro_hamkorlik #vazir #safar #delegatsiya #qishloq_xojaligi #agroindustrial_park #CITIC_Construction #Sirdaryo #Ozbekiston #XXR

Vebsayt • Telegram • Facebook • YouTube • Instagram