BALIQ EMAS-QARMOQ BERISH LOZIM

🌱Sarlavhamizdan baliqchilikka bo‘lgan yondoshuv kutmang. Biz ayni kunda xalqning boy va ma'mur yashashi uchun qilinayotgan harakatlar mana shu mezonga asoslanishini nazarda tutdik. Zero barcha ishlar tashkiliy va tizimli ravishda asoslantirilgan bo‘lsa, uning natijasi ham ijobiy bo‘ladi. Fikrimizni bir muncha vaqt avval e'lon qilgan postimiz qahramoni Angor tumanidagi “Zamin Angor klaster” MChJ misolida yana davom ettiramiz. Paxtachilik-g‘allachilikka ixtisoslashgan klaster ayni kunlarda g‘alladan bo‘shagan yerlarni basma-bas ikkilamchi ekin ekish uchun taqdim etishni boshlagan.

Qishloq xo‘jaligi vaziri Aziz Voitov aholiga dehqonchilik uchun “E-Auksion” orqali ajratilgan 11 gektar yer maydonida amalga oshirilayotgan ishlar bilan tanishish maqsadida navbatdagi manzilga tashrif buyurdi. Angor tumanining 3 ta yirik mahallasida istiqomat qiluvchi jami 50 nafar fuqaro yuqoridagi maydonlarga urug‘ qadash imkoniga ega bo‘lgan. Kam ta'minlangan, ayollar va yoshlar daftarlarida ro‘yxatda turuvchi ushbu hamyurtlarimizga 20 sotixdan 1 gektarga qadar ajratilgan maydon ikkilamchi ekin ekish uchun hozirlangan va bugungi kunda yerga urug‘ qadash ishlari jadallik bilan ketayapti.

Makkajo‘xori, tariq mosh, loviya kabi don va dukkakli ekinlar yuqorida yozganimizdek, ayni hamyurtlarimizga baliq tutish uchun berilgan qarmoqdir. Misol keltiramiz: 20 sotixga ekilgan makkajo‘xori hosilining o‘zidan 15-17 mln so‘m daromad keltirsa, uning poyasi ham alohida pul turadi.

#vazir #tashrif #E_Auksion #ikkilamchi_ekin #makkajoxori #klaster #Surxondaryo

Vebsayt • Telegram • Facebook • YouTube • Instagram