🎞Bugun qishloq ayollari kunida biz e’tiboringizga Oʻzbekistonning qishloq ayollariga bagʻishlangan hujjatli filmni taqdim etmoqchimiz.

Ushbu film qishloq xoʻjaligida innovatsiyalarni targʻib qiluvchi Yevropa Ittifoqi tomonidan moliyalashtiriladigan EU-AGRIN loyihamiz tomonidan Agrar soha ayollari uyushmasi bilan hamkorlikda tayyorlandi.

🔗Toʻliq film bu yerda: https://youtu.be/l09JZc1XWX4

#repost

🌐Website💬Telegram💬Facebook📺YouTube📷Instagram

Daraxt ekish, vatanni obod va fayzli maskanga aylantirish barchamiz uchun muqaddas amallardandir. Shu bois ham keyingi yillarda daraxt ekish xayrli anʼanaga aylanmoqda.

Davlatimiz rahbari Sh.Mirziyoyev raisligida o‘tkazilgan navbatdagi videoselektorda “Yashil makon” umummilliy loyihasining kuzgi mavsumini tashkil etish yuzasidan topshiriqlar berildi.

Videoselektorda taʼkidlanganidek, loyihani muvaffaqiyatli olib borish uchun eng avvalo, tuproq tahlilini o‘tkazish muhim hisoblanadi. Sifatli va unumdor tuproqda esa, kutilgan natija bo‘y ko‘rsatib, ekilgan nihollar ulkan daraxtlarga aylanishi, shubhasiz. Shu bois ham, iqlim sharoiti asosida qaysi maskanga qanday ko‘chat turini va qancha miqdorda ekishni belgilash asosiy vazifaga aylandi. Bu esa, Qishloq xo‘jaligi vazirligi huzuridagi "Tuproq tarkibi va repozitoriysi, sifati tahlil markazi" davlat unitar korxonasi laboratoriyasi tomonidan yanada ko‘proq ishlar bajarilishi lozimligini ko‘rsatadi. “Sevimli” telekanaligining “Zamon” informatsion dasturida namoyish etilgan lavhada esa, aynan o‘simlikni yaxshi rivojlanishi uchun talab etiladigan tuproq talablari va bu borada muhim bo‘lgan laboratoriyadagi tahlil amaliyotlari haqida to‘xtalib o‘tilgan.

#repost

🌐Website💬Telegram💬Facebook📺YouTube📷Instagram

Xitoy Xalq Respublikasi Raisi Si Szinpinning taklifiga binoan O‘zbekiston Respublikasi Prezidenti Shavkat Mirziyoyev rafiqasi bilan birga amaliy tashrif bilan Pekin shahrida bo‘lib turibdi.

Tashrif davomida Prezidentimiz 17-oktabr kuni Vyetnam Sotsialistik Respublikasi Prezidenti Vo Van Txiong bilan uchrashdi.

Uchrashuvda ikki mamlakat o‘rtasida, eng avvalo, savdo-iqtisodiy sohadagi o‘zaro manfaatli hamkorlikni kengaytirish masalalari ko‘rib chiqildi.

Ta’kidlash joizki, Vyetnam O‘zbekistonning Osiyo-Tinch okeani mintaqasidagi muhim an’anaviy hamkoridir. Keyingi yillarda turli darajalardagi muloqotlar faollashdi, o‘zaro savdo hajmi va qo‘shma korxonalar soni oshib bormoqda. Qishloq xo‘jaligi va baliqchilik sohalarida loyihalar amalga oshirilmoqda.

#repost #Ozbekiston #Vyetnam #hamkorlik

🌐Website💬Telegram💬Facebook📺YouTube📷Instagram

“O‘zbekiston 24” telekanalining “Fakt 24” informatsion dasturida qishloq xo‘jaligi olimlari tomonidan behi mevasining yangi “Olmabehi” navi ixtiro qilingani haqida lavha efirga uzatildi.

Unda Akademik M. Mirzaev nomidagi Bog‘dorchilik, uzumchilik va vinochilik ilmiy-tadqiqot instituti Farg‘ona ilmiy tajriba stansiyasida ilk hosili pishib yetilgan behiga “Olmabehi” deb nom berilgani va uning boshqa navlarga nisbatan afzalliklari haqida so‘z yuritilgan.

#repost

🌐Website💬Telegram💬Facebook📺YouTube📷Instagram

“O‘zbekiston 24” telekanalining “Fakt 24” informatsion dasturida Qishloq xo‘jaligi vazirligi tizimidagi O‘simliklar genetik resurslari ilmiy-tadqiqot instituti va Sitrus mevalar yetishtiruvchilar uyushmasi ilmiy xodimlari yangi yaratilayotgan limon navini 23 daraja sovuqda sinovdan o‘tkazgani haqida lavha efirga uzatildi.

Lavhada limonni sovuqqa chidamli navlarini yetishtirish bo‘yicha hozirgi kunga qadar ilmiy tadqiqot ishlari amalga oshirilmagani, 2020-yildan boshlab nazariy tomondan o‘rganib, 2021-yildan boshlab limonning eng sovuqqa chidamli navlaridan namunalar olib keltirilib tajriba sifatida unib-o‘stirib ochiq maydonlarda sinovdan o‘tkazilgani haqida so‘z yuritilgan.

Shuningdek, sinov natijalariga ko‘ra, ushbu sovuqqa chidamli navlar 23 daraja sovuqda to‘liq tajribadan o‘tgani va sovuqlarda nafaqat barglari hattoki, shoxlarini ham sovuq urmagani ta’kidlab o‘tilgan.

#repost

🌐Website💬Telegram💬Facebook📺YouTube📷Instagram

“O‘zbekiston 24” telekanalining “Yangiliklar 24” informatsion dasturida qishloq xo‘jaligida mo‘l-hosil olish uchun kuzgi shudgorlash ishlarini o‘z vaqtida va sifatli o‘tkazish ishlari haqida agroklaster va fermer xo‘jaliklari rahbarlari ishtirok etgan seminar haqida lavha efirga uzatildi.

Lavhada Jizzax viloyati Mirzacho‘l tumanida tashkil etilgan ushbu tadbirda viloyat bo‘yicha 2024-yil hosili uchun kuzgi shudgorlash tadbirlari jami, 132 ming 345 gektar maydonni qamrab olishi, buning uchun 289 ta yuqori unumli haydov traktorlari jalb etilgani va mazkur muhim agrotexnik tadbirlarning ahamiyati borasida mehnat faxriylari va mutaxassislar o‘z tajribalari bilan o‘rtoqlashgani haqida so‘z yuritilgan.

#repost

🌐Website💬Telegram💬Facebook📺YouTube📷Instagram

"Qashqadaryo MTRK" tomonidan tayyorlangan tuproqlar unumdorligining pasayishiga olib kelayotgan sabablar to'g'risidagi lavhada hozirgi kundagi iqlim o'zgarishi oqibatida vujudga kelayotgan muammolar to'g'risida so'z yuritiladi.

Shuningdek, lavhada Tuproqshunoslik va agrokimyoviy tadqiqotlar institutining Qashqadaryo mintaqaviy bo‘linmasi tomonidan mamlakatimiz tuproqlarida sodir bo‘layotgan degradatsiya jarayonlari va unga qarshi kurashish, tuproqlar unumdorligini tiklash va oshirish, uni muhofazalash hamda yerlardan oqilona foydalanish xususida so‘z yuritiladi hamda Institut olimlari tomonidan olib borilayotgan ishlar xususida ham alohida to‘xtalib o‘tilgan.

#repost

🌐Website💬Telegram💬Facebook📺YouTube📷Instagram

“O‘zbekiston 24” telekanalining “Fakt 24” informatsion dasturida Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti olimlari tomonidan g‘o‘zani takroriy ekin sifatida ham yetishtirish mumkinligi borasida amalga oshirgan ilmiy-tadqiqot natijalari haqida lavha efirga uzatildi.

Unda institutning tajriba maydonida joriy 4-iyun kuni dalaga takroriy ekin sifatida chigit qadalganligi va oktyabr oyining ikkinchi 10 kunligidan boshlab paxta qiyg‘os ochilgani haqida so‘z yuritilgan.

#repost

🌐Website💬Telegram💬Facebook📺YouTube📷Instagram