📝Yaqinda biz so‘rovnoma o‘tkazib, unda sizga sigir va buqalar haqida keltirilgan ma’lumotlardan qaysi biri noto‘g‘ri ekanligini belgilashni taklif qilgandik.
Mana ular:

1. Bir daqiqada sigir yuzga yaqin chaynash harakatlarini amalga oshiradi.
2. Buqalar rangni farqlamaydi.
3. Sog‘in sigir umr bo‘yi o‘rtacha ikki yuz ming stakan sut beradi.
4. Sigirlar odamlar yoki delfinlar kabi yig‘lay oladi.
5. Sigirning qanday mahsulotni iste’mol qilishi, sutining ta’miga ta’sir qilmaydi.

📝So‘rovnomada 100 nafar kishi ishtirok etdi va ko‘pchilik (45 nafar kishi) to‘g‘ri javobni belgiladi: 5-ma’lumotda haqiqatan ham xato bor, chunki sigirning nima mahsulot yeyishi, albatta, u beradigan sutning ta’miga bevosita ta’sir qiladi.

15 nafar kishi ikkinchi ma’lumotga ovoz berdi: buqalar rangni farqlamaydi. Ko‘rinishidan, ko‘pchilik buqani qizil matoni ko‘rganida qanday shoshilishini eslab, shunday javob qaytardi. Biroq, ommaviy qarashlardan farqli o‘laroq, buqalar o‘zlarini qizil rangga urmaydilar — ular haqiqatan ham rangni farqlamaydilar. Arenada buqa jangchi tomon shoshilishining sababi shundaki, u keskin bajarilayotgan harakatlardan g‘azablanadi.

#sorovnoma #buqa #sigir

WWW • TELEGRAM • FACEBOOK • YOUTUBE • INSTAGRAM

“ISPARON LIVESTOCK AND GREENHOUSE”: ISHTIYOQ VA IMTIYOZLAR NATIJASI

🐄Chorvachilik qishloq xo‘jaligining asosiy tarmoqlaridan biridir. Bugun mamlakatimizda go‘shti va suti bilan ro‘zg‘orlarga baraka olib kiradigan chorva mollarini boqish va uning mahsulotlaridan xalq isteʼmoliga tortiq etish yo‘lida ko‘plab ishlar amalga oshirilmoqda. Imkoniyat va ishtiyoq bor joyda esa, ishda rivoj va baraka bo‘ladi.

Namangan viloyatining Kosonsoy tumanidagi “Isparon livestock and greenhouse” fermer xo‘jaligi chorvachilikka ixtisoslashgan va moliyaviy ko‘mak bilan o‘z o‘rni va nomiga ega bo‘layotgan fermer xo‘jaliklaridan biri hisoblanadi.

2020-yilda Jahon bankining kredit liniyalari hisobidan 1 mln 632 ming AQSH dollari miqdorida kredit olib, unga Avstriyadan 310 bosh semental zotli chorva mollari olib kelindi. Ushbu zotli sigirlarning boshqa chorva mollaridan farqi sut va go‘sht mahsuldorligi yuqoriligi sanaladi.

Bu yerda parvarishlanayotgan sigirlar bir kunda ikki mahal sog‘ilib, 18-25 litrgacha sut beradi. Fermer xo‘jaligi bir kunda 2800-3000 tonna sutni aholiga yetkazib bermoqda. Natijalar kutilganidek, shunga yarasha rejalar ham bisyor. Fermer xo‘jaligiga yana 150 bosh chorva molini olib kelish rejalashtirilgan. Agar ushbu mollardan olinadigan sutni ham xomcho‘t qiladigan bo‘lsak, fermer xo‘jaligi kuniga 6 ming tonnagacha sut yetkazib berishi mumkin.

#chorvachilik #gosht #sut #bogdorchilik #sigir #Namangan

🌐Vebsayt💬Telegram💬Facebook📺YouTube📷Instagram