SAMARQANDDA AGROPRO EXPO-2023

⚙️Ertaga, 21-fevral kuni Samarqandda “AGROPRO EXPO-2023” xalqaro qishloq xo‘jaligi ko‘rgazmasi o‘z ishini boshlaydi. Unda turli qishloq xo‘jaligi texnikalari, agregatlar, ehtiyot qismlar, sug‘orish tizimlari, issiqxonalar uchun uskunalar, shuningdek, urug‘lar, ko‘chatlar va boshqa ko‘plab mahsulotlar namoyish etiladi. Bundan tashqari, ko‘rgazma ishtirokchilari mamlakat qishloq xo‘jaligini yanada rivojlantirishga qaratilgan innovatsion ishlanmalarni taqdim etadilar. Ko‘rgazmada klasterlar, fermer xo‘jaliklari rahbarlari, vazirlik va idoralar, shuningdek, hududiy boshqarmalar vakillaridan iborat 100 nafardan ortiq ishtirokchi qatnashadi.

📝Ko‘rgazma doirasida qishloq xo‘jaligi forumi ham rejalashtirilgan bo‘lib, unda quyidagi mavzularda panel sessiyalari o‘tkazilishi ko‘zda tutilgan:

🟠Qishloq xo‘jaligi sohasida tadbirkorlarni qo‘llab-quvvatlash borasida amalga oshirilayotgan ishlar;
🟠Oziq-ovqat sanoatida yuqori qiymat zanjirini yaratish tendensiyalari;
🟠Qishloq xo‘jaligi va oziq-ovqat sohalariga xizmatlar ko‘rsatish;
🟠Zamonaviy agrologistika va muzlatgichli omborlarda saqlashni tashkil etish usullari;
🟠Yer taqsimoti munosabatlari va suvni tejaydigan zamonaviy texnologiyalar.

📆Ko‘rgazma 23-fevralgacha davom etadi.

#korgazma #qishloq_xojaligi #Samarqand #agroexpo

WWW • TELEGRAM • FACEBOOK • YOUTUBE • INSTAGRAM