🍇Toshkent viloyatining Parkent tumani, Zarkent qishlog‘ida nufuzli tadbirlardan biri — "Uzum sayli va xalqaro vinochilik festivali" boshlandi.

#uzumchilik #uzum_sayli #xalqaro_konferensiya

🌐Website💬Telegram💬Facebook📺YouTube📷Instagram

🍇PARKENT TUMANINING ZARKENT QISHLOG‘IDA "UZUM SAYLI VA XALQARO VINOCHILIK FESTIVALI" QIZGʻIN PALLADA
*****
🍇В СЕЛЕ ЗАРКЕНТ ПАРКЕНТСКОГО РАЙОНА В САМОМ РАЗГАРЕ «ФЕСТИВАЛЬ ВИНОГРАДА И МЕЖДУНАРОДНЫЙ ФЕСТИВАЛЬ ВИНОДЕЛИЯ».

#uzumchilik #uzum_sayli #xalqaro_konferensiya

🌐Website💬Telegram💬Facebook📺YouTube📷Instagram

XALQARO KONFERENSIYA QIZG’IN DAVOM ETMOQDA

🍇“Uzum sayli va xalqaro vinochilik festivali” doirasida tashkil etilgan Xalqaro ilmiy-amaliy konferensiya qizg’in tarzda o’tmoqda. Ma’ruzalar mahalliy hamda xorijiy ekspertlar tomonidan olib borilmoqda. Unda uzum yetishtirish agrotexnologiyalari, serhosil uzum navlarini ko'paytirishda tokzorlarda uchraydigan har xil kasalliklarga qarshi kurashish usullari haqida nafaqat yurtimiz olimlari va soha mutaxassislarining, balki Yevropa davlatlaridan tashrif buyurgan tajribali mutaxassislarning ma’ruzalari ishtirokchilarda katta qiziqish uyg'otmoqda. Ahamiyatlisi, konferensiya ishtirokchilari o’zlarini qiziqtirgan savollarga mutaxassislardan kerakli javoblarni olishmoqda.

O‘tkazilayotgan ilmiy-amaliy konferensiyada “Uzum yetishtirish va saqlashning innovatsion texnologiyalari”, “In vitro sharoitida uzumning payvandtag va payvandtaglarini ko‘paytirish agrotexnologiyasi”, “Hosilli tokzorlar intensiv texnologiyasi”, “Uzumning sharobbop navlarini tanlash va yetishtirishda tavsiyalar”, “Uzumning mayizbop navlarini o‘stirish usullarining hosil va hosil sifatiga ta'sirini o‘rganish”, shuningdek, hududning turizm salohiyatidan samarali foydalanish bo‘yicha xalqaro tajriba, uzumchilikda standartlash va sertifikatlash tizimini joriy etish (GLOBAL GAP, ORGANIC), tok tuplarining yashil qismlari bilan bog‘liq ishlar borasida ham bir qator ma'ruzalar tinglanmoqda.
Tadbir doirasida xorijiy biznes doiralari vakillari bilan uchrashuvlar tashkil etilmoqda. Mahalliy va xorijiy investorlar hamda ishlab chiqaruvchilar o‘rtasida turli bitim va kelishuvlar imzolanmoqda.

Shuningdek, “Uzum sayli” doirasida “Eng yaxshi uzum navi” va “Eng yaxshi vino mahsuloti” nominatsiyalari bo‘yicha respublika ko‘rik-tanlovi, hunarmandchilik mahsulotlari, milliy taomlar va liboslar ko‘rgazmalari hamda boshqa madaniy tadbirlar tashkil etilishi ko'zda tutilgan.

#uzumchilik #uzum_sayli #xalqaro_konferensiya

🌐Website💬Telegram💬Facebook📺YouTube📷Instagram

🍇UZUM SAYLI KONSERT DASTURLARI BILAN DAVOM ETMOQDA
*****
🍇ПРОДОЛЖАЕТСЯ ФЕСТИВАЛЬ ВИНОГРАДА С КОНЦЕРТНОЙ ПРОГРАММОЙ

#uzumchilik #uzum_sayli #xalqaro_konferensiya

🌐Website💬Telegram💬Facebook📺YouTube📷Instagram

YURTIMIZNING UZUMCHILIK TAJRIBASI E’TIROF ETILMOQDA

Avval xabar berganimizdek, Toshkent viloyatining Parkent tumanida “Uzum sayli va xalqaro vinochilik festivali” hamda uning doirasida uzumchilik hamda vinochilikka bag‘ishlangan xalqaro konferensiya o'tkazilmoqda.

O‘zbekiston Respublikasi Prezidentining 2023-yil 3-avgustdagi “2023–2026 yillarda uzumchilik va vinochilik sohasini yanada rivojlantirishga qaratilgan chora-tadbirlar to‘g‘risida”gi PQ-260-sonli Qaroriga muvofiq tashkil etilgan ushbu festivalda xorijiy davlatlarning O‘zbekistondagi elchixonalari, nufuzli xalqaro tashkilotlarning vakillari, 30 dan ortiq davlatlarning vinochilik sohasida yirik va yetakchi hisoblangan kompaniyalari vakillari ishtirok etmoqda.

Jarayonda O‘zbekistonning 12 ta viloyatidan fermer xo‘jaliklari, mamlakatimiz vino zavodlari, tabiiy ichimliklar, sharbatlar va sharbat konsentratlari ishlab chiqarish korxonalari o‘z mahsulotlari bilan ishtirok etmoqda.

Shuni alohida ta’kidlash kerakki, bugungi kunda Toshkent viloyatida 15 ming gektardan ortiq uzumzorlar mavjud. 2022-yilda 103 ming tonna (105%) hosil yetishtirilgan bo‘lsa, joriy yilda 115 ming tonna (112%) hosil yetishtirish ko‘zda tutilmoqda. 2024-2025-yillarda qo‘shimcha 20 ming gektar (shundan 2023-yilda 10 ming 260 gektar hamda 2024-yilda 9 ming 740 gektar) uzumzor barpo etish belgilangan.

#uzumchilik #uzum_sayli #xalqaro_konferensiya

🌐Website💬Telegram💬Facebook📺YouTube📷Instagram

“UZUM SAYLI” VA XALQARO VINOCHILIK FESTIVALI YAKUNLANDI

Parkent tumanining Zarkent qishlog‘ida "Uzum sayli” va xalqaro vinochilik festivalining 2-kuni ham taassurotlarga boy bo‘ldi.

🍇Kunning birinchi qismida festival doirasida tashkil etilgan xalqaro ilmiy-amaliy konferensiyada ekspertlar tomonidan “Uzumning yangi navlari va yetishtirish texnologiyasi”, “Tok tuplari yashil qismlari bilan bog’liq ishlar”, “In-vitro sharoitida uzumning payvandtag va payvandtaglarini ko‘paytirish agrotexnologiyasi” kabi bir qator mavzularda ma’ruzalar qilindi.

Festival doirasida o‘tkazilgan ilmiy-amaliy konferensiyada 30 dan ortiq ma’ruzalar taqdim etildi, hududlar hamda vino ishlab chiqaruvchilarning pavilyonlari, vinolar degustatsiyasi, auksion, folklor jamoalar va estrada san’atkorlarining chiqishlari tashkil etildi.

Shuningdek, festival doirasida o‘tkazilgan B2B formatidagi uchrashuvlar natijasida jami 35 mln AQSh dollaridan ziyod eksport shartnomalari imzolandi.

Bundan tashqari, ushbu festivalda ikki kun davomida 95 ming nafar mahalliy va xorijiy mehmonlar qatnashdi.

Tadbirda bir qator nominatsiyalar bo‘yicha g‘olib deb topilgan, shuningdek faol ishtirok etgan qatnashchilarga tashakkurnomalar va qimmatbaho sovg’alar berildi. Xususan, Toshkent viloyatining shahar va tumanlari o‘rtasida “Eng namunali pavilyon” nominatsiyasida 1-o‘rinni Yuqori Chirchiq tumani egalladi.

#uzumchilik #uzum_sayli #xalqaro_konferensiya

🌐Website💬Telegram💬Facebook📺YouTube📷Instagram

🎥“O‘zbekiston 24” telekanalining “Maxsus reportaj” informatsion dasturida Toshkent viloyati Parkent tumanining Zarkent qishlog‘ida o‘tkazilgan Xalqaro “Uzum sayli” va vinochilik festivali haqidagi lavha efirga uzatildi.

Unda 15–16-sentyabr kunlari bo‘lib o‘tgan festival doirasida tashkil etilgan amaliy konferensiyalar, tadbirlar hamda ko‘rgazmalar haqida batafsil ma’lumot berilgan.

Ma’lumot o‘rnida, festival doirasida o‘tkazilgan B2B formatidagi uchrashuvlar natijasida jami 35 mln AQSH dollaridan ziyod eksport shartnomalari imzolandi.

Bundan tashqari, ushbu festivalda ikki kun davomida 95 ming nafar mahalliy va xorijiy mehmonlar qatnashdi.

#repost #Ozbekiston_24 #Maxsus_reportaj #uzum_sayli

🌐Website💬Telegram💬Facebook📺YouTube📷Instagram