#ShHT #agro

Chauxan Shri Ritesh, Hindiston Respublikasi Qishloq xo‘jaligi va fermerlar farovonligi vazirligi kotibi:

“Davlatimiz qishloq xo‘jaligi sohasida oziq-ovqat xavfsizligi borasidagi hamkorligimizni yuqori baholaydi. Bugungi murakkab sharoitda oziq-ovqat xavfsizligini taʼminlashda ishlab chiqarish zanjirini sifatli darajaga yetkazishga ehtiyoj bor. Taʼkidlashni istardimki, mamlakatimizda fermerlarni qo‘llab-quvvatlash uchun turli dasturlarimiz ishlaydi. Ayniqsa, bugungi kunda qishloq xo‘jaligi yerlarida organik mahsulotlarni yetishtirishni ikki yarim million gektar maydonda yo‘lga qo‘yganmiz. O‘g‘itlarni balanslangan tartibda qo‘llash uchun xaritalarimiz bor va ularni 22 mlndan ortiq fermerlarga tarqatganmiz. Hindiston Respublikasining mavjud qishloq xo‘jaligi maydonlari va agrar sohadagi tajribasini inobatga olgan holda, ShHT davlatlari orasida turli yo‘nalishlarda hamkorlikni yanada kuchaytirishni taklif qilaman”.

QISHLOQ XO'JALIGI VAZIRLIGI

#ShHT #agro

Gutsu Viorel, FAOning Markaziy Osiyo bo‘yicha submintaqaviy koordinatori:

“Bugungi kunda oziq-ovqat taʼminoti jiddiy muammolarga duch kelmoqda. Covid-19 pandemiyasi, inqirozlar, iqlim o‘zgarishi, aholi orasida tobora o‘sib borayotgan tengsizlik kabi muammolar talaygina. Ayni vaqtda dunyo bo‘yicha 3 mlrd odam sog‘lom ovqatlanmaydi. Bunday holatni yaxshi tomonga o‘zgartirish uchun oziq-ovqat taʼminotini yaxshilash, tabiiy resurslardan oqilona foydalanish, barqaror qishloq xo‘jaligini rivojlantirish zarur. Bundan tashqari, dunyo bo‘yicha o‘g‘itlar, energiya va yoqilg‘iga bo‘lgan talab va narx-navo ham oshib bormoqda. Ushbu muammolar hamkorlikda yechimni talab etadi. BMT Oziq-ovqat tashkiloti (FAO) ShHT davlatlariga birgalikda imzolangan Anglashuv Memorandumi asosida yordam berish uchun tayyor”.


QISHLOQ XO'JALIGI VAZIRLIGI

#ShHT #agro

Janibekov Asqarbek Saparbekovich, Qirg‘iziston Respublikasi qishloq xo‘jaligi vaziri:

“Hindiston va Pokistonning ShHTga aʼzo boʻlishi bilan Yevroosiyodagi mamlakatlar boʻyicha umumiy qamrovimiz 60 foizga oshdi, bu esa ShHTga aʼzo mamlakatlar oʻrtasidagi hamkorlikning istiqboli katta ekanidan dalolat beradi. Hozir ko‘plab mamlakatlar aholi sonining tez sur’atlarda o‘sishi muammosiga duch kelmoqda, shuningdek, yer, suv resurslarining yetishmasligi, o‘tgan yilgi pandemiya kabilar sharoitida hech bir davlatga oson bo‘lmadi. Ammo barchamiz bu muammolarni hal qilishga harakat qildik. Bugungi kunda Qirg‘izistonda qishloq xo‘jaligining rivojlanishi umuman olganda 23 foizga hamda oʻz mahsulotimizni ishlab chiqarish hajmi 80 foizga oshdi. Biz qishloq xoʻjaligini modernizatsiya qilish, "aqlli" qishloq xo'jaligini rivojlantirish boʻyicha boshqa davlatlar bilan hamkorlik qilishga va ishtirokchi davlatlar o'rtasida ushbu sohada tajriba almashishga tayyormiz”.

QISHLOQ XO'JALIGI VAZIRLIGI

#ShHT #agro

Ma Yusyan, Xitoy Xalq Respublikasi qishloq xo‘jaligi va qishloq ishlari vaziri o‘rinbosari:

“Oʻtgan yil davomida, pandemiyaning ogʻir davrida Xitoy oziq-ovqat va umuman qishloq xoʻjaligini rivojlantirish boʻyicha boshqa davlatlar bilan faol hamkorlik qildi. Mamlakatimizda oziq-ovqat xavfsizligi masalalariga ham respublika doirasida, ham bu borada boshqa davlatlar bilan hamkorlik qilishga katta e’tibor qaratilmoqda. Shu munosabat bilan mamlakatlar o‘rtasida oziq-ovqat xavfsizligini ta’minlash, shuningdek, sifatli tuproq, savdo-iqtisodiy aloqalar va boshqa masalalar bo‘yicha turli formatdagi seminarlar, forumlar va uchrashuvlar o‘tkazish maqsadga muvofiq, deb hisoblaymiz. ShHTga aʼzo boshqa davlatlar bilan birgalikda ilm-fan, shuningdek, “aqlli” qishloq xoʻjaligi sohasida kadrlar siyosatini kuchaytirish maqsadga muvofiqdir”.

QISHLOQ XO'JALIGI VAZIRLIGI

#ShHT #agro

Zafar Xasan, Pokiston Islom Respublikasi Milliy oziq-ovqat xavfsizligi va tadqiqotlari federal vazirining birinchi o‘rinbosari:

“Pokiston tabiiy boyliklarga boy davlat, shuningdek, chorvachilik resurslari serob va qishloq xo‘jaligi sohasi rivojlangan. Ammo davlatimiz agrar sektorini modernizatsiya qilish, shu jumladan, mahsulotlarni saqlash, klasterlar, fermerlar va yer egalarini qo‘llab-quvvatlash uchun sohani kompleks rivojlantirish talab etiladi. Pokiston ShHT davlatlari bilan to‘liq hamkorlik qiladi va biz mamlakatlarimiz o‘rtasidagi bunday do‘stona munosabatlar orqali zamonaviy qishloq xo‘jaligiga ega davlatga aylanishimizga ishonchimiz komil”.

QISHLOQ XO'JALIGI VAZIRLIGI

#ShHT #agro

ShHT Bosh kotibi o‘rinbosari Yerik Ashimov:

“Biz samarali uchrashuv o‘tkazdik va ShHT mamlakatlari o‘rtasida bu kabi hamkorlikni qo‘llab-quvvatlash zarur. 2010-yilda imzolangan me‘yoriy-huquqiy baza hayotga faol tatbiq etilmoqda, jumladan, oziq-ovqat xavfsizligi masalalarida ham. Biroq, qishloq xo‘jaligida ilmiy va innovatsion segmentni rivojlantirishni unutmaslik kerak. Bugungi yig‘ilishda O‘zbekiston tomonidan ma‘qullash uchun “aqlli” qishloq xo‘jaligini rivojlantirish bo‘yicha taklif kiritildi, shuningdek, 2020-2025-yillarga mo‘ljallangan qishloq xo‘jaligini qo‘llab-quvvatlashga doir yuqorida qayd etilgan maqsadlar bo‘yicha hamkorlik davom etmoqda. Ko‘pgina mamlakatlar transport va savdo almashinuvi muammolariga duch kelmoqda. Bu jihatlarda qishloq xo‘jaligi hamkorligini rivojlantirish, umumiy sa‘y-harakatlarimizni birlashtirish muhim, deb bilaman”.

QISHLOQ XO'JALIGI VAZIRLIGI

#ShHT #ШОС #agro

🔰 Bugun, 2022-yil 25-iyul kuni Toshkent shahrida O‘zbekiston Respublikasi Qishloq xo‘jaligi vazirligi tomonidan tashkil etilgan Shanxay hamkorlik tashkilotiga (ShHT) a’zo davlatlar qishloq xo‘jaligi vazirlarining VII yig‘ilishi bo‘lib o‘tdi. Gibrid formatda (onlayn va oflayn) o‘tkazilgan tadbir doirasida tomonlar ShHTga a’zo davlatlarning qishloq xo‘jaligi va oziq-ovqat xavfsizligi sohasidagi bugungi o‘zaro hamkorligi yuzasidan fikr almashdilar.

✅ ShHTga aʼzo davlatlarning “aqlli qishloq xoʻjaligi” va agroinnovatsiyalar sohasidagi oʻzaro hamkorligi konsepsiyasi loyihasi muhokama qilindi va kelgusida belgilangan tartibda qabul qilish uchun maʼqullandi.

👉Batafsil

Obuna bo'ling:
WWW /TELEGRAM /FACEBOOK
YOUTUBE /INSTAGRAM

#repost #mtrk #ShHT #agro
ShHT AʼZO DAVLATLARNING QISHLOQ XO‘JALIGI VAZIRLARINING VII MAJLISI TAFSILOTLARI
🎥 O‘zbekiston 24 telekanali O‘zbekiston Respublikasi Qishloq xo‘jaligi vazirligi tomonidan tashkil etilgan Shanxay hamkorlik tashkilotiga a’zo davlatlar qishloq xo‘jaligi vazirlarining VII yig‘ilishi haqida reportaj tayyorladi.
https://youtu.be/nYpFp5OH9xI

#SHHT #sammit #Samarqand #SCO2022

🇺🇿 SAMARQAND SHHT SAMMITIGA TAYYOR

📌 15-16-sentyabr kunlari Samarqandda O‘zbekiston raisligida Shanhay hamkorlik tashkilotining sammiti o‘tkaziladi. Sammitda 15 mamlakat rahbari ishtirok etadi.

✅ Bu O‘zbekistonda o‘tkaziladigan to‘rtinchi sammitdir. Ilgari bunday muhim xalqaro tadbir 2004, 2010 va 2016-yillarda Toshkent shahrida o‘tkazilgan.

✅ Sammit munosabati bilan Samarqandda zamonaviy aeroport, xalqaro sayyohlik markazi qurildi. Markaz hududida jami 10 ta obyekt bunyod etildi, 2 ta 5 yulduzli, 6 ta 4 yulduzli mehmonxona, kongress holl hamda karvonsaroy kompleksi.

✅ «Boqiy shahar» majmuasida milliy hunarmandchilik ustaxonalari, milliy uslubdagi choyxonalar, Chorsu sharq bozori, barcha viloyatlardan kelgan usta-hunarmandlarning ijod namunalaridan bahramand bo‘lish mumkin.