KUMUSHKONNING DAVOLOVCHI MADOR O‘SIMLIGI

🌱Mador o‘ti “piyozdoshlar” oilasiga mansub bo‘lib, u tog‘larning salqin yerlarida atigi ikki oy, ya’ni, aprel va may oylarida o‘sadi. “Mador” so‘zining ma’nosi kuch va yordam ma’nosini bildiradi. Xalq tilida uni “motor” deb ham atashadi.

Ushbu o‘simlik tarkibida C, B, B2, PP, E va A vitaminlari mavjudligi sababli foydali va shifobaxsh hisoblanadi. Ma’lum bo‘lishicha, bu o‘t Parkent tog‘ etaklarida o‘sadi va ko‘k piyozning uzun “semiz” poyasiga o‘xshaydi. Aynan G‘arbiy Tyan-Shan mintaqasida bu o‘simlikning vegetatsiya davri juda qisqa bo‘ladi.

Sizni tog‘ yonbag‘rida o‘sadigan mador o‘simligi va undan somsa tayyorlash jarayoni bilan yaqinroq tanishtirish maqsadida ijodiy guruhimiz Parkent tumanidagi Kumushkonga yo‘l oldi.

#mador_osimligi #foydali #Parkent

Vebsayt • Telegram • Facebook • YouTube • Instagram