Biroz avval O‘zbekiston Respublikasi Qishloq xo‘jaligi vazirligi vakillarining agrar sohadagi oliy ta‘lim muassasalarida ta‘lim oluvchi davlat va vazirlik stipendiyasi g‘oliblari bilan davra suhbati bo‘lib o‘tayotgani haqida xabar bergandik.

Toshkent viloyatining Bo‘stonliq tumanidagi “Chinorkent” ko‘ngilochar dam olish maskanida bo‘lib o‘tayotgan тadbirga Qishloq xo‘jaligi vaziri Aziz Voitov ham tashrif buyurib, talabalarning har biri bilan alohida tanishdi hamda ularning o‘y-fikrlari, kelajakdagi rejalari, o‘z oldiga qo‘ygan maqsadlari haqida suhbatlashdi. Samimiy ruhda kechayotgan uchrashuvda vazir rivojlangan davlatlarning qishloq xo‘jaligi sohasidagi ko‘rsatkichlari, rivojlanish bosqichlari va istiqbollari haqidagi ma‘lumotlari bilan o‘rtoqlashdi. Shuningdek, sohada erishilayotgan yutuqlar va kelgusida amalga oshiriladigan islohotlar haqida talabalarga so‘zlab, ushbu tizimga qadam qo‘yayotgan yoshlarga o‘z tajribasidan kelib chiqqan holda yo‘nalishlar berdi.

Davra suhbatida talabalar o‘zlarini qiziqtirgan savollarga javob olish bilan birga, vazirlik tomonidan yosh mutaxassislar uchun yaratilayotgan imkoniyatlar, tizim tashkilotlarining faoliyat yo‘nalishlari, sohada amaliy tajriba oshirish uchun mavjud shart-sharoitlar bo‘yicha ham yetarlicha ma’lumot olishdi.

#uchrashuv #Qishloq_xojaligi_vazirligi #davra_suhbati #talabalar #stipendiat

WWW • TELEGRAM • FACEBOOK • YOUTUBE • INSTAGRAM