#repost #Uzbekistan_24 #Quyosh_panellari

☀️QUYOSH PANELLARINING AFZALLIGI

🎥"O‘zbekiston 24" telekanalida muqobil energetika, xususan quyosh panellaridan foydalanish ommalashayotgani to‘g‘risida reportaj efirga uzatildi.

Lavhada elektr energiyasini tejash maqsadida Andijon viloyatidagi ko‘pgina davlat tashkilotlarida ham quyosh panellari va moslamalarni o‘rnatish bo‘yicha ishlar jadal ketayotgani yoritilgan.

Jumladan, Andijon qishloq xo‘jaligi va agrotexnologiyalari instituti binosida o‘rnatilgan quyosh panellari va ularning afzallik jihatlariga to‘xtalib o‘tilgan.

WWW • TELEGRAM • FACEBOOK • YOUTUBE • INSTAGRAM

Ayni paytda Berlin shahrida bo‘lib o‘tayotgan “Green week - 2023” yirik xalqaro qishloq xo‘jaligi ko‘rgazmasi doirasida O‘zbekiston Respublikasi Qishloq xo‘jaligi vaziri Aziz Voitov boshchiligidagi O‘zbekiston delegatsiyasi agrar sohadagi dolzarb masalalarni muhokama qilish maqsadida uchrashuvlar o‘tkazmoqda.

🤝Shulardan Birlashgan Millatlar Tashkilotining oziq-ovqat va qishloq xo'jaligi tashkiloti (FAO) bosh iqtisodchisi Maksimo Torero Kulyen bilan bo‘lib o‘tdi va unda qishloq xo‘jaligining barqarorligini oshirish bo‘yicha iqtisodiy-siyosiy chora-tadbirlar muhokama qilindi.

Eslatib o‘tamiz, FAO vakolatxonasi Toshkentda 2014-yildan buyon faoliyat yuritib kelmoqda. O‘zbekiston va FAO o‘rtasidagi hamkorlikda umumiy qiymati 55 million dollar bo‘lgan 55 ta loyiha ishga tushirildi. O‘zbekistonda FAOning 2021-2025-yillarga mo‘ljallangan yangi Davlat miqyosidagi dasturi muvaffaqiyatli amalga oshirilmoqda.

“Biz FAOning yerdan oqilona foydalanish, oziq-ovqat xavfsizligini taʼminlash, qoʻshimcha qiymat zanjirini rivojlantirish, fermer xoʻjaliklari bilimini oshirish, standartlashtirish va gender tengligi kabi sohalarda koʻrsatayotgan yordamini yuksak qadrlaymiz,” – dedi Aziz Voitov.

Muzokaralar davomida quyidagi masalalar muhokama qilindi:

🟢O‘zbekistonda qishloq xo‘jaligini isloh qilish va davlat tomonidan tarmoq boshqaruvining institutsional arxitekturasini takomillashtirish.

🟢Kreditlash, lizing, sug‘urta, qishloq xojaligi subsidiyalari kabi yangi moliyaviy vositalarni o‘rganish.

🟢Iqlim ozgarishining kuchli ta’siri va Yashil iqlim jamg‘armasi va Global ekologik fond bilan ishlash bo‘yicha takliflar ishlab chiqish tufayli O‘zbekiston uchun iqlim fondlari grant resurslarini safarbar qilish.

Qayd etilishicha, 2023-yil sentyabr oyida Samarqand shahrida FAO bilan hamkorlikda oziq-ovqat xavfsizligi bo‘yicha Global miqyosidagi konferensiya bo‘lib o‘tadi.

#Xalqaro_yashil_haftalik #vazir #tashrif #hamkorlik #Uzbekistan #FAO

WWW • TELEGRAM • FACEBOOK • YOUTUBE • INSTAGRAM

🤝Berlin shahrida bo‘lib o‘tayotgan “Green week - 2023” yirik xalqaro qishloq xo‘jaligi ko‘rgazmasi doirasida O‘zbekiston Respublikasi qishloq xo‘jaligi vaziri Aziz Voitov boshchiligidagi O‘zbekiston delegatsiyasining Xalqaro qishloq xo‘jaligini rivojlantirish jamg‘armasi (IFAD) vitse-prezidenti Donal Braun bilan uchrashuvi bo‘lib o‘tdi.

Eslatib o‘tamiz, 2011-yil 19-fevralda O‘zbekiston IFAD ga rasman a‘zo bo‘lib, u mamlakatning bog‘dorchilik va sut mahsulotlari sohasiga kreditlar ajratgan birinchi xalqaro moliya instituti bo‘lgan.

“IFAD bizning uzoq yillik va ishonchli strategik hamkorimiz bo‘lib, biz ular bilan “Yashil haftalik”da uchrashuv o‘tkazmasligimiz mumkin emasdi. Bundan tashqari, dekabr oyida IFADning 2023-2027- yillarga mo‘ljallangan O‘zbekistonda yangi strategik imkoniyatlar dasturi qabul qilindi. O‘ylaymanki, yaqin kelajakda biz IFADning talab va qoidalariga to‘liq mos keladigan variantlarni taqdim eta olamiz”, — dedi Aziz Voitov.

Muzokaralar davomida tomonlar quyidagi masalalarni muhokama qildilar:

🟠Yangi COSOPning birinchi loyihasiga ko‘ra, qishloq xo‘jaligini diversifikatsiya va modernizatsiya qilish bo‘yicha mavjud jarayonlarni nafaqat Farg‘ona vodiysida, balki hududlarda – Samarqand va Toshkent viloyatlarida ham kengaytirish;

🟠O‘zbekistonda IFAD vakolatxonasini ochish bo‘yicha shartnoma imzolangach, tegishli ofis maydoni tanlash jarayoni boshlandi. O‘zbekiston tomoni IFAD bilan eng maqbul joyni tanlashda hamkorlik qilishga tayyorligini bildirdi.

Uchrashuv do‘stona ruhda o‘tdi. Tomonlar kelgusida umumiy loyihalar doirasida yaqin hamkorliklar qilishga kelishib oldilar.

#Xalqaro_yashil_haftalik #vazir #tashrif #hamkorlik #Uzbekistan #IFAD

WWW • TELEGRAM • FACEBOOK • YOUTUBE • INSTAGRAM