Мост на Рыбацкай дарабілі, а на сайце гарвыканкама з’явілася абвестка аб грамадскім абмеркаванні ўплыву на навакольнае асяроддзе рамонту гэтага моста🧐

▪️шырыня новай праезнай часткі - 7,7 м,
▪️вышыня ж/б агароджы - 80 см,
▪️вышыня парэнчаў - 110 см,
▪️даўжыня берагавых апор на ж/б палях - 12 м.

📌Дызайн парэнчаў падганялі пад гістарычны цэнтр.

Паводле дакументаў на grodno.gov.by ад 9.11.2023, у працы ўвайшлі:
▫️разборка ўсіх канструкцый (акрамя паль берагавых апор),
▫️пашырэнне берагавых апор №1 і №2,
▫️поўная замена пралётнага збудавання на сталежалезабетоннае,
▫️галоўныя бэлькі новага пралётнага збудавання абапіраюцца на поліўрэтанавыя апорныя часткі,
▫️спалучэнне маста з падыходамі з боку апоры №1 - зборна-маналітнае, з боку апоры №2 - з участкамі маналітнай ж/б пліты праезнай часткі сталеж/б пралётнага збудавання,
▫️праз вышыню адхонаў каля моста і яго пашырэнне зрабілі падпорныя сценкі ўздоўж берагоў.

Працы пачалі ў 2023, сканчэнне пазначана - 2024 г.
⏱Пасля рамонту мост будзе прыдатны 50 гадоў.

Паводле абвесткі ад гарадскіх уладаў, заўвагі і прапановы (наконт уплыву завершанай будоўлі?🤯) прымаюць з 9 лістапада па 9 снежня 2023 г.:
▫️Гродзенскі гарвыканкам (пл. Леніна, 2/1, 230023, г. Гродна; e-mail: gorisp@gorod.grodno.by. Кантакт: начальнік упраўлення будаўніцтва, архітэктуры і горадабудаўніцтва гарвыканкама Конан Дзяніс Рамановіч, (80152) 62-69-93, e-mail: arhitektura@gorod.grodno.by),
▫️ТАА "Экамост" (220140, г. Мінск, вул. Цімашэнка, 8, оф. 12, кантакт: дырэктар А.М. Першай, +375172027176, e-mail: ekomost@mail.ru)

Грамадскія слуханні (наконт завершанай будоўлі?😳) правядуць толькі пры атрыманні заяваў аб іх неабходнасці. Заявы прымае да 21 лістапада гарвыканкам (тэл. (80152) 62-64-66, e-mail: info@gorod.grodno.by. Кантакт: Конан Д.Р.).

Заяву аб намеры грамадскай экалагічнай экспертызы (завершанай будоўлі?🫣) накіроўваць у АУПП "Гродзенская гарадская жыллёва-камунальная гаспадарка" (кантакт: начальнік аддзела тэхнагляду за будаўніцтвам, рамонтам і ўтрыманнем аб'ектаў добраўпарадкавання Вярышка Дзмітрый Раманавіч (тэл. 8-0152-39-32-89, oks@gkh.by)) - да 21 лістапада.

У Гродне з'явіцца новая вуліца. Яе хочуць назваць Калінавая 🍃

Каля вуліцы з’явіцца і завулак. Прапанова назвы - Калінавы.

Новыя вуліцу і завулак плануюць у прыватнай забудове мікрараёна «Пагараны-Кашэўнікі».

👥Меркаванні гродзенцаў наконт назвы ў пісьмовай форме прымаюць і абагульняюць цягам месяца (да 9 снежня):
▪️230023, г. Гродна, пл. Леніна, 2/1 (з паметкай "вывучэнне меркаванняў грамадзян па пытанні наймення элементаў вулічна-дарожнай сеткі");
▪️на e-mail Гродзенскага гарадскога Савета дэпутатаў gsd-grodno@mail.grodno.by.

Да 25 лістапада перакрыюць рух па вул. Гогаля (ад вул. Гагарына да вул. Міра).
Рух па вул. Міра на скрыжаванні з Гогаля таксама будзе закрыты.

Там будуць пракладаць камунікацыі.

😴Рамонт на вуліцах у гэтым раёне цягнецца з пачатку года. Цягам яго на вул. Міра раскрылі брукаванку, якая хавалася пад асфальтам

У гродзенскіх маршрутках зрабілі магчымасць плаціць за праезд анлайн праз "Аплаці"

🤳Прынцып такі ж, як у аўтобусах і тралейбусах. На смартфоне трэба мець дадатак "Аплаці" (там трэба зарэгістравацца, прывязаць банкаўскую картку і папоўніць рахунак). Каб аплаціць паездку, трэба адсканаваць QR-код у маршрутцы і купіць квіток.

Фота: vgr.by
#ідэі_для_горада

Варыянты назваў вуліц у Баранавічах, прапананаваныя раней дэпутатамі, афіцыйна зацвердзілі.

Праектаваныя вуліцы і завулкі назавуць не ў гонар гарадоў-пабрацімаў, як хацелі раней, а ў гонар гродзенцаў - ветэранаў Вялікай Айчыннай і воінаў-інтэрнацыяналістаў.

У Гродне пачалі эксперымент па ўліку ацяплення - каб жыхары маглі самі рэгуляваць тэмпературу дома і плаціць толькі за тое, што спажылі 🔥

Каля кожнай кватэры асобна ставяць лічыльнікі, якія працуюць па радыёканале. Жыхары змогуць падтрымліваць жаданую тэмпературу ў памяшканні цягам года.

➡️аплата выстаўляецца роўна за тое, колькі спажылі;
➡️зняць паказанні можна на месцы цягам некалькіх хвілін;
➡️дадзеныя збіраюць раз на суткі, перадаюць на сервер;
➡️спецыяльная праграма вядзе ўлік і архіў паказанняў;
➡️дадзеныя паступяць у разлікова-касавы цэнтр;
➡️там кошт разлічаць, паводле тарыфаў, для кожнай кватэры.

💰Спецыялісты кажуць, што так можна эканоміць 20-30%.

🔎Для эксперыменту абралі шматпавярховік на Курчатава. Рэгуляваць тэмпературу жыхары змогуць з 1 снежня.

Да канца 2024 г. плануюць увесці такі ўлік яшчэ ў некалькіх дзясятках дамоў у горадзе.

🧮 Праект рэалізуе гарадскі цэнтр стандартызацыі, метралогіі і сертыфікацыі - менавіта яго нядаўна ўзначаліў былы кіраўнік Гродна Мечыслаў Гой
#ідэі_для_горада

На Савецкай ужо паставілі ялінку!🎄

💪Працы пачалі раніцай у суботу, 25-га, а да палудня яе ўжо сабралі.

Засталося прымацаваць верхавіну і павесіць гірлянды🪄

🗓А з 8 снежня па 7 студзеня на Савецкай плошчы будзе працаваць "Зімовы фэст". Там будуць фудтракі, глінтвейн, падарункі ад рамеснікаў, забавы для дзяцей і елкавы кірмаш ☃️🥤🎁