ኢትዮ ቴሌኮም የአንድነት ፓርክ የመግቢያ ቲኬትን ኦንላይን መግዛት የሚያስችል አሰራር ተግባራዊ አደረገ
*********************
ኢትዮ ቴሌኮም በውጭ አገር የሚገኙ ኢትዮጵያውያን፣ ትውልደ ኢትዮጵያውያን እንዲሁም የውጭ አገር ዜጎች ካሉበት ሆነው አንድነት ፓርክን ለመጎብኘት የሚያስችላቸውን የመግቢያ ቲኬት ኦንላይን መግዛት የሚችሉበት አገልግሎት ተግባራዊ አድርጓል፡፡
አገልግሎቱ ከውጭ በመምጣት ፓርኩን መጎብኘት የሚፈልጉ ሰዎች ካሉበት ቦታ ሆነው ቲኬቱን መግዛት እና አገር ቤት ለሚገኙ ወዳጅ ዘመዶቻቸው በስጦታ ማበርከት ያስችላቸዋል ነው የተባለው፡፡
በዚሁ መሰረት ቲኬቱን የአጋር ድርጅት ድረገጽ በሆነው
www.remit.et ላይ በተቀመጠው መመሪያ መሰረት መግዛት እንደሚቻል ኢትዮ ቴሌኮም ዛሬ ለኢቢሲ የላከው ጋዜጣዊ መግለጫ ያብራራል፡፡
በሌላ በኩል የአገር ውስጥ ጎብኚዎች በአጭር የፅሁፍ መልእክት አማካኝነት ወደ 6030 "አ"ን ወይም "ሀ"ን በመላክ ወይም በፓርኩ ድረ ገፅ https://www.unitypark.et በኩል ቲኬቱን በቀላሉ ማግኘት እንደሚችሉ ኢትዮ ቴሌኮም አስታውቋል፡፡

Source: EBC

@UnityPark

የኢትዮጵያ ህዝብ ብዛት አሁን ላይ ከ 113 ሚሊዮን አልፏል። በከተማ የሚኖረው ግን 23 ሚሊዮን ገደማ ነው። ይህም ከአገሪቱ ጠቅላላ ህዝብ ላይ 20.9 በመቶውን ይሸፍናል። በገጠሩቱ ኢትዮጵያ የሚኖረው ደግሞ 89.9 ሚሊዮን ሲሆን የአገሪቱን 79.1 በመቶ ይይዛል።
https://www.worldometers.info/world-population/ethiopia-population/

@UnityPark

መብራትን በሪሞት [ውይ ቻይና]

ዜናው #ኬንያ ፣ #ኢንዶኔዥያ እና #ታይላንድ ከቻይና አቅርቦት እንደሚያገኙ ያስረዳል።

እኛም አስገብተናል ይሆን ?

የቴክኖሎጅ መዘዙ ይሄ ነው እንግዲህ። በራስ ባለሙያ የማይሰራ ከሆነ፤ ሁሌም ከውጭ ማስገባት አደጋ ላይ ይጥላል። ሚስጥር መጠበቅ እና በራስ መተማመን የሚባል ነገር ጥያቄ ውስጥ ይወድቃል። አሁን አሁን በአገራችን DIGITALIZATION በሚል ብዙ ነገር እየተሰራ እንደሆነ እንሰማለን። እና በዚህ አጋጣሚ ጥንቃቄ ቢደረግ መልካም ነው።

@UnityPark

Tikvah Ethiopia በትንሽ ጊዜ ውስጥ ብዙ ቤተሰቦችን ማፍራት የቻለ የቴሌግራም ቻናል ሲሆን አኔም አንዱ የቻናሉ ተከታይ ነኝ።

ይህን ላነሳ የፈለኩት የቻናሉ ስም Tikvah Ethiopia ከሚለው Tikvah ምን ማለት እንደሆነ አብዛኞቻችን ምን ማለት እንደሆነ ትኩረት ሰተነው ላናጣራ እንችል ይሆናል በሚለው የስሙን ትርጉም ላካፍላቹ ወደድኩ።

Google Dictionary እንዲ ብሎ ተርጉሞታል

"The name Tikvah is a Biblical Name given for new born childs. In Biblical Names the meaning of the name Tikvah is: Hope"

Tikvah Ethiopia : Hope Ethiopia

@UnityPark @TikvahEthiopia

2 Days, 10 Hours and 23 Minutes left for lift off

#ETRSS1 @UnityPark

በአለም ላይ ካሉ ሀገራት ቴሌግራምን በስፋት የሚጠቀሙት ኢትዮጵያ፣ ኢራን እና ኡዝቤኪስታን ብቻ እንደሆኑ ያውቃሉ?

በአለም ላይ በስፋት ሰዎች የሚጠቀሙት የሶሻል ሚድያ ፕላትፎርም ሗትስአፕ ሲሆን 1.6 ቢልዮን ገደማ ሰዎች ይገለገሉታል፣ የሗትስአፕ ባለቤት የሆነው ሁለተኛው ፌስቡክ ደግሞ 1.3 ቢልዮን ገደማ ተጠቃሚዎች አሉት። የቻይናው ዊቻት ደግሞ በ1.1 ቢልዮን ተጠቃሚዎች ሶስተኛ ነው። የቴሌግራም ተጠቃሚዎች 200 ሚልዮን ገደማ ናቸው፣ በኢትዮጵያም አንደኛው ሆኖ ይገኛል። ኢትዮጵያ ውስጥ ምን ያህል ሰዎች ቴሌግራም እንደሚጠቀሙ ግን አልተጠቀሰም። እንዲያም ሆኖ ከ 6-7 ሚልዮም ኢትዮጵያውያን ፌስቡክ ይጠቀማሉ ተብሎ ይገመታል።

Source: Elias Meseret

@UnityPark

ከ ጅማ የመጡ የአንድ ቤተሰብ አባላት በአንድነት ፓርክ።

#UnityPark @UnityPark

መኪና ውስጥ የሚኖረው ግለሰብ ለመታሰር ብሎ ሳይክል ነጂ በመግጨቱ የእድሜ ልክ እስራት ተፈረደበት።

ግለሰቡ ሥራ አጥ ሲሆን፤ የሚኖረውም መኪና ውስጥ ነበር። እስር ቤት ለመግባት በማሰብ ሆነ ብሎ በሳይክል የሚጓዝ ሰው ከገጨ በኋላ ነው በጀርመን ፍርድ ቤት የእድሜ ልክ እስራት የተፈረደበት። ባለ ሳይክሉ ክፉኛ ጉዳት ደርሶበታል።

ግለሰቡ በኮምፒውተር ሳይንስ ዘርፍ ውስጥ ይሠራ ነበር። ሥራውን ካጣ በኋላ ግን ያለውን ገንዘብ ባጠቃላይ አውሮፓን በመዞር አባክኖታል። የ62 ዓመቱ ግለሰብ ሥራ እንዲሁም መኖሪያ ቤትም የለውም። ግለሰቡ ሳይክል ነጂውን ከመግጨቱ በፊት፤ እስር ቤት ቢገባ ሊያገኝ የሚችለውን "ጥቅም" ሲያጠያይቅ ነበር ተብሏል። ግለሰቡ እስር ቤት ቢገባ፤ መጠለያ እንዲሁም ምግብ እንደሚያገኝም በማሰብ ነበር ባለ ሳይክሉን የገጨው።

ፍርድ ቤቱ እንዳለው፤ ግለሰቡ "ስግብግብ በመሆኑ" የ48 ዓመቱን ባለ ሳይክል ገጭቷል። ክስ የቀረበበትም በግድያ ሙከራ ነው።
የፍርድ ቤቱ ቃል አቀባይ እንዳሉት፤ ግለሰቡ በድርጊቱ ጸጸት ስለተሰማው የጡረታ ገንዘቡን ለባለ ሳይክሉ መታከሚያ ለማዋል ተስማምቷል።

ምንጭ BBC Amharic

@UnityPark

ነገ ከሚከናወነው ወሳኝ ኩነትን ምክኒያት በማድረግ በሳተላይቶች ዙርያ ማወቅ የሚገባዎ ሰባት አስደናቂ እውነታዎችን ከBBC Amharic ያገኝውትን ላካፍላቹ።

በመሬት ዙርያ የሚሾሩ ሳተላይቶች ቁጥራቸው ስንት ይደርስ ይሆን? ደግሞስ እርስ በርስ እንዴት አይጋጩም? ደግሞስ እንዴት ወደ መሬት አይፈጠፈጡም?

ለመሆኑ ስንት ሳተላይቶች ሕዋ ላይ እንዳሉ ይታወቃል? ደግሞስ ማንም ተነስቶ ወደ ሕዋ ሊያመጥቃቸው ይችላል? ወይስ ፍቃድ ያሻል? ፍቃድ ካስፈለገ ፍቃድ ሰጪው ማን ነው? ሳተላይቶች እርስበርስ ሊላተሙ የሚችሉበት አጋጣሚስ ይኖር ይሆን?
ለመኾኑ በመሬት ምህዋር የሚዘዋወሩ ሰው ሰራሽ ሳተላይቶች ስንት ይሆናሉ ብለው ይገምታሉ? መቶ? ሺህ? 10ሺህ?

በተባበሩት መንግሥታት ድርጅት የአውተር ስፔስ ጉዳዮች ቢሮ UNOOSA እንደተገለጸው ዛሬ ላይ ወደ አምስት ሺህ የሚጠጉ ሳተላይቶች ይገኛሉ። ቁጥሩን በትክክል ለማስቀመጥ ያህል 4921 ሳተላይቶች ምድርን እየተሽከረከሩ ነው።
ነገር ግን ሁሉም በሥራ ላይ ናቸው ማለት አይደለም። ከሥራ ውጭ የሆኑት 2600 ሲሆኑ በሕዋ ላይ እነዚህን ሳተላይቶች ጨምሮ 17ሺህ የሚጠጉ የተለያዩ ሳተላይት ያልሆኑ መሣሪያዎች ይገኛሉ ይላል በደቡብ ካሊፎርኒያ ዩኒቨርስቲ የሕዋ ተመራማሪው ዴቪድ ባርን ሀት። እነዚህ ቁሳቁሶች በድምሩ 7600 ቶን ይመዝናሉ። ሁሉም የሚገኙት ታዲያ ከመሬት እስከ 35 ሺህ ኪሎሜትር ርቀት ላይ ነው።

ይቀጥላል...

@UnityPark

1. የሳተላይቶቹ መጠን ምን ያህል ነው?

ሳተላይትን ስናስብ መጀመርያ ወደ አእምሯችን የሚመጣው እጅግ ግዙፍና እጅግ ከባድ ከሆኑ ቁሳቁሶች የተሠራ በጣም ትልቅ ቁስ ሊሆን ይችላል።
ነገር ግን ሁሉም ሳተላይቶች እንደዚያ አይደሉም። መጠናቸውም ቢሆን ይለያያል። ትንሽ የዳቦ ቅርጫት ከሚያክሉት አንስቶ የከተማ አውቶቡስ እስከሚያህሉት ድረስ አሉ። አንድ መለስተኛ የእግር ኳስ ሜዳ የሚያክሉ ሳተላይቶችም ይገኛሉ።

2. ሳተላይት አገልግሎቱ ምንድነው?

ሁሉም ሳተላይቶች ወደ ምድር አጎንብሰው የመሬት አካልን ፎቶ የሚያነሱ አይደሉም። ዘርፈ ብዙ አገልግሎትን ይሰጣሉ። የኮሚኒኬሽን ሥራ አንዱ ነው። የስልክ ግንኙነትን፣ የዳታ ስርጭትን የምናገኘው በሳተላይቶች አማካኝነት ነው።
የመሬት ቅኝትና ምልከታን (የጂፒኤስ ሥርዓትን ይጨምራል) የምናውቀው ሳተላይቶች ስላሉ ነው።
የሕዋ ጥናትን እንዲሁም የፕላኔት ጥናትን የሚያካሄዱ መልከ ብዙ ሳተላይቶችም ይገኛሉ።

ነገ አዲስ አበባ ይዘንብ ይሆን ወይስ ደመናማ ይሆናል ለማለት የሳተላይት ምስሎች ያስፈልጉናል። የባህር ወጀብን ሳይቀር ምስል አንስቶ የሚልከው ሳተላይት ነው።
የዓለማችን ሳንባ የሚባለው አማዞን ጫካ ውስጥ ምን ያህል ምንጣሮ እየተካሄደ እንደሆነ፣ ቻይና በረሃ ውስጥ አፈናና ግድያ የሚፈጸምበት ማጎርያ እየተገነባ ይሁን አይሁን ሳተላይቶች ፍንጭ ያቀብሉናል። በቤታችን ቁጭ ብለን የምንኮመኩማቸው የቴሌቪዥን ስርጭቶችና የራዲዮ ሞገዶች የሳተላይት እገዛን የሚሹ ሊሆኑ ይችላሉ።

ይቀጥላል...

@UnityPark

3. እንዴት ነው ሳተላይት በምህዋሩ መቆየት የሚችለው?

ሳተላይቶች በምድር ዙርያ ሊሾሩ የሚችሉት የመሬት ስበትን ለመቋቋም በሚያስችል ፍጥነት ላይ እንዲሆኑ ስለተደረጉ ነው። አለበለዚያ ወደ መሬት ይወድቁ ነበር። ይህን ለመረዳት ትንሽ ውስብስብ ቢሆንም በቀላሉ አንድ መድፍ በከፍተኛ ጉልበት በ180 ዲግሪ ቢተኮስ መሬት ላይ ከመውደቁ በፊት በሆነ አቅጣጫ የተወሰኑ ርቀቶችን ይጓዛል። ወደ መሬት የመውደቅ ርቀቱ የሚወሰነው በሚኖረው የፍጥነት ጉልበት ነው። ሳተላይቶችም ለመሬት ስበት እጅ የማይሰጡበት ምክንያት ፍጥነታቸው ነው።

4. የሳተላይቶችን ዕድሜ ምን ያህል ነው?

ሮኬቶች ሳተላይትን ጭነው ወደ ሕዋ ያመጥቁና ለሳተላይቱ ከተሰናዳለት ቦታ ያኖሩታል። የተስተካከለ ርቀቱን እስኪያገኝ ወራትን ሊወስድ ይችላል። በመጨረሻም ሳተላይቱን በምህዋሩ ላይ ይቀመጣል። ሳተላይቱ ተሸክሞት ከሄደው ሮኬት ቀስ በቀስ በሚለያይበት ወቅት የሚኖረው ፍጥነት በመሬት ዙርያ ለመቶ ዓመት መሽከርከር ያስችለዋል ይላሉ ባለሞያዎች። ዋናው ሳተላይት በሕዋ ላይ እንዲቆይ የሚያደርገው ምስጢር የመሳሳብ ፊዚክስ ሲሆን በመሬት ስበት እንዳይወድቅ የሚያግደው ብቸኛው ጉዳይ የእሽክርክሪት ፍጥነቱ ነው።

ለዚያም ነው ከመሬት በቅርብ ርቀት የሚገኙት ሳተላይቶች የሚሾሩበት ፍጥነት ከመሬት ራቅ ብለው ከሚገኙት ይልቅ ፈጣን የሆነው። ሳተላይቶች የእሽክርክሪት ምህዋራቸውን መለወጥ ቢያስፈልግ እና እርስበርስም እንዳይጋጩ እንዲረዳ የየራሳቸውን ነዳጅ ተጭኖላቸዋል።
ሳተላይቶች ከ5 እስከ 15 ዓመታት አገልግሎት ላይ ሊቆዩ ይችላሉ። ዕድሜያቸው ግን በሚሰጡት አገልግሎትና በሚታጠቁት የነዳጅ መጠን ይለያያል።

ይቀጥላል...

@UnityPark

5. ሳተላይቶች ሊጋጩ ይችላሉ?

ሊጋጩ ይችላሉ፤ ነገር ግን ሁልጊዜ የሚሆን ነገር አይደለም። ምክንያቱም የሚሾሩበት መስመር ከመለያየቱም ባሻገር ሕዋ እጅግ ሰፊ አካል መሆኑ ግጭት እንዳይኖር ያደርጋል። ይህ ማለት ግን ግጭት በፍጹም አይከሰትም ማለት አይደለም። በአሁኑ ጊዜ እጅግ በርካታ ሳተላይቶችን የማምጠቅ ዕቅድ መኖሩ ሲታይ ግጭት የመከሰቱ ዕድል ዜሮ ነው ማለት አይቻልም።

በየካቲት፣ 2009 አንድ የአሜሪካና አንድ የራሺያ ሳተላይቶች ተላትመው ያውቃሉ። ይህ በታሪክ የተመዘገበ የመጀመርያው የሳተላይቶች ግጭት ነው።

6. ሳተላይቶችን ማን ነው የሚቆጣጠራቸው?

ሳተላይቶች በድርጅቶች ወይም በኩባንያዎች ወይም በመንግሥት አንዳንድ ጊዜም በግለሰቦች ባለቤትነት ሊያዙ ይችላሉ። በ1967 በተደረገው የአውተር ስፔስ ስምምነት መሠረት እያንዳንዱ ሳተላይት ያመጠቀ አገር የተወሰነ የመቆጣጠር ሥልጣን እንዲኖረው የተደረገው የሬዲዮ ልውውጥ መጠላለፍን ለማስቀረት ጭምር ነው።

በአሜሪካ ለምሳሌ የግል ኩባንያዎች በስፔስ አገልግሎት ላይ ለመሰማራት መጀመርያ ከፌዴራል መንግሥት ፍቃድ ማግኘት ይኖርባቸዋል።
ለኮሚኒኬሽንና ቴሌኮም ሳተላይት ግንኙነት ለማድረግ ከፌዴራል ኮሚኒኬሽን ኮሚሽን ፍቃድ መውሰድ ግድ ነው። ሳተላይትን ወደ ሕዋ ለማምጠቅ ደግሞ የፌዴራል አቪየሽን አስተዳደርን ፍቃድ ማግኘት ያሻል።
በዓለም አቀፍ ደረጃ ደግሞ የተባበሩት መነግሥታት ድርጅት የአውተር ስፔስ ጉዳዮች በእንግሊዝኛ ምህጻሩ UNOOSA የሚባለው ኃላፊ መሥሪያ ቤት ነው። በሕዋ ጉዳዮች ዙርያ ሕግ ያረቃል ይቆጣጠራል።

ይቀጥላል...

@UnityPark

7. ማንም ሳተላይት ወደ ሕዋ ማምጠቅ ይችላል?

አዎ! ዛሬ ማንኛውም ሰው ሳተላይትን ወደ ሕዋ ማምጠቅ የሚችለበት ደረጃ ተደርሷል። የ2ኛ ደረጃ ትምህርት ቤት ተማሪዎች ሳይቀሩ ሳተላይት ገንብተው በማምጠቅ ፕሮግራማቸውን ከሌሎች መንግሥታዊ ተቋማት ጋር ይጋራሉ።
ከመቼውም ጊዜ በላይ የንግድ ኩባንያዎች ሳተላይት የሚያመጥቁበት ጊዜ ላይ እንገኛለን። ኾኖም ከፍ ያለ በጀት የሚጠይቅ ጉዳይ ነው። ይህ የሳተላይት ኢንዱስትሪም በቢሊዮን ዶላር ይገመታል።

@UnityPark

ከቻይና ለሚደረገው የቴሌቪዚን ስርጭት የቴክኒክ ችግር ሳያጋጥም አልቀርም

(ይህ ምስል ለመወንጨፍ የተዘጋጀን ሳተላይት የሚያሳይ እና ዛሮውን ሚሽን ለመዘከር የዋለ እንጂ ለዛሬው ውንጨፋ የተዘጋጀችው የETRSS-01 ምስል እንዳልሆነ ልብ ይበሉ)

ሰበር ዜና

ሳተላዪቷ በተሳካ ሁኔታ ተወንጭፋለች

#ETRSS1 @UnityPark

በ30 ደቂቃ ውስጥ 700ኪሜ ተጉዛ ምህዋሯን አንደምትይዝ መረጃው ይጠቁማል

#ETRSS1 @UnityPark

ዛሬ ወደ ህዋ የተላከችው ETRSS1 የ3 ዓመት እድሜ ይኖራታል ተብሎዋል እንዲሁም ሳተላዪቷ ሙሉ በሙሉ በእኛ ኢንጂነሮች ቁጥጥር ስር የማዋል ረክክብ ከወራት ቡሃላ የሚከናወን ይሆናል።

#ETRSS1 @UnityPark