#admin專欄 #打仗嘅可能性 #香港可否獨善其身? @windseasonbro

投票結果顯示，約半數人(合共52%)都認為美中兩國寧願喺經濟(41%)同病毒(11%)兩個範疇打仗而唔會打實體仗。

呢個話題吸引咗528人投票，係近期新高，似乎大家都關注會否打仗。

我公司茶水間阿姐成日問我幾時會完疫情，起初疫情爆發嘅時候我同佢講起碼六至八個月，佢唔信；然後而家佢似乎接受咗呢個係事實，再問我係唔係即係六月就無事？我同佢講而家唔止六至八個月嘅事，應該係以年為單位，好彩嘅咪2020年內解決(已經係非常樂觀)；唔好彩嘅要過多兩年；更唔好彩嘅五年內才能解決；最壞打算係武漢肺炎會演變成唔可能解決嘅風土病，死幾千萬甚至億人。

我留意到一樣嘢，就係藍絲通常拒絕接受現實，而且重要諗：「唔好啩，我重要返工㗎，咁樣搞一搞我返唔到工，而且社會經濟會差。」但其實咁樣諗好撚戇鳩，你唔想發生嘅事唔代表無可能發生，武肺如是，打仗亦如是。

另一個例子，對藍絲嚟講，時代革命係一件唔想發生又覺得無可能發生嘅事。誠如雨傘革命之前，藍絲廢老會話64晚會，71遊行嘅人唯恐天下不亂，搞搞震，但另一方面冷嘲熱諷遊行班人收美國錢做下Show啫，長毛掟蕉做下Show啫，點知道有雨革發生，佢哋當時都係不敢相信，然後繼續以「無可能」否定所有可能性(另一方面以「美國佬搞鳩中国」來結語所有結果)，到2019反送中時代革命及對待武漢肺炎嘅態度亦然，藍絲係落後於時代。

就會唔會打仗呢個問題，我問咗十個藍絲廢老，竟然有六個都覺得會打仗！係首次連藍絲對未來唔夠膽樂觀。

先唔好講燈唔燈先，而家有以下幾點係會Trigger到戰爭：

1. 石油危機
2. 蝗蟲引發嘅糧食危機
3. 武漢肺炎帶來嘅仇恨

經濟下滑下，戰爭成本反而下降，作為戰機燃料嘅石油價格下跌；相反，戰爭對美中以致全球，帶來嘅「好處」愈來愈多，例如：

1. 解決糧食危機
2. 轉移視線(經濟下滑，抗疫不力)
3. 化解國內矛盾
4. 打勝仗會更有話語權

而而家都有好多連登手足引述光明頂講過，如果一打仗，就好似日治時代，盟軍會對香港投下導彈一樣－－－香港係難以獨善其身，而而家我哋係中治香港，各位請作最壞打算。

Btw，如果係中国，上策唔打仗；次策打南海；更次策係打台灣；至於打香港，更加唔會，因為如果打得香港就放棄台灣，如果放棄得台灣咁不如直接打台灣？

如果係美國，上策唔打仗，叫亞洲其他國家打中國；次策係要求中国賠償各國受武漢肺炎疫情影響而引發戰爭；更次策係主動攻打例如上海等大城市，但誠如我文章開頭所講，各位唔好好似班藍絲咁樣剩係以「想唔想發生」嚟衡量「可能性」，兩者係乜關係都無。

而恐怕，今次會打埋香港嘅Likelihood 愈來愈高。

而且，疫情嚴峻下，好多以前浮面嘅戰線前哨而家都消失咗，但唔代表客觀事實無出現過：

1. 各國僑民撤離。(進行中，有d鬼佬係因為疫情暫時回國/有d係因為公司安排不再租香港寫字樓及山頂豪宅，大量中產以上有錢人開始要求減租)。

2. 各國資金撤離(香港暫時唔明顯，中国嘅外資包括日資開始走)。

3. 關於戰艦嘅新聞愈來愈多。

4. 仇恨種子愈來愈深，開始有陣形(泰台港奶茶聯盟甚至吸引馬來西亞某d人關注)，中国以外嘅各國開始搵緊共同性(Similarity)。

5. WHO等親中組織開始被清算。

6. 美中外世界各國開始仇恨中国，開始要同中国計數。

7. 中国其他牌唔多，佢自己都想打仗。

所以，打仗係唔出奇，各位請密切關注事態發展。

今日中西區停水20個鐘，大家有無就如我呢兩年 #admin專欄 所講，準備好儲存物資？

各位要諗下，如果下次係停幾日，封區又或者真係打仗，你係唔係有足夠糧食，食水同急救用品維生？

#Admin專欄 #Instagram會係中国同政府滲透意識形態嘅工具 @Windseasonbro

TLDR: 重新玩IG但要小心陷入對家嘅意識形態，唔好見有「本土」「生態」「飲飲食食」Page就Follow。

如果有一直追看呢個Channel，各位必定知道我一直唔中意Mark Zuckerberg創辦嘅Meta旗下嘅公司，包括Facebook，包括香港人玩開嘅IG，當然包括我一早喺2014年以Telegram取代同朋友之間溝通嘅IM工具，Whatsapp。

點解？唔係FB IG本身差（IG未被收購時候我都幾中意用，當年第一批棄FB轉IG）。

點知唔夠兩年IG被FB收購，之後愈來愈多嘅私隱侵犯同愈來愈似抖音，加上2019年起大家關注社交Apps嘅私隱問題，加上Mark Zuckerberg愈來愈親中（佢老婆都係「華人」）...

更加憎Whatsapp抄Line抄TG但用戶體驗其實係極差，可能有人中意Less is more，我都尊重，但如果係Less is more就咪撚重覆又重覆抄TG然後一窩蜂以為新嘢啦（Sticker，Voice message，Gif等等等等）。

當年因為2019，突然間TG多咗幾多人入嚟睇Channel（我自己係2014雨革前因為高登介紹而玩tg，當年未有Channel functions單論apps流暢度已大勝Wtsapp，後來加入Channel同其他系統更好玩）。

Anyways，我今日呢篇文章唔係要講TG點好，Wtsapp點差，而係要大家知道中港政府已經將IG當成文化同意識形態入侵嘅工具。

此話何解？我繼續用IG嘅原因係當年大家轉MeWe真係失敗咗，而同時黃店Page仍然靠IG宣傳，有時要支持黃店，IG的確係幾好嘅宣傳同互動工具。

但 亦 都 係 對 家 嘅 工 具！

近一年我不知見過幾多IG PAGE 「本土面大灣區底」，介紹香港好去處多以廟會歷史為主，例如介紹黃大仙祠，然後喺中国某D文青Cafe影相又或者講埋其2大灣區歷史，試圖將兩邊撈亂嚟講（其實黃大仙祠都值得香港人留意同尊重，但佢哋係意識形態入侵緊）。

要小心嘅字眼係「本土」「小店」，「本土」要睇乜本土，佢哋「將英國殖民地為入侵者，中国人都叫本土」、而一般人理解小店同黃店有某種Correlation但佢哋會將藍店都叫「小店」。

呢種愈來愈模糊化真香港人同腥簡偽香港人價值嘅IG page比比皆是，而且我想講佢哋手法已經愈來愈高明，如果唔係留意到有d「小編」以普通話拼音打錯字、同埋某種奇怪嘅切入點（其實「當代藝術」都係比佢哋入侵嘅位置，佢哋會有d page介紹香港d藝術，但以中国歷史觀為主）。

所以希望各位（尤其絲打），用IG時拒絕被洗腦。

後記：唔係叫大家所有「 #本土 」都當藍店，我相信九成嘅IG PAGE TAG WITH「本土」都係自己人，只係大家應該要更防範心。

以下係兩個極明顯例子，大家可參考：

https://instagram.com/youth.hkacdc
https://instagram.com/kwunmedia

更暗藏嘅係飲飲食食嘅Page，要記住：

小 店 唔 等 於 黃 店！

#Admin專欄 #戰爭無可避免各位應有所準備 @Windseasonbro

TLDR：以下內容皆為風巴不專業鳩噏，如果想睇專業嘅內容，請Follow @HKMilitary

如果大家一直有Follow本Channel，都會知道我由2019年開始，都喺唔同嘅 #Admin專欄 或平時嘅Post都有講過要大家為戰爭準備，例如儲糧。

而近一年烏俄爆發戰爭，有好多Channel友都有同我傾過戰爭嘅話題，最近亦有一個Channel友PM我問我幾時會爆發戰爭，對於呢個話題，我一直無寫太多深入嘅文章，因為我自問自己對軍事嘅知識都只係九牛一毛，例如唔同國家嘅軍事有咩優勢，坦白講我唔係追得好貼。

關於軍事上嘅知識，風巴建議大家去香港軍事臺 @HKMilitary 觀看最update同比較專業嘅意見，但如果想睇下 #風巴鳩噏 ，可以繼續睇落去(建議大家搵多D 唔同Sources例如英文報章、香港軍事臺、Twitter等等)

嗱，戴穩咗頭盔，就等我呢個唔專業嘅鳩噏佬講兩句啦，以下我會以唔同嘅問題引導大家思考：

1⃣ 俄羅斯核威脅可能引致美軍選擇精準刺殺普京結束戰事
自烏俄之戰俄羅斯失利後，俄羅斯有意無意成日講如果呢個世界無俄羅斯，就無意義喇，俄羅斯會鳩射核彈云云，而喺2023年2月21號，俄羅斯總統普京單方面宣佈暫停同美國新削減戰略武器條約，並且要求俄軍就恢復核試爆做好準備，風巴鳩估，美國唔可能再容忍核威脅，有可能以AGM-114 R9X嘅精準導彈將普京斬首 ，事實上，窮兵黷武嘅普京早已不得俄羅斯人心，而殺咗佢係結束俄烏戰爭唯一出路（有人話美國不知幾想繼續打，賣武器賺錢，我同意，但前提係俄羅斯唔玩核武，但今日普京如此，美國唔引刀成一快，要冒太大風險。

2⃣ 如果中国打臺灣，日韓會唔會幫臺灣手？
臺灣同日韓係唇齒相依，而美國都唔想失去第一島鏈，連日韓呢兩個世仇都被美國勸掂聯手對付中国，萬一臺灣出事，兩國唔會坐視不理。

3️⃣ 戰爭會喺邊度發生？
無疑，俄羅斯同烏克蘭打得水深火熱，而同時印度同中国邊境已經打緊冷兵器戰爭，伊朗同土耳其、以色列果度都好緊張，如果講未來嘅戰場喺邊度，臺海會係一個可能性，而如果臺海一打，涉及九段線爭議嘅亞洲眾國都可能係戰場。

4⃣ 中国未必主動打臺灣
要視乎臺灣捱到中国幾耐嘅攻勢，如果中国以幾小時內嘅閃電戰取得成功，拎咗臺灣，美國同亞洲各國要面臨人性考驗———解放軍會喺臺灣本島上扮成臺灣人，埋伏各大鄉鎮市內，美軍轟炸佢嘅時候，中国會向臺灣民眾大肆宣傳美國屠殺臺灣同中国人；但如美軍對中国解放軍視而不見，中国好大機會借攻佔臺灣長期進駐解放軍，其爪牙直逼第一島鏈。

如果成事，美國不得不出手打中国。

然而，我並唔認為中国會主動打臺灣，原因係：
中国睇到契哥俄羅斯連烏克蘭都對付唔到，其實佢無可能有信心自己可以對付有日韓甚至美國撐腰嘅臺灣。

但習近平想做民族偉人係不爭事實，所以我認為佢會將目光放喺俄羅斯、印度身上。俄羅斯已成世界公敵，今次俄羅斯同烏克蘭一戰，對中国嚟講係千載難逢嘅機會『解放海參崴』。

如果襯俄羅斯同烏克蘭甚至同俄羅斯自己請嘅僱傭兵都打到元氣大傷時，借機會收復返海參崴，對習近平嘅歷史名望不下於收復埋臺灣，而臺灣好似香港一樣，對中国嚟講係轉移民憤同建立民族認同感嘅假想敵，加上中国派去嘅臺奸太多，從文化入侵，大可確保幾十年內『拎返臺灣』，不急於一時。

事實上，近日中共下令海參崴在內嘅中俄邊境八個地名都加註中國舊稱，或者就係等緊俄羅斯焫着歐美而相爭時，襯亂拎返海參崴。

5⃣ 中国氣球事件有乜啟示？
中国氣球入侵美國國境一事，其實反映出佢除咗收集情報，更加係以升到60000呎高空嘅氣球，去測試美國第五代戰機高空攔截能力，又如果佢可盛載核彈，並駛到臺灣上空，喺60000呎高空free fall的話，到時就算將佢擊落，都會構成不可逆轉嘅傷害。

6⃣ 如果中国唔入侵臺灣，有無可能會打仗？
FBI同唔同國家都開始叫中国向武肺一事埋單，以中国性格一定死口唔認同唔還錢；又或者講到明唔畀用熱兵器嘅中印邊境有人用槍射殺敵國，會唔會就係因為呢D小事引起戰爭呢？

7⃣ 如果真係打仗，香港會點？
無水、無電、到時大家都需要關注衛生同儲糧；會有人搶劫同無地方安全。

同時中国一定會立緊急法並喺香港『實行全國性法律』；財產不得自由進出；新聞比而家更低透明度、更與事實相違背，普通人更易犯下国安法。

同時，應該會上唔到網，大家接收資訊嘅渠道變得更窄更少。

而軍管香港、入屋免搜查令更加係預料之內，而2022年政府發放緊急SMS、2020至2022動員『檢測站』、『方倉醫院』及最近政府以動員公務員『海嘯演習』等事可以預計，呢堆嘢根本就係為打仗而演習。

同時，其實中国人都憎香港，中国都想以深圳、上海等地取代香港。如果戰爭開打，佢有誘因炸埋香港，以今時今日香港媒體已死、距離真相愈來愈遠嘅社會嚟講，到時只會有大量報導指美國向香港轟炸，而轟炸嘅目標應該係港英建築物，方便之後『重建』時一併消滅『殖民地Symbol』。

8️⃣ 最佳避難地點？
香港無一度安全，比較安全係移民西方國家。

9⃣ 我可以準備d咩？
一個求生背囊、屋企儲水容器、急救包、罐頭，如果戰爭係講打一個月以上，呢堆嘢無乜用，如果係講緊一個星期左右，都叫頂到下。

如果有朝一日打仗，香港會係喺軸心國控制嘅地方，各位好自為之。

關於打仗，歡迎有識之士pm糾正同屌鳩風巴。

而如果你中意聽風巴 @Windseasonbro 鳩噏，請你Follow本Channel @Windseasonhk ，並叫多兩個朋友玩TG Follow風巴，感謝=)！