#Admin專欄 #人類對抗權力的鬥爭就是記憶與遺忘的鬥爭 @Windseasonbro

2023年7月11號，就係《生命中不能承受之輕》、《笑忘書》作者米蘭·昆德拉（Milan Kundera）之死。

如果單單講《笑忘書》作者，大概大家會諗起張敬軒或林若寧，又或者上一代會諗起王菲同林夕；而如果講米蘭·昆德拉（Milan Kundera），大概你都未必記得或聽過呢個名...

但如果同大家講呢句「人類對抗權力的鬥爭，就是記憶與遺忘的鬥爭。」我諗有好大部分嘅人都會有印象，2019年時代革命以短暫失敗落幕，當時有遠見嘅知識份子都有拋呢句，鼓勵大家要記住香港嘅一切。

轉眼之間，3、4年已過，莫講話呢位作家，或者係2019年香港嘅一點一滴，就連2020年至2023年香港甚至世界所有國家被某国武漢肺炎拖累嘅事都開始被淡忘，風巴某d港豬朋友都「返大陸食嘢」，就正正印證呢句「人類對抗權力的鬥爭，就是記憶與遺忘的鬥爭。」嘅重要性。

點解我哋只係記住呢一句，而比較少記得作者個名？因為我哋最需要記住係呢一句嘅精神。

點解當初612、616、721、831等事情發生之後第二日大眾媒體同抗爭者都將件事以數字形式去紀念？因為香港人都知道香港人善忘，乜嘢烈士自殺潮、爆眼少女、被姦少女、721廚師、陳彥霖、新屋嶺、被跳樓、被自殺浮屍、周梓樂等等等等大家都唔係咁容易記得，呢個就好似講起米蘭·昆德拉（Milan Kundera）大家都無感一樣。

而721、612、616、831、1001令我哋呢堆善忘嘅香港人，可以有一堆每年都記住嘅日子，喺光復之前，仍然守住記憶嘅鬥爭。

記唔記得烏克蘭Winter on fire期間，有一句好打動人心嘅口號：“Today was a small victory…. I realized that we couldn't leave it like that. Our friends that we've lost would not forgive us if we accepted those terms from Government.”？

轉眼間，十年八年已過，烏克蘭人真正團結不分化一致對俄羅斯，俄烏戰爭毫不處於下風，呢個係因為佢哋無忘記烏克蘭人嘅光榮，願榮光歸烏克蘭。

人類對抗權力嘅鬥爭，就係記憶與遺忘嘅鬥爭，我選擇一世都記住，你呢？

去深圳食酸菜魚？
喺腥港飲喜茶？
定係食元氣美心？
定係幫襯藍店？

不了。

因為人類對抗權力嘅鬥爭，就係記憶與遺忘嘅鬥爭，我選擇一世都記住。

因 為 我 係 香 港 人。

2022年俄烏戰爭之前，全世界都無人知道烏克蘭可以抵擋甚至反抗俄羅斯。

今年721，海外香港人喺全世界各地紀念721，作為香港人嘅你，請用所有方法同你認識嘅香港人私底下紀念。

因為人類對抗權力嘅鬥爭，就係記憶與遺忘嘅鬥爭，我選擇一世都記住，因為我係香港人，你呢？

希望大家繼續支持暴風雨巴呢個TG Channel同 #Admin專欄，而如果你中意聽風巴 @Windseasonbro 鳩噏，請你Follow本Channel 😉 @Windseasonhk ，並叫多兩個朋友玩TG Follow風巴，感謝=)