«Я хачу сказаць, што той факт, што мы ўвогуле ўдзельнічалі ў саміце НАТА – гэта ўжо вялікае дасягненне». Вялікая размова валанцёраў Офіса са Святланай Ціханоўскай і Франакам Вячоркам пра вынікі саміту НАТА і рэгіянальную бяспеку

✔️ Як прайшлі сайд-івэнты па Беларусі?
✔️ Што абмяркоўвалі падчас сустрэчаў з замежнымі палітыкамі?
✔️ А што рабіць, каб узмацніць бяспеку краіны насуперак расійскаму паглынанню?

Святлана і Франак правялі анлайн-сустрэчу з валанцёрамі Офіса, каб абмеркаваць гэтыя пытанні. У інтэрв’ю – адказы на іх.

🔗 Далучайцеся да валанцёрскай праграмы або падтрымлівайце яе праз BYSOL.

Канферэнцыя Новая Беларусь 2023: што плануецца?

6 жніўня ў Варшаве Офіс Святланы Ціханоўскай, Аб'яднаны Пераходны Кабінет і Каардынацыйная Рада правядуць Канферэнцыю Новая Беларусь 2023.

📍Навошта гэтая Канферэнцыя?

За мінулы год мы сутыкнуліся са шматлікімі выпрабаннямі, якія цесна звязаныя з будучыняй нашай краіны. Больш за паўтара года працягваецца вайна, якую падтрымлівае нелегітымны Лукашэнка. На тэрыторыі нашай краіны будуюць расійскія ваенныя базы, размяшчаюць чужую ядзерную зброю і наймітаў ПВК Вагнер. З кожным месяцам Беларусь усё больш паглынаецца імперскай Расіяй і страчвае сваю незалежнасць. Глыбокі палітычны крызіс і прававы дэфолт – гэта тое, да чаго давяла Беларусь палітыка рэжыму.

Гэта вельмі шмат праблемаў для адной краіны, але ніхто акрамя нас з імі не разбярэцца. Таму мы запрашаем прадстаўнікоў грамадзянскіх ініцыятываў і палітычных структураў, актывістаў, прадпрымальнікаў і экспертаў сабрацца разам, каб адрэфлексаваць мінулыя тры гады, адзначыць нашыя поспехі і няўдачы. Але галоўнае – абмеркаваць, што нам рабіць з усімі выклікамі, якія стаяць перад намі.

Нагадваем, каб прыняць удзел, да 23 ліпеня зарэгіструйцеся праз адкрытую анлайн-форму. Падрабязней пра праграму Канферэнцыі – на сайце. Калі ў вас ёсць пытанні – пішыце @ConfNewBelarus2023.

ВНИМАНИЕ, УГРОЗА БЕЗОПАСНОСТИ!

Телеканал DELFI.lt опубликовал документальный фильм, в котором используются архивные и, по словам авторов, ранее не публиковавшиеся видео (на 16.35 24.07 фильм уже не доступен на ютьюбе).

В фильме кадры с лицами протестующих не заблюрены, а это значит что все, кто попал в объектив (особенно те, кто ранее не попадал в фокус силовиков), могут быть привлечены к уголовной ответственности.

В случае если вы ощущаете себе в опасности в связи с инцидентом, обращайтесь на аккаунт горячей линии BYSOL для экстренной эвакуации https://t.me/help_bysol

Давайце разам зладзім Дзень салідарнасці з нашай краінай 9 жніўня!

У гэты дзень мы разам выбралі, што хочам жыць у вольнай краіне, дзе шануюць адно аднаго, дзе галоўны скарб – гэта людзі і кожны мае права выказацца. Гэты дзень аб’яднаў сотні тысячаў беларусаў і мы дагэтуль адданыя гэтаму выбару.

Разам мы можам шмат – дык давайце зробім так, каб наш голас стаў яшчэ гучнейшым па ўсім свеце.

📍Беларусы замежжа – арганізоўвайце акцыі ў сваіх гарадах. Дасылайце інфармацыю пра гэта на нашую мапу – так да вас можа далучыцца больш людзей. Вывешвайце сцягі, ахвяруйце грошы ці напішыце лісты палітвязням.

📍Беларусы ў краіне – напішыце ідэю для плаката, з якім беларусы замежжа выйдуць на акцыі салідарнасці. Падтрымлівайце ўсё беларускае – слухайце музыку ці падкасты, глядзіце фільмы ці ютуб-ролікі, чытайце кнігі ці навіны.

Больш інфармацыі пра тое, што рабіць у Дзень салідарнасці – шукайце на сайце: https://standwithbelarus.org/

29 ліпеня – марафон салідарнасці з беларускімі палітзняволенымі «Нам не ўсё адно!»

Святлана Ціханоўская: «Кожны дзень рэжым бярэ ў палон ні ў чым не вінаватых людзей. Людзей, якія хочуць лепшага для сябе, сваіх дзяцей і сваёй краіны. Рэжым трымае палітзняволеных у жудасных умовах і пазбаўляе сувязі са знешнім светам. Акрамя нас ім не дапаможа ніхто. Мы павінны быць голасам нашых палітзняволеных па ўсім свеце і быць плячом для іх сем'яў». 

29 ліпеня пройдзе анлайн-марафон салідарнасці з беларускімі палітзняволенымі «Нам не ўсё адно!», які ініцыявала прадстаўніца Аб’яднанага Пераходнага Кабінета Воля Гарбунова. Галоўная мэта марафона – сабраць грошы для палітычных зняволеных і іх сем'яў. 

Эфір пачнецца а 10:00 па мінскім часе на YouTube-канале Святланы Ціханоўскай. Калі для вас гэта бяспечна, распавядайце пра яго сваім блізкім і калегам, напішыце пра яго ў сацсетках. І абавязкова далучайцеся і дапамагайце нашым героям!

Святлана Ціханоўская запрашае беларусаў і беларусак на асабістыя размовы ў гэтую пятніцу

Вы можаце зарэгістравацца на асабістую размову са Святланай Ціханоўскай па гэтай спасылцы: https://us06web.zoom.us/meeting/register/tZUtcuqqpj4qE9DOqvSKb9nt9UR7HqHA0btA

Размова пройдзе ў пятніцу, 28 ліпеня, з 13:00 да 15:00 па Мінску. Пасля рэгістрацыі вы атрымаеце персанальны час для званка, на якім вы зможаце падзяліцца сваімі ідэямі ці задаць пытанні. Напрыклад, вы зможаце спытаць, што плануецца на Канферэнцыі Новая Беларусь 2023 і як далучыцца да Дня салідарнасці з Беларуссю.

У першую чаргу прымаюцца людзі, якія раней не ўдзельнічалі ў размовах. Калі вы не паспееце зарэгістравацца на гэтым тыдні, зможаце зрабіць гэта на наступным. Падкрэслім, што гэтыя размовы бяспечныя як для беларусаў замежжа, гэтак і для беларусаў у краіне.

Прачытаць пра тое, што такое асабістыя размовы і як яны праходзяць можна тут.

Кіраўніца і прадстаўнікі Аб'яднанага Пераходнага Кабінета Беларусі запрашаюць усіх далучыцца да анлайн-марафона салідарнасці з палітзняволенымі

Прадстаўніца па сацыяльнай палітыцы Аб'яднанага Пераходнага Кабінета Вольга Гарбунова:

«Мы павінны дапамагчы ўсім палітвязынкам і палітвязням: вядомым і невядомым, тым, каго ведае ўвесь свет і за каго перажываюць толькі іх блізкія.

29 ліпеня прадстаўніцтва па сацыяльнай палітыцы Кабінета ў супрацоўніцтве з незалежнымі медыя, фондамі і праваабарончымі ініцыятывамі правядзе анлайн-марафон, які будзе транслявацца на шматлікіх незалежных Youtube-каналах.

У ім будзе месца для ўдзелу ўсім — блогерам, палітыкам, музыкам, актывістам, кожнай беларусцы і кожнаму беларусу, якія хочуць падтрымаць палітвязняў.

29 ліпеня — удзельнічайце, глядзіце, рабіце данаты, дапамагайце зрабіць данаты тым, для каго гэта небяспечна, дзяліцеся гэтым і іншымі допісамі ў сацсетках з хэштэгамі кампаніі.

Нам не ўсё роўна. І няхай яны пра гэта даведаюцца!»

#НамНеЎсёАдно #НамНеВсёРавно #FreePoliticalPrisoners #FreePoliticalPrisonersInBelarus #СвободуПолитзаключенным #СвабодуПалiтзняволеным

@CabinetBelarus

Давайце разам знойдзем спосаб пачуць адно аднаго

Святлана Ціханоўская: «Разам з Аб'яднаным Пераходным Кабінетам і Каардынацыйнай Радай мы правядзем Канферэнцыю Новай Беларусі. Мы адкрыта абмяркуем: чаго мы ўсе дамагліся за гэты час, якія былі дасягненні і няўдачы, якія нашыя далейшыя планы, якое бачанне будучыні нашай краіны. Мы павінны адказаць на гэтыя пытанні не толькі людзям, але і самім сабе. І зразумець, як мы можам наблізіцца да дасягнення таго, што пачынае здавацца немагчымым.

6 жніўня ў Варшаве пройдзе Канферэнцыя Новая Беларусь. Каб Канферэнцыя была даступная для ўсіх, мы зробім анлайн-трансляцыю, дзе вы зможаце задаваць пытанні ўдзельнікам. Таксама мы ўжо зрабілі анлайн-форму, дзе кожны з вас можа падзяліцца сваім меркаваннем пра працу дэмакратычных сілаў. Напісаць, з якімі ідэямі і планамі згодны, а якія трэба пакрытыкаваць».

https://youtu.be/VFe_KwsobhE

Гісторыя паказала, што мы – беларусы – умеем бараніць сваё

Святлана Ціханоўская: «33 гады таму была прынятая Дэкларацыя аб дзяржаўным суверэнітэце Беларусі.

Шлях беларусаў да аднаўлення сваёй дзяржавы быў значна больш цяжкім, чым у многіх іншых народаў. Два стагоддзі мы знаходзіліся пад прэсам расійскай імперыі, і нават марыць пра незалежнасць было забаронена. Тыя, хто спрабавалі ператварыць мару ў дзеянне, былі пакараныя смерцю разам з Кастусём Каліноўскім, загінулі падчас Слуцкага паўстання ў абарону незалежнасці БНР, палеглі ў Курапатах ці былі закатаваныя ў ГУЛАГу.

І ўсё ж мару беларусаў пра сваю дзяржаву знішчыць не ўдалося. Дэкларацыя аб суверэнітэце была прынятая ў часы, калі беларуская нацыя вызвалялася з-пад панавання ўлады, якую Васіль Быкаў называў «нялюдскай», калі беларусы жылі надзеямі і верылі, што наперадзе – толькі светлае.

Але рэалізаваць сваё імкненне аб незалежнасці аказалася няпроста: сёння рэжым Лукашэнкі кавалак за кавалкам здае суверэнітэт нашай краіны. Ён купляе права на сваё існаванне коштам дабрабыту і здароўя людзей – робіць Беларусь ядзернай мішэнню і прытулкам для галаварэзаў. Мы ўсе даўно пераканаліся, што сапраўдная незалежнасць магчымая толькі тады, калі рэжым будзе адхілены ад улады.

Я не аналітык і не эксперт, я не раблю прагнозаў. Але гісторыя паказала, што мы – беларусы – умеем бараніць сваё. І я веру, што беларусы атрымаюць сваю незалежнасць і сваю краіну, якую заслугоўваюць. І як бы зараз ні здавалася складана, пазней мы будзем узгадваць гэтыя моманты як гісторыю. Гісторыю барацьбы за волю і незалежнасць. І гэтыя складаныя дні стануць яе старонкамі.

Жыве Беларусь!»

Эфект ад нашай дзейнасці нашмат большы, калі мы нешта робім разам

29 ліпеня на шматлікіх YouTube-каналах, а таксама на канале Святланы Ціханоўскай, пройдзе анлайн-марафон салідарнасці з беларускімі палітзняволенымі «Нам не ўсё адно!».

Святлана Ціханоўская: «Гэты марафон выдатны прыклад таго, што калі прыходзіць час рабіць добрую справу, то мы ўсе аб’ядноўваемся і можам рабіць яе разам.

Давайце падчас марафону пакажам, што вызваленне людзей з турмаў – патрэбнае ўсяму нашаму народу. Гэта будзе мэсаджам не толькі беларусам, а ўсяму свету – мы працягваем барацьбу, мы працягваем дапамагаць адно адному.

Я асабіста зраблю ўсё магчымае, каб пра вынікі марафону даведаўся ўвесь свет. Эфект ад нашай дзейнасці нашмат большы, калі мы нешта робім разам. Таму я прашу кожнага, хто мае такую магчымасць, падтрымайце гэтую ініцыятыву».

Далучыцца да марафону і падтрымаць палітзняволеных і іх сем'і можна на сайце https://salidarnasc.com/.

Далучайцеся да марафона салідарнасці з беларускімі палітзняволенымі «Нам не ўсё адно!»

Прама зараз на шматлікіх YouTube-каналах, а таксама на канале Святланы Ціханоўскай, пачаўся анлайн-марафон салідарнасці з беларускімі палітзняволенымі «Нам не ўсё адно!». Мэта марафона – сабраць грошы для палітычных зняволеных і іх сем'яў. 

У мэтах бяспекі просім гледачоў з Беларусі не рэпосціць, не лайкаць і не каментаваць эфір з персанальных акаўнтаў, а таксама пераводзіць ахвяраванні толькі праз рахункі сяброў і блізкіх, што жывуць за мяжой.

Калі для вас гэта бяспечна, распавядайце пра марафон сваім блізкім і калегам, напішыце пра яго ў сацсетках. І абавязкова далучайцеся і дапамагайце нашым героям!

Падтрымаць палітзняволеных і іх сем'і можна на сайце https://salidarnasc.com/.

Нам не ўсё адно 🤍❤️🤍

За сённяшні марафон мы разам сабралі больш за 350 тысяч еўра, каб дапамагчы нашым героям.

Яшчэ заўтра да 23:59 у кожнага і кожнай будзе магчымасць далучыцца да марафону і падтрымаць палітзняволеных і іх сем’і. Гэта можна зрабіць на сайце https://salidarnasc.com/.

Разам мы ўжо сабралі больш за 500 000 еўра!

Сіла нашай з вамі салідарнасці сапраўды ўражвае. Вялікі дзякуй кожнаму і кожнай, хто далучыўся да марафона і ахвяраваў грошы на падтрымку палітзняволеных і іх сем'яў. Нашая асноўная мэта – сабраць як мага больш для падтрымкі тых, каму гэта жыццёва неабходна. Таму хто яшчэ не паспеў паўдзельнічаць – абавязкова далучайцеся. Нам не ўсё адно – і няхай яны пра гэта даведаюцца.

Беларусы ўнутры краіны, калі ласка, рабіце данаты праз карткі і рахункі блізкіх, якія жывуць за мяжой.

Збор сродкаў працягваецца да 23:59 па беларускім часе. Падтрымаць збор і дапамагчы нашым героям можна на сайце https://salidarnasc.com/.

Беларусы, я намі ганаруся!

Святлана Ціханоўская: «Да апошняй хвіліны я сачыла за тым, як пройдзе наш марафон. Мы разам сабралі 574 306 еўра для дапамогі палітзняволеным і іх сем’ям.

Цягам тыдня ўсе сабраныя грошы Назіральная рада на чале з прадстаўніцай Аб’яднанага Пераходнага Кабінета Воляй Гарбуновай размяркуе паміж 13 ініцыятывамі і фондамі. У арганізацыяў будзе 2 месяцы на тое, каб накіраваць дапамогу палітзняволеным і іх блізкім. А ўжо ў лістападзе мы ўбачым публічную справаздачу.

Я дзякую кожнаму, хто ахвяраваў грошы. Дзякую актывістам, палітыкам, праваабаронцам і артыстам, якія прынялі ўдзел у марафоне. Вялікі дзякуй усім журналістам і незалежным беларускім медыя, якія аб’ядналіся вакол адной мэты. І, вядома, давайце разам падзякуем Волі Гарбуновай і яе камандзе за арганізацыю такой ініцыятывы – гэта так важна для ўсіх нас.

Гэты марафон зноў даў веру ў тое, што мы, беларусы, здольныя аб’яднацца. Мы здольныя дапамагаць адно аднаму, дзе б мы ні знаходзіліся. Разам мы зноў паказалі ўсяму свету, што нам не ўсё адно на лёсы тых, хто зараз знаходзіцца ў закладніках рэжыму.

Дарагія, памятайце галоўнае – для дапамогі адно аднаму не патрэбная нейкая нагода ці асаблівая дата. Салідарнасць і ўзаемны клопат заўсёды былі і будуць нашай сілай. А іх вынік – так радуе і зараджае натхненнем усіх нас. Я заўсёды кажу, што веру ў беларусаў. І вы, мае дарагія, таксама не забывайцеся верыць адно ў аднаго.

Дабранач!»

Фота @motolkohelp

Ацаніце працу Аб’яднанага Пераходнага Кабінета і задайце вашае пытанне яго прадстаўнікам

2-3 жніўня Каардынацыйная Рада правядзе слуханні для ўзгаднення кандыдатураў прадстаўнікоў Аб’яднанага Пераходнага Кабінета, якія ініцыявала Святлана Ціханоўская. Падчас слуханняў кожны з прадстаўнікоў Кабінета будзе справаздачыцца і адказваць на пытанні. Пасля слуханняў Каардынацыйная Рада агучыць свае рэкамендацыі адносна працягу дзейнасці кожнага з прадстаўнікоў.

Амаль год таму быў створаны Аб’яднаны Пераходны Кабінет. За гэты час у вас напэўна ўзнікалі пытанні да працы прадстаўнікоў Кабінета і зараз найлепшы момант задаць іх. Каардынацыйная Рада зрабіла ананімную апытанку, дзе вы зможаце ацаніць працу Кабінета і спытаць яго прадстаўнікоў пра вынікі працы і пра тое, як іх дзейнасць дапамагае беларусам у краіне.

Таксама ў кожнага з вас будзе магчымасць сачыць за тым, як пройдуць слуханні – яны будуць транслявацца анлайн на канале Каардынацыйнай Рады.

Сустрэча з Палком Каліноўскага: візіт прадстаўнікоў Офіса і Кабінета ў Кіеў

Галоўны дарадца Святланы Ціханоўскай Франак Вячорка і яе намеснік у Аб’яднаным Пераходным Кабінеце Павел Латушка зараз знаходзяцца ў Кіеве.

Прама зараз скончылася чатырохгадзінная сустрэча з Палком Каліноўскага, на якую падключылася анлайн Святлана Ціханоўская.

Святлана Ціханоўская запрашае беларусаў і беларусак на асабістыя размовы ў гэтую пятніцу

Вы можаце зарэгістравацца на асабістую размову са Святланай Ціханоўскай і дарадцай па прававых пытаннях Крысцінай Рыхтэр па гэтай спасылцы: https://us06web.zoom.us/meeting/register/tZMpdu-vpjkjGd0rxrcf0EA4gJaHhjq5ZlL_

Размова пройдзе ў пятніцу, 4 жніўня, з 13:00 да 15:00 па Мінску. Пасля рэгістрацыі вы атрымаеце персанальны час для званка, на якім вы зможаце падзяліцца сваімі ідэямі ці задаць пытанні.

У першую чаргу прымаюцца людзі, якія раней не ўдзельнічалі ў размовах. Калі вы не паспееце зарэгістравацца на гэтым тыдні, зможаце зрабіць гэта на наступным. Падкрэслім, што гэтыя размовы бяспечныя як для беларусаў замежжа, гэтак і для беларусаў у краіне.

Прачытаць пра тое, што такое асабістыя размовы і як яны праходзяць можна тут.

Пачаліся слуханні прадстаўнікоў Кабінета ў Каардынацыйнай Радзе

Сёння і заўтра Каардынацыйная Рада правядзе слуханні справаздач прадстаўнікоў Аб’яднанага Пераходнага Кабінета.

Сёння заслухаюць выступы прадстаўніцы па нацыянальным адраджэнні Аліны Коўшык і прадстаўніка па абароне і нацыянальнай бяспецы Валерыя Сахашчыка. Таксама яны адкажуць на пытанні беларусаў, якія збіраліся праз адкрытую форму.

Далучайцеся!